|
أنا على وشك ولادة و زوجي ناوي على السفر
السلام عليكم حبيت أعرض مشكلتي لأني متأكده راح ألقى الجواب الشافي منكم
أنا حامل في الشهر التاسع وزوجي يبغى يسافر بعد أسبوعين (يعني وقت ولادتي) وأنا عند أهلي بس يكلمني ويقولي امشي عشان يفتك يحسب هذا الي راح يولدني وهو ناوي على السفر ويقول اذا ولدتي وانا برا راح ارجعلك يوم ولادتك وظروفي في بيت أهلي والدتي الله يحفظها كبيره وماعندي تقريبا أحد الي اظمنه يخلص أوراق دخولي للمستشفى او حتى يوديني وقبل هذا كله وين دعم الزوج ووقفته معي وقت الحاجه :(:( |
مع احترماتي زوجك هذا ما عنده سالفه يخليك وانتي بالحالة هااذي لاحول ولاقوة الا بالله
خلي والدتك تكلمه والا انتي كلمي عمك ابو زوجك يوديك المستشفى ويخلص لك اوراقك الله يقومك بالسلامه يا بنت .. |
واجهي زوجك واخبريه ان هذه الايام هي ايامك التي تحتاجين فيه اليه واخبريه اترضى ان الناس يتصدقون عليك ويصلحون اوراق زوجتك وطفلك وانت بكامل صحتك ومن هذا الكلام
اعانك الله وسخر زوجك لك وسهل الله ولادتك |
انتي الان عند اهلك، وزوجط موب عندك، يعني منتي في حاجته، وهو بيسافر، ليش زعلانه. واذا فعلاً ماتبينه يسافر ليش تروحين لبيت اهلك وانتي تقولين مافيه احد يوديك للمستشفى.
انا ما اتفق مع زوجك بتاتاً، ولكن انتي غلطتي لو كلكم غلطانين بذهابك لبيت اهلك وفي نفس الوقت تبين تقيدين زوجتك. تفاهمي معاها ولا تكبرين السالفه وانتي المفروض ها الفتره تكونين مرتاحه ومتهيئه نفسياً للولاده. الله يسهل عليك وعلى زوجتي وعلى جميع بنات المسلمين يارب. |
اقتباس:
كم هي المسافة ؟؟ ما هو سبب سفره ؟ اذا كانت أول ولادة لك و المسافة لا تتعدى الخمس ساعات بامكان زوجك ان يأتي و يحضر معك الولادة غالب البكريات مخاضهن طويل و بالتالي بامكان زوجك ان يسافر و بنفس الوقت يكون معك وقت ولادتك خصوصا اذا سفره نقاهة و سياحة مو شغل |
شكرا لتفاعلكم مع مشكلتي
أنا متواجده في منطقتي لتواجد المستشفى الي راح أولد فيه وزوجي في قريه مع أهله وهذا السبب الي خلاني اجلس عند أهلي يا تركي العالمي وزوجي ناوي يسافر خارج السعوديه لسياحه وحجوزات العوده ماراح تتوفر له وبصراحه متضايقه ولا أبيه يروح ويخليني عطوني حلولكم |
اقتباس:
ربي يقومك بالسلامه .. وين ابوك او اخوانك ؟؟ ما عندك خال او عم تكون علاقتكم فيه قويه و تمونون عليه يخلص لك امورك ؟؟ بصراحه زوجك اذا بيسافر للسياحه فهو اناني ... انا ما ابغى اخوفك خاصه اذا كانت هذه اول ولاده لك .. لكن الوحده ما تظمن انها تولد ولاده طبيعيه قد تصير مضاعفات و تحتاج المراه الي عمليه قيصريه وان شاء الله ما تمرين في الظروف لكن الواحد يحاط لمثل هذه الامور .. ليش زوجك ما يؤجل سفرته لحد ما تولدي و يطمئن عليك ... |
الظاهر بتصير هذى مشكلتنا كل اجازه
ربك يعين صارحيني لو ماكنتي حامل عادي عندك لو بيسافر! |
مستغربه من اللي قال اذا انتي عند اهلك ليش تقيديه ؟؟؟؟الموضوع نفسي واهتمام ومشاعر مش مجرد وجوده يعني
بعدين اذا هو مسافر علشان وناسه وتغيييير جو ....فزوجك اناني ....يعني هذي اول ولادة واول طفل وكذا بعدين اشلون ؟؟؟ اما اذا مسافر للعمل ولازم يروح خليه يروح ويجيكي يوم الولاده مثل ما قالك .....لا تكدري نفسك بهالايام اذا اتصل عليكي قوليله بهدوء ....انا ظنيتك تكون جنبي ومعاي بهاليوم وتريد تشوف ابنا او بنتنا بلهفه بس شكلك مو مهتم لا فيني ولا بالبيبي انا مستغربه من الرجال اللي يتزوج .واذا زوجته حملت وتعبت يوديها عند اهلها .....اذا تبي تولد يعند اهلها ......اذا تبي تفطم بيبي بعد يوديها عند اهلها .....ليش تزوج ؟؟؟؟ يعني الوحد صح لما تولد تريد امها لانه ما في مثل الام تراعي وتهتم ببنتها .....بس لازم يمرها كل يوم ويطمن عليها ويجلس معاها ساعه ولا ساعتين الله يسهلك ولادتك وتقومين بالف سلامه |
الواحد يايقول خير اويصمت وانا افضل ان اصمت والله يهون عليك
|
اكتبي له رسالة ورقية (بس انتبهي تنقي وتزني وتقارني) رسالة حب واحتييااااااااج اليه ولوقوفه عندك وان عمره ماقصر وكمال التمام في وقوفه دي الوقفة الي تخرج فيها روح من روح (خوفيه شوي بس انتبهي تصدقي)
مع دعوة بقلب صادق في جوف الليل تجيب خبره وتهدي قلبه انت بس ادع واتصدقي والي فيه خير ب حيكتبه اهم شي انتبهي لنفسيتك عشان نفسك وعشن البيبي وعشن لو استنفذت قواك الان ماراح تبقى لك قوة وقت الولادة وانت محتاجة لك ذرة في خلاياك .وجا أو ماجا رب المتوكل بك ورب اللي حيسهل عليك حبيبتي لو عندك ملوك الدنيا كلهم داك الوقت ورب ماربط على قلبك ماحينفع ولو ماحد معاك ورب ربط على قلبك واسعدك ...حتكوني اسعد ام في الدنيا اهم شي تتوكلي على الله خالص التوكل وماتتعلقي باحد لازوج ولاطبيب يارب يسهلها عليك حبيبتي |
وش ذي الأنانية بالله ؟!!!!!!!!!!!!!!!!!!!!!
لو إنه شيئ ثاني ممكن أسمح له لكن ولادة !!!!!!!!!!!!!!!!!! |
أولا أرد على سؤالك اختي ورد وانشالله ماتذبلي أكيد ما راح أرضى بسفره للخارج لكنه يروح من دون ماأرضى لكن الامور تمشي أما الان وضعي مختلف والله المسهل ويكتب لي الخير في أمري
ويعطيكم العافيه على تفاعلكم |
اختي
وين ابوه ما تكلميه وين اخوة وين اهله بكبرهم كيف يرضوا بالشي هذا حبيبتي خلينا واقعين اكثر الحين في المستشفى اكثر شي يطلبوا الزوج من ناحيه توقيع الاوراق والاشياء هذه ثاني شي نفترض لا قدر الله لا قدر الله والله لا يقدر صارلك بدل ما تولدي طبيعي تولدي قيصري ترى الدكتورة اول ما تطلع تقول وين زوجها لازم يعرف ولازم يوقع ولا يدخل يشوف زوجته ولمن تولدي نفس الشي وين البابا تبع النونو يسوي اوراق البيبي الجديد تدري ان خالتي ولدت في مكه وزوجا بعد الزلاد طلع الرياض والنونو كانت تعبانه شوي وقت خروج النونو من المستشفى راحت خالتي واخوها قالوا لها ولا في الاحلام اول شي تجيبي ورقه اثبات ان ابوها موافق انو اخوكي يطلعها وصارت قصه طويله عريضه فاكسات وتليفونات الله يفرج همك يارب |
مع احترامي
اللي يسوي جذي بزوجته ماعنده دم انا مو مع ان الزوج يترك زوجته عند اهلها في وقت ولادتها هو الملزوووم فيها ولا هم مهمتهم فراش وبس لازم الزوج يتحمل زوجته ووقت الاربعين خل يسافر عليه بالعافيه |
وش هالمـوضه الجديده ؟! يعني حبكت وقت الولاده ؟! ترا صـارت عندنا.. اتوقع انها موضه يعني .. <<< شي يقهر وقسمممممممممممممممم الله يعينننننننننننننننننننننك ... من جد اناااااااااااااني |
| الساعة الآن 09:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©