|
هديتي لخطيبي
السلام عليكم ورحمة الله وبركاته
حابه اخذ رايكم في هديتي لخطيبي اشتريت له عطر ون مليون وطقم من ايف روشيه صراحه انا عجبتني ريحةالعطر ,,,, كيف العطر؟؟ والطقم فيه عطر ومزيل لرائحه العرق ولوشن ينفع اهديه الطقم والعطر مع بعض ؟؟؟ صراحه هدايا الرجال صعبه اشتريت اغلب الاشياء ولسى باقي هدية العيدين مو عارفه ايش اشتري حابه اسمع رايكم في العطر هذي صورته http://www11.0zz0.com/2009/05/02/10/687547943.jpg مقهوره ماني قادره ارسل شكل الهديه النهائي ماادري ايش المشكله في جوالي مو راضي يرسل . غلفتها بتغليف احمر وشريطه فضي شكلها روعه والكيس لونه احمر كمان وفيه قلوب . |
هالعطر روعة يا إبداع وأنا جبته لخطيبي قبل فترة وعندي صورة التغليف..وعندي مناسبة قريبة وياه ونفس الشي مو عارفة شو أجيب له!! يا ريت حد يقدر يساعدنا.. حاولي تنزلي الصورة مرة ثانية... في انتظارك عزيزتي.. |
شريت نفس العطر لزوجي اول ما نزل السوق
وعجبه العطر جدا بس ثقيل شوي حق الصيف الحين يستخدم جوتشي اخف شوي للصيف للحين ما فكرت بهدية العيد ! شنو ناوين تهدون احباءكم ؟ انا باذن الله ناوية اهديه برمضان مسباح وسي دي مواعظ وسي دي قصص من القرآن وللعيد للحين ما فكرت ! بس بخاطري بخاطري اجيب له محفظة وبزمات وقلم بنزل السوق واشوف الاسعار واقولكم عن النتايج باذن الله :) |
والله خلصت الهدايا.. عطور, ساعات, محافظ, شووز, بدلات حتى الدباديب والقلوب..! ما في شي ما جبته لخطيبي خاطري في شي جديد ما عندي أي فكرة!.. |
اقتباس:
المشكله اشتريت طقم من ايف روشيه كمان بس ماغلفته احس مو زابطه اهديه الهدايا دي مع بعض الطقم والعطر والله محتاره انا ايش اشتري هديه له بالعيد لاني بهديه هذي الهديه لمناسبة خاصه بس حاولت افكر ايش اشتري للعيد احترت ماحصلت شيء حلو اغلب الهدايا اهديته انقذونا بهديه للعيد . |
اقتباس:
شوفي حبيبتي خلي الون مليون للمناسبة الخاصة وطقم الإيف روشيه للعيد يكون أحسن بهالطريقة.. |
اقتباس:
وبالنسبه لهدية العيد خلاص مافي شيء اهديته مصحف واهديته محافظ واهديته قلم واهديته ساعه شكلي بأهديه شماغ ايش رايكم فكره خطرت على بالي اهديه شمااغ ودهن عود :25: الحين خلونا في الهديه دي كيف اهديه الطقم والعطر سواء ؟؟؟ |
اقتباس:
ماادري من وين جبته الهديه دي بس خطرت ببالي . |
اقتباس:
|
احم احم يصلح اخبركم بشئ حلو عجبني
فيه جهاز مو عارفه اسمه مضبوط بس هو يتركب بالسياره محله الولاعه مثلا الام بي 3 وجماعتهم وتجيبي يو اس بي ممكن تحطي فيه الصوتيات اللي تبغيه وكل مادخل السياره شغلها >>عجبتني الحركه دي شوفتها بسيارة عمي فيه كمان من نكتار روائح رائعه ممكن للسياره ممكن للملابس يحطها في الدولاب تجي ثلاث حبات ب69 تقريبا شكلها زي الكيس الصغير المربوط في فكره مره عجبتني وعلى مااعتقد قد شوفتها بالمنتدى انا العام هدية ماما وبابا كدا بالعيد اشتراك بوقف خيري باسمهم مثلا تقوليله انا حابه تاخد الاجر وربي يضاعفه لك مممم في فكره حلوه سويتها لوحده انا مجنونه كمبيوتر وكدا تجيبي صور خطيبك وسويها مقطع فديو وتضيفي عليها مقاطع صوتيه وحركات وكلمات حلوه ممكن لو عند برجوكتر (داتا شو) لما يجي تعرضيها له مفاجأه او تعطيه بسيدي مو لوحدها يكون معها شئ تاني بصراحه دي الفكره مره عجبتتني موت ماعرف بس انااحب الاشياء البسيطه واللي تظل ذكراها لوقت طويل ممكن بالعيد تقدمي له تورته فيها صورته >>>وه وه مره حينبسط سويناها لاخويا بحفلة تخرجه من الثانوي اش كمان اعصري عقلك يابنت لو جت ببالي فكره حقولها والاكيد ماحبخل على خواتي والله يوفقكم يارب ويكتب لكم السعاده |
الله يوفق من فكر في خطيبه واهداه الله يسعدك اختي
انا اشوف ان الهديه مررررررررررررررررررره روعه وبالنسبة لي انا لو جاني الغلاف بس راح اعتبرها من اجمل الهدايا لأنها راح في الأول والنهايه تكون دلاله على ان اللي عطاني هذي الهديه يفكر فيني ويهتم اختي الهديه ببساطتها راح تكون رمزيه اكثر فهمتي علي اشوف انها كفايه ومو لازم تزودين بالنسبة لهدية المناسبة الخاصه اللي تقولي عليها الله يوفق الجميع ويسعدهم |
فكرة الشماغ روعة لكني اهديته العيد الماضي شماغ غالي ودهن عود
بشوف لك طرق تغليف مبتكرة وارجع لك اختي الغالية شرايك بجوال للعيد ؟ الجوالات الجديدة نزلت .. والله انها فكره حتى انا صار خاطري اشتري له جوال :) |
هههههههههه
يا حليلكم يا بنات حواء:d ربي يحفظ لكم ازواجكم:23: اما بالنسبة للهدية .. العطر بحد ذاته كافي ولو كان بس العطر هدية بيحس بطعم الهدية اكثر من لو كان شي ثاني معاها بالنسبة للتغليف ترى الرجال مايهتمون للتغليف اببببدااااااا وانا واحد منهم .. :25: اذا جتني هدية مغلفة بشكل وحركات .. على طوووووووول امزق الغلاف ..:29: بس بعرف شو داخل الغلاف .. لأان مايهمني الغلاف كثير :23: حلات الهدية لو كانت ملفوفة بشريطة سهلة الفك .. من المحل نفسه :17: الرجال ليسوا كالنساء من ناحية غلاف الهدية والاهتمام فيه :30: الرجال لو شافو الغلاف جميل جدا .. بيفكرون بسعر الغلاف ويقولون حرام حذفناه بدون شيء :21: عكس النساء :25: بمناسبة قرب العدين تقدرون تاخذون حق ازواجكم .. احذية او نعال احذية ماركة غوتشي او سان لو ران او أل في :22: اقلام حق العيد :14: انا زوجتي اشترتلي كوت من زارا مثل مال المسلسلات السينمائية حق اوروبا في الشتاء:22: بصرااحة روووووووووووووووووعععععععة حسيت عمري ممثل سنيمائي خطير :18: تقدرون تاخذونه معاكم السوق وتخلونه يختار نظارة شمسية :30: تي شيرتات وجينز :d جاكيت مال بدلة وبنطلون جينز .. وقميص :28: ولفه حق الرقبه :24: لزوم الكشخة طبعا :23: تحياتي |
ابداع يا ابداع ..,, رائع شعورك .. بقي على العيد شهر واكثر وانتي من الآن تفكرين بهديته ..,, رائعات نحن معشر النساء ..,, اسأل الله العظيم أن يعظمك وما تهدينه في عيني زوجك ويسخره لك ياااااااااارب .. ما رأيك عزيزتي ... بعرض اما بالبوربوينت او الفلاش تقومي بعمله في سي دي .. أو في USB وتكتبين انتي عبارات جميله .. إضافة إلى وضع خلفيات صوتيه كقصائد سالم سيار أو اي من الشعراء الآخرين .. ومعها شيء رئيسي ..مثلا .. تي شيرت به صورتك تصميميه عند مصوره .. وتضعينه في جيب دبدوب يباع في سيتي بلازا // هناك روائع اذهبي وانتقي او مثلا .. طقم كامل للسياره من متكى للرقبه وقطعة قماش توضع في الخلف لا اعرف اسمها .. وفواحه كلها بنفس اللون .. هذه كلماتي على عجاله وعندما اتذكر شيئا سأكتبه لك بإذن الله .. |
ابداع ,,
فكرة الشماغ حلوة .. لانه بيفتكرك على طول كل مالبس الشماغ ,, وفيه اشمغة حلوة وكشخة ,, مثل البسام ,, دنهل ,, المهياف >>>> مااعرفه اسمع انه ممتاز ,, اسال الله ان يسخر لك زوجك .. ويوفقك لسعادة الدارين .. |
العطر شريته من فترة .. بس حسيت رائحته قويية مرة و مو مناسبة للشباب
فا اعطيته الوالد :) و اعجبه جدا جدا و رجعت اشتريت لزوجي عطر the one from D&G العطر روعة روعة روعة بكل المقاييس .. وزوجي اللي عادة يقول شكر على اي هدية اهديه و يسكت لما اهديته العطر و استخدمه ماوقف مدح :) وكل شوي يرش و يقول لااا ذووويقه .. العطر رهيييب :) وطبعا و انا طاايرة من الفرحة :) نصييحة جربوه و شوفوا ... والله حتى انا كل ما اشمه عليه الصق فيه .. يقول تحبيني اقوله لاا العطر روعه :) بالنسبة لهدايا ثانية .. والله مادري بس فعلا الرجال هداياهم معدودة ... ممكن تهديه ميدالية مفاتيح عليها صورته محفورة بالليزر مرررة حلوة و جديدة .. ممكن مكينة حلاقة .. ممكن تعملي له بطاقة و ترسليها له .. بطاقة تدعيه فيها لتقضية يوم عندكم بالبيت وطبعا جهزي له يوم كامل مليء بالانشطة ممكن تشتري دفتر مذكرات صغير و تبتدي من اليوم تكتبي فيه شي وكل يوم يمر اكتبي فيه شي عن مشاعرك .. عن شي سواه و فرحك او احزنك الله يبعد عنكم الاحزان ممكن ابيات من الشعر ممكن تكتبي فيه احلامك و امانيك .. او تاخذي عهد على نفسك بانك تسعديه و و و و يوم العيد اهديه ياه مع اي هديه بسيطة هذا اللي جا ببالي الحين |
اقتباس:
افكارك حلوه في إنتظار افكارك الباقيه :22: عقبال مانشوفك تهدي لخطيبك وتحتاري مثلنا :) |
اقتباس:
بأخذ بنصيحتك وبهدي خطيبي العطر لحاله واكتب له رساله كدا افضل والطقم بهديه في العيد مع شيء تاني وفقك الله واسعدك بالدارين |
اقتباس:
الجوال ياقلبي خطيبي مايحب يغير جواله وكمان اخر مره يمكن قبل 3اسابيع جاب لي جوال توه نازل وقبلها جاب لي جوال باللمس يعني فكرة الجوال مستبعده من عندي على العموم لاتبخلي علي الله يسعدك بالافكار ترى ماخليت شيء مااهديته لخطيبي . |
اقتباس:
تقريبا اغلب اللي كتبته اشتريته لزوجي لكن الكوت لسى مااشتريته على العموم لاتبخلوا علينا بالاشياء اللي تحبوها عشان الكل يستفيد :) الله يعطيك العافيه وفقك الله . |
اقتباس:
وكمان فكرة اغراض السياره حلوه بس مالي خبره فيها ماادري شلوون ياريت احد يخبرنا عنها . افكارك رائعه يعطيك الف عافيه في إنتظارك ياقلبي . |
اقتباس:
طيب سؤال الاشمغه لها مقاسات؟ ادري انه سؤال يضحك بس والله مااعرف هالشيء وابي اتأكد منه وسمعت كمان عن شماغ فالنتينو كثير من صديقاتي نصحوني فيه بما انك شاب ايش افضل نوع من اللي ذكرتها اخواني اشمغتهم من البسام بس ابي لزوجي شيء مميز ويبيض الوجه . مشكور اخي الكريم اصغر اخواني الله يوفقك ويسعدك مع من تحب . |
حياك الله ,, ياابداع ,,
تختلف الاذواق في الاشمغة ,, واكثر الناس تهتم بلمعة الشماغ ,, وخفته وثقله ,, وايضاً من الاشياء الي تميز شماغ عن آخر ,, (وهاذي قرأتها في موضوع لاحد الاخوان) الخامة ,, الشطط وعدم تطابق الاطراف ,, الكرمشة والتجعد عند اللبس ,, عارف بتقولي وانا اش عرفني بهاذي الاشياء :25: طيب عندك البسام شماغ جيد و عملي ويعتبر الاكثر مبيعاً ,, وفيه انواع افضلها البسام بلس .. وايضاً البسام مايفير صراحة سعرة غالي بس مايستاهل فيه شطط واضح ,, عندك فالنتينو .. ماركة عالمية من عيوبه انه ثقيل الوزن .. شماغ كلوب ريفيرا ... ماركة عالمية يباع في معارض محدودة جودة عالية يعتبر من اخف الاشمغة .. الميهاف .. جيد جداً خفيف الوزن جودة عالية .. اقتباس:
لا ما :d صحيح تختلف المقاسات .. يعني على حسب الجسم في الغالب الشباب من 60 الى 62 وفي ناس تحب الشماغ صغير يعني تختار 58 اريح يكون كبير حتى تزبط الشخصية دائماُ اختار 62 ** ** ** ** ** ** بالنسبة لاغراض السيارة ,, في فواحات حلوة عند بدي شوب او زهور الريف خاصة بالسيارة ,, وانتي تختاري الريحة على ذوقك .. وحلوة تبقى الريحة في السيارة ويتذكرك على طووول .. وفيه جهاز ام بي ثري عند محلات زينة السيارات يتركب في الولاعة تبع السيارة .. وفكرته انك تجيبي فلاش وتضعينه في نفس جهاز لام بي ثري .. يغني عن المسجل .. وسعره حلو .. آسف للاطالة .. اتم الله عليكم الانس والسعادة ,, وحفظكم المولــى من كل عين وهامة .. وفقك الله .. |
اقتباس:
جزاك الله خير اصغر اخواني .. وكذلك من أغراض السياره مثل ماذكرت لك الفروه التي توضع تحت الزجاج الأمامي والخلفي وكذلك حاملات الأكواب .. هذه وجدتها سابقا لدى هوم سنتر .. اما بالنسبه للصوره اغلب المصورات يقومون بوضعها .. أو ممكن تكتبين على كوب معين اسمك أو اي عباره تختارينها وتضعين بداخله شوكولاته اصابع من شوكولاين أو باتشي وتطلبين منهم ان يطبعوا عباره بإسمك عليها مثل .. (( شوكولاته بنكهة // اسمك // ممزوجه بكريمة // اسم خطيبك )) وتضعين هذا الكوب بداخل صندون مثل السجن موجود لدى نكتار ,, تطلبين منهم ان يضعوه داخله ومن ثم يغلقونه بطريقتهم وإذا اراد ان يفتحها عليه ان يفكر بطريقة لذلك حتى إذاعجز عنها ارشديه للطريقه .. وبذلك اضفتي شيئا رائعا وجوا مليئا بالحماس والطرافه لكما .. هذا مالدي الآن ,, |
السلام عليكم ورحمة الله وبركاته
أتمنى تقبلوني صديق لكم وانا اول مره اسجل بمنتدى بيني وبينكم يوم خطبت قلت مالي غير هالمنتديات أخذلي شويت خبره قبل ما أجيب العيد مع بنت الحلال . (ومنكم نستفيد). وبخصوص تعليقي على هديتي الاخت ترى طفشنا من العطور والورد خلونا نغير شوي جد والله أنا من كثر مايهدولي أخواتي عطور حسيت إني (أبو ريحه) ههههههه بصراحه احنا لازم نغير نوع الهديه يعني مثلا ليه ماتعطيه حق الهديه( كاااااااش) هههههههههه |
اقتباس:
اهديته الهديه وعجبه اعطر مرره والحمد لله جزاك الله خير |
اقتباس:
ماقصرت الله يعطيك العافيه رحت شوفت الاشمغه وركزت على الاشياء اللي كتبتها لي وصرت افهم في الاشمغه اخيرا :) ان شاء الله قبل العيد اشتري له شماغ واضيف له الطقم الله يووفقك ويرزقك راحة البال والسعادة |
اقتباس:
افكارك حلوه الله يعطيك العافيه ربي يسعدك ويوفقك |
اقتباس:
|
| الساعة الآن 11:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©