قلبي مقفل تجاه زوجي
 

اصدقاء منتداي الغالي لم اجد غيركم لابيح لهم باسراري لقد سافر زوجي وانا غير راضيه عن سفره المتكرر رغم اني واثقة منه ابديت له الرضا بعد نزاع طويل بيني وبينه ولكن كان من خلف قلبي انا رومانسيه بزياده وهو يحب السياحه كثيرا لكني عندما يتصل بي لا اتفاعل معه كما كنت في السابق بل لا اصدق اي كلمة شوق او حب يقولها لي فقلبي مقفل تجاهه تماما من اول يوم سافر فيه قال اشتقت لك وللاولاد وانا اقول كيف تشتاق وانت من تفضل السفر والابتعاد بجد قاربت عودته ولا اعرف كيف سأستقبله او اصدقه بجد انا متعبة نفسيا من كثرة ابتعاده كيف يحبني ويشتاق الي وهو مستعد يزعلني بس يسافر ارجوكم ابي كلام يريحني ويساعدني افتح قلبي له مع اني ماظنيت ينفتح له ثاني احس انه الزم ماعليه وناسته وسعة صدره وانا لي الكلام بس

طيب ليه ما سافرتي معه؟

اشكركم حبايبي على تفاعلكم للاسف هو عنده مبدأ مرة لحالي ومرة مع زوجتي ومرة مع ربعي ومرة مع اهلي وهكذا وكل مرة حجه يعني اذا هالسنه سفرني معه السنه الجايه بيسافر ثلاث مرات بدوني عرفتوا ليش قلبي انقفل تجاهه

إنت من الاساس ليش ترضي بهالمبدأ؟؟ كنت لازم توقفي موقف حازم ... طالما بحبك مثل ما قلتي لازم تخيريه إما السفر معك أو مافي سفر من أصله

بس يرجعلك بالسلامة لازم تفهميه هالنقطة يعني كوني معه حازمة قوليلوا يلغي الأنانية من قاموسه
آسفة على أسلوبي بس والله شي يقهر و إنت ما تيأسي و ما تليني معاه خليكي قوية و حازمة

أسأل الله أن يعينك و يثبتك و يسخر لك زوجك

من قال اني راضيه بهالمبدأ اخر مره قلبتها زعله محترمه وتنازل عن السفر لكن جاه الهم والضيقه وصار مايجلس معي الا وهو مهموم ويقول انه مايحب احد يمنعه من السفر وانه الرجل زي الطير لو حبستيه يموت قهر وغيره من كلام خلاني اتنازل عن رايي وارضى بس عشان ارضيه ومايموت قهر لانه وش الفايده امنعه من اغلى هواياته من قبل مايتزوجني ويجلس وابلش بضيقة صدره ايه خليها على الله

تتوقعون انه اذا نكدت عليه وماعطيته وجه بعد مايرجع بيفيد المشكله هاللقلب اللي انقفل تجاهه والمشاعر اللي تجمدت عموما انا قاعده عند اهلي اللحين في منطقه ثانيه وافكر لما يجي ما ارجع للبيت الا بكيفي يعني اقهره شوي وش رايكم

لا ما تقهريه بالعكس

افتحي له قلبك المقفول


اعملي له اشياء جميله خليه يندم انو بعد عنك كل هذه الفتره


خذي حقك الحلو بالحلو وخليه يتعب كتيررررر

سيمل ويتوقف يوما ما


انا مع ان الزوج يبعد قليلا هن زوجته ليشتافو لبعض

الظاهر راح تصير مع كل صيفيه هالمشكله ...

انا نفس الحاله ...

والله تعبت ... تعبت

حبيبتي انا راح اكلمك بصراحه وهوه ان مو انتي لوحدك الي عندك هذه المشكله في كثير مثلك كثير رجالهم اتعودوا يعملو اشياء قبل الزواج وصعب انه يتنازلوا عنها بسهوله والحمد لله ان جات على السفر وبس ,في رجال كثير يلاقوا راحتهم النفسيه ان يغير المكان والجو ويبعد شويه عن ضغط المسؤليه وانتي بتقولي انه مابيحرمك مره اوقات بيسفرك معاه,وانتي مدام واثقه من زوجك ليش تعملي مشكله وتنكدي على نفسك وعلى زوجك ,بالعكس في رجال اذا منعتيهم من شي يصرو عليه اكثر
وعادا الرجل في سن الشباب فعلا مثل الطير حتى لو دخل القفص برغبته واقصد الزواج ,برضو يحن للحريه شويه ,ومافيها شي لو اعطيتيلو دي الحريه مدام عارف حدوده ومراعي حياته الزوجيه وقدسيتها
ممكن كلامي مايرضيكي بس انا مع المراه العاقل الي تحكم عقلها على عواطفها ...ويارب يريح بالك ويطمنك.

جد تعبانه كثير وفي نفس الوقت احبه كثير لكن اذا قال احبك اتعب اكثر وتخنقني العبره باين عليه التعب في سفره لكن بعد ما اصدقه لانه هو اللي اختار البعد كيف اصدقه ليه الرجال لازم يبعد عن زوجته عشان يصير الشوق ليه لازم يرتاح من المسؤليه واكثر المسؤليات وتربية الاولاد على الزوجه اجل بعد الزوجه تبي اجازه من اولادها وزوجها مابين كل فترة والثانيه عشان ترتاح وتشتاق له بعد ولا وش رايكم اخواتي

تكفووووون تفاعلوا مع موضوعي ابي ارائكم رجعته قربت وانا الى الان ماتخذت قرار ارجع اللحين ولا اخليه شوي عجزانه اصدق انه مشتاق لي

عزيزتي ..

سأكتب رايي وانتي تعلمين اكثر مني هل تنفع هذه الطريقه لزوجك ام لا...

استقبليه بابتسامه مشرقه دعيه حتى يرتاح من عناء السفر واسأليه عن احواله وكلما اظهر لك شوقه لك..

ابتسمي واخفضي رأسك قليلا اي بيني له ان كلماته تلك تعجبك لكن شي ما في قلبك نحوه...

طبعا مسبقا تكوني اعددت ورقه كتبتي بها كل مافي قلبك باأسلوب منمق ورائع وجذاب وفيه طلب استعطافه فقط..

لا تبيني انك مكسوره او مقهوره باسلوب جاف... كما قلت اسلوب استعطاف وكلمات جذابه وانتي اعلم بزوجك وماالذي

يجذبه من الكلمات...

تكوني قد غلفتها بااسلوب جميل ووضعتيها في مكان راحته واسترخاءه ولاتنسي الاضاءه الخافته والاجواء البارده...

بعد ان تتحدثي معه عن احواله ادخليه لغرفةراحته واذهبي انتي لتعدي العصير او ماتحبين وتفضلين انتي وهو

من المأكولات... وحاولي التباطؤ حتى تشعري بانه قد قرأ الورقه كلها..بعدها ادخلي عليه وانتي مبتسمه ...

بعدها انتظري النتيجه وان كان البكاء بصوت خافت يسرق لب قلبه افعلي ذلك والبقيه لك ... وانتي تعرفين ماذا

ستفعلين بعد ذلك...

هداه الله واصلح احوالكما عزيزتي..

ننتظر النتائج...

فعلا ككلام الاخت رسيل حلو ومعقول اعانك الله وسخر الله زوجك لك

جوزيتم خيرا على ردودكم الجميله لكن لايحتاج ان اكتب له شيئا لان كل مافي قلبي كتبته له على الماسنجر واخبرته اني لن استقبله ولن اعود لبيتي الا بعدما اروق وتهدأ نفسي الف شكر لكل من تفاعل معي

فعلاً المعادلة صعبة شوق وابتعاد