|
آخر مستجداتي مع (( زوجة صديقي )) !!!
السلام عليكم ورحمة الله وبركاته : : : : : : : : : اخواني اخواتي اعضاء هذا المنتدى العزيز على قلوبنا ، احببت فيما مضى ان اطرح عليكم مشكله او بلوى او مصييبه كانت تؤرقني شهور ، وهي مشكلتي مع زوجة احد اعز اصدقائي ، وطرحتها لكم على الرابط ادناه / http://www.66n.com/forums/showthread.php?t=190707 وكعادتكم ماشاء الله عليكم ، من خلال ردودكم واقتراحاتكم الهمتوني بعد الله بفكره كانت محبوكه وتحل كل المشكله ، وبلغتكم وشرحت لكم من خلال الموضوع اني بإذن الله بطبق خطه وان شاء الله تكون ناجحه بالرد رقم (23) على نفس الموضوع . والحين احب اقولكم عن التطورات والاحداث الي صارت امس بالليل (( يوم الاربعاء )) ،،،، في البدايه بلغت زوجتي وقلت لها كل الي صار ، وانا ولله الحمد رُزِقت بزوجه عاقله ورزينه وتثق فيني ثقه لا متناهيه وانا بعد ابادلها نفس الشعور ، المهم اني قلت لها اني محتاج لك علشان تساعديني بحل هالمشكله ، وشرحت لها المطلوب منها لتنفيذ الخطه الي في بالي وكان يوم الاربعاء هو يوم تطبيق هالخطه الي بتحط النقاط على الحروف . اتصلت على صديقي وبلغته انك انت وعيالك (( يعني زوجتك )) عندنا في البيت ، وطبعاً حاول يتمنع ويتعذر وانا لااااا مافييييه اصريت ولزمت عليه والحمدلله وافق ....وجا يوم الاربعاء وكانوا على الموعد عند باب شقتي :30: وانا طبعاً كنت في حاله مايعلم بها غير رب العالمين من ارتباك وتوتر وخوف وكنت ادعي بيني وبين نفسي ان البنت المتصله ماتكون زوجه ، على الاقل ارتاح نوعاً ما . وطبعاً الزوج كان عندي بالمجلس وسوالف وضحك وعشى وشاهي وقهوه ،،، وزوجته (( ساس البلا )) كانت بمجلس الحريم عند زوجتي ونفس الشي سوالف وضحك ووناسه (( على قولة زوجتي مدري عنها )) ،،، المهم بعد ماتعشينا وتقهوينا وخلصت السوالف ، استأذنت وطلعت من المجلس وناديت زوجتي وجاتني وعطيتها جوالي وخذت انا جوالها ،ووقفت مكاني انتظر النتائج :24: ،،، زوجتي دخلت عليها وكان في يدها جوالي (( رقمي انا يعني )) وجلست جمبها واتصلت عليها من جوالي (( وخليتها تتصل عليها من نفس الرقم المخزن بجوال صديقي تحت اسم ( ام فلان ) )) ،،،، تقول زوجتي كنت اتصلت على الرقم واتمنى مايرن جوالها ، ويوم اتصلت للأسف جوالها رن وهي طلعته من الشنطه على نياتها وتفاجأت يرقمك يتصل عليها وانا جوالك في يدي ،،، تقول زوجتي ان وجها صار ارزق وعيونها تبحلق ومحتاره :11: ،،،، المهم زوجتي قالت لها لا تشيلين هم انا ادري من زمان وخالد يقولي كل شي اول بأول بس ثواني بتصل على خالد ،،، واتصلت على (( وقلت لكم جوالها كان عندي )) اتصلت علي وقالت لي خلاص يا خالد تأكدت انها هي تقدر تتفاهم مع زوجها الحين ،،، وطبعاً هالكلام وهي تسمع ،،، تقول زوجتي ان المسكينه قامت من محلها ونطت وخطفت الجوال من يدي علشان تكلمك ،،،، وبالفعل تفاجأت بصوتها من الجوال وهي تقول الله يخليك لا تقول شي وانا الله العظيم والله لا يوفقني اني ماعاد اتصل ولا ازعجك ،،،، انا فوراً ماقلت لها اكثر من (( خير ان شاء الله ،،، عطيني زوجتي ))،،،،،، كلمت زوجتي وقلت لها عطيها المصحف الي بالدرج وخليها تحلف والمصحف بيدها انها ماعاد تخون زوجها ، وتقول زوجتي يوم عطيتها القرآن وقلت لها يقول خالد ماراح يقول شي وبيعتبر الموضوع منتهي لو حلفتي على القرآن انك ماعاد تخونين زوجك طول العمر ، وتقول انها ترددت في البدايه وبعدين قالت بروح اتوضأ ، وراحت وتوضت وحلفت على القرآن انها ماعاد تخون زوجها وبعدين رجعت زوجتي اتصلت علي وقال خلاص كل شي تمام :17: وبعد دقيقتين رن جوال صديقي ورد عليه وبعدين قال يلا يا خالد انا استأذن العيال طلعوا (( يعني زوجتي طلعت )) وهو يقولي اكرمكم الله ماقصرتوا ،،،، وانا في خاطري اقول (( انت الي اكرمك الله وماقصرت يوم جيت ،، فكيت ازمه )) . وهذا كل الي صار وانا الحين اكتب لكم وانا احس اني اسعد مخلوق واكثر واحد مرتاح نفسياً . والله يجزاكم الف الف الف خير ، ويوفقكم في دنياكم ويرزقكم الجنه ،،،،، |
ع البركة
فرج الله هم كل مسلم وأعان الله صديقك على ماهو فيه وثبتها الله على التوبة |
ما شاء الله ما شاء الله ماشاء الله
عن جد اعجبتوني موقف بطولي تبارك الرحمن جزاكم الله كل خير وزوجتك يبيلها بوسه على الراس والله..... بس ليه ما اخدت تنصحها زوجتك شوي عل وعسى هالحرمة محتاجه تذكرة.....خل من فترة لفترة تزورها زوجتك من يدري يمكن الشيطان يوسوسلها مرة ثانية...... الله يهديها يارب ويسعدكم ويبعد عنكم كل سوء جد تعلمت الكثير من موقفهم هذا ربي يبارك فيكم ويطرح البركة في عيالكم..... بس نصيحة لاتتركون الحرمة هاذي حاولوا تكسبونها وتأخذون الأجر في هدايتها... بوركتم |
لا حول ولا قوة الا بالله
سبحانك ربي اني كنت من الظالمين بدون تعليق على الموضوع اللهم استر علينا وعلى بنات المسلمين يارب |
والله قصة ولا في الأحلام ماشاء الله تبارك الله على صبرك وعلى صبر زوجتك وتحملها للموقف والنتائج حلوة ، لكن ألا تتوقع انها لم تجد مفر سوى الحلفان ؟ يعني كانت مجبرة على ذلك، هذا كمبدأ ، ولكن اتوقع انها صادقة بما انها ذهبت لتتوضأ . والحمد لله أنها فعلت هذا مع شخص يخاف الله مثلك. والله الموفق. |
السلام عليكم اخي العزيز "@خالد الذابح@" انا متابع قصتك من البدايه ، والله اللي فعلتوه انت وزوجتك انه موقف شجاع ويحتاج جراءة فعلا اهنيك على نهاية هذه المصيبه واهنيك على زوجتك الرزينه العاقله الله يخليلك اياها واهنيك على جراتكم وشجاعتكم ، وادام الله الهناء والسعاده عليكم وعلينا اللهم آمين... |
يااااااااااي
صراحة موقف محرج بقووووووووووووووة الله لايبلانا ليتك خليت زوجتك تتفاهم معها وتفهم منها الأسباب اللي جعلتها تخون زوجها الله يهديها بجد موقفها محرج استغفر الله الله يحمينا بإيماننا ورارضائنا لربنا |
لاحول ولا قوة إلا بالله العلي العظيم
اللهم لك الحمد على هالنهاية الله يستر علينا وعلى بنات وشباب المسلمين بارك الله فيك وبزوجتك اخي خالد والله وقف شعر جنبي وانا اقرا... حسبي الله عليها من مرا الله يهديها ويصلح قلبها |
الله يوفقكم يااارب و يسعدكم و يهنيكم ..
و ان شااء الله يكون هذا درس لزوجة صديقك و تتقي الله بزوجها و بيتها ... الله يهديها و يستر عليها |
والله فعلا قصة:22: ولا في الأحلام الله يكمل سعادتكو والله انت رجل على خير مادام الله وفقك وسدد طريقك الله يباركلك ويبارك في زوجتك
|
موقف رائع منكما انت و زوجته
لكن هل انت متاكد انو عنجد حلفانها حيردها عن خيانتها مرة اخرى يمكن تروح لواحد ماتعرفو انت ولا زوجها يعني مابعرف لازم تتحقق منها عادي مايغرك حلفانها عالمصحف لانو قالو للحرامي احلف قال جاني الفرج الايام هاي نص العالم بحلفو كزب عالمصاحف مو مقياس ابداااااا ومابدي نظلمها ونقول انو حتخون لانو ممكن تكون تابت عنجد لهيك تحقق وتاكد انت بطريقتك الخاصة لحتى ماتكتشف بعدين قصة ومصيبة جديدة مع و احد بلا ضمير وعملت عملة سودة معاه وان شاءالله تكون تابت عنجد انما الموضوع يحتاج تحقق فقط لا غير للتاكد |
أووووووووه .. براااافو عليكم .. اقووول خطه جهنميه .. ما شاء الله تبارك الله .. خير ما فعلت اخوي خالد و ما شاء الله على زوجتك اعصابها حديد .. انا اقرأ كلامك و انا قلبي بم بم بم .. اجل كيف كانت اعصاب زوجتك ؟؟ لكن اقوووول اكلت لها فركة اذن عمرها ما راح تنساااها .. الله يهديها و يصلحها لنفسها و لزوجها .. تسلم اخوي خالد وبارك الله فيك على غيرتك على صديقتك .. وربي يسعدك .. |
صراحه اهنيكم واعزي صديقك اهنيك على حبك لزوجتك والصراحه تستاهل زوجتك هالحب واهني زوجتك على زوج مثلك يصارحها بمثل هالاشياء والموقف جدا حزين وجميل بنفس الوقت بس ما كان من المفروض ان الصديق ما يكون زي الاطرش بالزفه الله يعينه على زوجته وانت اخ خالد ما خفت زوجته تقلب عليك وتتهمك عموما من ترك شي لله عوضه الله خيرا منه الله يوفقكم لما يحب ويرضى
|
ما شاء الله علييييك وعلى زوجتك
بصرااحه زوجتك عاقله ورزينه لو انا كان صرخت عليها وموقف الخاينه لا يحسد عليييييييييييييه تستاااااااهل ان شاء الله يكون درس لهااا ..وصديقك الله يكون بعووونه يارب على هالزوجه يرجى كتابة ( ما شاء الله ) كما بين الأقواس . شكراً الإشراف |
حقيقة موووقف محررررج جدااا
حسيتكم حااصرتووها من جميع الجهااااات :24: يعني لا مفر من الصدق بس اتووقع انهااا ندماانة لأنهاا حطت عينهاا عليك شكلهاا بنفسهاا تقوول ماكان شفت وااحد ثااني :25: لأنة للاسف طبع الخيااانة مستحيل مستحيل يرررروح من حلف فقط لأنه اغلب الخااائناات تعوود مررة اخرى ولو بعد حين ^^^^^^^^^^^هذاا الكلاام من مشااهدااتي طبعااا الا ان تكوون تااابت واخذت درس لن تنسااااة الله يهديهااا لنفسهااا وزوجهاااا وزووجتك بسم الله ماشاء الله عشررة على عشررة :22::22: يعني كوون انهااا تضيف ووحدة مأذية زووجها وهي طوول الوقت مستحملتهاااا وتضحك معهاااا ((بطوولة لحاالهااا )) اخيرااا زوجتك لاتنساااها بهدية :d على مووقفهااا معااك وتفهمهااااا الله يخليكم لبعض ياااارب |
كم كنت اتمنى وادعو الله سبحانه وتعالى
ان لا تكون هي ولكن الحمد لله رب العالمين قدر الله وما شاء فعل الله يحفظلك زوجتك ويحفظك لها |
موقف رائع أخي الكريم.. لكن لا أعتقد أنه كان عليك أن تدع الموضوع ينتهي بسرعة فصديقك في النهاية أخ لك في الله ومن حقه أن يعرف عن هذه المرأة الفاسدة التي تربي أولاده.. وكما قالت أختي العزيزة ملك شادي هل أنت متأكد أنها لن تفعل ذلك مجددا مع رجل آخر؟! |
لأن نيتك زييييينه الله عطاك فكرة زيييييينه
يالله عاد قم صل ركعتين شكر لله رب العالمين الي اعطاك زوجه عاقله وفكره ناجحة الله يوفقنا وياكم لكل خير والحمدلله انك قويت الشيطان تخيل لو قواك الشياطن كان وش راح يصير علاقة == >> ندااامة |
اقول لاخواني من يرى انه من الافضل ان يخبر الاخ خالد صديقه بما فعلت زوجته .. ليست المواجهه مطلوبه في كل المواقف .. احيانا المواجهه تهدم اكثر مما تبني .. فالمواجهه في مثل هذا الموقف لا اعتقد انها سوف تكون مفيده بل مضره و قد تهدم اسره .. اتمنى ان يكون هذا الدرس كافي لان تتعظ هذه الزوجه الغافله .. |
اقتباس:
خالتي العزيزة أميرات كلامك صحيح ولا غبار عليه أبدا ولا تحتاجين شهادة مني أبدا لكن ما أعنيه أن مثل هؤلاء النساء يتغيرن ولكن بصعوبة..ماذا لو عادت هذه المرأة الى أفعالها؟ وهناك احتمال وارد فردة فعلها كانت طبيعية نظرا للموقف! وماذا لو اكتشف زوجها ما فعلته ماذا سيكون موقفه من صديقه حينها حين يكتشف أنه لم يخبره؟ |
الله يوفقك انت زوجتك ويستر عليك دنيا واخره مثل ماسترت عليها
والله يهديها ويصلح امرها يارب ويكون الموقف هذا عبره لها |
اقتباس:
هلا بحبيبة قلبي وابنتي الغاليه دلوعه .. ان عادت هذه الزوجه مره اخرى الي الخيانه فهذا بينها وبين ربها .. الاخ خالد مو وصي عليها .. قد يكتشف زوجها خيانتها الجديده لكن ما اعتقد ان هذه الزوجه راح تقول له عن خياناتها السابقه وخاصه مع صديقه خالد لان هذا مو في صالحها ابدا ابدا .. قد يطلقها .. هذه هي وجهة نظري غاليتي دلوعه .. |
صح عليك يا أميرات
هذا بينها وبين ربها .. وهو مو وصي عليها وهو كرجل طلبت منه الستر يجب أن يستر عليها ويدعو لها بالهداية اتمنى أن يكون الدرس القاسي له منفعة وتتوب لله عز وجل |
موقف غاية في الإحراج
لكن الحمد لله إنها عدت على خير |
اخي 00 ماشاءالله 0الله يزيدك انت وزوجتك بالعقل والدين 0000000اما صاحبك مااقول الا الله يعينه على مابلاه0ومصيبته كبيره في زوجته ام عياله0
|
اشكر لكم تفاعلكم ودعائكم لي ولزوجتي ،،،، يعلم الله ان قلبي ماهو حديد ولكن هذا هو الحل الوحيد الي ربي الهمني اياه ، ووالله العظيم ما اذكر اني كنت مرتبك وخايف واعصابي منهاره في حياتي غير بهالموقف ، ولكن كنت اقول بيني وبين نفسي ((( جمد قلبك انت تسوي شي خير وربي ان شاء الله حافظك .... الخ هالكلام )) وزوجتي المسكينه اول ماطلعوا جاتني وظمتني وكانت شبه منهاره وتبكي وتقول كان بيغمى علي يوم رن جوالها ولكن سويت نفسي قدامها اني قويه علشان هي تنهار قدامي لأني خفت انها تصارخ وتجحد الي صار .
ومن ناحية لازم اقوله عن زوجته ،،، انا ما اقدر اقوله اولاً لأن بينهم ولد يعني (( عائله )) وطبيعي بيكون طلاق ،،، وهالشي لو صار انا ماراح انسى طووووول عمري لأني انا السبب الرئيسي بطلاقهم . وغير كذا زوجها ماراح يفكر اني صديق وفي او اني انقذته من زوجه فاسده ،،، بكثر مايفكر كيف يتركني ومايحط عينه بعيني ،،، ناهيكم عن شكله كييييف بيكون قدامي وانا ما ارضى عليه تكون عينه مكسوره كل مايشوفني ((( يا عالم والله صعبه وقويه على اي رجال ))) . ومن ناحية الحلف بالقرآن ،،، هذا اقصى حد اقدر اوصله ويرضى ضميري ،،، والتوبه بيد الله ومالنا شي عندها غير الدعاء لها بالهدايه والثبات على حلفها بالقرآن (( الشكوى لله )) ،،، وإن رجعت للي كانت عليه فمسألة كشفها بتكون بيد الله ثم يد زوجها ((( هي وياه اصلح ،،، وانا طلعت منها ))) . |
طيب يااخي
يطلقو ولا يعيش مع وحدة ممكن تخونو وتعمل بلاوي سودة انا بتكلم عاساس ماتابت يطلقو ولا يعيش نايم عروحو وتلعب من وراه ؟؟؟ بعض الحالات الطلاق يكون افضل الله يبعد عنهم الشر يمكن تابت انا من رايي تاكد من توبتها |
ما شاء الله فكرتكم خطيرة جداً
و الحمد لله أثمرت بنتيجة لكم و لها انتم عرفتم الفاعلة و هي أخدت درس لا ينسى الحمدلله اللي أعطاكم القوة و الجرأة و الشجاعة للقيام بهذا الله يهديها أكيد ان شاء الله بتوصلكم أخبارها و أخبار تغيرها للأفضل بعد هذا الدرس يمكن هي تحاول اذا صادفتكم انها تظهر تغيرها للأفضل و توبتها و لو بعد سنوات لأنه درس قاس و لا اعتقد انها ممكن ترجع لخيانتها مرة أخرى |
بيض الله وجهك ..
والحمد لله ان الموضوع عدى على خير .. اذا ممكن من رقم ثاني ترسل لصاحبك .. انه ينتبه شوي ويفتح عيونه يعني رسالة مبهمة .. او عامة .. بس اخاف يوريها الرسالة وتفتكر هي ان الرسالة منك .. وتفرط السبحة .. يااخي ودي ان زوجها يعرف انها تكلم شباب ,, لاحول ولاقوة الا بالله ,, الله يهديها .. وفقك الله .. |
موقفك وموقف زوجتك راااااااااائع تبارك الرحمن
انت سويت اللي عليك .. والباقي عليها يا ينصلح حالها .. أو تستمر على اللي هي فيه الين ربي يفضحها في يوم فالله يمهل ولا يهمل .. |
يالله سترك وعفوك ورضااك
|
الله يهديها لزوجها ويردها لطريق الصواب ويبعد عنها شر الشيطان وشر نفسها
ويبارك فيك أنت وزوجتك ويجعل الجنه مثواكم |
لا اجد ماقوله سوا انك رجل بكل معنى الكلمه وزوجتك نعم المرأه يعني لو كنت انا بمكانهااتوقع كان بان علي من اول مادخلت لاني انا ماستحمل وخاصه انها تكلم زوجي يعني يمكن تصير جريمة قتل في البيت:30: لكن الذي يبقى انكم اعطيتوها درس كانت غافله عنه فجزاكم الله كل خير عاملتوها بكل لطف واحترام خاصه زوجتك الله يعطيكم العافيه واما الموقف الذي حطت فيه لاتحسد عليه الله يهديها وضال المسلمين
|
ماشاءالله تبارك الرحمن موقفك وموقف زوجتك جداً رائع ولاتنسى زوجتك بهدية قيمة لوقفتها معك في هذا الموقف المحرج .. أسأل الله العلي العظيم أن يديم عليكم السعادة ويوفقكم لمافيه الخير والصلاح .. أما زوجة صاحبك نسأل الله العلي القدير ان يهديها ويصلح حالها .. |
الله يهدي زوجة صديقك والله الدنيا كلها لا تقارن بأي شيء من نعيم الجنة
مسكين اللي يضيع آخرته عشان دنياه والحمد لله إنها تابت وإن شاء الله إذا راحت البيت تراجع نفسها زيادة وأسأل الله أن يتوب عليها وعلينا جميعا ومن كرم الله أن يسر لكما هذه الخطة وأن ستر عليها لكن المصر على المعصية يجب أن لايأمن من الفضيحة لأن الله يمهل ولا يهمل فقد يتركه يتركه يتركه ثم يفضحه فضيحة يعلم بها القاصي والداني لذلك هذه دعوة لكل أخت كريمةأو أخ كريم أغراهم الشيطان والنفس الأمارة بالسوء بأن يرجعوا فوالله إن الحياة بالدين أحلى وأمتع حياة أم الحياة بالمعاصي يصير الواحد خايف من ربه ولا يشعر بالأمان فقد يغضب الله عليه وقد يعاقبه بمرض أو مصيبة أو فضيحة أو موت وحينها كيف سيلقى الله تعالى ولمن أراد الهداية فعليه بأن يعزم الآن على التوبة ويبدأ في التعرض لرحمة الله في كل شيء مثل الدعاء بتضرع و الاستماع للمحاضرات الإسلامية والصلاة بخشوع وعمل الخير ولو ابتسامة يعني خليك دايما تتقرب إلى الله حتى يشوفك ويرحمك ويتوب عليك فهو سبحانه جواد كريم أسأل الله أن يتوب على كل من تشتاق نفسه للهداية اللهم من تمنى الهداية فاهده هداية لا يضل بعدها ويسر أمره واشرح صدره واغفر ذنبه وصلى الله على الحبيب وعلى آله وصحبه وسلم تسليم كثيرا إلى يوم الدين |
موقف رائع
والله يوفقكم ويهدي ضال المسلمين |
اقتباس:
كلام جميل جداً اخي رابع والله يجزاك خير الجزاء |
ما شاء الله عليك اخي خالد
فكرة جدآ رائعه الله يريح بالك دوم ان شاء الله الله يحفظك انت وزوجتك ويسعدكم دنيا وآخرة احترامي |
الحمد لله
ولكن زوجة صديقك الله يهديها معقول وايش بعض النسوة تفكر؟؟؟ |
الله يهديها ويصلحها ان شاء الله والله يجزيك خير سترت عليها
|
| الساعة الآن 10:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©