|
قراري تجاه ابن عمي وخوفي مما قد يحدث
السلام عليكم
انا عضوه جديد بس متابعتكم كم زمان اول مره اتشجع و اكتب اللى بداخلى لانى تعبت من الكلام ان شاء الله تنصحوني انا بنات عمري 21 سنه اكبر وحده فى العيله مشكلتى اهل الولد الله يصلحهم يبونى حق ابن عمي بس انا ما ابى و بذكرلكم الاسباب المشاكل كثيره و كبيره بس الحمدلله على كل حال ربنا اكبر و اكرم قبل سنه وافقت على ابن عمي ( كنت اظن انى اقدر اضحي عشان الوالد الله يحفظه و يهديه) المهم من انا و صغيره يقولون انتى حق فلان و فلا لج انا ما كنت ابي و لا اتصور فى يوم من الايام باوافق عليه المهم وافقت و انا اللى طلبت من امي و ابوي اكلمه ( عشان اتعرف عليه و اتقبله مش اكثر و الحمدلله اني طلبت هذا) كنت اكلمه و اعرف عنه اشياء كثيره ( ما يصلي ما يدخن حنون طيب يحبني شكاك لدرجه ما تتصورونها ) لما اكلمه كان يسئل انتى وين و ارد عليه يوم كنت فى الجامعه - كان عندي كورس بعد المغرب لحد الساعه 9 و الدكتور قالنا بعد البريك لا تيون بس الكتب من المكتبه و المكتبه تفتح الساعه 7.30 فى اثناء المحاضره اتصل و انا كنسلت المكالمه لانى فى الصف بعد الصلاه طلعت انا و صديقاتي رحنا لكوفى شوب احذنا كوفى و حلا و طلعنا يعنى ما طولت نزلت من سيارة صديقتي و هى مشت انا و ربيعتي الثانيه رحنا المكتبه بعدين مشيت البيت ( على فكره انا استأذنت من امي و خبرتها انى بطلع لاني الكوي شوب قريب من الجامعه ) و انا راده البيت اتصل الاخ المصون و قال لى كنتى مع مين؟ خبرته و قلت له - قال انتى متأكده كانت فلانه و مش ولد!!!!! قلت له كيف يعنى ولد؟؟ انتى تتهمنى صح قال لا اسئل بس !! نعم يا خوي فين الثقه!! قال انتى نزلت من السياره الفلانه و رقم السياره كيت كيت و كيت و نوع السياره انا ما شفت السايق ما شفت بنت او ولد بس انتى متأكده مش ولد !! قلت له اسم صديقتي فلانه ما عندها اخوان و انا مستحيل اسمح له يتهمني انا امي و ابوي ما شكو فينى انت جاى الحين تقول كنت مع ولد و انا عارفه انى مخطوبه لك @@ المهم عصبت و خبرت الوالد و الوالده و عصبو اهم و الوالد قاطعه فترة و انا خبرتهم انى ما ابى عفته خلاص كنت مجبوه صح و ضحيت صح بس يتهمنى فى شرفى لا هذي تره و الله ما اقبلها ابوي زعل منى و قاطعنى و امي قالت كيفيج و رجعنا كل الهدايه و الاغراض ( الملكه تأجلت كم مره بسبب المهر كل مره يماطلون يقولون حل نعقد بعدين المهر ) بس امي ما وافقت و الحمدلله بعد فتره رجعو افتحو الموضوع و عمي كل شوي يدق و يقول اشش صار و و و و انا ما ابي اغير راي لانى ما اتقبله و لا اواطنه و احب اسمع سيرته و لا اشوف شكله حتى قبل فتره يات اخته و كانت علاقتى معها جدا طيبه بس اللى حصل هى كلمت امي و قالت لها فاتحى البنت امى قالت لا ما يخصنى هى ما تبي انا اتصلت و كلمتها و قلت لها انا ما ابيه ارجوكم صكو الموضوع و لا عاد تفتحونه قالت اي احنا فقاره و انتى شايفه نفسج ان شاء الله تحصلين واحد احسن من اخوي و صكت التليفون فى وجهي@@ الحين ابوي مريض اخاف يستقل المرض و يطلب منى اوافق عليه و انا اذري انا ما راح اتقبله حتى لو جاب لى القمر كيف اقنع الوالد؟؟!! * الاشراف/عذرا..تم تعديل العنوان ليتضح المضمون |
الله يعينك .. اذا كان ابوك من النوع الملتزم ادخلي عليه من مدخل الدين وانه لا يجوز شرعا ان تغصبي على الزواج من شخص انت لا تريدينه .. وان كان ابوك من النوع اللي يتفاهم ادخلي عليه من المنطق والعقل وان تفكيرك غير تفكير هذا الشاب وانه شكاك والشك نوع من المرض ومن هذا الكلام .. وربي يوفقك .. |
عليكم السلام ورحمة الله وبركاته
لاتستلمين وتضعفين هذي حياتك انتِ فقط ماراح أحد يشاركك الألم ولا التعاسة إذا أقدمتي على موضوع الزواج وانتِ غير مرتاحة له بالإقناع والحوار الهادىء كل شي يصير ، مهما كان والدك أكيد له تفكيره الخاص لكن بما إنه والدتك فاهمة عليك بإمكانها اقناعه معكِ الزواج مافيه شي اسمه تضحية لأنه مو يوم ولا يومين هذي حياة بأكملها كيف راح تعيشين مع واحد شكاك وهذا أكبر شي يخليك ترفضينه رفض تاااااام مافيه ثقة بين الزوجين يعني مافيه راحة ولا حياة مطمئنة ادعي كثييييير إنه ربي يسخر لك والدك ويتقبل رأيك ولا يعاند وكذلك لاتضغطين عليه بالنقاش اختاري الأوقات والأجواء المناسبة للحديث معه واصــــــــــري على موقفك ، لأنه الندم شعور مميت ومادمتِ صغيرة وعلى البر احمدي ربك واشكريه إنك حتى ماتملكتي مجرد خطوبة وحتى طريقة أخته الله يهديها ماهي طريقة محترمة ! كيف تقفل في وجهك ؟! يعني من البداية لا الولد ولا أهله ! الله يعيينك ويكتب لك الخير في حياتك .. |
ابن عمك كم عمره ،، يشتغل
مهركم كم ولماذا يستثقلون المبلغ ووالدك ما افهم موقفه غضب منه قاطعه فتره و بعدين قاطعك انت بعدها و الان مريض ما دخل مرضه بموافقته على ابن عمك و اخوه عمك اكبر منه ولا اصغر |
ياحبيبتي لاتتخوفي لان الخوف بيخلي الامر يصير يعني زي مايقولو الي يخاف من شي يطلع له وذي حقيقه علميه الي يقول بيصير لي كذه وتسيطر الفكره على مخه تحصل يعني تفالو بالخير تجدوه انتي حطي بمخك ان الوالد مايرضيه ضلمك والشخص صرف نضر وراح والموضوع مارح ينفتح ثاني اقنعي نفسك بهالامور لتجديها تحصل واكرر لاتخافي او تتوقعي حدوث شي فانه يحدث ومن الناحيه الدينيه الحديث تفالؤا بالخير تجدوه وعلميا حقائق يصعب ذكرها الان ومن الواقع انا فاغلب شي كان يخوفني يصير لين قريت بعض الكتب وغيرت نضرتي اصبحت اتفال
واذا الشخص مو مناسبك وشكاك واصلا انتي شكلك مو مقتنعه به من اول فلاداعي للتضحيه لانا نضحي باي شي الا بارواحنا صعب وليه التضحيه والديك باين متفهمين وضعك والي خلق ابن عمك خلق غيره والله يرزقك بالشخص المناسب |
لا تخسرين حياتيك عشان اداري خاطر احد ...
قولي له ( ما اقدر ) ... ( يبه انت ما ترضى تشوفني مطلقه ) وبيقتنع ... |
اقتباس:
هلا بالخاله اميرات الوالد لا ملتزم و لا من النوع اللى يتفاهم الله يشفي و يهديه يا رب ادعى لى |
اقتباس:
اقول هذا الكلام حق الوالد بس يقول الناس ايش بتقول عنا انا بعيش مع الناس !! لا والله محد راح يتعب و يشقى غيري و للشهاده اهل ابوي يحبونى وايد بس ما عندهم اسلوب شاكره مرورج اختي |
اقتباس:
يشتغل سائق شاحنه عند خالي - لانه مش دارس 50,000 ريال هم مادفعو على اساس انه ابوي بساعدهم!! بس ما قالو لنا بطريقه مباشره غصب منه فتره عشان الكلام اللى قاله لى و قاطعنى لانى تجادلت معاه على السالفة ذي يعنى يبي يمسكنى من الايد اللى تعورني - ابوي ياته جلطه من 20 يوم و صار يكلمني فانا خايفه يستغل هذا الشى عشان اكسب صحته او اهله يضغطون عليه شاكره مرورج اختي |
صراحة اقنعي اباك بالمعروف
والله الفأس لو وقعت في الرأس ما احد ينفعك وقولي له يعجبك لما اكون في مشاكل مع واحد شكاك وادعي الله انه يكون كلامك برد وسلام على والديك قبل ما تكلميه صراحة الله لا يبلانا هذا ما احد يجازف يعاشره كزوج الا الشكاك والله يوفقك ويكتب لكي الخير ياززززززززززرقاء واصفاااااااااخخخخخخر |
اقتباس:
انا خايفه على صحته و ما ابي يقاطعنى مره ثانيه امي الحمدلله وايد متفهمه شاكره مرورج اختي |
اقتباس:
اهل ابوي ما عندهم حياة فلانه اهم او فلان لا اهم شى الناس و القبيله تقول ماخذين من الاهل و مب غريب الزواج من الغريب عندهم حرام و عيب استغفرالله العظيم بنت عمتي متزوجه من 13 سنه و ليومج زوجها ما لمسها يقولون مسحور طيب ليش ما يتعالج!! و ما يطلقون لانهم اعيال عم و الناس بتتكلم!! شاكره مرورج |
اقتباس:
طيب اختي خلي احد من اعمامك يتدخل اذا كان فيه واحد عاقل ومتفهم الله يوفقك وييسر امرك... |
اقتباس:
ناس شايفين نفسها و ما يعبرون الغريب واحد من اهل امى من بعيييييييييييييييييييييييد تقدم لى و امي خبرت ابوي تصوري شو قال ما يخصني!! سوى اللى بتسونه لا حول و لا قوة الا بالله شاكره مرورج |
اقتباس:
ابوي ما عنده الا عمي الكبير و انا كلمته قال لى يا بنتي وافقي عشاني ضحي و اللى تبينه بيصير!! والله انصدمت عندي خوالى اخاف يقاطهم ابوي و اكو ن انا السبب شاكره مرورج حبوبه |
بسم الله عليكي
مرض والدك ليس له علاقه بالموضوع لا ترمي بنفسك الى التهلكه رح يقتنع ابوك اليوم او غداااااا الذبحه الصدريه تأتي نتيجة ترسبات شحوميه مع الايام يعني مش وليدة اللحظه انتي قولي له ابوي انا بنتك ثم وقت قال عن العريس قريب امك اعملو اللي تبونه يعني موافق ولكن ليس كثيرا كان لازم تمسكو بطرف الخيط حبيبتي انتي خايفه على صحتة ابوكي وان شاء الله تعود له صحته قريبا اهم شي الاكل ابعدو عن كل السمن والزيوت وكله شوي الاكل هذا اللي يساعده على الشفاء وليس زواجك من ابن عمك لان هذا الزواج اذا لم تكوني سعيده رح يصيب ابوكي عشرين ذبحه صدريه من همه عليكي يعني قارني بين ذبحه واحده مقابل عشرين اكرر الله يشفيه يا رب والاحظ من كلامك انو وضعكم المادي افضل وانتي تلميذة جامعه وابن عمك غير متعلم يعني ما في توافق |
اقتباس:
خاله غرين انا اقول من الممكن يستقل الوضع لا اكثر و لا اقل ابوي الله يشفيه فيه السكر و الضغط و chelosterol ما ابي ازيد همه هم عرفتى كيف و العريس اللى جا و طار - الحمدلله على كل حال - كان متمسك و الين اليوم اخته تكلمني و تقول لي اخوها يقول ابوها وافق او لا كيف يعنى يقول سوه اللى تبونه!! احنا مش رجال و بعدين عيب نقول حق الناس انتظرو ابوها بيوافق يعنى املج بدون الوالد اكيد مستحيل يلا الحمدلله كله خير ان شاء الله الله يشفيه شاكره مرورج عمري |
حبيبتي والدك الله يحفظه ويشفيه
الضغط علاجه الدواء والكل من غير ملح وغيرو السكر علاجه الرجيم والبعد عن السكريات والسمن والزيوت حبيبتي هو ماسك عليكي مرضه ليضغظ عليكي بالزواج اذا تزوجتي وانتي لا تريدينه رح يصير معك ضغظ وسكر ولن يشفى ابوكي من المرض بزواجك انما علاجه الله يشفيه بالحمايه والمداومه على الادويه والحميه انتي تلميذه جامعيه ومتعلمه ومثقفه ثم اقول لك استخيري رب العالمين خلي امك تقنعو وتكلمو شكل عمك ضاغط عليه |
اقتباس:
حاليا محد تكلم بالموضوع و امي قالت لى اذا حصل و كلمك بس قولى له ليش ما تحب سعاتي مثل ما عمي يحب سعادة ابنه ادعى و جزاك الله خير |
عم ادعيلك من وقت شفت الموضوع
امك لها تاثير كبير على والدك وانتي ماشاء الله متعلمه ومثقفه وجامعيه وان شاء الله رح تلاقي تحسن كبير في المداومه على العلاج والاهتمام فيه الله يحفظه ويطول لكم في عمره ويشفيه ويفرح فيكي مع الزوج اللي يسر قلبك وعقلك ويسعدك العمر كله |
تم نقله لقسمه المناسب..المقبلين ..بالتوفيق |
اقتباس:
|
اقتباس:
بارك الله فيك لا تحرمني من رايكـ |
حبيبتي اقتربي من والدك كثيرا وخصوصا انه مريض خليه يتعلق فيكي
وخصوصا الاهتمام بالاكل طبعا نش نحتاجه توصيه انما لازم يحس انك حنونه ورح يخاف يطلع عنك واذا شاف دمعتك لازم يكون لها تأثير بقلبه اتمن انو قدرت اوصل لك وجهة نظري حاسه انو ما قدرت اعبر مظبوط |
اقتباس:
اى فهمتها ان شاء الله ربي يقدرني على طاعته |
| الساعة الآن 09:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©