|
لماذا تزوجت ؟
السلام عليكم
هاليومين أنا مبثر الوالدة بالأسئلة الطفولية و هذا أسلوبي قبل البدء في أي عمل ليش ؟؟ و كيف ؟؟ و بعدين ؟؟ من ضمن أسألتي للوالدة و كان جوابها :29::29::29: على وتر حساس سألتها ::: ليش تتزوج المرأة ؟؟ لاحظت الصدمة على وجهها و قالت : لو رجعت عجلة الزمن للوراء ما تزوجت أنا و أخوي قلبت ألوان وجيهنا للون الأحمر .... و يوم شافتنا منهبلين من الجواب استدركت .. الحمد لله رزقني بالذرية الصالحة ( نوعا ما ) و فكرت شوي و من ثم قالت ( الإجابة الدبلوماسية المعروفة ) : على حسب.... وحده تزوجت لأجل الأولاد و الثانية تبي الفكة من أهلها و الثالثة ... أختي الفاضلة ،، ما قد سألت نفسك :25::25: أنت لماذا تزوجت أو لماذا تريدين الزواج ؟؟ لا أحد يقول على حسب.... :29::29::29: رجاءً ... |
تزوجت خباله فيني والى يازين العزوبية
|
, اقتباس:
اقـولك معـااااااااااااااناتي!! .. بس مو مع الـزواج << لسـا بدري مع افكـار المتـزوجين .. انـا اعيش في بيئه كل الي حـولي متزوجين اختي خالاتي بنات خالاتي صديقاتي عمري .. <<< حط تحتها مليون طعش طعش خط .. عمــري ماشفت وحده منهم تمـدح بالـزواج ,.. او تـرغب فيه بشكل من الأشكال .. طبعا لااخفيـك انه لازم وضـروري تمـر على مسامعي هذي الكلمات { وش تبين بالزواج مالقينا منه غيـر الهم ...} { انبسطي واستااااااااااااانسي وفليها وخلي اخر همك العـرس } { لـورجع فينـا الزمن .. والله كان آخر قرار نتخذه هو الـزواجواصلا ماراح نفكـر فيه } :( { مافيه مافيه زي حيـاة البنت عند اهلها .. نوم وراحه ووناسه وسعة صدر وقلب خلي .. ماااااااااااااااافيه مسؤليه } { تحسبون الـزواج ونااااااسه وسعة صدر ..! وتحسبونه حب وعشق ورومانسيه ( هههههه ) << ضحكة استهزاء منطلقه من صاحبة العباره } والله احيـانا اتعب كثييييييييييييير من كلامهم ودي وحده بسسس ترفع معنـوياتي .. لهالي يسمونه عرس لين قلت خلاااااااااااص ابي اجرب الي جـربتوه .. بحـلوه وبمـره وبالي كاتبه لي ربـــي .. <=== عندهــا أمل :17: ومـااااااااازال الأمل يعيش بقلبي .. ويرسملي احلام ورديـه ... وفوشيـه .. وكل الألوان من هالـزواج والله يستر منه :29: آآخر هالسوالف الي تعقد ..! كان لي صديقه ايـام الجامعه الله يذكرها بالخيـر والله العظيم مانشهرت بشي كثر مانشهرت انها تبغى تتـزوج لدرجة ان الدكتـورات صاروا يتكلمون معاها وودهم يساعدونها بس عشان تتزوج مع العلم انها جميييييييييييييييييييييييييييييييييييييله جدا بس كان شرط ابوها انها ماتتزوج الا شخص من قبيلتها ومن نفس الفخذ .. بعد ! كانت تقـول اذا تزوجت راح احط صورة زوجي بتعليقه واعلقها على صدري .. راح اوقف على طاولات الكافتيريا واصااااارخ للبنات واقولهم يااااااابناااااااااااااااااااااااات اناااااااااااااااتزووووووووووووووووووجت .. تخيييييييييل شدة تعلقها بالزواج !!!!!! تخيلت ؟! الحمد لله .........{ اتـزوجت صـديقتي ~ :14: وعزمتها لبيتنا بعد زواجها بشهرين يمكن المهم انها لسـا عروسه .. واول ماااااااااادخلت وش قالت لي ؟! :( قالت لي والله العظيم ياااااااااا.... ماحسدتك على شي الا انـك الى يومك هذا ماتزوجتي !!!!!!!!!! تخيل انـواع الأحباااااااااااااااااااااااط والصدمه ..! بس ماعليـه دانتيـل مصـره بإذن الله انها تتـزوج .. وان شـاءالله ربي يوفقني بالزوج الحنون الطيب الدين الغني التقي وربي مايخيب رجاي ويصير حظي احسن من حظهم ياااااارب ~ قـولـوا آمين :d .. امـا السبب الي خلانـي افكر بالـزواج !! والله ثم والله .. لو ائمن على نفسي من الفتنـه ... اولا .. والـوحده ثـانيا ... كان مافكرت وشلت همـه .. بس بهالزمن ... القـابض على دينـه كالقـابض على الجمــــــــــــــــــــر .. وغيـر كذا .. بعد الله عزوجـل .. ومن غير شر على اهلي.. بس ماحد بيدوم لي ... صح يمكن ربي ياخذ امانته قبل اهلي ..بس على الأقل لو مت الاقي احد يدعيلي ويتصدق عني من ابنـائي انـا اعشق الأطفال .. واتمنى اكـون مـاما .. واتمنى يكون عندي زوج صالح يعيني واعينه .. على امـور دينا ودنيـانا .. الله يـرززقني ويرزق كل بنات وشباب المسلميـن × ! ~ ويغنينا بحلالـه عن حرامه وبفضله عمن سـواه .. اللهم آميــــــــــــــــن آآآآآسفه على الأطاله ..~ { دانتيـــل ~ . |
لاكمل نصف ديني والا ما كنت تزوجت قط
تنشوف باقي الاعضاء |
على الرغم ... من ان ابوي ( اجودي ) بس ساعات يغث امي ... واقولها ليش تزوجتيه .. تقول ( دام الله رزقني بفلان وفلان ....هذا ربح (ن ) من خساره ) >> طبعا الاولاد بس ولا احنا البنات طايحين من الحسبه اما انا ليش تزوجت ... تزوجت وعمري 22 لاني كنت اخاف ما اتزوج ... ما ادري من وين جاني الشعور وليش ؟ وبيني وبينك كنت احس ان مجرد عدم زواجي ورفضي ( شيء شاغل بالي ) بالرغم من اني كنت انخطب .. يعني لما كنت ارفض ... يضيق صدري .. اخاف تجيني حوبته.. وكنت اتمنى ما انخطب الا لما اتخرج من الجامعه .. وفعلا اولا ما تخرجت .. وانخطبت .. قررت انا ان تكون مكافأتي وهديه نجاحي قبول هذه الخطبه وتم الزواج .. وبس . |
والله انا ما كنت اريد الزواج
بس للاسف اختي اقنعتني وقالت تريدين تصيرين مثل عمتي فلانه صارت عاله على بيت اخوها ومحد يحترمها واحنا عدنا الزواج عادة والله مافرحت لابيوم زواجي ولايوم الملكه كل روتين وتقاليد واهلي يقولون كل المعارف خطبوكي واصدقاء اخواني لاتتكبرين قلت اخذ ابن عمي هذا اولى من الغريب بس كنت مخطئة والله لو تنعاد الايام ما اتزوج اسفة نكدت عليكم |
تزوجت عشان اركب قدام وبس...وسلامتكم
|
تزوجت لاني بلغت ال26 سنة و لم اتزوج .. و هذا العمر يعتبر متأخر نوعاً ما بالنسبة لعائلتي فاغلب الشباب يتزوجون بين 22 و 26 و البنات بين 17 و 21 ,,
هذا بالنسبة للتوقيت .. اما بالنسبة لهدفي الرئيسي من الزواج فهو نفسه الهدف الفطري لدى اي رجل او امرأة و هو البحث عن النصف الآخر لملأ الفراغ العاطفي و تكوين اسرة و وجود من يهتم فيك و تهتم فيه و انجاب الابناء و الاستمتاع العاطفي و الجسدي بالحلال ...الخ |
اقتباس:
اما بالنسبة لسؤال مخي فااصل وياكثر اسئلتة :25: شكللك نااوي تتزوج بس تبغى تسووي درااسة ترى مايحتاااج اقدم وبقلب شجاع وان شاء الله خيرررر عمري ماسألت نفسي هذا السؤال ولكن بجااوب تزوجت صرااحة لأنة اهلي اقنعوني انة زووجي الافضل اخلاقاا ودينااا واناا وقتهاا ماكنت افكر في الزوااج شهر كاامل وانا ابكي :29: لأنة ما ابغى اتزووج !!!!!! من كثرر ما اسمع من نكد الرجاال على زوجااتهم يعني صارت عندي فكررة سيئة عن الزواااج وبصرااحة كذاااا لحاجة في نفسي لسى ماقضيتهااا:24: ولكن ان شااء الله قريب اقضيهااا :22: يعني هو حلم لي وكنت اتمنى احققة قبل الزوااج والاولااد ولكن ولله الحمد الزوااج غيرني بشخصي بأخلااقي بطوولة باالي للافضل اول كنت مزااجية نوعاا ما وما اتقبل اي احد بسرعة وخجوولة جدااا ولله الحمد زوجي طيب مع انة مراااات يخرربها:( ولكن اجمااالا لو ما تزووجتة كنت ندمت صرااحة الله يوفقك ياارب ويرزقك بنت الحلااال وبنفتقدك يصير مافية احد يسأل :d دمت بحفظ الله |
اقتباس:
ميته ضحك والله انا عن نفسي استلمت القياده ولم اكتفي بالجلوس امام فقط |
اقتباس:
اني انخطبت لان الله اراد ان انخطب سبحان الله |
أنا تزوجت عشان كنت محتاجة إنسان يحس فيني
و عشان أصير ملكة أتحكم في كل شيئ و عشان زوجي هذا مستحييييييييييييييييييل ألقى مثله و بس.. لكن الصدق ما كنت أبي أتزوج بدري |
وافقت ع الزواج عشان كنت ابي اتمشى
ابي استانس ابي احد قريب مني يفهمني ابي وابي وابي وغطس الرجال ولاحس ولاخبر |
والله جبتولى إحباط
ولا واحدة قالت كلمة واحدة تدل على الرضا خليتونى أحس أن كل البنات يكرهونا وما يرغبونا |
انا الصراحة جلست ادور اجابة للسؤال مالقيت:25:
بس تزوجت لانهم قالو زواج قلت زواج ماعندي مشكلة :22: ولانو صراحة كان بيطلع يكمل دراسته برا وانا اتحمست اكثر شي عشان كذا والحمد لله مبسوطة والحمدلله اني تزوجت:22: |
نقل للمكان المناسب .. المتزوجين |
تزوجت عشان افتك من ظلم امي واهلي لي وليتني افتكيت
الحمدلله على كل حال الله يسخرهم لي |
تزوجت لاني احب زوجي وتحديت اهلي والمحيطين بي حتى قبلوا اتزوجه
|
الصراحة ...
من و انا صغيرة كنت مرسال الغرام بين محارمي و زوجاتهم ايام ملكتهم :) ايام الرسايل الورقية :).. و غالبا كنت انام و اشوفهم سهرانين يقراو الرسايل و لازم كنت اطلع معاهم محرم :) اذا راحو مكان و اراقبهم و اوصل الكلام :) وغالبا ما كانو يشترو سكوتي بايسكريم ... فاحبيت هذه الدور و قلت ياااربي متى اكون مكانهم ... عشان كدا تزوجت عشان اذوق احساس الرومانسية احساس انه يكون في حد دايم معي .. يفرح لفرحي و يحزن معي.. يشاركني اسراري.. حد اذا تعبت و ضقت .. مالقيت غيره اشتكي له .. حد يهمه سعادتي و يهمني رضاه و سعادته .. حد يشاركني حياتي و تكون اهدافنا و احلامنا وحدة .. و السبب الثاني كان الاطفال والحمدلله ... الله يوفقك ببنت الحلال الي تسعدك و تهنيك |
الفطرة!! الرجل يرغب في زوجة تكمل معه حياته و يستقر عاطفيا معها كذلك المرأة... وإذا طرق الباب من تكمن فيه صفات الدين و الخلق ..ليش نرفضه |
http://www.66n.com/pics/hosted/rceo8...wsdlwui05g.gif
تزوجت لأن الزواج بالنسبه لي نقله مهمه في حياتي وتطور طبيعي للبشريه وتجربه حابه أخوضها وأنجح فيها ,,ولأن المرأه مهما توفر لها من أسباب السعاده والرفاهيه في بيت أهلها ماتستغني عن زوج يكون سكن لها ويكون صديق وعشيق وشريك يملى قلبها بحب فريد من نوعه,,أنا ضد الي يتكلمون عن الزواج بسلبيه وسوداويه خاصة اذا كانت مشاكلهم عاديه وممكن تجاوزها الزوجه اذا كانت حياتها مستقره من جميع النواحي يعني لاسعاده دائمه ولاشقاء دائم بامكانها تكون سعيده اذا ارادت ذلك وبتلاقي 100سبب وسبب لسعادتها وباءمكانها ايضا ان تكون قمه في التعاسه والبؤس اذا هي قررت ذلك وبتلاقي ايضا 100مبرر ومبرر تقنع نفسها فيهم ,انا زواجي عادي وحياتي طبيعيه فيها أيام حلوه وأيام مرّره لكن الحمدلله أموري اجمالا مستقره,,وبالنسبه للمسؤليه الي تتضايق منها بعض الزوجات أنا أشوف ان أي شخص عنده احساس بقيمته ومقدر سبب وجوده في هالحياه صعب يعيش عالهامش ويقبل العيش بدون مسؤليات سواءكان متزوج اوغيره,فالمسؤليه والخوف منها ماهي سبب أومبرر للتذمر من الزواج وتشويه صورته في عيون الغير,وأقولك يادانتيل الزواج نعمه وسنة الله في خلقه ولايمهك الي يتأففون ويتحلطمون منه وصدقيني لو حياتهم مافيها أمور حلوه وأمور ايجابيه ماشفتيهم مستمرين مع أزواجهم ويعيلون منهم بعد ومتمسكيين باستقرارهم في بيت الزوجيه,,الخلاصه طبع الحريم المبالغه والتهويل جحدان ونكران العشير والوحده فينا ماتقول الحمدلله على الي عندي دايما تقول وش نااقصني !!وأنا وحده منهم:25:,, |
تزوجت في لحظة تـاه فيها قلبي ..
وليتني وجـدت هذا القلـب التائـه قبل أن يتوه ويضيع مني للأبـد .. |
: اقتباس:
{ سـلطانة نفسـها ..~ يااااااااااااااااالبى هالقلب ... يسلمو على هالحكـي الي يشرح الـصدر وانا اقول مو معقوله كل هالكلام وباقي مستمـرين مااااااااااااااشاءالله .. حياتي مشكوووووره على كلامـك ... واهتمامك .. ربي يسعدك ويسخرلك زوجـك ياااااااااااااااااااااااارب : |
تزوجت ؟؟لاني كنت اشوف ازواج رومانسيين حياتهم دلع وفرح حتى زعلهم يجنن وحبيت الزواج وفعلا الحمدلله كل اللي تمنيته في الزواج صارلي 0وتلذذت حتى في زعلي 00
|
والله ودي اتزوج عشان أحس بالإستقرار النفسي والعاطفي !!
ويارب ألاقي زوج يحس فيني ويقدرني !! دعواتكم ,, ! |
تزوجت عشاااااااان اكشخ واشتري ملابس جديدهـ :d
|
88 صح كنـافـه والله من جد اكثر شي يحمس الملابس الجديده هههههههههه الله يزوووووووووووووووووووجناااااااااااااا بس ان شاءالله مانجي ولا نقول ياااااااااااااااليت ونضرب كف بكف .. : |
الزواج سنة الحياة مافي فتاة لاتريد الزواج يعني فطرة في داخل كل أمرأه تحتاج المرأه لزوج يحن عليها يدللها يلبي رغباتها بختصار تكون ملك له ويكون ملك لها لذلك تحتاج وتتمنى الزواج شي طبيعي أسأل الله بكرمه وقدرته أن يزوج كل رجال ونساء المنتدى الراغبين بالزواج وأن يرزقهم مايسرهم اللهم أمين |
اقتباس:
هههههههههههههههههههههه وربي ضحكتيني وبصوت عالي واحنا بنص الليل يابنت اذا جى احد وقال عني مجنونه اورك شغلك من جهتي انا ماكنت ارغب بالزواج بس اهلي جبروني والحمدلله تزوجت وانسترت |
انا عن نفسي تزوجت عشان كان نفسي احس بالرومانسيه اللي بين المتزوجين واحس بالاستقرار النفسي والحمدلله على كل شيء
بس احيانا اندم اني تزوجت واقول يامحلى بيت اهلي لكن الواحد ماينكر فضل الزواج سلطانه نفسها كلامك عجبني ميه الميه |
سبحان الله والله ياهل البنات انكم تعقدون شو هل الأجوبة هذه إن شاء الله بتزوج وبعيش أحلى حياة زوجية بلاعزوبية بلا نكد |
مع احترامي الشديد لك يا سلطانه .. ومع موافقتي لرأيك ..
أوافقك أن غالبية البشر هم من يصنعون تعاستهم بايديهم وأشخاص دائما ينظرون للجانب المظلم من الحياة .. وأشخاص يتفننون في البحث عن المنغصات و أشخاص يقتاتون على الهموم .. وأشخاص كثيرون لا يبذلون جهداً لسعادتهم واستقرارهم ثم يشكون التعاسه وكأن السعادة هبة مجانية .. وينسون انها تحتاج إلى جهد وتعب للوصول إليها وإلى الاستقرار في ظلها واشخاص يخظئون الطريق ثم يحكمون بشكل عام على مجمل الموضوع بالسوء و فتيات يخافون من فوات القطار فيتزوجون .. وفتيات يريدون الهروب من مشكله فيتزوجون ودائماً القرارات التي تتخذ تحت وطأة ضغط نفسي تكون خاطئة بالمجمل إلا من رحم ربي والكلام أعلاه ينطبق على النساء والرجال حبيت بس أعلق على هالنقطة اقتباس:
أن استمرار الزواج ليس دليلاً على السعادة وعلى الراحة النفسية .. وهذا لا يحتاج إلى فطنة وذكاء لاكتشافه ومعرفته وانتي تعرفين ذلك وتعرفين وضع المرأة في المجتمع وتعرفين النظرة للطلاق كثير من الزوجات مستمره عشان الاطفال تربيهم وما يتشردون .. يعني تضحية ونساء يبون يحافضون على شكلهم الاجتماعي ونساء مغلوبات على أمرهم .. يعني شلي حادك على المر الا الي امر منه والا والله لو كل أمرأة غير سعيدة شافت لها مخرج ولو قد راس الدبوس كان هربت من تعاستها بس ما يشوفون إلا الصبر وانتي شايفه واعتقد طرحت مواضيع من هذا النوع .. نساء تعيسات ولكن بمجرد رؤية رجل على استعداد للزواج منها بعد طلاقها من زوجها .. تتطلق !! وبعدين انجاب الاطفال في مجتمعنا ليس دليل على الاستقرار دائماً .. لكن هي عادة وعرف اجتماعي متأصل في مجتمعتنا الشرقية .. أن المرأة تنجب من اول ما تتزوج لين توقف حسب الطبيعه يعني لا في تخطيط ولا حساب .. إلا يمكن في الاونه الاخيره صار وعي نوعا ما وفي فئة قليله جداً جداً |
ماكنت حريصه على الزواج كأغلب البنات ولما تزوجت تمنيت اني تزوجت صغيره بعمري يعني 17 او اقل
كان نفسي لما يصير عمري 37 او اكثر يكون ولدي والا بنتي قريب مني بالعمر واعتبرهم اصدقاء لي بس الزواج سكن قبل كل شئ...لو لا بعض المنغصات لكملت الحياه معانا بس كل شئ بيد الله سبحانه الله يزوج البنات والشباب ويرزقهم الذريه الصالحه تحياتي |
تزوجت و أنا عمري حوالي العشرين
و مما شجعني كلام أمي أن هذا الشخص مناسب لأفكاري و ميولي و لكن لم أوافق إلا بعد تفكير عموماً أنا الآن مطلقة بعد ظروف واجهتها و الحمد لله على كل حال لماذا تزوجت ؟ أو لماذا تريد أن تتزوج ؟ سؤال من المهم أن نعرف إجابته لكي نعرف أهدافنا عموماً الإجابة عندي تقريباً هي نفسها قبل زواجي و بعد طلاقي لأني كامرأة تميزني العاطفة و أريد أن تكون لي أسرة مسلمة و أريد أن أكون أماً و أريد زوجاً يشاركني في أمور حياتي في جو من المودة و الرحمة وفقك الله يا أخي |
تزوجت لاني كنت بحب فكرة الزواج وكنت بفكر اني حقدر اكون انسانة سعيدة لانو زوجي من اختياري مع اني كنت شايفة انو معظم المتزوجين مهمشين وفي نكد في حياتهم وحبيت اثبت العكس
لكن طبعا ما قدرت وبصراحة احيانا بندم واحيانا بقول الحمدلله انا احسن من غيري وغيري احسن مني والحمدلله على كل حال |
تزوجت لان حسيت اني عايش بدون هدف اكل و اشرب بس - طبعاً بإستثناء العباده الله يرحمنا برحمته
لاني كنت احتاج الحنان العطف احد يواسيني بليلي اتكلم معه يعني اشياء اكثيره كثيره |
الزواج نعمه وسنة الله في خلقه ولايمهك الي يتأففون ويتحلطمون منه وصدقيني لو حياتهم مافيها أمور حلوه وأمور ايجابيه ماشفتيهم مستمرين مع أزواجهم ويعيلون منهم بعد ومتمسكيين باستقرارهم في بيت الزوجيه
أن استمرار الزواج ليس دليلاً على السعادة وعلى الراحة النفسية .. وهذا لا يحتاج إلى فطنة وذكاء,, في النقطه الي اقتبستيها ماتطرقت الى الى ان استمرار الزواج دليل سعاده أوراحه نفسيه لكن بالتأكيد استمراه دليل استقرار ورضا على بعض جوانب الحياه المشتركه وهذا لايختلف عليه اثنين,, لاكتشافه ومعرفته وانتي تعرفين ذلك وتعرفين وضع المرأة في المجتمع وتعرفين النظرة للطلاق,,هذا الكلام ممكن ينقبل وأقر بوجوده قبل عشرين أو25سنه لكن حاليا نظرة المجتمع للطلاق والمطلقه تغيرت وأصبحت منصفه لوضع المرأه نوعا ما والدليل ارتفاع نسبة الطلاق بين المتزوجين حديثا وبدون أسباب منطقيه وعل أتفه الاسباب وهذا دليل على ان المجتمع ونظرة الناس لنا معد لها هذاك التأثير على قراراتنا الشخصيه مثل قبل كثير من الزوجات مستمره عشان الاطفال تربيهم وما يتشردون .. يعني تضحية,,اذا الزوج أب سيء وزوج أسوأ غير سوي في سلوكه لامع أطفال أو زوجه أرى ان استمرار هكذا زيجات لايصنف على انه تضحيه بل أنانيه مفرطه من قبل الزوجه وهدم لمستقبل أفراد يشكلون واجهة مجتمع وهم الاطفال,, هذي وجهة نظري ونساء يبون يحافضون على شكلهم الاجتماعي,,يعني مرتاحه بشكل أو بآخر لأن السعاده والراحه النفسيه أهم بكثييييييير من الوجاهه الاجتماعيه,, وقد تكون غير سعيده لكنها بالتأكيد مستقره ونساء مغلوبات على أمرهم .. يعني شلي حادك على المر الا الي امر منه, والا والله لو كل أمرأة غير سعيدة شافت لها مخرج ولو قد راس الدبوس كان هربت من تعاستها بس ما يشوفون إلا الصبر ,,طبعا لكل قاعده استثناءات ولايمكن الجزم بالتعميم وانتي شايفه واعتقد طرحت مواضيع من هذا النوع .. نساء تعيسات ولكن بمجرد رؤية رجل على استعداد للزواج منها بعد طلاقها من زوجها .. تتطلق !! وبعدين انجاب الاطفال في مجتمعنا ليس دليل على الاستقرار دائماً .. لكن هي عادة وعرف اجتماعي متأصل في مجتمعتنا الشرقية .. أن المرأة تنجب من اول ما تتزوج لين توقف حسب الطبيعه,, استمرار العلاقه وتوسيع نطاق الاسره واضافه أفراد جدد لها دليل قطعي بالنسبه لي على وجود أمر ايجابي ورضى نسبي من أحد الطرفين على الاخر يدعوه للاستمرار,, يعني لا في تخطيط ولا حساب .. إلا يمكن في الاونه الاخيره صار وعي نوعا ما وفي فئة قليله جداً جداً,, |
اقتباس:
الماضي يحن و لكن المستقبل أكثر إشراقاً و لا تيأسوا من روح الله إنه لا ييأس من روح الله إلا القوم الكافرون |
لاحول ولا قوة الا بالله شوهذي الردود السلبيه صراحه خلاص انا مابتزوج اذا البنات سلبيات لهذه الدرجه
خليني عزوبي اريحلي هههههه بس صراحه عجبني رد الاخت سلطانة نفسها |
سلطانة نفسها
أحترم رأيك لأنني أعلم يقيناً أنا وجهة نظرنا وآرائنا تتكون حسب خبراتنا ومشاهداتنا وبالتالي حسب قدرتنا على استشعار آلام أو افراح الآخرين وكأننا نحن من نمر بها بكل الأحوال أبن آدام هذا هو طبعه .. لا يتعلم ولا يتأثر إلا من تجاربه أو القريبون منه نظرة سريعه على المشاكل المعروضة تكشف لنا الكثير من الحقائق لست متشائمة ولا أحب النكد بل هذا اشد ما أكرهه في الحياة ولكنني أتفائل بمنطق .. لا أنظر للحياة بمنظار اسود فقط ولا بمنظار وردي فقط الحياة مزيج من كل هذا .. والحكيم من يستطيع تقدير الامور واكتشاف الحقائق الكبيرة من الاشارات البسيطة يعني يا جماعه لا حد يتشائم كل انسان ما ياخذ إلا نصيبه الي اختاره |
| الساعة الآن 08:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©