|
أم طليقي تحزني كثير لحبها وطيبتها وتعلقها بي ...
أم طليقي تحزني كثير كثير لأن من يوم تزوجت ولدها وهي تحبني وتطلقت وهي مازالت تحبني والآن خطبوا لطليقي ولكن مازالت كل ماوجدت أحد تقولهم أنها تحبني وأنها إذا وجدتني في مكان لا تريد أن تغادر منه لكثر محبتي في قلبها وأن بناتها كذلك وخصوصا أبنتها الصغرى اللي تبلغ من العمر 13 سنة لأني لما كنت مع أخوها كنت والله العظيم أعامل جميع أهله مثل أهلي وأكثر وتقول كذلك أن طليقي من وقت ماطلقني رفض يقول لهم وش سبب الطلاق حتى بعد ماخطب وحتى أخوه اللي أصغر منه وعمره 26 سنة جلس يبكي علي وقت ماعرف طلاقي رغم والله مابيننا الإ أنه أخو زوجي فقط .. وقبل يومين ذهبت الى زواج وقابلت أم طليقي بالصدفة وأول ماشفتي حضنتي وقالت ياحبيبة جدتها (جدتي لأنها زوجة خال أمي اللي هو جدي كذلك ) وكل وقت الزواج وهي كل ماشفتي تبتسم لي وتراقبني بنظرها وفرحت كثير عندما سلمت على بنتها اللي تحبني وذكرتها سابقا في الأعلى وكذلك كل ماجلست مع حرمة قالت لها عن حبها لي وهذا لأنها طيبة كثير وكانت خطيبة طليقي موجودة معانا في الزواج لأن العروس بنت عمها والله مأعطتها أي اهتمام وكأنها غير موجودة رغم أن خطيبة طليقي تحاول أن تبرز نفسها أمامي وشايفها نفسها علي وصارت ماتسلم علي من بعد ماخطبها طليقي ....... المشكلة عندي ان ام طليقي تحزني كثير هي وثنتين من بناتها لأنهم مانسيوني ومازالوا يحبوني بس المشكلة أني مأقدر أسولف معهم مثل باقي الناس وذلك لخوفي من كلام الناس وكذلك خوفي يجيبون طاري لولدهم او موضوع طلاقنا ؟والمشكلة الثانية وش تتوقعون سر عدم ذكر طليقي لسبب الطلاق (يعني احترام للحياة الزوجية اللي كانت بيننا أو لأنه عارف أن السبب منه وماوده يذكره ) (أتوقع ان الأجابة على هذا السؤال إذا كانت من الرجال بتكون أكثر دقة ) وأخيرا أحمد الله أنه اهل طليقي يحبوني رغم ماجلست معهم الإ 4 شهور وحتى ماعندي أطفال من طليقي بس هذة شهادة أعتز وأفتخر فيها أني سبب الطلاق ماهو مني وأني رحت من عندهم وهم يذكروني بالخير وهذا بفضل الله ثم فضل تربية اهلي لي .. [COLOR="SeaGreen"]وشكرا لجميع من تفاعل معي في مواضيعي السابقة اللي ارتحت وانبسطت كثير بنصائحهم وحتى نفسيتي ومعنوياتي أرتفعت كثير بكم وبالأستغفار والدعاء والأذكار والحمدلله ولكم الأجر عند رب العالمين أن شاء الله ..[/COLOR] |
[ [/COLOR]CENTER][ :22: شكلهم يحبونك مرة بس أنا مستغربه ليش مارجعوك لولدهم وصدقيني اذا كانو يعاملونك بحب واحترام ماراح تلاقين مثلهم لانه نادر ماتشوفي ناس يحبوا زوجة ولدهم بهذة الطريقة بعدين عادي سولفي معهم وكأن ماصار شي لأنهم اصحاب نية طيبة ولو كانو حاقدين عليك ماعاملوك بكل هذه المحبة والله اعلم شكل طليقك يذكرك بخير عندهم ويمكن ماقال لهم سبب الطلاق مايبغى يجرحك مو مثل بعض الناس ماهمه |
اقتباس:
وولدهم بصراحة ماهو بكيفهم .. وفعلا معاك حق نادر مثلهم وعلى شأن كذا خايفة أتزوج ومأقابل اهل زوج مثلهم .. لكن ماكل مايتمناه المرء يدركه تجري الرياح بما لا تشتهي السفن .. الطلاق كله والفراق ماكنت أبغاه بس ماهو بكيفي وكل شي في الدنيا قسمة ونصيب .. والحمدلله على كل حال .. |
6 سنوات ولا 20 سنة الامل موجود دام الله موجود اذا كانت الرغبة من الطرفين وأنا انصحك أذا كان يبغاك ليش العناد :) |
يالبية الله يووفقك وين ماكنتي ذكرتيني بحمولتي الله يسعدهم تخيلي لي 5 سنين منفصلة عنهمم ومع كذا يرسلون لي ويكلموني الله يووفقك نصيحة شووفي حياتك والله يووفقك ووادعي ربك يعوضك بابرك الله يسعدقلبك ويهنية ياللي يستاهلة ياررب قادران شاءالله |
مـاشاءالله ... احسن شي يصير بين الحمـوله وحريم عيالهم ..بجد ناس رااااااااااااااااقين .. بس مو شي يقهر !! يعني اذا يحبونك ليه مايصلحون بينكم ؟! مثل اختي واهل زوجها .. هي من غير شر ماتطلقت .. بس فيه مشاكل بينها وبين زوجها .. بس اخت زوجها وامه يتصلون ويدقون ويسألون عن اختي والنـونو .. وهو زوجها ولا يدري عن بنتـه .. مشغووول بالعرس << يبي يعرس يقالـه .. حسبي الله عليـه .. بس الي يقهر ان العروس تقربله .. ليش اهله يوم يحبون اختي مامنعوونه بالـذات انه مايرفضلهم طلب والله ناس غريبين .. احيانا افكـر اقول نفاق يمكن .. ، الله يووووووووووفقك ياعسل ويرزقك بأـحسن من طليقك ويعوض عليك .. |
شهادة عزكبيره على ظهرك تفتخرين فيها كل حياتك
انتي والاخت فله هذا من حسن اخلاقك واخلاقهم ايضا الله يكثر من امثالكم هكذا ناس اصبحو نادرين جداااا طليق اختي مع انهم متلقين اكثر من 19 سنه ومازال يحب امي ويذكرها بالخير مع ان اختي تزوجت وانجبت ولها 15 سنه متزوجه |
رزقك الله بالزوج الــــصالح ..
وعوضكي خيراً .. اقتباس:
وفقك الله في الدارين .. واخلف عليك بخير .. |
اقتباس:
الحين هو خاطب ويبغون يزوجونه بس أهل خطيبته يقولون البنت صغيرة بدري ولعلمك بعد سنة من طلاقي دخل أسهم بأسمي وانا مطلقة ولما زعل أبوي كيف أني مطلقة ومازلت معه في البطاقة راحوا زوروا هو وأبوه ورقة رجعة ظلم وكذب هم وشهودهم وواحد من الشهود أعترف ..وهم كانوا يقولون للناس بنرجعها قدام القاضي وبعدين نطلقها مرة ثانية وأهم شي أن ولدهم مايفصل من الوظيفة على شأن التزوير ..ِ تخيلي برجعوني حرام ويطلقوني واني ماني زوجة أساسا لأن العدة خلصت من سنة .. هذا رجل ماعنده أمانة ولا في باله الرجعة وانما رجعني على شأن مايفصل ولما القاضي كشف الحقيقة وكسبنا أنا وأهلي القضية وهم خسروا لأن الحق لا بد يظهر والحمدلله .. وشكرا على مروركم وتفاعلك ويعطيك العافية وانا أدري أنك قلتي كذا من باب النصح بس حبيت أرد عليك من باب التوضيح .. |
ماشاءالله تبارك الله قدرتي بفضل الله تعالى خلال فترة بسيطة تزرعي محبتك في قلوبهم .. الله يسعدك ويعوضك بالزوج الصالح التقى.. |
اقتباس:
.......................................... الاشراف .. معذرة قوانين المنتدى تمنع طلب التعارف |
اقتباس:
وماتدوم الا الذكرى الطيبة والحمدلله على كل حال.. وهم بصراحة كانوا طيبين وخصوصا أمه حتى كانت تطلب مني اذا رحت عند أهل أمي مأنام عندهم اذا طليقي سافر من كثر حبها فيني وهي تجلس معاي .. الله يسعدها ويجمعني بها على خير .. |
[مطلقة صغيرة;]الحين هو خاطب ويبغون يزوجونه بس أهل خطيبته يقولون البنت صغيرة بدري
ولعلمك بعد سنة من طلاقي دخل أسهم بأسمي وانا مطلقة ولما زعل أبوي كيف أني مطلقة ومازلت معه في البطاقة راحوا زوروا هو وأبوه ورقة رجعة ظلم وكذب هم وشهودهم وواحد من الشهود أعترف ..وهم كانوا يقولون للناس بنرجعها قدام القاضي وبعدين نطلقها مرة ثانية وأهم شي أن ولدهم مايفصل من الوظيفة على شأن التزوير ..ِ تخيلي برجعوني حرام ويطلقوني واني ماني زوجة أساسا لأن العدة خلصت من سنة .. هذا رجل ماعنده أمانة ولا في باله الرجعة وانما رجعني على شأن مايفصل ولما القاضي كشف الحقيقة وكسبنا أنا وأهلي القضية وهم خسروا لأن الحق لا بد يظهر والحمدلله .. وشكرا على مروركم وتفاعلك ويعطيك العافية وانا أدري أنك قلتي كذا من باب النصح بس حبيت أرد عليك من باب التوضيح
|
الله يسعدك ياحديث الوقت وشكرا على أهتمامك ..................... |
قصة طلاقي قصة حزينة من اولها لأخرها سبب طلاقي الناس الحساد وعينهم إللي ماخلتنا بحالنا ويوم جاهم خبر طلاقي فرحوا وبانت صورهم الحقيقية وزالت الاقنعة وعرفت وقتها من اللي رسم لطلاقي الحمد للة على كل حال وثقتي بالله ما لها حدود و يزيل الحزن من قلبي ويبدلة بفرح |
اقتباس:
الله يرزقك بالزوج الصالح ويزيل مافي قلبك من هم وحزن .. مايصبرنا الإ ثقتنا بالله وبفرجه القريب بإذن الله .. الحمدلله على كل الأحوال .. |
غريب أمر الدنيا ليش يعني صارت تشذ عن القاعدة . في ها الزمان صار الطيب للخبيثة و الطيبة للخبيث .شفتها كتير في واقعنا. الله يستر .
|
الله يعينك اختي مطلقه صغيره ..
والله يرزقك بزوج صالح يسعدك ... بصراحه اختي حديث الوقت انا كل مره اقرأ مشاركاتك ودي اعرف قصتك بتفصيل اكثر خصوصا اني كم مره كنت رح اتطلق ...طلب مني انا .. لان حياتنا تغيرت للأسوأ بسبب الحسد وان اهله واقاربه يحدونه علي وانه مدلعني ويعطيني وجه .. ودي اعرف كيف الحسد وكيف شعور المطلقه وكيف وكيف؟ |
| الساعة الآن 11:33 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
