|
زوجي يخونني وأصيده في السياره مع البنات
السلام عليكم ورحمة الله وبركاته وبعد مبارك عليك الشهر الفضيل إن شاءالله إخواني أنا مره نفسيتي تعبانه أحب زوجي مووووووووووت وماني قادره أعدل ربع شي في بيتي أبي أحد مجرب أبي أم أبي إخت كبيره أي أحد يساعدني ماعندي أحد أستشيره او أشتكيه أنا يتيمه ومالي صاحبات غير وحده وماعندها حل ولا خبره أترجاكم ساعدوني أنا زوجي لعاب بس أكفشه مع بنات والمشكله يحبني وانا واثقه وحتى مايحرص على مكالمة وحده معينه بس قدام أصحابه يبي يسوي إنه زيهم عزوبي مدري الزواج صار نقص !!!!!! و فيه عيب ثاني كذاب لأبعد درجه الله يشفيه ويهديه يارب وكل همه العيال والطلعه ومن أول مايصحى يسألني وين بتروحين اليوم عشان ألهى عنه حتى لو يوم طلعنا سوى مستحيل يرجع البيت يقعد مع إخوانه وأبوه لأ يرجعني البيت ويكمل طلعه مع أصحابه وفي مشكله ثانيه إنه مره مايقعد مع أهله وإحنا ساكنين بمجمع يعني هم بينهم حوش ولا يقرب منهم لا أبوه ولا إخوانه وتعبت معه كل وقته يوزعه علي بالمجامله وعشان يسكتني لأنه يبي يرضيني على أساس يعني وباقي الوقت مع أصحابه ياطالع يابالفله سهر للصبح وطلعات مدري وش الحل أترجاكم ساعدوني وآخر شي أكفشه من أسبوع مع بنات في السياره حقته وقبلها أطلعه من الهيئه بسبب حفلة بنات وربي تعبت وأحبه وأبي أساعده يقرب من ربه ويبعد عنه الشيطان ساعدوني وش أقول وش أسوي الله يسعد أيامكم ساعدوني |
سبحان الله 28 زائر ولا رد واحد يريح الخاطر ألف شكر للكل والله لا يبلاكم ببلواي إللي ماني عارف حتى أحكيها أو أبداها وأنهيها عموما أترجاكم إللي يعرف رقم دكتور نفساني في الرياض يدلني أترجاكم أنا صرت أفكر أموت نفسي لولا الخوف من الله صدق أنا قاعده أموت أنا تعبانه تعبانه كل يوم أتعذب وأنجرح فيني مصايب الكون أترجاكم أبي طريق دكتور |
اختى زوجك محتاج انك تدعيى له فى صلاتك وتذكريه بالله كثيرا لانه واضح انه الوازع الدينى عنده ضعيف واستغلى ايام رمضان المباركه فى نصحه
|
ياختي كم لك متزوجه ؟؟
وكم عمرك انتي وزوجك ؟؟ عندك اطفال منه؟؟ من متا اكتشفتيه يخونك واش كانت ردة فعلك وهل صارحتيه بخيانته واش يرد عليك؟؟ معليش اختي انتي كيف ترضي على نفسك كل هذا ايش يعني يتيمه وين كرامتك انتي ماتحبي نفسك زوجك للأسف مايستحق الحب هذا بعدين انتي ولامره اتخذتي معه موقف حازم بموضوع خياناته اختي زوجك مو بس يخونك زوجك غاااافل في هالدنيا يبيله توبه ويرجع لربه قبل فوات الاوان اختي حاولي تجيه من ناحيت الدين والتخويف من عقاب الله تعالى وصحيه للصلوات خليه يحرص ع صلاه بالمسجد زوجك يبيله صبر وطولت باااال ورح تتعبي في تغييره بس احتسبي اجرك عند رب العالمين لانك تقولي تحبيه وماكرهتيه بعد كل هالمصايب الي اكتشفتيها اجل لاتقولي احبه وترضي على نفسك تعيشي معه بذل وقهر حااااولي تغيريه وزي ماقلت لك اختي كل خاااين اذا ماخاف من ربه عمره مابيخاف من زوجته او اي مخلوق بالدنيا**** ونصيحه اخيره ياختي الجأي لدعاء والله اني شفت العجب من الدعاء وربي ماردني خايبه اختي ادعي الله بحرقه واطلبي منه الفرج وهدايت زوجك والحي بالدعاء وابكي *** سوي زيي كل ماحسيتي بالقهر وان مابيدك شي والغيره عذبتك قومي اتوضي وصلي ركعتين وادعي وابكي واشكي همك لرب العالمين وابدأي بأصلاح علاقتك مع الله حتا ربي يرضاعنك ويغير زوجك ويهديه ويرزقك السعاده وراحت النفس والبال وشوفي كيف رح تحسي بالراحه حتا زوجك يشوفك وانتي حريصه على صلاتك وعباداتك ويخجل من نفسه ان عنده مثل هالزوجه *** قلبي معك وبادعيلك زي نفسي الله يفرج همك ويصلح زوجك ويرده لك ردآ جميلآ آآآآآميييين. |
أختي الكريمه لماذا لاتقبلي بتضرع الى العلي القدير
لماذا ناجيتي الناس متناسية الواحد الأحد الصمد الذي قدّر لك وجودك في هذه الحياة وزواجك من هذا الشخص فإنه قادر ان يقّدر لك الفرج من ماأنتي فيه قال تعالى(وماأصابكم من مصيبة فبما كسبت أيديكم) ياغالية لاتحقرن الصغير من الذنوب فإنما الجبال من الحصى يجب أن تبدأي بالتغيير من نفسك ثم زوجك قال تعالى( إن الله لا يغير ما بقوم حتى يغيروا ما بأنفسهم) ولاتنسي الإستغفار قال رسول الله صلى الله عليه وسلم : (من لزم الاستغفار جعل الله له من كل هم فرجا، و من كل ضيق مخرجا، ورزقه من حيث لا يحتسب) فابدأي من اليوم بالإستغفار والتضرع لله في جوف الليل وسترين حياتك كيف ستتغير بإذنه تعالى فرج الله عنا وعنك الهموم |
ما عدت أنا.............. بناتى غيرونى تسلم الايادى اللى كتبت وجعله فى ميزان حسناتكما
|
فرج الله همك واعتبرينا اخوات لك لم تلدهن امك جمعنا الله في جنته
لاتنسي الدعاء في آخر الليل فهو له مفعول عجيب وكذالك الاستفغار والتجي الى الله والتقرب اليه بالطاعات ينفص زوجك التقرب الى الله والخوف منه واجهي زوجك واخبريه انه كما تدين يدان ووقضيه للصلاة وذكريه بالله وخاصة اننا في خير الشهور |
استغفر الله ربي .. زوجك كذاب و خاين و راعي بنات و قاطع لاهله . هذه كلها امراض نفسيه يحتاج ان يتعالج منها .. زوجك مشغول فقط بمتعته .. انت قلتي انك شفتي زوجك مع بنات في السياره و بعدين مسكته الهيئه مع بنات يعني خيانته جسديه !!! اكيد زوجك ما يعرف وين الطريق لرب العالمين .. وانت كيف تصرفتي في مثل هذه المواقف مع زوجك ؟؟ كيف يبرر لك هذه التصرفات ؟؟ هل كلمتي اهله عن هذه الامور ؟؟ معقول ما عندك اهل يعني مقطوعه من شجره ؟؟ كم سنه صار لك متزوجه و هل عندك اولاد ؟؟ |
طلعتيه من الهيئة من حفلة بنات وقبل اسبوع معه في السياره بنات وانتي ما اتخذتي اي موقف لردعه تبغين الصراحه بعذره يكرر الغلط ويتمادى لانه شاف انك انتي زي اللي ماعندك مشكله لو راح مع بنات لازم تفعلين شيء عشان يخاف ويبدا بمراجعة نفسه وانه كان غلطان ويلتفت لبيته وعياله وأسأل الله ان يفرج همك ويصلح زوجك |
لي عوده بعد ماتردين على الأسئله
وراح أعلمك خطه طبقيها وما راح تندمييييييين |
أخي د/بيولوجى شكرا على مرورك وردك أخي فعلا هو ضعيف الوازع الديني وأنا دايم أحاول في نصحه ومساعدته وربك كريم إن شاء الله مايخيب رجاي |
بناتي غيروني2 أخي أو أختي شكرا على مرورك ومساهمتك أنا متزوجه من سنتين وعمري 24 وما عندي أطفال وماني مقطوعه من شجره بس إللي ماله أم وأبو ماله ظهر إلا الله أكيد ولله الحمد أنا أهلي في أي موقف يتكلمون معه بهدوء وماأقدر أروحلهم لأنهم في جده وأنا في الرياض إتخذت مواقف كثير وتكلمت مع إخوانه والكل بصفي بس وش الفايده صفي ولا صفه إحنا مو في سباق أنا أبي يكون هو صح وماشي صح :( وأشكرك من كل قلبي على نصيحتك وأنا قايمه فيها وبزيد وأقسم بربي نزلت دموعي من الفرحه إن في ناس حولي وفي ناس بتوقف معي بالنصيحه والدعاء جعله الله في ميزان أعمالك يارب |
أخي أو أختي ماعدت أنا سأبذل كل جهدي في الدعاء وبإذن الله مايخيب رجاي وأنا مافي يوم يمر إلا أدعيله وأبكيله وأشكيله وبإذن العلي القدير بيحل أمري بس أنا أبي حل في التعامل لأن هو تعود إني مهما زعلت مستحيل أروح لأهلي عارف إن أهلي يالله شايلين إخواني وماصدقو إفتكو من وحده وأهلي بينوله هذا الشي بس الله معي وألف شكر جعله الله في ميزان أعمالك |
أختي سحابة صحراء أشكرك من كل قلبي وأنا حريصه على تذكيره وسأبذل أقصى جهذي إن شاء الله لأن صدق أنا أحب هذا الإنسان وأبيله الخير والله يكتب الخير والهدايه للجميع جعله الله في ميزان أعمالك |
فعلا زوجي مشغول بمتعته إدعوله الله بسخرلكم من في الأرض والسماء ويوفقكم أنا محتاجه دعواتكم في كل موقف أتصرف شكل مره رحت بيت عمي ورجعني بعد يوم ومره تكلمت معه بكل ضعف ومره تعبت وتشنجت ورحت المستشفى ومره قاطعته يومين من الكلام ومره تخاصمت وجرحت بالحكي ومره بكيت وترجيت كل شي سويته إلا إني أطلع من البيت لأن أهلي يحسسوني برخص لمن يرجعوني على طول ويحاكونه كأنهم يقولونله الله يخليك لا تتركها ماصدقنا إفتكينا من وحده بس الله يفرج همي وكربتي وجميع المسلمين المشكله إني كل ماحاولت أنسى إستهتاره ولا مبالاته ومعاملته ينبشون جرحي أنا مره تعبانه |
أخوي أبو دانه أشكرك ألف شكر على مرورك وردك أخوي أنا إتخذت كل أنواع المواقف معه في كل مشكله بس مالقيت حل ساعدوني أترجاكم كيف أردعه يمكن إنتو الرجال تعرفون المشكله متأكده من حبه لي وأنا أحبه وربي لمن أمثل إني طالعه من البيت ينهار جمبي ويسوي سوات مو طبيعيه وأنا متأكده إنه شيطان وماأبيه يخرب بيتي أبي أكون أقوا منه بلجأ لربي زياده هذا أكيد بس وش أتخذ موقف زياده عن إللي سويته أنا بدى يطيح من عيني بسبب كذبه وتعبت نفسيتي كل شي يقوله أسرح وراه وبس أفكر في إيش كذب وإيش سوا أنا تعبت حتى هذي اللحظه أقسم بالله شاكه إنه يكلم أو يستهبل مع أصحابه يكلمون بنت ويستهبلون تعبت تعبت وربي تعبت قاعده أموووووووووووت بالبطيئ |
أخوي المختار أشكرك على مرورك وأنتظر مساعدتك بعد الله وجزاك الله ألف خير |
اختى ممكن سؤال؟ انتى مقصره معه فى حقوقه الزوجيه؟؟
|
وحده دائما تذكر أولادها بهذي الجمله:
( ان الله يرى ) ماشاءالله الاولاد خلوقين حاولي تذكرين زوجك بهالجمله بس بأسلوبك كثري من ترديدها بتأثر عليه أكيد حتى لو مابين لك وشوي شوي بإذن الله ويعافيه ربي مما ابتلاه |
اقتباس:
أخوي أبدا أنا مره مره أحبه ومستحيل أقصر بحقه حتى وأنا زعلانه منه ما أقدر أقصر بحقه صح يبان إني زعلانه بس حقوقه شي ثاني أنا أحسه ولدي وزوجي قلبي يعورني عليه حتى وأنا قلبي معورني على نفسي من غلطه بس أتقطع عليه الله يهديك ويسخره لي يارب إحنا الحمد الله هاليومين أحسن وجبنا شيخ يقرا علينا يقول والله العالم فينا عين قويه إدعولي تعبت كل شيخ يقولي عين قويه وماعاد نكمل قرايه مع الشيخ إدعولي الله يوفقكم ويحققلكم أمالكم ويجعله في ميزان أعمالكم |
اقتباس:
الله يخليهم لها إن شاء الله وبيض الله وجهك على النصيحه وبستمر عليها إن شاء الله |
طمنينا يا اختي اش اخبارك وكيف نفسيتك
سويتي اللي قلتلك عليه وارتحتي واش صار مع زوجك وكيف وضعه برمضان ان شاء الله احسن؟؟؟؟ |
ياحبيبي إنتي وربي سؤالكم يريح قلبي ويحسسني إن لي أهل بقربي أختي إن شاء الله خير هو يتحسن يوم و10 لأ بس بصبر والله مع الصابرين وكل ماإحتجتوني أو إحتجت نصيحتكم بلقاكم وتلقوني ياخاواتي وإخواني إللي ماجبتهم أمي |
االله يفرج عنك
ويهدي زوجك حاولي تمنعينه من طلعت البيت اشغليه في البيت واكثري من الاستغفار |
الله يهديه ويصلحه ويرده لك ...اللهم آمين
|
شوفي الاخوان والاخوات ماقصروا بس هذا خاين ووقفيه عند حده
|
| الساعة الآن 04:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©