|
شعري تالف مالحل أخواتي ؟
السلام عليكم ورحمة الله وبركاته
انا مشكلة شعري مشكله .. من فتره صار كذا ماادري وش السبب هو طويل بس من تحت تقريبا من نص طوله مره صار خفيف واشهب وجدا متقصف هو من اوله لاخره متقصف بس من اللي تحت اكثر.. ماادري وش الحل مع شعري .. ودي اقصه وودي احلقه مره ضايق صدري منه الله يخليكم اللي عندها حل لاتبخل علي وش تنصحوني اسوي فيه.. وش القصه اللي تناسب هالنوع من الشعر.. عفواً تم تعديل العنوان ليكون بالفصحى.. |
اول شئ قصي كلل الاطراف التالفة طبعا نوع القصة على حسب وجهك وطبعا ماتكون قصيرة عشان مايطير لفوق :d وتصير كشة
بعدين اعملي زيوت على شعرك حمام زيت بلسم غيري نوع الشامبو استعملي شامبو تريسمي انا نعملي شعري والبلسم برضو خففي من الاستشوار خليها فترة راحة لشعرك واستجمام انا بقولك على احد تجاربي من زمان وانا صغيره شعري كان مررررررررررة مقصف ونااااااشف بعدين وحده الله يجزاها خير نصحتني استعمل الجرجير افرمه واحطه على شعري مع ملعقتين زيت لوز وزيتون كم ساعة استعملته فترة ثلاث شهور ثلاث مرات بالاسبوع طبعا تغير شعريي مرررررررة وصارت فيه لمعة حلو وتنعم عن اول بكثير وصار ناعم من فوق بس جاف من تحت |
ماقصرت طيب القلب .. وكلامها صحيح ..
لكن انا عن نفسي كنت اعاني نفس مشكلتك .. وقصيته ولا نفع وكريمات وزيوت ومانفع .. كنت محتاره مادري شسوي فيه بالاخير حنيته خلطت>> زبادي + حنا + مويه << الزبادي مره حلو للجفاف .. وبعدها غسلته بمويه بس بدون شامبو وعلى طول زيته بزيت < اي زيت عنك ومناسب لشعرك انا استخدمت دابر .. وغسلته من بكرا .. والحين ياربي لك الحمد رجع لصحته .. جربيها وبتدعين لي :22: |
،
مثل ما قالت ملكة بأخلاقي الحناء مره حلو للشعر وأنا قريت خلطة في المنتديات وطبقتها صراحة الحمدلله شعري الحين أحسن بكثير من أول الله يجزا صاحبة الخلطة خير الجزاء وهي زيت جوز الهند + ثوم + بصل تقلين البصل والثوم بالزيت وتخلينهك شوي بعدين صفي الزيت وحطيه على شعرك صحيح الريحة مش كويسة بس مع العطور والبخور بتختفي هذي تكثف الشعر وتطوله وتزيد لمعانه جربيها وإدعي لي |
اول لازم تقصي تقصي اطراف الشعر وبعدين انصحك بزيت النارجين الازرق اطحني فنجال محلب وحلبه واخلطيهم معاة وعليك بشامبو ميتال الاصلي وراح اطلع صورته وقبل ماتدهني شعرك اقرائي فيه المعوذات وايت الكرس وتوكلي على ربك قبل كل شي وربي يرزقك بشعر طويل ناعم كثير ولمعه دعواتك وراح انزل صورة الشامبو الاصلي دعواتك بالزوج الصالح يارب يكون عسكري يارب يارب يارب في هذالشهرالفضيل
|
اقتباس:
باذن الله ابشتري الشامبو واسوي الخلطه.. شكرا كثير الله يجزاكي خير ماقصرتي اختي |
لازم زوجك يقتنع بالقص فهميه انك الحين تعالجينه وبعدين بتطولينه لين يوصل الارض
بس نسيت اقولك استعملي زيت دابر املا روووووووووعة للشعر انا استعملته ونفعني وطول شعري بعد كثير ناس يمدحونه وقليل جدا اللي مايناسبهم |
[quote=ملكه بأخلاقي;2216738]ماقصرت طيب القلب .. وكلامها صحيح ..
لكن انا عن نفسي كنت اعاني نفس مشكلتك .. وقصيته ولا نفع وكريمات وزيوت ومانفع .. كنت محتاره مادري شسوي فيه بالاخير حنيته خلطت>> زبادي + حنا + مويه << الزبادي مره حلو للجفاف .. وبعدها غسلته بمويه بس بدون شامبو وعلى طول زيته بزيت < اي زيت عنك ومناسب لشعرك انا استخدمت دابر .. وغسلته من بكرا .. والحين ياربي لك الحمد رجع لصحته .. جربيها وبتدعين لي :22: طيب اذا ماحطيت حنا مايصلح؟؟ لان ودي اصبغ شعري بالعيد |
اقتباس:
طيب لو سمحتي كم مره بالاسبوع وقد ايش المده واتحسن شعرك؟ وقد ايش كمية الثوم والبصل والمده اللي تخليها بالشعر |
اقتباس:
طيب والشامبو اقدر استخدم صانسلك حق تساقط الشعر ولاماينفع لازم ميتال؟؟ يارب يرزقك الزوج الصالح ويارب مايعدي الشهر الفضيل الا وانتي مخطوبه لاحسن عسكري |
اقتباس:
طيب الزيت انا لقيت كذا واحد اسمه املا بالسوبر ماركت.. اخر شي شريتلي زيت صانسلك حق ضد تساقط الشعر مع الشامبو حقه ها يصلح ولا دابر احسن؟ |
هذااا شامبو ميتاال الي تقصدة امنيتي عسكري
هذي صووورتة http://www.monalyza-shop.com/images/...7%D9%84(1).jpg مع اني ما استخدمتة ولكن قرأت عنة كثيررر ومنكم نستفيد ويااريت امنيتي عسكري تتكلم عنة اكثر وعن فوااايدة لأنة كل ماادخلت منتدى لقيت البنااات يمدحووونة يعطيكم العااافية ياااارب |
عن تجربه ميتال حلو ويطول بسرعه
وحلو زيت ترشوب وكريم صانسيلك بالبيض بس بعرف اللي تقول دابر املا اي واحد |
اقتباس:
:29::29: لا ياقلبي لا تخافين ولا شــــيء أختي المتزوجة تستخدمه والله العظيم ما أبالغ شعرها ماشاء الله صار كثيف وطول بسرعة رغم أنها شعرها خفيف خلقه ولاشالت هم الريحة بس أهم شيء تحطه في وقت زوجها بدوامه بعدين تغسله وتعطره .... زي ما قلت لك أنت حطيه بشعرك مع الشامبو والبلسم والخمرية والبخور بتختفي الريحة :23: شوفي بديت فيه هذا الصيفية يعني الحين صار لي شهرين أنا شعري كثيف الحمدلله بس نعمه بزياده وعطاه لمعه حلوه وطول :17: هو المفروض تجيبين زيت براشوت الأزرق بس أنا مالقيت إلا زيت جوز الهند الأخضر عرفيته ؟ لو ماتعرفينه هذي صورته http://tbn0.google.com/images?q=tbn:...M_t5nsgljg.jpg تجيبين كذا خمس فصوص ثوم مع بصله كبيرة تقطعينهم تقطيع وسط مع نصف هذي العلبة أخليها على شعري مثل أي زيت يعني أحطه و أحط القبعة البلاستك .. وأتركها حسب فراغي وطولت بالي أحيانا ساعة وأحيانا ست ساعات شوفي عشان ما تقولين ألوان نصابه :d أنا سويت برنامج لشعري >> تكفى خخ بالأسبوع أحط زيت وحناء وخلطة الزبادي بالموز مثل السبت زيت الأثنين حناء الخميس الزبادي أصلن الحناء بتسحب الريحة كلها :30: ( الحناء أحط معها مغلي ورق الآس وأحيانا أضيف لها مغلي ورق السدر ) ( برضو جربت مره مغلي قشر الرمان هذي تنعم مااااااااره ) الزبادي ( علبة زبادي + موز مستويه بقشرتها + 2 ملعقة زيت زيتون + 2 ملعقة عسل ) مثل الزيت أحطها والبس القبعة والوقت حسب الفضاوة شوفي كل هذي الخلطات مش حتفيديك إذا ما استمريتي عليها :18: وأي حاجة إسألي ياقلبي نحن في الخدمة |
اقتباس:
|
اقتباس:
والله تجربتك حمستني .. تقريبا بشهر قد ايش طال شعرك؟؟ هل طال بشكل ملحوظ؟؟ كم مره بالاسبوع استخدمتيه؟؟ وهل عادي اذا دهنت شعري اغسله بالشامبو هذ1 يعني يشيل اثار الزيت؟؟ وكريم صانسلك كيف استخدمتيه بعد الشامبو ولا قبل |
اقتباس:
|
السلام عليكم ورحمة الله وبركاته .. تسمحولي أتفلسف شوي طبيا :25: وأنقلكم معلومة من د.أحمد نشأت هاشم "استشاري الجلدية والتناسلية " فقط للمعرفة ثم أنقلكم تجربتي :26:.. شكرا ..:23: ~*~ ما هي أسباب جفاف وتقصف الشعر؟ أحيانا ينجم عن نقص شديد في بعض الفيتامينات والمعادن لسوء التغذية أو اعتلال صحة الجسم أو نقص نشاط الغدة الدرقية وأحيانا يكون نتيجة عيب خلقي ولكن أغلب الحالات تحدث نتيجة للمعاملة الخاطئة للشعر مثل شد الشعر والضغط عليه باستعمال البكرات أو تركه ملفوفا عليها طوال الليل أو تصفيفه بشدة أو الإفراط في استعمال الستشوار أو الإفراط في استعمال شامبو غير مناسب وكذلك استعمال بعض المواد الكيميائية لبسط الشعر أو صبغات الشعر. ~*~ أما عن تجربتي أنا جدا أعاني من التقصف والجفاف من زمان لكن زاد الأمر مع خمول الغدة الدرقية عندي والحمد الله على كل حال.. عملت خلطات كثيرة والأخوات ماقصروا ماشاء الله ..:22: وأنا ماعندي خلطة معينة لكن الجود من الموجود ..:d و أنبه عن شيء زاد المشكلة عندي هي خلطت زيوت كان من ضمنها زيت جرجير وبعدها رحت لأخصائي مختبر درس عن الأعشاب وتفوق فيها ماشاء الله بس ذكرت له زيت الجرجير قال لي : خلاص زيت الجرجير يحرق الشعر ومانستخدمه إلا في بعض حالات الشعر .. فانتبهي منه .. ونصيحتي لك جربي تستخدمي شامبو غارنييه اللي بالفواكه للشعر الجاف والمتضرر نصحتنا فيه أخصائية تجميل مع الماسك حقه .. من جد والله أول يوم جبت فيه الشامبو والماسك كان عندي سهرة قمت عملت شعري كيرلي بالماسك ورحت السهرة ولما رجعت غسلت شعري والله ماشاء الله أطرافة ترطبت وكأن أحد مسك التقصف ولصق شعرة شعرة..وبعدها صرت عليه مررره حلو .. وصحيح الزيت الزيتون مررره مفيد للشعر حتى ينصحوا فيه الأجانب في مواقعهم حقت التجميل .. وتذكري أن الرسول صلى الله عليه وسلم وصى فيه " ائتدموا بالزيت وادَّهنوا به فإنه من شجرة مباركة" (رواه الحاكم وابن ماجة). فإحرصي على دهن شعرك منه مع النية بإتباع السنة لكن فقط حمام زيت .. لأن الزيوت لابد أن لاتضل في الشعر لمدة أكثر من 6 ساعات بالكثيييير لأن يحرق الشعرة ويضرها ماعدا زيت اللوز الحلو تستطيعي استخدامه بشكل يومي ..وهذا أخبرني به أخصائي المختبر .. وغالباً التقصف حله الوحيد القص فلا تجعلي شعرك يتمادى في التقصف إلى أن يصل نصف الشعر فإحرصي على قصه كل لو نقول 6 شهور .. مع العلم الشعر في الشهر يطول واحد سنتيم تقريباً في المعظم مع مراعاة إختلاف الشعر من شخص إلى أخر والتغذية والطبيعة الجو لأن يزيد الطول سبحان الله في الصيف أكثر من الشتاء.. ودمتي بخير .. |
الله يعطيك العافيه..
ايوه صحيح انا يمكن ناقصني فيتامينات لان اكلي مره مو صحي.. ومن يوم تزوجت وانا اهملت شعري لان زوجي يكره اي شي ينحط بالشعر هذا غير السشوار والصبغات زادت لي المشكله.. بس كذا اانا احترت ايش استخدم ميتال ولا غارنييه:rolleyes: شكرا لكم كلكم ماقصرتوا ويارب يجعله في موازين اعمالكم |
اقتباس:
بس الشامبو فك هالمعاناه طال بشكل ملحوط ماشاء الله اختي بعد تستخدمه والله اذا افتحت شعرها يفز قلبي ماشاء الله لان الطول يختلف من زياره لزياره بينها اسبوعين والشامبو يشيل الزيت والحنا انا استخدمه في كل سبحه الا ماندر واخليه خمس دقايق على شعري وبعدين اغسله اما صانسيلك حلو لو ترطبين فيه شعرك بعد التروش وانا احطه على شعري قبل التروش بساعتين بس حاليا ودي استخدم دابر املا الذهبي أختي الفاضله : (ماشاء الله) تكتب كما بين الأقواس.. وفقكِ الله. |
اقتباس:
يالله تالف وتصبغيه .. لالا مايصلح ابد انتبهي ..! و الله بيروح شعرك منك .. انتبهيييي .. مواد كيماويه على شعر تالف بيتكسر وبينحاس زود .. حنيه ,, وخلي صبغتك بعيد الاضحى أن ربي احيانا .. و الله يكون بعونك ..:) |
حبيبتي ورد وذبل انا استخدم زيت دابر املا الذهبي يطول شعري وينعمه
|
اقتباس:
أنا أقولك ياعسل استخدمي شامبو منتال لأني حتى أنا تحمست له ,, حتى خالتو من أول تنصحني فيه بس ماتجرأت أستخدمه .. واستخدمي الماسك للشعر الجاف المتتضرر حق غارنييه بعد الشامبو ..وبس بالتالي جمعتي فائدة الأثنين بإذن الله .. |
السلام عليكم
اختي اذا كان شعرك طويل بنصحك تروحين على الصالون كل شهر مره تقصين من شعرك اصبعين بهذي حاله مستحيل يتقصف وحتشوفين يزداد سرعه نمو بيطول سريع شي ثاني اي زيت تبين تحطي على شعرك لاتخلي اكثر من ساعه ونص طبعا من المفضل للزيت بتلفين راسج بشي عشان يدفه راس والفروة راس تمتص زيت بلفعل مثل ماذكرو الاخوات زيت دابر او زيت زيتون او اللوز هذي زيوت جدا مفيده لشعر وشي الثاني المهم عشان ميتقصف الشعر من تتحممين تبدين بمويه دافيه من ثم تتحممين بلمويه الحاره من تبدين تخلصين الاستحمام ترجعين تدريجين تخففين حراره مويه لحين ميصير مويه دافيه على شعر ومن تطلعين من الحمام ضلي لافه شعرك بلمنشفه لين ينشف شعر لان من يتعرض الشعر من جو حمام السخن الى جو غرفه بارد راسا شعره تتقصف حطي بلحمام غرشه خل التفاح وان فيه خل تمر ايكون احسن كل ما تتحممي خلي في حمام كاسه اخر شي تكملين غسل شعر حطي ملعقه خل في هذي كاسه مع مويه وسكبيها على الشعر عشان يبقه شعرك لامع ولاتنسن من تمشطين شعرك ابدي من الاطراف لين توصلين للجذر ولى اقل من مهلك لاتستعجلين تقبلي مروري |
قصي اطرافه حاولي كل شهر لو تقدري
ماشاء الله انا واخواتي امي جربت لنا كل شئ انا حسيت لمااحط الحنا مره يفيدني ويقل التساقط جدا حطي مع الحنا لبن وليمون وزيوت ومحلب صح ريحته مو مره لكن ينعم بشكل |
ذبحتني الغيرة أسفة على التأخير لكن الله يشهد أني رديت عليك قبل كم يوم بس لما إعتمدت الرد قفل الإتصال وإنقهرررررررررررررررررررررررت لأني كتبت كلام كثير لكن ولايهمك اعيده بالنسبة للثوم والبصل عادي اقليهم بالزيت لين ما يذبلوا ويتغير لونهم مو لازم يسودوا والحناء أنا قبل الحناء أزيت شعري على خفيف بزيت الزيتون وأحيانا اضيف على الحناء نفسها زيت الزيتون بعدما أغسله على طول اغرق شعري بأي زيت بعدين شعرك تعبان وحالته حاله تقومين تصبغينه ..! شكلك ناويه تعدمينه نصيحتي أجلي الصبغ بعدين أما قشر الرمان لالا ناسبني وأنا شعري عادي / جاف يعني بين وبين أما الموز عادي لو حابه تخلطينها معه عادي يمدحونها هم واذا ودك تشيلينها برضو مافيه مشكله لأن الأساس هو الموز نفسه الله يوفقك قلبي ويصلح شعرك قبل العيد صح قبل يومين اشتريت بناويل بالأفوكادوا خطيييييييييييييييير مره لا يفوتك دعواتك لي |
اقتباس:
واجففه بهوا المكيف عشان كذا يمكن مره اتقصف.. طيب بالنسبه للخل.. عادي الخل حق السوبر ماركت الصناعي .. ولا لازم الطبيعي الغالي؟؟ |
اقتباس:
|
اقتباس:
المشكله دايم اقص اطرافه .. لكن يمكن لاني اقص بدون مااهتم بخلطات او زيوت فما استفيد شكرا ماقصرتي |
حطي قهوة بدون هيل للتقصف
وابعدي عن الاستشوار فترة وان شاء الله يكون شعرك احلى واحلى وبعدين غذي شعرك بالزيوت اناتحمست لشامبوميتال ابشترية وبسوي خلطة النارجين الله يوفقك ويسعدك ويكفيك شرالغيرة |
جزاكم ربي الخير
|
اختي ذابحتني الغيره
شكلك بتغيرين اسمك الى ذابحتني الحيره:) استخدمي ميتال وبس وغارنيه انا ساعات استخدم السيريوم ماله حلو ميتال شي وبالنسبه للزيوت مثل ما قالت الدكتوره عن زيت الجرجير انه يحرق انا اقول لك ليش لان فيه زيوت حاره وزيوت بارده ع الشعره زيت الجرجير حار وعني و ماشاء الله تبارك الرحمن شعري حلو استخدم زيت خروع + زيت اللوز+ ملعقتين حلبه مطحونه واحطها بعلبه وازيت ساعتين قبل اتسبح اما زيت الزيتون لو استخدمه يخلي شعري ليفه مع ان طبيعه شعري نااااعم ومستقبلا ان شاء الله راح احط زبادي على شعري لان هذا الشي ممتاز للشعر وشي اخر اكلي فيتامينات ياقلبي لان احنا تغذيتنا موزينه واخيرا انا في زمن غابر كنت افوح ثوم بقشوره وبصله بقشرها ليما يذبلون واعجن حنا بالبصل والثوم بعد ازاله قشورهم وبماى البصل والثوم كان شعري ينعم ويلمع زياده بس ريحه مع اني اتبخر يوميا بس ما كنت احس بشعور اني حاطه حنا احس كبره فوق راسي بس للامانه انا سرقت الطريقه من بنات من جماعتنا شعورهم واو وبس تعب وانا اكتب من جوالي بس بجاوبك عشان تروح الحيره |
خذي هاذي الخلطه ممتاااااااااااازه للتقصف
تفاحه تقشرينها زيت(اي نوع) صفار بيضه تحطينها في الخلاط وتخلطينها ثم تحطينها على شعرك لمدة نصف ساعه وتغسلين شعرك لاتزودين عليها وراح تشوفين الفرق من اول اسبوع |
اقتباس:
يعني اغسل شعري فيها ولا قصدك مع الزيت؟ امين الله يوفقنا ويكفينا الغيره:d |
اقتباس:
|
اقتباس:
لكن لما شفتك تقولين انك بنت مو رجال عرفت انك صادقه.. ايه والله انا الحريم مواويلنا موواويييييل شكرا على النصيحه اختي شكلي بسويها لان احس هالخلطه مالها ريحه قويه الله يوفقك شكرا |
يٌغلــــــــــــــــــق
|
| الساعة الآن 12:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©