|
زوجي وانا و مشاكل اهلة
السلام عليكم
ما ادري شنو اقول بس انا صار لي سنتين متزوجه و عندي كتكوت الله يخليه مشكلتي ابتدت من قبل الملكله الى اليوم والسبب هم اهل زوجي انا ساكنه معهم في شقه في الطابق الثاني ولوحدي وعندي مدخلي الخاص و عندي مدخل يطل على بيت عمي (اهل زوجي) المهم وما اطول عليكم من اول يوم دخلت فيه عليهم وهم ما يحبوني سببو لي مشاكل وانا بعدي عروس ما حسيت بالفرح لا في الخطوبة و لا في الزواج حتى لما كان يجيني زوجي في ايام الخطوبة كانت تصير بينا مشاكل و السبب اهله وبالاخص اخته الكبيرة تحرضه علي و هوه كل شي ولا اهله لا تقربين صوبهم هم الصح وانا الخطا مع انها متزوجه و عندها ما شاءالله خمسة عيال الا انها مقيمه في بيت ابوها تقول هذا بيتها الشخصي الحين صار لها اكثر من خمسة ايام ما راحت بيتهم ولا تدري عن زوجها ... زوجي راتبه يا دوب يكفينا وهي ما تخلينا في حالنا يا تبغي حليب لاولادها حفايض تبي عيش تبي ماي تبي بصل تبي بطاطا تبي فواكه وتبي وتبي وتبي حتى الصابون تطلبه وهذا طبعا من تشوفني متواجده في البيت كل شوي تضرب الباب ابغي كذا وابغي كذا ماجلة البيت تقضي عليها كلها واذا مو موجود عندي تتصل لاخوها تتهاوش معاه للعلم ابو زوجي موجود و الحمدلله ما عليه قصور غير انها تشتغل و راتبها افضل من زوجي بمرتين ما شاء الله و زوجها مهندس كبير و عندها فلة خيال الله يزيدهم من نعيمه و يبارك لهم ... هذا غير تدخلها في لبسي و طلعتي و دخلتي ... مدخلي الخارجي تسكره علي عشان ما اطلع منه واطلع من مدخلهم تحط على السلم سجاد مطوي و طراسي و زباله وغيره ومن تشوفني بطلع مع اخوها تجيب اولادها معانا وزوجي يقول يستحي يقول لها ما ابغيهم ويقول لها ما تسوي لي الي تسويه و الله ما اكذب عليكم حتى في شقتي مالي حرمه لا لي نوم ولا ملبس مرة وحده ما اشوف الا داخلين علي عيالها حتى وانا ابدل ملابسي في غرفتي بعد يدخلون علي من تشوف اخوها جى البيت ركبوا عيالها حقه فوق صار ما يقعد معاي ولا مع ولده ولا يطلع معاي وكل ما اكلمه اقول له مو اي وقت يجون ابغي ارتاح يقول هم الداخلين وانتي الطالعه ومن ينزل لها تحت يجي معصب بدون سبب يهاوش ويسب ويضرب على شنو ما ادري والي يزيد المشاكل من يقعد معاي استلمته اختك سوت لي و قالت لي وياريت بس ينفع الا ينقلب علي وانتين تبغيني ابتعد عنهم وانتي تبغين تفصليني عنهم وانا والله ما اقول له شي ودايما اقول له كل شي ولا ابوك تحمل فيه اعطه من راتبك كل شهر اشتر لهم كذا و جيب لهم كذا اختك تبغي ملابس عطها فلوس اختك محتاجه كذا بشتري حقها ( عنده اخوات ثنتين صغار مو متزوجين في المدرسه ) ويا ريت ينفع وياهم حتى خواتها الموجودين في البيت صاروا ما يحبوني ومن انزل اقعد معاهم حتى لو مو موجوده حتى السلام ما يردونه علي ومن يجي اخوهم يعاملوني احسن معامله واذا قلت له ما يكلموني قال ما اشوفهم ... تطرش مسجات على تلفونه و على الايميل عشان يطلقني و يبتعد عني ويرمي ولده و يتزوج غيري .... اااااه وش اسوي وش الحل تعبت من المشاكل صارت حياتي مع زوجي جحيم في جحيم صار زوجي يتضايق مني على اتفه الاسباب ما يقبل علي و لا ينام معاي الا في السنة حسنة .. انا في حالي واذا بدر منها شي ما ارد عليها ولا اكبر السالفه بس عيبي من يجي زوجي قلت له سوو لي كذا وقالوا لي كذا ....... للعلم زوجي يعرفها و يعرف اخواته ودايما يقول لي لا تنزلين لهم تحت لا تكلمينهم خلينا نعيش بسلام هم يبغون يدمرونا و ننفصل عن بعض دبروني وش الحل قولو لي شنو اسوي بقول لكم سالفه البارحه صارت لي الساعه 2 وشوي الفجر كنت مع زوجي في غرفة النوم نام الصغير وقعدنا ندردش مع بعض وانا ادري انهم بينكدون علي قفلت تلفونه و قلت ادا بيتصلون على تلفونه بيشوفونه مسكر بس قرب صوبي زوجي الا يضربون الباب تخيلوا حتى الفجر مالنا نوم و لا راحه قلت له عشاني طنش خلنا شوي مع بعض والله ما تركوني اتهنا تلفون الشقه يرن وتلفوني يرن و الباب ضرب عليه زين ما خلعوه وليش؟؟؟ توقعوا الفجر يبغي اخوه السيارة بيطلع مع ربعه سهره شفتون حتى النوم ما انام و لا يهنى لي عيش معاهم كل يوم على هالحال يا هيه تبغي شي نصايف الليل يا اخوه يبغي شي يا اولاد اخته مقتحمين الشقه والله نص الليل من بعد الساعه 1 احد يجي لناس هالحزة اااااه علموني شنو الحل لا تقولون قولي لاهلك لان اهلي يدرون بكل شي بس ما سوو حقي شي |
الله يعينك
حاولو تطلعون بشقه بعيده عنهم |
اوووووووووووووه
والله مخي طاش من الي قريته معقوله هذول اوادم .. حالياً ما عندي لك اي حل ولا اقتراح لأن زوجك من الاساس مو حاس بالمشكلة ولا عنده استقلالية بذاته ولا شخصيته تمنع الأخرين من التدخل في شؤونه وعنده فكرة ثانبته أن الزوجه شريره وهدفها التفريق بين الزوج واهله على عيونه غشاوة ما يفرق بين الصح والغلط بصراحه اقولها لك .. زوجك اخته ابد ما تحترمه مسويته اصغر عيالها .. والله حتى لو ولدها كان راعته وخلت له قدر وقيمة قدام زوجته مو فاتحين شقتكم افتح يا سمسم والكل داخل وفوق راتبها وراتب زوجها يدها بس في جيب اخوها .. بس ابي اعرف هذي حتى زوجها مو قادر عليها يعني قاعدة معسكرة عندكم من زمان وزوجها تاركها .. عفيه رجال على الكيف الحل بيد زوجك .. إذا ما يحس ان هالشي الي يصير غلط وانه بيأثر عليه وعلى ابناءه مستقبلاً راح يبقى الوضع مثل ما هو .. وراح تبقى اخته تتحكم لين يخط الشيب في راسكم وعيالكم مستقبلاً بيورثون التحكم منها ومن عيالها الله يعينك .. إن شاء الله احد يفيدك |
لو كنت مكانك لا سمح الله لأخذت حقيبتي وتوجهت لبيت أهلي ولأرسلت له: "لمن تحس إنك مسؤول عن زوجة وطفل ولمن تعرف توقف أختك عند حدها تعال اتفاهم ويا أبوي"
ولا تقبلي العودة له الا بشروط مكتوبة وأشهدي والديكِ على وعده لكِ وحاولي الإستقلال حينها ببيت خاص بكِ.. أعوذ بالله من أخوات الزوج إن كن على هذه الشاكلة.. تحياتي عزيزتي.. |
الله يعينك ولكن
المفروض شوية حزم ووقفه قويه منك ولازم زوجك يفيق من غفلته لازم ضربه تصحيه هذه مش عيشه ابدااااااااااا انا مش قصدي اخرب عليكي ولكن لازم وقفه قويه تستقلي انت وزوجك يعني انتقلو الى ابعد مكان بعيد عن اخته عينها باللي بجيوب غيرها |
زوجك يعرف اهله جيدا لكنه مكابر حاله حال اغلب الرجال
الافضل لاتلتقين بيهم ابدا ولاتسكتين من يجوا بليل قوليلهم احنا نايمين وبعدين والاهم شجعي زوجك على سكن بعيد وبسرعه |
أوووووووووووف مش ممكن يكونوا بشـــــــــــــر
البيت له حرمه .. عيب والله وحرام كذا فين راحتك ياأختى فى النادى اللى انتى عايشه فيه زوجك شخصيتك ضعيفه جدااااا مع أهله لازم موقف منك ولو بيحبك هيشترى راحتك وسعادتك أنا رأى تاخدى موقف حازم بنفسك وليس بترك بيتك بمعنى لو طلبوا شيئ منك قولى لأ الموجود على قد المطلوب ومابيكفى بيتى لو اغلقة الباب الخارجى وريهم العين الحمرا حتى ولو بالكلام الجارح المهذب ده بيتك حبيبتى محدش ليه الحق يطفشك منه ولا تنزلى عندهم ولا توديهم والله مابيستاهلوا ولا حب ولا ود |
اذا كنتي خايفه لما تروحي لاهلك زوجك يطلقك
وهذا مو حل .. لانهم بيستلمونه ويحشونه كلام عليك اول شي تسوينه انه تسكتين صدقيني هالحل حلو كثير لاتتكلمي معه الا بالضروروه اشتغلي وسوي كل شي واكشخي والبسي وتعطري بس لاتكلمينه وابتسمي ونزلي راسك ولما يسألك عن اي شي جاوبي على قد السؤال وقومي لاتلاحقينه ولا تدللعينه ولا تعطينه اهتمام لاتنزلين عند اهله انا نفع معي هالحل قاطعيهم وان سلمتي سلمي وهو موجود معك وروحي معه لاتكلمينهم خلك ساكته .. ولما يضربون الباب لاتقومين تفتحين خلي زوجك اللي يفتح حتى يحس بتعب القومه من النوم والبسي ملابس خالعه ولا تهتميي بعيالها خليهم لادخلو هو اللي تستثار غيرته ويمنعهم يدخلون عندك ولما يهاوشك ليه تلبسين كذا قدامهم لاتردين عليه سوي نفسك مشغوله باي شي او نامي بالصاله...وسوي نفسك نايمه حتى لو دخلو عليك لاتردين على اتصالاتهم او حطي خدمة مقفول .....!!!! زوجك لما يجي مشحون من تحت لاتردين عليه ...خليه يسب ويلعن وانتي ساكته الا لما يعصب ويبغاك تردين قولي انا ماكلمت احد وفي حالي واسكتي ...!!!! ولما تطلعين اطلعي من المخرج الخارجي وشيلي الاغراض عن الطريق اهلكيه طلبات ... عزبه كامله للبيت وحليب وملابس بس لاتطفشينه منك وخلك غامضه يعني اغلب وقتك سرحانه وساكته لما يقول زعلانه قولي لا انا لو اعيش معك بجحيم ..بكون اسعد انسانه وانا عاذرتك ..وعارفه انك رجال وحد بيمشي كلامه عليك وانك طول هالفتره تفكر بحل يريحنا انا وانت بس مهما صار انا بكون سعيده دامني مع زوجي حبيبي واغريه على طول بملابسك وحركاتك بس لما يجي ينام معك لاترضين قولي له : لا حبيبي اخاف اهلك يطبون علينا ... وانا اذا بديت شي لازم اكمله وماقدر اكمل وهم كل شوي طابين علينا معليه خلها بعدين ... ملليه من هالناحيه انه مايقدر ينام معك بسببهم دوم امدحي رجولته وذكاءه واذا تكلم في اهله لاتردين ... خليه يتكلم لحاله الرجاجيل مايحبون احد يتكلم في اهلهم بس لاسكتي ...يبدون هم يشتكون من اهلهم وحده تسكت وماتتدخل وماتروح لهم لما يروح لاهله يقولون زوجتك قالت وفعلت وسوت يروح لها يلقاها ساكته وفي ححالها يقول مسكينه هي في حالها وانتو ماكلينها وظالمينها خلك على كلامي وصدقيني بتجين وبتقولين ...يونا قالت انا واثقه من كلامي بس نفذيه وحاولي تصبرين عالاقل 3 اسابيع او شهر |
اقتباس:
انا مع هالحل ! |
أنا مع كلام الملاك يونا كلامها حييييل رزين وغير كذا قربي زوجك لك دلعيه نوميه بحضنك البسي له احلى لبس اكشخي سوي مفاجأت كل يوم اطبخي شيء جديد غيري اثاث بالشقه جددي بحياتك وفي نفس الوقت انشغلي عنه خليه يطرد وراك ويتمنى يقعد معك لو ساعتين على بعض كثري من العطورات والفواحات وخصوصا الطبيعيه مو المركزه اذا جاء حزت جيتهم بالليل سوي له مسااج ودلكيه <<اتحدى لو بيلتفت لهم ولا تبينين انك غلبتيه وسحبتيه جهتك انتبهي يحس عليك الواضح انه يبي يثبت رجولته بعيون اهله بس للاسف بشكل خطأ اهله لاتنزلين لهم ابداااااااااااااااااااااااا الا في المناسبات وبشكل رسمي احقري تصرفاتهم ولاتلتفتين لها ابدا ولاتجيبين له سيره ولاتشتكين له عن تصرفاتهم ياذاالجلال والاكرام تستقلين ببيت لوحدك وتملكين زوجك موفقه يارب |
رمش الزهر .. مشكووره ياقلبي على وقوفك مع رايي وانتي كمان رايك حلووو ... تجمع الحلول مع بعض وتطبقهم
وانا واثقه انه رح ينفع ...بس بشرط انها تصبر وتتتحمل لما تجي النتيجه ساعتها راح تطبقها طول عمرها انا كنت اقول روحتي لبيت اهلي احسن مرات تنفع بس ...بالغالب اهله رح يقلبونه علي كيف اهل زوجها .. من هالنوعيه ...؟؟؟!!!! رح تبشر بالوجه الثاني .. بيكرهها زوجها هذا اذا ماطلقها عشان كذا انا اقول لك لاتطلعي من بيتك وحاولي تطبقي حلي وحل الاخت رمش الزهر وكل ماطفشتي تعالي هنا ......واياك تشتكي لزوجك او تحسسسيه بشي كل ماحسيتي نفسك ضعفتي تعالي هنا وقولي لنا .......اوك؟؟ |
اقتباس:
مشكورة اختي على ردك علي والله صدقتي اخته متحكمه فيه وهوه يبغي يبين لاخوانه انه ما نساهم وانه يحبهم بس هوه مو عارف ينوايا اخته الله يصبرني |
السلام عليكم
اختي الملاك يونا اشكرج واشكر تعاطفج معاي والله تقريبا الكلام الي قلتيه طبقته فترة بس ما اقدر اتحمل فترة طويلة زوجي مسيطرين عليه اهله و لاحسين مخه تعبت وانا اسوي و اسوي مافي فايده معاه الل اني اطلع بشقه برى البيت بس وين الامكانية و اصلا وين الي بيسمعني ما يهتم فيني شنو احس شنو افكر او شنو مشاعري يبغي بس انفذ طلباته وانا ساكته يصارخ يهاوش يضرب و يسوي الي يبغيه خاطري انفذ المدة الي قلتي عليها و الافكار الي احس فعلا بتنفع معاه بس قلبي تعبان يختي مو عارفه شنو اسوي في دنيتي ااااه شنو اقووول والله شنو اقول مو عارفه خبروني شلون اقضي على الهم الي في قلبي و اريحه بعدين اسوي الاشياء الي علمتوني عنها انا ابغي اعيش حياة سعيده لطيفه فيها زوجي و ولدي وانا بس من غير ازعاج و حنه والله ما اكذب عليكم راحت اخته اول امس الليل بيتهم والله عشت عيشه هادئة ومرتاحه و اليوم ردت رجعت يا ناس في عالم كذا ساعديني يا اختي ملاك يونا شلون اقدر اعيش حياتي بسعاده وقلبي مهموم |
اقتباس:
|
انا مع اراء الملاك يونا يا اختي احس زوجك مضغوط جدا وكذلك يحبك جدا وترى هو متضايق اكثر منك صدقيني لكن من غلا ابوه واشخاص ثانين من اهله مايريد يحسسهم انه متضايق من اخته الكبيره وعيالها ويزعلهم هذي اصاله فيه ترى زوجك فيه الخير الكثير ماشاء الله متحمل كل هذا كوني معه واضغطي على نفسك واتحملي حسسيه انك صابره وصابره وصابره بافعالك اللي ترضيه بكلامك اللي يخفف بسكوتك عن الاذى اجبريه يتعاطف معك اكثر واكثر من خلال صبرك ويا اختي ما فيه غير الصبر والدعاء لله ترى الحال يتغير والله بيفرج عليك هذا هو العلاج على شان تهدء نفسك الان وتفكرين بحلول الاخوات احتسبي الاجر وقولي يارب انا متحمله هذا لوجهك الكريم وحبا في زوجي ولا تقطعين الصله بالله لكن نصيحه يااختي لاتخلينه يهاوش وتوصل الى الضرب حاولي تمتصين غضبه الناتج من الضغط بسكوتك لاتشتكين لانه هو بنفسه مخنوق من الوضع ترى هو اكثر شخص حاس فيك اذا حسيتي بنفسك مهمومه روحي لاهلك غيري جو سوي شي تحبينه تعالي فضفضي هنا في المنتدى عشان تتجدد نفسيتك ومايكون تفكيرك فقط في الوضع وصدقيني مافيه شي يدوم على حاله خلي اذا مرت السنين وتبدل الوضع والله فتح عليكم يذكرك يقول تذكرين يافلانه ايام الضيق اللي عشناها اول زواجنا خليه يقول الحمدلله اتحملتيها وصبرتي معي بتكونين كبييييره في عينه |
مشكوره نواري على موافقتك رايي
اختي ام علا وش بتستفيدي حبيبتي وانتي تندبين حظك وتهاوشين وتشتكين حاولي انا للآن مع زوجي على هاالحال وكل ماحسيت اني بهاوشه امسك نفسي واشكره وادلعه واحسه يتحسن ... وصار يساعدني باشياء كثيره لما اشكره يزيد .. صدقيني انا اوعدك انك رح تنجحين عالاقل اسبوووع اصبري اسبوع بدون ماترفعين صوتك او تنفجرين واذا تكشختي وكذا لاتردينه .. بس قولي والله ودي انام معك ونستانس بس انا ماحس بالامان اخاف يطبون علينا حبيبي وخلي صوتك هاديء على طوووول وان قال تذليني ...قولي ماعاش من يذلك ياقلبي انا من كثر مادلع زوجي ينحرج ويقوم من المكان خخخخخخخخخخخ لما ينفع معه ويجيك مشحون من تحت خليه يفض فض وانتي اسكتي لاتتناقشي معه لما يحط الغلط عليك ... قولي له الله يسامحكم خليه يطلع اللي بقلبه وانتي ساكته حتى لو كنتي مظلومه اذا طلع برى ارسلي له بالجوال كلام حلووو واكتبي حبيبي ااتمنى ماتوصل لي كلام اهلك وانا احب اهلك وماعمري غلطت عليهم بس تلافيا ً للمشاكل مابي انزل لهم الا معك... اختي مافي غير هالحل ... لما تنامون مع بع بالفراش لاتحرمينه المتعه ... ------------ --------- الرجاء البعد عن التفصيل والاكتفاء بالتلميح بحيث انه يستمتع عالاخر ويعصب لما احد يدخل عليكم ويخرب انتي تعمدي تخلينه يستمتع باوقات حضورهم ... ولما يدخلون تروعي منهم وقولي له خلاص انا مارح انام معك دامنا بهالشقه ...يكفي انك جنبي .....!!!!!!! لاتعاتبينه او تشتكي له وان قال انتي مو مرتاحه معي ...او متندمه علي قولي انا لو اعيش معك بسجن باكون اسعد انسانه ذوبيه بكلامك الحلو والمدح صدقيني انا لو عندي وقت كان قلت هالاساليب كيف تنفع كثييييييييييير معهم وانتي ماتعرفين كيف شخصية زوجي وكنت فاقده الامل فيه بس لاني عجزت معه لقيت هالحل ارجوك ابدي من اليوم وانا معاك خطوه بخطوه كل مانفذتي شي تعالي هنا وقولي لي |
ماشاء الله عليك يا ملاك !
كل شي جربتيه مع زوجك بكل المشاكل اللي بالمنتدى ! عموما لي تحفظ على كلامك أعلاه في اشياء يجب ان ننتبه على طريقة سردنا لها ! |
نوااري
ملاك يونا مشكوووورين وما قصرتون وان شاء الله بخبركم بالي يصير معاي ببدئ من اليوم والله يوفقني ادعو لي اتمنى اقدر اتحمل و اتغير عشان حياتنا مع بعض انا احبه و هوه بعد يحبني بس حسبي الله على اهل ابليس الي يبغون يفرقونا مشكورين و لي عودة تصبحون على خير |
بكر الشايب لو الخاص متاح كان ماكاتبت هالكلام
بس كله لمصلحتها والرجال سره بفراشه ..... وانا والله لو اقول لكم مشاكلي مع زوجي تتعجبون اناا كل شي جربته تقريباً ...مع اني صغيره بس متزوجه من 4 سنين |
اقتباس:
اختي الكريمة لاحظي في كل ردودك على كل المشاكل وكل نوعياتها تؤكدين انك جربتي الحل مع زوجك هنا وهناك وسويتي كذا وفعلي كذا يا أختي كلنا حريم وندري انه سر الرجل بفراشه لكن في طرق افضل لكتابة هذه الشغلات واحنا في منتدى مختلط وانتي تدرسين دراسات اسلامية يعني ابخص مني بهالشيء اتمنى تفكرين بحكمة قبل وضع ردودك اللي معظمها الاعيب نساء الرجال كاشفينها خلاص هذه نصيحة من اخت محبة اتمنى تتقبليها ويا ليت تطبقين هالشي على حياتك الخاصة وتكوني اكثر وضوحا في تعاملك مع زوجك حتى تختفي مشاكلك |
حبيبتي بكر الشايب مشكووووره على المداخله
انا حياتي مع زوجي ماجربت كل شي يعني انا جربت التطنيش والاحترام وعدم المرادده يعني ما ارد عليه واتحمل ووووو الخ وفعلا نفع معي ..... اما سالفة الفراش هذي انا ماجربتها لاني انا صرت اتفاعل مع زوجي صح بالبدايه تمثيل وكنت خجوله بعدين تعودت وصرت اتجرأ شوووي لكن هي اذا تعودت ... وتفاعلت مارح تكون الاعيب نساء ... اذا كنتي قريتي اخر ردودي بموضوعي كنت كاتبه عن رمضان وشغلي عن اهله شقتي كيف خليته يوقف معي ويمنعني اشتغل وظليت اشتغل لهم من وراه ولما يشوفني يعصب علي الزوجه اذا سوت الشي اللي يبغاه زوجها وهو عارف انه فيه ذل لها بيمنعها منه اما اذا عاندته بيعاندها حتى لو هالشي مو عاجبه انا في اشياء اقترحها لمجرد فكرة خطرت ببالي لكن اغلب اشيائي مجربه وهي الغموض وعدم الشكوى والتذمر والاحترام ووووو الخ |
اختي الحبيبة
راجعي كل ردودك ونصائحك والله والله ان معظمها لا ينفع ورب البيت انتي فاهمة الرجال خطأ يا بعد قلبي.. وانا اكبر منك وتجربتي اكبر من تجاربك كلها مجتمعة فعلا اريدك ان تقفي مع نفسك وقفة مصارحة وستلاحظين انك عجوله في معظم الاحيان بفرض النظريات والآراء على المشاكل سواء كانت لك او لغيرك خلي عقلك هو اللي يتكلم وليست عواطفك انتي انسانه حساسة وعاطفية .. وهالشيء اذا خليتيه يتحكم فيك بيدمر حياتك الله يصلح قلبك |
السلام عليكم
يا ناس يا عالم في ناس كذا ما اعتقد يوم الثلثاء كنت بتفطر عند بيت اهلي وقبل لا امشي قلت اجيك على الغسالة دخلت اكرمكم الله الحمام الا اسمع صوت انبوبة الغاز تتحرك للعلم الانبوبة الي خلف البيت هي انبوبة الغاز لشقتي و انابيب الغاز الي لبيت عمي تكون جنب المطبخ فقلت بطل من الدريشة اشوف من يحرك الغاز بس بعدين ما ادري ليش قلت يمكن الشغاله بتنشر لثياب و حركته المهم رحت بيت اهلي و كالعادة جيت بعد الفطور و لازمت شقتي وولدي لما جى وقت السحور و رحت المطبخ اجهزه لقيت الفرن ما يشتغل خبرت زوجي ونزل يجيك على الانبوبة قال الغاز شغلته جيكيه الحين ولما جيكته طلع بعد ما يشتغل قلت له شفت الانبوب الي يصعد الغاز اذا فيه خلل او لا او مطوي لانها صارت معانا من قبل طلع مافي غاز ولما نزل زوجي طلع الانبوب مطوي بحيث ما يصعد غاز حقي انتظرت امس يجي الغاز ما جانا اليوم اتصلت حقهم وخبرتهم انهم ما جو حقنا فقالوا حقي انهم بيجون بما اني فوق فما اسمع الباب الي تحت فقلت حق الشغاله امس انهم بيجون اليوم قبل لا انزل عشان اقول لها سبحان الله تهيا لي اني اسمع صوت سلندر الغاز يتحرك قلت اكيد وصلوا ولما نزلت سالت الشغاله قالت لا ما وصلوا قلت غريبه انا سامعه الغاز رحت مكن الانبوبه حركتها اتاريها مليانه غريبة ولما طالعت الانبوب الي يصعد الغاز اتاريه مطوي مرتين عشان ما يوصل حقي الغاز تخيلوا يعني يوم الثلثاء الصوت الي سمعته كان صوت احد رايح يطوي انبوب الغاز عشان ما يوصل لي غاز و اطبخ فطورنا و لما نزل زوجي يجيك الغاز لقاه شغال و بسبب الظلام ما قدر يشوف الانبوب فهمتوا شنو الي صاير ؟؟؟؟؟؟؟؟؟ اخت زوجي طوت انبوبة الغاز عشان ما اطبخ حق زوجي فطور و يتهاوش معاي و ينزل عندها ياكل تخيلووووووووووووووو؟؟؟؟؟؟؟ عقلي مو قادر يستوعب سالت الشغاله قلت لها ليش محركه سلندر الغاز من مكانه وطاوية الانبوب و قالت انها مو اهي وانها ما تحركه و لا تقرب صوبه .. لما فسرت الصوت الي سمعته و الوقت كان وقت طباخ الفطور و كانت اخت زوجي تحت في المطبخ تطبخ الفطور و الشغاله ما حركت الغاز وما كانت موجوده و اخت زوجي ما تدري اني معزومه عند اهلي على فطور و ايضا مكان انبوبة الغاز تبعي محد يروحه الا الشغاله اذا بغت تنشر ثياب ....... يعني من الي سوى هالسوايا مو اهي ؟؟؟؟ للعلم انا كلمت زوجي واتفقنا نبدا صفحه جديده من غير مشاكل و اذيه ولما سالني عن الغاز من شوية قلت له طلع الانبوب مطوي ما ادري من مسوي كذا و سكت وما قلت شي خبروني شنو اسوي مو قادرة افكر او اكمل نومي |
| الساعة الآن 09:26 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©