|
زوجي يريد إرجاعي لكن بشروط و أنا محتارة !
السلام عليكم
أخباركم ان شاءالله بأتم حال تصدقون ان موضوعي هذا كتبته ثلاث مرات بثلاث اقسام واذا جيت اضغط انتر هونت ومسحته خخخخ:d رحت لقسم المتزوجين كتبت وتعبت جيت بضغط انتر هونت رحت قسم الإستشارات الخاصه نفس الشي كتبت وتعبت وهونت والحين بهالقسم والله يستر ما أهون:d المهم لو قالك طليقك برجع لك بس بشروط نت مافيه السمع والطاعه يعني كلمة لا مايبي يسمعها يعني نقاش مافي لا روحات ولا سفريات ولا لبس وووو وش تسوين هل ترجعين له ...؟؟ أنتظر الرد الإشراف/ تم تعديل العنوان بما يناسب المضمون |
اهلييييييييييييين غاليتي
شكلك فرحااااااااانه فرحينا معك ايش عندك؟؟ اكيد طبعا ا>ا الشروط كانت مقبوله مو مره يمسخها نحن بشر لاتنسي يعني ممكن نغلط |
لو برجع لطليقي أنا الي بشترط مو هو !!!
يشترط على إيش أنا كنت مثل الريموت بيده !!! وبعدين وش هالمعقد : لانت ... لا نقاش .. لا روحات .. لا سفريات .. لا لبس .. أجل ليه بيرجعها!! استعباد .. الله لا يبلانا .. |
اتمنا انك تفرحينا اول وبعدين نجاوب
مااااااااااااااااااااااااااااااراح اجاوب الي بعد ما تفرحينا معاك انا حاس ان فيه بشائر خبر
|
عن نفسي شخصيا
ما ارجع ابدا ابدا ابدا بس كل واحد له ظروفه اللي عندها عيال مرتبطة فيه اكثر من اللي ما عندها والله يوفق الجميع |
والله يأخوان ودي افرح بس على قولة اخواننا المصريين
قت الحزينة تفرح مالئتلهاش مطرح يعني لاني فرحانه ولا حزينه الحقيقة يااخواتي اني ارسلت رساله له قلت له اني مخطوبة وقاعده استخير تدرون وش رد علي قال اذا ماتزوجتي بعد ثلاث سنين بأخطبك وقد اكون متزوج وقد لاأكون وفي كلا الحالتين بخطبك انا فاهمه قصده بيغيظني ويقاله مستغني المهم رديت عليه بقصيدة ارسلتها على اميله رد علي بالجوال قالت اذا وافقتي على الشروط سأتزوجك بعد العيد المهم انا الصراحه انصدمت خير حاط شروط الأخ مدري وش اقولكم بس مدري ليه حاط شروط أحسها اهانه لي لا ومن زين شروطه بعد المفروض انا اللي اشرط المهم انا قلت وش شروطك قال اللي تحب من جد تقول راضيه مهما كانت الشروط مو تسأل انا الصراحه تضايقت وش هالكلام قلت من حقي اعرف حتى لو كنت راضيه قال هالشروط لا وكاتب هذي بعض من الشروط والله العظيم مدري وش اقول حيرتي وقهري وضيقتي جاء ببالي انه يختبرني يشوف اذا انا احبه صدق اوافق وجاء ببالي انه جاد ويبغى يعجز فيني عشان كذا قلت بشوف ردودكم لأني الى الان مارديت ولا راح ارد الا نهاية رمضان وش رايكم |
شي غريب
من جد شي غريب طيب والبنت الي بينكم يعني مالها اي قيمه ولا عادي تتربا بعيده عن امها وابوها لا يا اختي اذا هو صادق وافقي علي شروطه بس قوليله اذا بوافق راح اوافق عشان بنتي ما تعيش بعيده عن ابوها وتراني انا اظحي وانتا لازم تظحي واشرطي عليه وخلي البنت بينكم يعني اذا انك وافقتي علي الشروط فهو عشان بنتكم ما تعيش بعيد عن امها او ابوها .
|
والله العظيم وماحلفتني ياخوي عاشق اني بهم وحيرة
ياخوي ماني فاهمه ليش هالتصرفات فعلآ كيف مافكر ببنته لهدرجه عادي عنده تتربى بعيد عن عينه والشي الثاني وش شايفني على هالشروط ياخوي مدري وش سالفته شابن تسبدي <<كبدي :D والله مدري اوافق واهين نفسي واعيش بالعصرالحجري على هالشروط والا ارفض واجلس عند اهلي واجلس بحيرتي مدري وش يصير علي طيب انت تقول اشرط وش اقول ان شرطت انا ياكثر شروطي لاتلومني بس من عيشته اللي بيجيب الهم من تفكيره |
؟؟؟
شوري عليك يا اختي وافقي وبينيله زي ماقلتلك علي شان بنتك وحتكونين انتي صاحبة المعروف ,,, اما بخصوص الانترنت فماعليك امي وامك عاشو بدونه واستمرو في الحياة ولهم الفضل بعد الله سبحانه وتعالي في وجودنا في الحياة من غير انترنت ولا غيره اتكلي علي الله و صلي الاستخاره و وافقي وصدقيني اذا خلص دراسة و توظف وخفت عنه اللاتزامات وقدر يفتح بيت راح يتغير كل شي . أسأل الله العلي القدير في هذا الشهر الفضيل ان يردكم الي بعض رداً جميلاً معززين مكرمين.
|
استخيري ثم استخيري ثم استخيري واكثري الاستغفار وفرصتك في هذه الايام الفضيلة ادعي وماراح تندمي على شي يصير بعد كذا ...
وبعدين انترنت وما انترنت هذي اشياء تافهة لا تحطيها في بالك وانه بينتهي العالم اذا مافيه نت .. وخلي اهلك يجلسو معاه ويتفاهمو وتحطي شروطك ويحط شروطه وماراح يقول هذي الاشياء التافهه قدامهم .. وماعمره احد يجلس على حاله .. الله يهديه لك ويحنن قلبه ويسخره لك ... يااارب |
جزاكم الله كل خير
المسألة مو مسألة نت وبس ياأخوان المسألة مسألة حياة يعني بالله عليكم لاسفرات ولا طلعات ولا لبس ووو هو بقى شي ياناس مدري وين حنا فيه على هالشروط انا هذا اللي بسويه ادعي واستغفر واستخير وماراح ارد عليهالا وانا عاصرة مخي من التفكيروالإستخاره بإذن الله الله يفرج الهموم |
حبيبتي ...ما عدت أنا أنا أشوف شروط طليقك بسيطة جدا ليش لانه هذه الاشياء نت ولبس. وطلعات راح هو بنفسه يحتاجها لك ...يعني معقوله ما يطلعك أو معقوله ما يغاك تلبسين له ، والنت أكيد يحتاجة في بيته ومع الوقت تصير كل هذه الحاجات في متناول يدك بدون شعور . عشان كذا أنا أقول أرجعي وفرحينا فيك أول مطلقة في هذا المنتدى ترجع لطليقها ،:14::14::14: والمهم بعد الرجعه أحرصي على يتك وزوجك ترا الرجال زي الاطفال يحبوا من يدللهم ويدير باله عليهم ولا تدخلين أحد في حياتك أنتي وزوجك وافقي ولا تترددين زوجك يبغاك أنت أم بنته ....الله يوفقك حبيبتي ويسعدك دنيا وأخره يالله خلينا نفرح ويصير العيد عيدين . |
اقتباس:
خاصة في مسألة النت والله عندي مصيبه لو اقول لزوجتي مافيه نت وتخالف كلامي المسألة مافيها استعباد ولاشي لكن هذي حقوق الزوج على زوجته وبعدين دخول النت في نظري مثل خروج المرأة من بيتها بغير اذن زوجها اذا قسنا عليه لانها في النت ممكن تتحدث وتتعرف على رجال اجانب بغير علم زوجها او يحصل هناك امور لاترضي الله مثل افشاء اسرار البيت او ارسال صور وغيرها من امور تعرفونها والمرأة التي تفضل النت على زوجها وبيتها هذي في نظري لاتستحق ان تكون زوجه وام اما المسائل الاخرى فيمكن فيه النقاش وايجاد حلول لها ليست الحياة كلها سفريات وروحات وجيات يجب ان تكون حياتنا في اطار وعلى منهج رباني حتى نصل الى بر الامان هذا طبعا اذا كنا نؤمن بالله واليوم الاخر |
والله يااختي حديث
ماني عارفه خايفه ارجع ويكون فعلآ ناوي على هالشروط وبصراحه صعبه على انسانه عاشت ببيت اهلها سنين وهي مرتاحه والحمدلله وفجأة يجي زوجها يخنقها بهالشروط انا بستخير وادعي والله يفرج همومنا اخوي manet ياخوي وش دعوه مابقى الا اذا جيت ادخل النت البس عبايه خلاص انت اذا عطيت زوجتك كلمة وقلت لها كل اللي يرضيك ويغضبك الحمدلله بس انه يمنعني مرة وحده صعبه جدآ انا لي بالنت فوق سبع سنوات وفجأة يجي يقول مافي خاصه انه هو كان راضي ومتفاهمين وبعدين كل اهله وخواته يدخلون شاطر في بنت الناس وبس والا بيفرعن عضلاته علي انا والله مدري بس الله يهديه وينور دروبنا |
اقول يااخوان ترى هذي بعض الشروط
يعني باقي بعد :D |
صدقيني هو بالاول يقول كذا بس بعدين اذا زانت اموركم اكيد يبغى يتمشى ويطلع هو بنفسه
ماراح يحبسك يمكن انتي ادرى بزوجك يوم كنتي معاه وانتي واسلوبك لكن اذا المسأله انه بيذلك ولا راح يطلعك ويمنعك والله مشكله وانتم ماشاءالله عندكم بنت الله يخليها لكم يارب الله يكتب لك اللي فيه خير |
اختي
انا ماعرف ماني مطمنه حتى لو انه كاتب هذه الشروط بس لمجرد اختبار وبعدين ليش يقولك اذا ما تزوجتي بتزوجك بعد ثلاث سنين ايش يعني ايش معني مافهمت ؟ حبيبتي فكري انك جربتي طعم الحريه في بيت اهلك وفكري انه راح يحرمك منها وبصراحه ممكن تتنازلي عنها في حاله انه واحد يستاهل بس لو كان يستاهل من جد ليه يطلقك !!!!!!!!!!!!! والاخ اللي يقول النت زي خروج المراه اعتقد هذه المراه هي زوجتك وامك واختك فاكيد لمن تخرج برا الى قد الثقه وهى اخت رجال وزوجه رجال فكيف تثق فيها في السوق وبرا البيت بشكل عام وما تثق فيها لمن تدخل النت فكل مكان في الشيطان وفي ربي ! والنت اصلن صار شي اسااسي في حياتنا لحد يقول كيف اهل اول عاشوا بدونه لانه اصلن ماكان موجود مدام احنا في رمضان اختي استغلي الموضوع في الاستخاره ولا تردي عليه ولا بنص رساله شوفي ايش يصير من اليوم الي بعد رمضان |
والله يا اختي ماعدت انا انتي اعلم بظروفك وطبيعة اخلاق وتصرفات زوجك
مع اني اظن الشروط في البدايه فقط وبإذن الله اذا صفت الأنفس ستنمحي تدريجيآ مع الوقت |
لو كنت واثقة من نفسك كان قبلت بالشروط , المرأة الواثقة من أنوثتها ستقبل لأنها لديها على اقناع زوجها على طلباتها
|
مشكورين ياخواني
لكن صدقوني ماقمت افهم له لأنه مستعد يخسر بيته وزوجته وبنته في سبيل اسعاد نفسه وتنفيذ شروطه ويااختي علو وش دخل الثقه الله يصلحك انا واثقه من نفسي لكن زوجي اقصد طليقي حطم هذه الثقه بتصرفاته فرج الله للجميع |
اقصد ثقتك كأنثى وزوجة قادرة على التعرف على زوجها ما يحب وما يكره وطرق الوصول لقلب زوجها , فالله قد خلقك
من الضلع الذي حول قلب الرجل لتكون قريبه منه , فقربك من قلبه معناه معرفتك بقلبه , لكن العجيب انك مستسلمه مع انك كأنثى ربي حباك بأسلحة تستهوين بها قلب الرجل الذي هو تخصص .. لكنها للأسف معطله !!! |
اقتباس:
بل مسألة وضع نفسها في دائرة الشك مبدئيا حتى تثبت براءتها كأنها سفيهة ضع نفسك في موضع شبهة من الآخر و صف شعورك!! *** لوقال تخفيف النت , يمكن أفهم من كلامه أختي أن النت كان سبب في اهمالك لبيتك وزوجك فيكون معاه حق و أما إن كان لا فأجده شرطه من باب تضييق,, و بالنسبة للطلعات و اللبس!! و غيره فالرجل المحب لزوجته يقول لها اطلبي من العين دي قبل دي بحدود عدم المبالغة و الإسراف لكن يقولها من باب التضييق أيضا , تعبير عن رغبته بالسيطرة و لا يريد أن يكون لك في حياتك رأي ثانيا من حديثك انك قلت له انك مخطوبة , أعتقد أنه لم يصدقك , بدليل ذكره لك انه سيأتي لزواجك بعد 3 سنوات يعني كأنه يقول , أنت ستجلسين في بيتك و أنا من يقرر متى أرجع لك و بمزاجي ,و بشروطي و بتوافقين هذا رأيي و هو يحمل الصواب و الخطأ و انت أدرى عموما بأسلوبه لكن في النهاية ما قلتي لنا باقي الشروط و هل تحسين أنه قالها من باب اختبار رغبتك او هو حقا يريد ذلك و ما رأيك انت بذلك.. |
اقتباس:
انصح اخواتي بلبس العبائه والبرقع قبل دخول النت خوفا من التكشف :11: |
اقتباس:
http://www.66n.com/forums/showthread.php?t=191786 |
عزيزتي( ماعدت أنا) هل انتي رافضه لقب مطلقه ومش متقبله وضعك بسبب هذا اللقب؟؟وعشان كذا مستمره في التواصل مع طليقك ومحاولة عودة المياه لمجاريها؟؟أو انك تحبينه ومستعده للتضحيه من أجل هذا الحب؟؟؟ اذا كان الاحتمال الأول صحيح أقولك ياقلبي لا تستعجلين وتتخذين قرار ممكن تندمين عليه انتي حاليا يمكن مصدومه متغير عليك الوضع وأمور كثير انتي أدرى بها, واذا كان الاحتمال الثاني ينطبق عليك ارجعي لكن بدون ماترخصين نفسك وتقبلين كل الشروط بدون مناقشه رغم عدم اقتناعك فيها وتحملين نفسك مسؤلية فشل العلاقه100%وترجعين مهزومه وبنفس منكسره,,واذا شايفه ان الحالتين يمثلونك وازني بين قلبك وعقلك وشوفي من كفتّه ترجح,,انتي أكثر وحده قادره على معرفة الهدف من وضع هذي الشروط وأكيد وصلك احساس اذا كان طليقك شاريك ومايبي غيرك أو طابت نفسه منك ,,نصيحه لاتتواصلين معه واحسبيها بينك وبين نفسك من جميع النواحي,,والله يكتب لك الخير ويسعدك دنيا وآخره,,
|
جزاكم الله كل الخير
بالنسبة لك اختي علو النفس ياغاليه أنا تعبت معاه عملت له كل شئ مشيت على رغباته في كل الأمور ولكنه لايريد ان يتعب نفسه يريد ان يعيش مثلما يريد متناسيآ انني زوجة ولست خادمة شكرآ لك أتصدقين افكر احيانا ان اوافق ولكن بشروط مني اما بالنسبة لشروطه ممكن اوافق وبعد الزواج احاول معه ولكنني خائفه بعد ان يقع الفأس بالرأس يعاندني ولا يريحني كما اريد أن اريحه جزيتي خيرآ ياغالية |
المسداني
جزيتي خيرآ غاليتي أنا افكر ايضآ هكذا ولكن هو سبق وقال سنة ثم متى ماتوظفت والآن ثلاث سنين يعني متى ماصلحت اموره وشلون وهو يقول يمكن اكون متزوج ماقالها الا انه بس بيغيظني انا رغم ذلك كله اشعر بأن الشروط اهانة لي كيف تضع شروط رغم انك انت من يقع عليه اللوم الأكبر المفروض انا اللي اقول بشروط خايفه من بعدين |
وبالنسبة ياختي لتصديقه لي بالخطبه
نعم لأنه سألني قبل هذه الرساله ولما قلت له نعم قال اذن لايجوز لي ان اخطب على خطبة اخي المسلم وقد نهى النبي عنه يستهبل هو ووجهه بدل مايخاف اني اضيع منه يقول كذا احيانا اشعر بأنني كرهته من اساليبه |
يامتاعبني
ههههههههههههههههه ضحكتيني بس ماعليه كل شخص له رأيه ومن واقع وطبيعة عيشته وياخوي وفر على نفسك التعب اساسا انا معطيته رقم اميلي السري ويدخل هو من جهازي يعني مافيها انه يشك ويتعب نفسه ويتعبني والشئ الثاني عشان تفهم ياخوي انا اصلآ ماادخل النت وهو موجود عشان مايتضايق واذا جاء هو اللي يقعد عليه ليل نهار وقلت له انت تنهاني عنه وانت اللي تقعد عليه 24 ساعه والمرأة تعرف تحافظ على نفسها ولو هي بين مية رجال الله يهديك لاتكثر البهارات تطلع الطبخه مرّه :D جزاك الله كل خير |
اقتباس:
شخص يحبك ويقولك لو فقدتك بروح اجاهد ماني قاعد هنا وبعد هذا كله يتخلى عنك عشان اشياء تافهه وبالنسبة لمواصلتي معه نعم انا احبه ولا اتخيل غيره زوج لي ولكن جروحه وافعاله معي اتعبتني وخلتني متذبذة ماني عارفه وش اسوي ان رجعت له بهالشروط بتضل برأسي طول العمر انه اهاني ورجعني بذل وان رفضت باتعب اكثر انا احاول ارجع المياه قبل مايكبر الموضوع اكثر واكثر يعني نفسي انهي السالفه ووجع الراس انا عن نفسي ماقمت افهم طليقي احسه كل واحد عنده يعني احسه عادي اتزوج غيره مدري وين راح كلامه وحبه لي والله اني كنت صابرة على امور كثيرة شاد فيها علي ومع ذلك لأني احبه صبرت والله ياناس احس تعبت وراسي بينفجر بس انا ماني راده عليه الا بعد ماادعي ربي واشاوركم بارك الله فيكم وفرج همومكم ولا حرمكم من غالي |
ياأخوان
اليوم أنا فكرت وفكرت وفكرت إني أرد عليه وأقول اني موافقه لكن بشرط مني الوظيفه مايمنعني منها وكذلك بالنسبة للنت افكر اقوله يسمح لي فيه تصفح فقط دون رد وبوقت محدد ماعندي مشكله ايش رايكم ...؟ خايفه يرد علي رد يحطمني |
أثقلي لاتستعجلي بالرد
والأحسن أنك لاتردي عليه أختي هو عارف أنك تبينه أذا يبغاك يجيك ويحقق لك شروطك أنتي مو شروطه هو أختي ((عزّ نفسك تجدها)) اذا أنتي ماعزيتي نفسك وأعطيتيها حق قدرها بتهوني وبترخصي بعينه هذولاء هم الرجال وتاكدي اذاربك كاتب لك حياه معاه بتعيشها معاه وبيجيك هو من نفسه فوضي امرك لله وطنشيه راي من وجهة نظري ربي يوفقك000 |
الأخ الفاضل(MANET)
أقصد الأمور مجتمعة تعني استعباد وليس النت وليس منع النت لوحده >>> وإلا مو ضوع المنع من النت ممكن المرأة العاقلة أن تتقبله حتى لا تهدم أسرة ... و وجود الفكرة أصلا عند أي رجل إن الزوجة يمنعها من النت تدل على عدم فهمه لما يدور حوله في المجتمع ,, أو عدم مرونته ,, وربما في بعض الأحيان عدم ثقته بالطرف الآخر وربما تعود لما مر عليه من مواقف ( نتيه) تؤثر سلبا على زوجته ... |
الله يعينك ياخويتي على مصيبتك
شوفي اثقلي وخلي شروطك سنعه .. وشيلي فكره النت .. وين بتقولين قدامه بتصفح نت .. << بيضحك عليك خلي سالفه النت بعدين بعد ما ترجعون لبعض فاتحيه بالموضوع وصدقين بيكون الموضوع عادي جدا .. < وقولي ملكه قالت انتبهي واثقلي ...:) الله يوفقك ويسهل عليك .. |
ماعدت انا 00هو شايفك ميته على رجعته وقام يتغلى ورجع يتشرط 00عزي نفسك ولاتردينله اي مسج واذا سالك قولي مافي اي وحده حره بتقبل بها الشروط لافسحه ولا لبس مابقى يقول الا لاتتنفسين الا باذن مني 0المفروض انتي اللي تتشرطين موهو هاذا طلاق مولعب000الله يجمع شملكم على خير
|
اقتباس:
اكيد لأنك ما ذقت مرارة الطلاق ,والفراق .. جالسه خلف الكيبورو الشاشة , ولا تستشعرين حالها بعد ان كانت زوجة فأصبحت مطلقة .. |
لعلمك اللي قاعدات يقولون لك تغلي واثقلي , ترى هن جالسات بحضن أزواجهن , ولو أن زوجها أعطاها ظهره مو طلقها
قامت تولول وتبوس الأرض اللي يمشي حتى يرضى عنها .. اعملي بما ترينه مناسب لحالك وأبنائك .. وأما ما فرقت معها يروح يتزوج غيرك .. وأنت خلي الناصحات يشوفون لك عريس يرضى بك ثانية .. |
السلام عليكم ورحمة الله وبركاته..,,,
عزيزتي ماعدت أنا لاتقلقي فكل ماتمرين به من خوف وقلق وحزن سينجلي فوضي امركِ لله وحده وبإذنه تعالى سيرزقكِ من حيث لا تحتسبي غاليتي مشكلتكِ شبيه لمشكلتي وأعرف بما تمرين به من انتظار وقلق من المستقبل المجهول وأفكار ووسوسة قهرية هل سأعود أم لا وووو......الخ!! من وجهة نظري وما ادري اذا كانت صحيحة أم خاطئة وانتي ادرى بزوجج...!!! زوجج بما انه عصبي وما يتحكم بأعصابه خااااايف يطلقج للمرة الثالثة....وبعدها تحرمين عليه خاااايف تكونين مثل ما انتي ما تغيرتي وتخلينه يفقد أعصابه ويطلقج!! ويمكن حس انه يحتاج وقت يقدر فيه يفكر بهدووووء بعيد عنج ويقدر يرتب اموووره...بس انتي استعجلت بارسال المسج وسالفة انج انخطبتي خرعته....هو كل اللي يحتاجه الوقت...لاتخافين من الواضح انه مازال شاريج ومايبي بنته تبعد عنه شوفي اختي وياااارب انج تسمعين نصيحتي...لاترسلينه حاليا اي مسج وانتظري لي ما بعد العيد!!! لاتفكرين فيه واستغلي رمضان بالتقرب من الله وسوي لج جدول يومي لقراءة القرآن 5 اجزاء يوميا لاتحاتين اي شي....( ادري ان الكلام سهل ) بس والله اني مثلج وقصتي شبيه لقصتج والانتظار مو بس صعب الا مر ومؤلم لاتخافين ولاتضايقين روحج...وكل ما احسستي بالهم والضيق لاترسلينه اي مسج...روحي وضي وصلي ركعتين وادعي فيها الرحمن ان يفرج همج ويصلح امرج وكثري من الاستغفار...وبعدها صدقيني بتشوفين الضيق تبخر وراح ولى..!! " اسأل الله ان يسخر لكِ زوجكِ ويختره لكِ واسأله تعالى ان يصلح احوالكما ويجمع شملكما ويطهر قلبكما ويجلو حزنكما " اختي الغالية.....لاتنسيني من دعائكِ في الأسحار |
اختي ممكن اعرف .. ليش طالبة منه يرجعك ؟؟
وليش قاعدة تدقدقين عليه وترسلين اشعار .. >> لا تزعلين مني بس ابيك تفككين الأفكار داخلك وشنو سبب طلاقكم من الاساس >>> إذا مو غلطانه لأنه ما يشتغل .. او يمكن ناسيه .. الله أعلم وهل تحسنت احواله حتى تعتقدي أن رجوعك له سيحسن من حياتكم هل الخلل الذي ادى إلى طلاقكم تصلح .. وإلا كل شي على حطت يدك إذا كل شي مثل ما هو .. انا مو شايفة ان حياتكم بعد رجوعكم بتكون افضل السيناريوهات راح ترجع مثل قبل و أكثر .. والمعناة هي هي .. إذا انتي إلى الحين تقولين أن الخطأ راكبه من ساسه لراسه وانه للحين مو راضي يتنازل عن اي شي وانه للحين يعتبرك خدامه مو زوجه وانه وانه .. .. وهو نفس الشي .. من شروطه باين انه راسه كابر والاحتقار واضح من كلمته بعد ثلاث سنين لو ما تزوجتي بخطبك هذا إذا ما تزوج ولو تزوج بعد بيرجعك .. يعني منكسر خاطره عليك .. شوفي يا عمري .. أنا ما ابغي اشور عليكِ واقولك رجعي او ما ترجعين بس خلك عقلانية في تفكيرك .. فكري بعقلك وبس جلسي مع نفسك وقولي انا ليش تطلقت .. شنو السبب .. 1 \ .... 2 .... 3 ... ؟؟ ليش ابي ارجع الحين ..؟؟ شنو السبب ؟؟ عشان بنتي .. عشان نفسي لأن لقب مطلقة اتعب نفسيتي .. عشان احبه وبستحمله .. عشان اكتشفت اني انا الغلطانه وهو الصح ... عشان شفتيه تغير وحس بغلطه وانه اصبح زوج صالح ... عشان حسيتي انه يحبك ومستعد يقدم تضحيات عشان ترجعون لبعض ... عشان شنو ؟؟؟ طيب هل الاسباب هذي انتهت أو هل عندي استعداد اني اتحملها واطنشها عشان كذا وكذا وفي نهاية تفكيرك إذا اكتشفتي انه في شي في معادلة حياتكم تغيرت أو طرأ عليها شي جديد يخليها تمشي وتكون أفضل من قبل .. ارجعي له على بركة الله وإذا لا .. ورافع خشمه .. وما حسيتي أنه شاريكِ .. فـ ..... القرار لك اولاً واخيراً الله يكتب لك الي فيه الخير |
اقتباس:
اقتباس:
يرجى إحترام العضوات وعدم تسفيه آرائهن دون مبرر و لعلمك أغلب الموجودات في القسم مطلقات و يعرفن ما معنى كون المرأة مطلقة و يعرفن مرارة الطلاق و تبعاته و هن عندما نصحنها بالتريث بيَنَّ أنهن يخشين عليها أن تدخل في سلسلة جديدة من المشاكل و كون المرأة تجلس في بيت أهلها مطلقة معززة مكرمة هذا أفضل من أن تعود لزوجها السابق و هي غير مقتنعة بشروطه فتدخل في معمعة جديدة من الخلافات التي تخرج منها بخسائر أكبر |
| الساعة الآن 04:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©