|
ابن خالتي عرض علي الزواج هل أوافق ؟
بسم الله الرحمن الرحيم
اخباركم ان شاء الله بخير المهم ماعلينا ماابغى اطول عليكم اناعمري 16 وخاطبني ولد خالتي هو قبل مكلم خالتي اللي هي امه قال لها ابيها وكان يكلمني على المسن وقالي انه يبيني بس مابعد يعني يقولون لا اهلي انا خايفه من الزواج واحس اني صغيره عليه وقالي اني اسكن مع اهله بغرفه بحمامها ( الله يكرمكم ) ويقولي انه يبيني اشتغل واطبخ وانا صراحه مالي بهذي الاشياء لان حناعندنا خدامه ولا اشتغل كثير ولا اسوي بالبيت شي وهو يبيني اشتغل مع امه وخواته وخايفه من شي بعد اني انام معه < افهموها :29: الله يخليكم ابي احد يساعدني اتزوجه ولا لا لاني خايفه واحس اني صغيره وهو مصر اني اتزوجه بليز اللي يهمه امري يرد علي لاني محتاره وربي مع السلامه :) وكل عام وانتوا بخير :d تم تعديل العنوان ليناسب المضمون الإشراف.. |
كم عمره_
واذا انتوا بالعاده بناتكم يتزوجون صغار تزوجي تكبرين معاه |
هو عمره 22
وانا 16 مدري اتزوجه او لا لاني خايفه بجد |
ههههههههههههههههههههههههه ياختي برائه ههههههههههههه اقولك والله زواجك بهالوقت بدررررررررررررررررررررررررررررررررررررررررررررررري بس بسألك عنده اخوان متزوجين او لا ! وين ساكنين ! وهل هو يشتغل ووين ! وبأمكانك تسووون الملكه بس بعدين تتزوجون على الأقل تخلصين الثانوي ..! الصراحه مره بدري .. وغير كذا اقطعي علاقتك معاه .. بالماسن اعطيه بلوك .. لأنه مابينكم شي ويظل رجل اجنبي عنك .. عالعمووم ... الزواج حلوو على ماسمعت عنه .. بس انتي توك صغيره .. لي عوده .. برررررررب وكل عام وانتـوا بخيررررررررررر |
اقتباس:
انتظرك وانتي بخير |
بااااااك اجل مو موظف ! وبيسكنك عند اهله ! بغرفه وحمام ؟؟ وبتشتغلين معاهم وتنظفين وتحوسين ! ماشاءالله .. وش هالعرس الي بدايته تمااااااااام التمام اكيد مستعجل وبيلحس مخك بعد ! والسبب انك صغيره .. وعلى باله انك بترضين لأنه مسووي الحبيب الرومانسي الي يحب مايرضى لحبيبته هالعيشه اببببببببببببببدا ! والأخ بياخذك بارد مبرد ! عالجاهز بنت خالته وعلى باله بترضين بأي شي واي كلام وعرس واخرتها مع احترامي لك ولذاتك شغاله ببيت اهله .. وحاجه بس يتسلى فيها ! واااااااااضح انه مو جاد .. وانه لعاااااااااااااااااااااب انصحك ومن كل قلبي تأجلين الأرتباااااط به حاليا ... وتفكرين بمستقبلك ! شلون راح توفقين بين زوجك ودراستك ! كيف راح تشيلين مسؤلية بيت وياليته بيتك لوحدك لا مع كم شخص معاك طبخ ونفخ وتنظيف ! الصـراحه من وجهة نظري تختبرينه ! وتشووفين قوليله انا ابي اسكن ببيت لحالي .. شقه اكون فيها انا وانت لوحدنا .. زي زي اي بنت بالدنيا .. وماراح افكر بالعرس لين تتوظف واعرف صدق انك صرت موظف والله اخطر شي ومصيييييييييبه تتزوجين رجل ماعنده وظيفه ! مين بيصرف عليك ؟؟! لاتقولين اهله والله اختي متزوجه رجل ابوووووه مليووووووووووووونييييييييير وربي انه بتتطلق بس عشان مسألة المصروف ولأنه عديم المسؤليه ولأنه تجي ايام مايلاقون شي بالبيت ! ولا يقضي حوائجها ولا هووو مهتم اببببببببببببببدا هذا وهو ابوه مليونير وعنده املاك باليوم تدخل الآآآآآف بس على ولده هه ولا يشووفها .. وان شافها ولدهم مو متحمل المسؤليه ولاعنده وظيفه ! نايم عندها بالبيت كنه حرمه . مسئلة توافقين هاليش راجع لك بس انا اعتبر اي شخص هنا اختي واخووي وانصحهم مثل ماانصح نفسي وزالي حولي مافيه ولا شي مميز يخليك توافقين عليه ! استخيري وابعدي عنه شكله لعااااااااااب والله يكتب لك الخير مع شخض يقدرك ويفهمك ... مو يخليك شغاله لأهله ..! |
اقتباس:
يعطيك الف الف عافيه صراحه اقنعتيني بكلامك حسيت ان كل كلمه قلتيها صدق وانا بشوف بأختبره وبشوف وش بيقول وارد عليك ان شاء الله ايه والله وانتي الصادقه صراحه انا ماابغي اشتغل عند اهله بس اتمنى يكون مو لعاااب وانا بختبره وبرد عليك ان شاء الله الله يعطيك الف الف عافيه عند استفيدت حييييل مدري كيف اشكرك الله يوفقك يارب ويسعدك يارب : ) |
كلمك وكلم امه بس انه يبيك =) هذا لعااااب مع مرتبة الشرف .. لو يبيك صدق يطق البيت من ابوابه ويكلم أهلك .. خاصة انه قريبك .. انتبهي يا عسل انتي صغيرة والمسن يجيب بلاوي .. لا تتمادين معاه ولا تعطينه اي شي يطلبه .. خلي بينكم حدود حتى بالكلام .. ولو طرى لك الزواج قولي له عندي اب وام روح اخطبني منهم وبس .. |
كملي دراستك اول بعدين فكري في الزواج ترا توك صغيرة
وهو بعد صغير واحس مو قد مسؤلية انتضري كملي دراستك وهو يشوفلة وضيفة كويسة او يكمل دراستة بعد بعدين قرري قوليله ينتضر اذا يحبك |
[quote=حسآسه;2215216] وانا بختبره وبرد عليك ان شاء الله
quote] استغرب صراحة ..! الاخوات يقولون لك اقطعي العلاقة و اللي تسوينه غلط تردين بختبره و برد عليكم !!! الطريق اللي تمشين فيه ما راح يعود عليك الا بالندم .. و اذا فرضنا انه تزوجك ما راح يقدرك و يحترمك لانه يشوف انك انسانة ((سهلة)) و ربما يعتقد انه رامية نفسك عليه ! لذلك انصحك بقطع العلاقة معه نهائياً .. و اذا هو جاد بيطلب يدك من ابوك و ابوك و امك هم اللي يختبرونه و يسألون عنه فهم ادرى بمصلحتك و لديهم خبر اكبر في الحياة |
مجرد أنه ما يشتغل هذا لوحده سبب يخليك ترفضين الزواج الحين ويا ليت تقرأين مشكلة ( مطلقة صغيرة )
مثلك تزوجت واحد ما يشتغل وبسن صغير وتطلقت واهي الي في سنها ما بعد يتزوجون موضوع عمرك .. هذا شي انتي تحددينه إذا انتي شايفه نفسك لسه صغيرة ولا تقدرين ولا تبين تتحملين مسؤولية بيت وزوج في هالسن فمن حقك تقولين لا لين تكبرين شوي .. خاصة أنه يبي يدخلك في معمة بيت اهله ومثل ما قالت دانتيلا يبي ياخذك باردة مبردة بدون اي تعب منه وبدون ما يبذل عشانك اي شي بتعيشين معه في حجرته وبيبنون لكم حمام .. وبعدين الحال واحد وهو ما جاكي انتي إلا لأنه عارف أنه لو بيتقدم لوحدة من الناس بترفضه لأنه مافي اي شي يخليها توافق عليه وش عنده .. بس يبي يمشي حاله فيكِ .. بالله إذا بغيتي مصروف بتمدين يدك لزوج خالتك يعطيكِ .. وهو من الاساس مصروفه من وين ياخذه وش ذا العيشه الي مجرد تخيلها تعصب الواحد الخوف أنه بعد عشر سنين يحس أنه ما أختار على كيفه وانك انتي بس عبرة حال في وقت تأجج المشاعر ويحس بالنقص ووبعدين يفكر يتزوج ثانية ويحط شروط على كيف كيفه ذيك الساعه بتموتين قهر لأنك رضيتي بعيشه تعبانه وانتي لسنه بسن صغيرة والمستقبل قدامك خليه يشتغل حاله حال خلق الله وبعدين يقول ابي اتزوج .. هذا إذا جالك !! والله أنا أتمنى بس خليه يثبت انه يبيكِ والاثبات انه يشتغل ويكون نفسه ويعملك مثل بنات الناس .. واقطعي علاقتك فيه .. لا تخلينه يلعب براسك ولا بمشاعرك .. وانتي توك صغيرة بكرة يجيك واحد مواصفاته احسن منه .. شنو قلة رجال تاخذين واحد ما يشتغل يا عمري لا ترخصين بنفسك لأنك ما بتتزوجين إلا واحد واختاريه على راحتك ودققي فيه .. أما الرجل بيقول لك الله محلل ثنتين وثلاث واربع هذا غير انه ما راح يكون رجل مستقل في قراراته والكل بيدخل فيكم امه خواته ابوه لأنكم تعتمدون اقتصادياً عليهم وما لكم حق تقولون نسوي الي نبيه .. لأنكم تابعين غير مستقلين والي ما يصرف على نفسه قراره مراح يكون من راسه لا تبلين نفسك في هالمستقبل المعفوس الي مو معروف راسه من رجوله |
عزيزتي.. لا أقول لكِ سوى أنكِ ما تزالين طفلة وأنتِ في عمر أختي التي أعتبرها صغيرة جدا لذا دعكِ من هذه الأفكار وعيشي حياتكِ بكل لحظاتها وأكملي دراستك ثم فكري بالزواج.. تحياتي.. |
تختبرين !!! لا يااختي لاتغلطين نفس غلطتي وتضيعي سنوات عمرك!! الكذب مافيه اسهل منه!! بيقولك بسكنك قصر ومابترفعين قشة !! لكن مابتشوفيه بالواقع ابدا!! اقطعي علاقتك بالمسن لانه بيجلس يحن عليك بالكلام الرومانسي لين ترضي والحب لما يجيك يعميك عن كل العيوب!!! انا جا وقالي بسكنك بروحك وبعيشك احسن عيشة وظليت معاه 3 سنوات .. ولما اسأله متى تخطب ؟ يقول المادية ماشي ... ظروف تافهة ... الخ والبيت صغر إلى شقة إلى حجرة وكلمت امه واخته وكانوا هم اكثر جادين منه .. بس بعدين قالي .. مااقدر اخطبك :23: وثلاث سنوات بالهوا!!!! وربي ولله الحمد فيني مميزات تخلي اي احد يتمناني وهو لو متقدم كذا كان رفضت من اول مااعرفه بس كان الحب معميني لاتغلطي اختي .. طنشيه وتونسي بحياتك وعيشيها بلاحب بلا غيره واذا صدق يباك بيخطبك وبيجك او يمكن يجيك احد احسن عنه .. ليش تربطين نفسك فيه ؟؟ الله يوفقك |
الاخوان والاخوات كففوا ووفوا
وانا بس جاي اقول .. كملي دراستك احسن لك وخليك من ولد خالتك الي لسه مايشتغل على الاقل خل يصير عمرك 19 سنة على الاقل تحياتي |
يعطيكم الف الف عافيه عن جد افدتوني مررره وانا فهمته الوضع وقلت له اذا تبيني تعال عند اهلي ولما اكبر شوي اخطبني منهم
وهو ماقال شي لانه شكله عارف وش يخطط له يعطيكم الف الف عافيه الله يوفقكم يارب مدري كيف اشكركم صراحه استفيد كثير الله يسعدكم ياارب وخلاص انا الحين سويت له دليت وبلوك الحمدلله فيه منتديات مثل كذا نشكي مشاكلنا لكم علشان تساعدونا الله يسعدكم ياارب ريحتوني الله يريحكم يارب :) |
انا فعلا اميل لراي الاخت (دانتيل) ..
يجب ان تتروي كثيرا فانت مازلت صغيرة ، انتظري قليلا حتي تنضجي و تزيد ثقافتك ساعتها ستتغيير طريقة حكمك علي الامور . |
الله يعطيكم العافيه كلكم فيكم الخير والبركه والكل نصحني
اشكر كل اللي ردي علي الله يسعدكم يارب |
الحمممممممممد لله ... اشكـر ربي اننه وهبك عقل كبيـر .. وناااااضج .. الله يووووفقك يااااااغلاي .. |
الله يسلمك اختي
وويوفقك يارب صرتي احسن من اختيي يا dant!L ~} الله يعطيكم العافيه يارب ووفقكم |
لاااااااااااحقة على الزواج
هذا النوع من الزواج فاشل نزوة وبس وانتي توج صغيرة واتوقع لو أهلج درو ما بيرضون ابتعدي عنه فوووووووووووووووووووووووووووووووووووووراً |
انتبهي منه حتى لو خطبك تعذري وتحججي لانها بيعيشك بعذاب ولو خذك صغيره بيتزوج عليك
انا اخوي عاقل ومتدين بس زوج بنت خالتي بعد كبيره تقريبا 24سنه مدرري كم المهم وهو 28 قعد معها سنه ونص وتزوج عليها وطلع انه مخطط للزواج عليها واختربت علاقتنا ببنات خالتي وخالتي وكلهم كرهوننا وهو تاركها فوق السنتين للحين تبكي قهرررررررررررر نصيحه ... لاتاخذينه خصوصا انه مخطط يخليك شغاله وبيعبك تعذيب وماعنده اسلوب صدقيني بتندمين لو وافقتي عليه حتى لو كبرتي مع اني واثقه انك بعد ماتكبرين بتفهمين انا تزوجت وعمري 17 ونص المهم الله يوفقك وزين حظرتيه ومسحتيه والله يوفقك ويحفظك |
| الساعة الآن 08:03 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©