|
زوجي حابسني بالبيت ماذا أفعل معه ؟!
السلام عليكم بدخل بالموضوع على طول بصراحة انا وايد متضايقة وواصلة حدي وابيكم تساعدوني يأهل الخبرة انا متزوجة وعندي عيال واحب زوجي اكثر من اي شي فحياتي لكن !! زوجي وايد حابسني بالبيت ما اطلع الا للشي الضروري عيادة او جمعية او بيت اهله ولا اطلع من البيت ابد لانه مب سامح لي والمشكله انه كله برا البيت ما يرد البيت الا للنوم وانا والله مليت من هالحالة واللي زاد ضيقي انه لما يتصل علي وهو برا وهالشي بالنادر انه يتصل وانا ما رديت لاي سبب اما نايمة او ماسمعت او احيانا زعلانة منه يرد البيت وياخذ جوالي ويحجزه معه وانا اظل مع اولادي بالبيت ولا لنا جيران ولا تلفون بيت ولا نعرف احد واكون وايد خايفة وماني حاسة بالامان ابد اليوم اخذ جهازي ومدري وش اسوي خاصة انه طلع ويمكن يرد بالليل ويمكن باكر وانا ان بغيت شي من السوبر ماركت او صار لي شي خاصة اني حامل وما عندي اهل ولا احد غيره انا وايد خايفة ومدري وش اسوي بلييز اللي يعرف يساعدني بهالمشكلة لا يبخل عليي يعني كيف اخليه يجلس بالبيت بالليل او كيف افهمه اني احتاج للجوال بالبيت لاني بروحي اممممممممممممممم مدري بس خايفة لاني بروحي واخاف يصير لنا شي |
ان الله سبحانه وتعالى معاكي وتخافين
ارفعي راسك وادعي الله سبحانه وتعالى ان يفرج همك ويفرج كربك واطلبي منه سبحانه وتعالى ان يغير لك الحال للاحسن وخصوصا انتي حامل وادعي الله ايضا ان يرد لك زوجك ردا جميلا ويخفف خرجاته من البيت |
لا اله الا الله
قوليله اللي في بالك و اشرحيله اديش انت متملله. و كمان لا تقبلي ياخذ منك التيليفون قوليله و اذا صار فينا شيء؟ يعني شو القصد من اخذ التيليفون , ما في ثقه؟ الله يسخره لك , ادعي رب العالمين يهديه |
الله يعينك
اقتباس:
هل جربتي تصارحيه بعدم شعورك بالأمان ؟؟ |
اقتباس:
اشكرج على ردج وجزاج الله خييييير |
اقتباس:
والله يا اختي اقوله بس ما يحس فيني وهو دوم برا ويوم اتضايق واروح اقوله يقول اسمعي كلام زوجج وطيعي زوجج ومن هالكلام وما يسمح لي اتكلم الا بالنادر وهو مسوي متضايق من كلامي ما يبي يسمع ولا يبي يغير شي لاهو بيجلس معانا بالبيت بعد دوامه ولاهو بيطلعنا والله يمر عليي ايام ويمكن اسابيع ما اكلم احد وهو يرد بعد الدوام والسهر ما يبي يتكلم ولا يقعد يبي ينام بس والله مليت من هالوضع ولاحد يحس فيني وبالنسبة للتلفون مب موضوع ثقة الموضوع انه يعاقبني ليش ما رديت عليه او مثلا لو استوى بينه وبين اهله شي مشكله يبيني اتدخل والا زعل مني وعاقبني باي شي المشكلة اذا اشوف انه على صح باوقف معاه بس هو يكون الغلطان بحق اهله ويزعل منهم ويروح ويبغيني انا اكلمهم واصارخ ليش يسون فيه هالشي وهو ساكت والله تعبت معاه اشكرج على مرورج يا اختي |
اقتباس:
ياما قلت له هالكلام وهو يرد عليي كم صار لج بدون جوال؟! ولاصار لج شي كل يوم ارد والقاكم بخير ولا صاير لكم شي وبالنسبة لشعوري بعدم الامان يقولي لا بتحسين بالامان يعني مسخرة مثل اللي يقول حسيتي والا لا تحسي كيفج يعني الموضوع ما يهمه عاااادي اشرج اختي والله يجزاج خير |
الله يفرج همك ويسخرلك زوجك
|
الله معك ويفرج عنك كربك ياااااارب في الحالة دي يا حبيبتي مالك غير الصبر والدعاء لزوجك ربنا يهديه احمدي ربنا رزقك باطفال الحمد لله اعتني بيهم واصبري لغاية ما الفرج ياتي من ربنا وخلي بالك من صحتك وابنائك دا الاهم واكثري من الدعاء
|
مالك غير الدعاااااااااااااااااااااااء\يااااااااااااااارب يهديه
|
الله يكون بعونك اختي عليك بالدعاء وانتهزي الاوقات الرومانسية بينكم وفاتحيه بالموضوع وان شاءالله يتقبل ويتغير للأحسن
|
اقتباس:
ولا عندك تلفون ثابت ؟ لازم يعرف زوجك انه بقائك بدون تلفون ما فيه أمان الانسان ما بيعرف شو بصير معه على الأقل يكون عند طريقة للتواصل مع العالم الخارجي اذا بدك تتصلي بالاسعاف او الدفاع المدني او ما شابه ما بدي خوفك لكن الاسبوع الماضي توفيت قريبتي (العمر الك ) كانت مع بنتها بالبيت و تكهربت بسبب الغسالة و خلال 20 دقيقة توفيت و ما كان عندها أحد إلا بنتها الصغيرة قال تعالى : "وَمَا تَدْرِي نَفْسٌ مَّاذَا تَكْسِبُ غَدًا ۖ وَمَا تَدْرِي نَفْسٌ بِأَيِّ أَرْضٍ تَمُوتُ" هالقصة فيها عبرة لازم زوجك يراعي هالأمور و خصوصا انك حامل |
زوجة أحمد رحمة الله برسوون الغدير الصافي أشكر لكم مروركم ودعاكم لي وربي يجيزكم خيير وعساني ما انحرم منكم |
اقتباس:
لا يا اختي ماعندي تليفون ثابت والمشكلة اني بالغربة معه ولا عندي احد اعرفه هنا بالمنطقة وجيراني ما عمري شفتهم ولا هم مسلمين المهم والله لو اموت محد بيدري عني لين يرد هو وعاد هو ما يرد الا الصباح بالويكند وايام الدوام يروح الفجر ويرد قبل الفجر بالليلة الثانية يعني كلها ساعتين او ثلاث بالبيت والله والله لو مافيه حليب لابني انه يظل يصيح لين ينام من جوعه ولاني قادرة انزل تحت للسوبر ماركت ولا اقدر اتصل به يجيب الحليب للبيت ولما اقوله هالكلام يقولي شربية ماء او عصير لين اجي والله يكون قلبي ينفطر على ابني يوم يبكي جوعان وحالنا المادي الحمدلله مبسوطيين وهو ما يقصر ان طلبت شي بس يوم يفضى على اساس دوم مشغووووول المهم ماني قادرة اقنعه انه عادي اروح السوبر ماركت ترا تحت بالبناية نفسها اللي فيها شقتنا ولا قادرة اقنعه انه خلاص دامك عطيتني الجوال هدية ليش ترد تأخذه مني ؟ ويقول لانه حقي بأي وقت ابي اخذه باخذه والله تعبت ولاني عارفة وش اسوي وياه مشكووووووووووووووورة يا أختي على مرورك |
لا حوله ولا قوة الابالله
الله يسخر لك زوجك ويحنن قلبه عليك هذا ما استطيع ان اقدمه لك |
حتى المساجين بالسجن يجيهم زوار ويكلمون بالتلفون زوجك دكتاتوري بطريقة ماقد مرت علي في حياتي..
وضعك فوق مستوى اني اقدر انصحك زوجك مارح يصحى الا لو يوم من الايام جا ولقا فيكم شي طيب سوي حركة تخوفه طيحي شي على الارض ثقيل وخليه يتكسر وصارخي وخلي الجيران يجون وسوي سالفه واذا جا خليه يدري عن اللي صار وان الجيران دخلو عليك وكل فتره سوي سالفه لين يحس انه المفروض يكون موجود بالبيت او يترك معك تلفون ويرد عليك.. هذا اقرب شي لتفكيري الحين يعني اكبر غلط تسكتين على هالوضع ترا الوحده والضغط النفسي مع الوقت ممكن تتحول لاكتئاب ولا عقد نفسيه على الاقل ادخلي نت كثير واقري خوفي يوم يتغير العالم برا وانتي ماتدرين وتبدين ماتعرفين تفكرين وتتكلمين زي الناس ويصير بينك وبين عيالك فجوة كبيرة ويصير تفاهمك معهم صعب.. لا تستغربين واحد قريب لي كان مصاب بالاكتئاب ويقعد لحاله بغرفته ما يكلم احد بعد سنه قال الطبيب النفسي لاهله ضروري ضروري تشركونه باي دورة او برنامج علشان يتخاطب مع الناس ويفكر لان المخ اذا قعد فتره طويله ما يستخدم يبدا يتعطل وتموت الخلايا.. انتبهي لنفسك ترا لنفسك عليك حق.. |
الله يعينك اخيتي و الله حياة ما تنطاق سامحيني
بس مو معقوله كدا حابسك ... من ايش زوجك خايف كل هذا الخوف عليكم ... انتم بدولة غربية مثلا ؟؟ او سمع عن حد خطف حد . ولا مش واثق فيك و لا ايش الحكاية ... انتي على هذا الحال من زمان ؟؟ و لا من قريب ؟؟ مادري ماعندي اي حل .. الصراحة عااجزة عن التفكير ماني متخيلة انه في حد كذا طيب اذا قلنا انه مايفكر فيك ولا يهمك .. فهمنا .. لكن معقول مايحب ابنه؟؟ مايقهره ان قعد ابنه بلا اكل ؟؟ مايخاف لاقدر الله اذا ابنه طاح ولا اتعور الله يحفظه لك .. ما تقدري تشتكي لاهلك ؟؟ الله يعينك و يصبرك و يحنن قلبه عليك .. |
حاولي تخوفين زوجك باي حركه تخترعينها
اذا مانفع معه قولي له بروح لاهلي انا ماقدر اعيش عمري كله كذا انا بشر ولي قدره عالتحمل وروحي لاهلك اذا ماهمه صدقيني بيندم ويرجعك ويحسن معاملته انا زوجي مو بالغربه لكن مرات يسوي مثل زوجك واصبر ولا استفيدد غير انه يزيد علي اسوي خطط واروح لاهلي والحمدلله يتعدل والوضع تحسن |
طيب وش سبب كل الحبسة؟
والله حرام وش هالقلب اللي معاه مايخاف ربه في فيكم؟ اسالي شيخ بالنت قوليله يصير اني اطلع من وراه اذا احتجت شئ او عند الجيران انبسط او اعزمهم عندي استانس شوي عشان نفسيتي وعيالي ترى بتصيرون متوحشين بالحالة هذي لا تعطينه وجه لازم يتغير حالكم ولا روحي عند اهلك ولا عاد ترجعين الا اذا وعدك انه بيتغير او اشتكي لاهله وقوليلهم كل شئ بالصراحة وخليكي عندهم انتي وعيالك والله مايصير كذا وين حقوقك لو ماتعدل روحي محكمة وكبريها انا انقهرت لك وزعلت وش ذنب الطفل ينام بدون حليب تقطع قلبي عليه طيب هو كيف صلته بربه وصلاته ؟ واخلاقه باقي الوقت معاك وعيالك ؟ |
أعوذ بالله من هكذا أزواج!! اعذريني أختي العزيزة ولكن زوجك يسجنك هكذا!! ويذلك أيضا على الجوال!! لا أدري وبكل صراحة كيف تعيشين مع هذا الرجل..! أسأل الله أن يفرج الله همك.. |
زوجك شخص مو قد المسؤوليه
|
اقتباس:
اشكرج اختي وجراج الله خييييير |
اقتباس:
تصدقين والله صار لي سنتين بالنسبة للغربة واني ماعندي جيران وصارلي سنة ونص ما يطلعني مثل ما قلت الا للضرورة وبالنسبة للكلام بالتلفون طبعا الرصيد محدود جدا ولما بس امسح رسالة من موبايلي لانها مب عاجبتني او اقعد اطالع فيه لانه مشغول بالاب توب ايشوفني اطالع بجوالي يقوم يقولي هاتيه وياخذه ولايرده وبالنسبة لاني اسوي شي بالبيت عشان يخاف علينا ويقول لازمنا تليفون والله العظيم شاهد على كلامي انه مرة طحت وانا بايام الوحام طحت عزج الله بالحمام طيحة كبيرة وصحت بصوت عالي من خوفي وهو كان موجود بالبداية خاف بس يوم شافني قمت بخير قال اني كنت امثل عليه واني ما طحت وربي هالشي جرحني وايد لان الطيحة كانت قوية وتركت فيني اثر ..بقعة زرقاء.. لكن لوجربت اسوي شي ما راح يصدق وراح يقول تمثيل ويعاند وبالنسبة للإكتئاب الله يستر بس بصراحة ما اشوف حالي الا وايد عصبية والشي الثاني اني ابعترف بس هنا لان كلامك لفت نظري والله زوجي يقول عليي اني ما قمت اقدر افكر واحيانا انا بعد الاحظ ان فهمي استوى بطيء وهو احيانا يوم ايعصب يقولي مستوية غبية اوووففففففففففففف وايد اتزعلني هالكلمة وبزيدج كلمة ترا اهله هنا بس بعمرهم محد اتصل عليي ولا مرة لا خواته ولاحد مع ان خواته بعمري والله نفسيتي وايد تعبت منه ولاني ملاقية طريقة انه يسمعني يوم اكلمه بشي وان سمعني ما يفهمني اكمل اتكلم يقولي خلصتي السي دي مالج كل مرة تعيدينه ياجماعة انا وش اسوي معاه مد أسفة ع الإطالة ... واشكرج من كل قلبي ... يارب اجزها خير |
اقتباس:
مدري من شو خايف علينا يمكن لاني طيبة وممكن ما اعرف الخطر اللي ممكن ايصيبني يعني لانه هنا نسمع عن خطف وضياع بنات بس مب ساذجة انا يعني بالنسبة للجوال فترات يسويها يعني ممكن اقعد شهر ما عندي اي وسيلة تواصل مع العالم الخارجي يعني مرة يسحبه مني لاني مسحت رسالة بايخة ما عجبتني او لاني مسحت سجل المكالمات او لاني مشغولة اطالع فيه مع انه يكون مشغول بالاب توب او لاني ما رديت عليه بدون ان يعرف السبب او او بالنسبة لابنه الا يحبه بس يوم يكون مع اصحابه ينسى كل شي وحتى لما يرجع الصباح ينسى انه طلبنا منه حليب وخبز عشان العشاء ويقول نسيت الحين اروح اجيب !!واذا ابنه طاح ياويلي بيقول مسؤليتي وينج عنه شو تسوين هنا؟؟؟؟!! وبالنسبة لاهلي انا وين وهم وين وما ابى ازودهم هموم وهالاشياء حساسة وراح تستوي بينهم مشاكل وزوجي بيقول كيفي انا ما ابغي زوجتي تحمل جوال !!ماحد يقدر يجبرني !! اشكرج اختي واعذريني ع الإطالة |
لازم يكون لك رأي
لازم تقولين له انا ماتعجبني هالعيشه .. اذا كنت مارح احس اني متزوجه ... اعيش بدون زوج وعند اهلي وبكرامتي وحريتي احسن من عيشة .. تكرم عنها عيشة المساجين ..!!! واذا ماعدلت اسلوبك معي وجلست معنا بالبيت ولبيت طلباتنا ومشيتنا .. وصرت حالك حال الازواج انا مابي اعيش معك ... وابيك توديني لاهلي وعيالك ااذا تبيهم خلهم عندك..!!! انا خلاص رح اموت .. العيشه هذي ماتنتحمل ...!!!! ولما يهاوش لاتردين عليه وتطولين صوتك تكلمي بهدوء ولما يصارخ اسكتي وجهزي ملابسك واغراضك .. وسوي نفسك بتطلعين من البيت لما يقول لك شي .. او يقول وش بتسوين ؟ قولي مشكور على العيشه الحلوه اللي عيشتني اياها .. وانا لو عشت بالشارع لكن وانت جنبي كان كنت اسعد انسانه اما لو تعيشني باحلا قصور الدنيا .. وانت مو جنبي .. للأسف بكون اتعس انسانه انا رح اتذكر كل شي حلو منك .. وخلنا نفترق بالطيب .. والله يوفقك بحياتك وتلقى الزوجه اللي كنت تتمناها .. وتسعدها وتطلعها معك وماتفارقها .. ووو واطلعي .. خليه يترجاك .. وانتي لاترفعي صوتك مهما هاوشك ولا مد يده .. لانهم يموتون لا سكتي ... وطمنيني عنك لكن انتي تحتاجي وقفه صارمه |
السلام عليكم إعذروني عالتأخير بالرد الملاك يونا بآرد طيب القلب مس ماربل دلوعة ..حسين أشكركم جزيل الشكر على ردودكم ومساعدتكم لي وربي يجييزكم خير بالنسبة للجوال قلت له اعطيني جوالك بس بدق على ابوي ما رضى قال الا اقوله وش ابغى من ابوي .. قلت له بصراحة بقوله اعطيني جوال ورقم ولان ابوي بعيد فدولة ثانية قام قالي ابوج ماراح يقدر لانه انا ما اسمح لج تأخذين منه ولا اسمح له يعطيج المهم بعد هوشة انه انا ما اقدر اعيش بدون ما يكون عندي وسيلة تواصل وقلت له اني بطلع من البيت بدون علمه والشرع عطاني هالحق وبروح اتصل من برا لابوي يتصرف وياك وانا نحتاج اشياء فغيابه وقلت له لا تجبرني اطلع بدون علمك ورضاك تراك بتخليني متمردة عليك لاني ما اقدر عالظلم انت عندك جوالات مب بس واحد ومن اخر الصيحات وانا اعاني ليش؟! وقعدت الصبح اقوله لاتنسى تتصل بالسوبرماركت يعطينا كذا وكذا كل يوم لين طفش وخاف ينسى طلبنا واسوي مشكلة ورجع عطاني جوال قديم ما يبيه وحجز عنده جوالي الجديد يعني عطاني واحد يعلق وحالته حاله والله ابقولكم شي تراني قبل لا اتزوج كنت موضفة وعندي راتب مثلي مثله والجين انذل ذل على جوال مب ذاك الزود طبعا قبل لا اتزوج استقليت وقلت بتفرغ لزوجي وهو ماهو مقصر عليي ان شاء الله والله والله ما قصرت عليه بس ما كنت اعرفه لانه بعيد وزواجنا تقليدي والله هالجوال ذلني ذل ما صارلي وكرهت كل الجوالات وتشوفيني بس ما اطالعه الايوم ابغى اتصل والله مالي نفس اشوف الجوالات لاني كرهتهم بالنسبة للصلاة يصلي احيانا بس مداوم على صلاة الجمعة:)يكفي بالنسبة لطلباتنا الآكل يعني قلت له اذا ما توفر كل شي لي وللولد اني بدق على ابوك واطلب منه هذا اللي صار للآن وبعلمكم باللي بيصير معي بعدين وان شاء ربي يهديه |
اعذريني ولكن يبدو أن زوجك يعاني من عقدة نفسية!! |
شفتي ماينفع معه الا التهديد والقوه ..لاتصيرين ضعيفه ..
وقولي له بكلم ابوي يجيبلي جوال جديد .. !!! ولما يضغط عليك اكثر ويطلع عنكم .. قولي له انك ماتطيقين هالعيشه .. وانك رح تهربين ومثل ماقلت لك فوووق .. !!!! بس شكله تحسن شوووي .. خلك كذا قويه ترى يخاف يخسرك .. وقام يتنازل لك |
مااجمل ان تبقى الزوجه في بيتها , ولا تخرج الا لحاجه او لموضوع معين او لسفره .او لزياره ....وما شابه ذلك بكامل رغبتها وارادتها . وما اسوى ان تُــجبر الزوجـــه على هذه الامــــور. والواقع اذا سمحتي لي زوجك رجل غريب . وشكاك . وعندي تسأل ليش ماتسالينه انت وين تروح بالويكند . ووش تسوي ؟ عساني مااظلمه لكن بعض العالم الي يتخالطون مع اناس سئيين وخاصه النساء السئيات . يتولد لديهم شكوك في زوجاتهم واخواتهم بل حتى امهاتهم الله يكفينا الشـــــر . اختي حافظي على بيتك بالحلم والصبر والبحث عن مفاتيح الدخول الى عالم هذا الانسان .وانتهاز فرص انبساطه ومصارحته بالامــــر ...فكثر السكوت قد يضر بصحتك . اسال الله ان ينهي مشكلتك مع زوجك على خير . ويجعل بيتكم عامر بالحب والثقه والعدل والانصاف . دمتي سعيده |
| الساعة الآن 07:42 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©