|
بدأت افقد صبري من مشاكلي مع زوجي
بسم الله الرحمن الرحيم
السلام عليكم ورحمة الله.... http://www.66n.com/forums/showthread...09#post2173409 تعبت معاااااااااااااااااااااااااه خلاااااااااااااااااااااااااااص ابي حل اي حل؟ ياعالم هذا الرجل يبي يجنني ..... من يوم حل المشكله ابوه وبدت العطله امورنا تحسنت وصارت احسن...لكن سجلت بالجامعة وقال لا تسجلي السنه هذي قلت مقدر اجل قال انتساب قلت انتظام وبعدها احول انتساب...انقبلت بالجامعة انتظام...ولمى خبرته اتضايق وما بارك لي..انا زعلت وقلت انتظام وقال لا ...بس انتساب...قلت لا انتظام..قال تضحين فيني علشان دراستك قلت اكيد وماتهمني..هو انجرح وزعل وعاند مرررره وقال لا انتساب ولا انتظام...وصارت هوشه ودخلو اهلي....وقلت اما تطلقني والا توافق قال لا طلاق ولا دراسة.... قلت بنتحر<<طبعا اكذب مو صادقة.. واخذ الكلوركس بشربه<<طبعا اكذب كنت بجبره على الدراسة... واخذ مني الكلوركس وقال خلاص ما ابيك انتي مجنونة تبين تنتحرين....بطلقك وقعدت اترجاه لالالالالالالا طلقني .. قال خلاص مانصلح لبعض ما ابيك ولا ابي هالحياة كلها مشاكل انا دقيت على ابوه وبكيت عنده وقال بكلمه .. صرااااااااااااحة طول وهو ما اقنعه كان مصر على الطلاق... ولما عرف ابوي زعل علي وحلف بالله انوه مايدرسني بالجامعة هالسنة.... كلمت زوجي وقلت ترى خلاص ما ابي دراسة تركتها علشانك ابوه قدر يرجعه لكن ابوي كلمه وقال تراها مافيها شي يوم تبي تنتحر بس تبي تخضعك.... جلسنا كم يوم وهو زعلان ومره شد شعري يبي يضربني...ويقولي ماتستحين ماتفهمين...يمنعني ابوسه او ادلعه....لما جا رمضان قررت اتحمل واصبر واصير ايجابيه.....بديت صح بكل شي... لكن مو فاهمته...عاجزه افهمه هل هو راضي ام لا لأنوه يقول كلام حب يعني يخفي ما بداخله الليله اللي كان بيطلق كان يدلعني ويقول كلام حب والله لايحرمني منك في الصباح بيطلق ويقفل الخط بوجهي البارح مسوي فيه واحد من اخوياه مقلب بالجوال <يغازله... في داخلي شكوك من بعض تصرفاته وقلت له اسألك بالله ما قد كلمت بنات اسالك بالله قال الا قديم بس وحده:19: انا عصبت وقلت سخيييييييييف تافه...تغازل وفي بداية زواجك تقول ما اعرف كلام حب.. قلت طلقني قال لا بعلقك وجالس على كبدك.....قلت حسبي الله عليك الله لا يوفقك...قال حسبي الله عليك انتي.....ليش رجعتيني يوم جيت بطلق....قلت مدري كيف جت.... قلت ما ابيك قال الا تبيني بس الان لا... ورحت وفضحته عند امي وابوي وجبتهم....وللأسف كانو معه:( ضـــــــــــــدي...ويهاوشوني انا والاخ ماقالوا له شي.. هدوني وراحو... وسالته بالله وحلف انوه تاب وقال بس مره ويقول ما غازلت واحد من اخوياي قال كلمها هي تطلع معك والا لا يقول حاولت فيها بس مو كلام حب كلام صياعة....وماطلعت وتركتها وحلف بالله انوه ماله علاقات الان وماعمره مس اي امراة بالحرام....قلت نتصافى ...ورجعنا هادين لكن انا ما اثق فيه ابدا....اتضايق من تصرفاته...طفشت تعبت حياتنا مافيها استقرار مافيها تبادل بالمشاعر الحب والكلام الحلو بس من طرفي هو اهم شي عنده الجماع...حياتنا مشاكل في مشاك دايمن خلافات... انا صرت على طول افقد اعصابي دايمن حزينه ولأتفه سبب اقوله طلقني... هو يقول انا توقعت اذا تزوجت ارتاح لكن للأسف...وانتي محققه...وبس طلقني طفشت صراحه ما انكر انا هالأيام بس تحقيق السبب عـــــدم الثقــــــة..مافيه ثقه اخاف انوه يتمتع فيني وما في ثقة في كل شي في البداية كنت ايجابيه الان بديت اصير زيه تكفووووووووووووووووووووووووووووون ابي حل جذري علشان ارتاح...ربي يجزاكم خير ويسعدكم |
هل زوجك يصلي وأنت تصلين ؟؟؟؟؟ بعدها ساعرض حلول عليكم ..
|
الحمدلله انا اصلي....هو يصلي مايتركها ابدا لكن غير مهتم بالجماعة خاصة اذا صار نايم يصلي الضهر بالبيت واحيانا يجمع العصر والظهر...
|
معليش في اخطاء كثيرة عليك ياأختي اسلوبك كله خطأ
يبي لك فرمته من جديد الرجال مايجي بهالأسلوب انتي ماعرفتي كيف تجيبينه صح الرجل بالكلمة الطيبه والحلوة يجيك مثل ماتبين الله يصلح حالك اذا قالك لا قولي سم ابشر وبعدين بأي فرصه يكون فيها رايق انتي كلميه وتوددي له |
اقتباس:
[COLOR="rgb(72, 61, 139)"]والله كلامك صحيح ويبيلي برمجه... في بداية زواجي كنت تمااام وطيبه معاه لكن الاشهر الاخيره تغيرت بشكل كبير.. بس بأذن الله كل شي راح يتصلح للأفضل بأذن االله... وجزاك الله خير [/COLOR] |
والله ياأختي إذا كل بنت اتصرفت متلك ماجلست ولابنت عند زوجها
الله يبارك فيك بدك فرمتي عنجد متل ماقال ماعدت أنا |
شوفي يا أختي . اذا تبغين الصراحة : ترا كل تصرفاتك مع زوجك خاطئة 100% . وحسب ما قال أحد الإخوة قبلي : " لو كل بنت تصرفت مع زوجها بهذي الطريقة ، كان كل البنات تطلقوا " تسجلين في الجامعة بدون موافقته ، وبعدها تقولين له الجامعة أحسن منك ولا تهمني ..!!!؟؟ هل هذا كلام ينقال ...!!!؟؟؟ وبعدها تهددين بالإنتحار ....!!!؟؟؟ وتحلفينه بالله أن يخبرك عن ماضي انتهى ويمر على الكثيرين ، وهذا خطأ فادح كثيراً ما سبب الكثير من الآلام والشكوك الكثيرة بين الزوجين حتى أنه ينتهي في بعض الحالات إلى الطلاق ....... وها قد بدأت الشكوك تنتابك الآن ....!!!!!!!! ولم تتوقفي حتى قمتي بإخبار والدك ، ووالده أيضاً بكل ما يحدث وعلى قولتك " فضحته عند أمي وابوي " ..... ما هذا التصرف الغريب ..!!؟ بصراحة .... كان الله في عون زوجك على هذه التصرفات ......!!!؟؟؟؟ راجعي نفسك يا أختي ، واعتذري من زوجك ، وغيري من اسلوبك ليكون التفاهم بينكما بكل عقلانية وبعيد عن فرض الرأي والشكوك التي لا مجال لها ... وعلى قول من سبقني " تحتاجين فرمته وبرمجة من جديد " :d أسال الله لكما التوفيق ... |
الله يفرج همك بس مهما كان في هذا المجتمع المراءه هي التي بحاجه الرجل لذلك تمسكي بقردك لايجيك اقرد منه
|
عارفه لو قلت لزوجي دراستي اهم منك كان من زمان انا في بيت اهلي 0اناتزوجت وانا في السنه الجامعيه ماقبل الاخيره وكان يقولي انسي دراستك ابغا ست بيت موووتخرج كل يوم الصباح معايه 0ويوم صرنا تحت سقف واحد اقنعته وساعدني واحتواني بعد00 والان متخرجه من 7سنوات 00حسني وارتقي باسلوبك مع زوجك يعطيك كل اللي نفسك فيه ولاتنبشين في الماضي راح تتعبينه وتتعبين معاه ولاتقولين فضحته لانه صار جزءمنك اوسمعته من سمعتك الله يهديك000
|
بالهدوء والدلع والمحايل
مو تدرسين انتطام تاخذين دكتوراه وخلي عوار الراس والتحقيق |
اشكركم جميعا....وما انكر ان تصرفاتي في الايام الأخيرة خطأ..
لكن 6 اشهر وانا طيبه معاه اتحمله وادلعه اطيعه اتجمل له واقوله كلام حب لكن هو كالجدار!!:( بس في نقطه انا ماسجلت بدون اذنه كان عارف بس ماكان يبي ولما جا وقت الجد ابعدني عن دراستي.. وفي نقطه مهمه جدا اكيد دراستي اهم واغلى منه .. لأنوه هو ما يستاهل الحب 6 اشهر وانا تمام معه ولا نفع معه.... وهو ماسوى لي شي زي ما يسوون الأزواج لزوجاتهم..الا اهانات وجرح مشاعري..:(.. واكيد المراة تحتاج الى الرجل لكن لو كانوا الرجال زي زوجي اكيد ماراح يحتاجونه...والرجال كثيريين...((وان يتفرقا يغن الله كلاً من سعته)) على العموم انا ما احب العنف جربته معه وما نفع..ولا الايجابيه نفعت؟؟؟؟؟ وفي النهايه لكم ودي وتحياتي وجعلكم من العتقاء ممن النار |
اقتباس:
|
اقتباس:
ما دام الأمر كذلك انك يايعه زوجك , ما يحتاج امرك للنقاش , روحي تطلقي وريحي رأسك ومثل ما قلت ( الرجال كثيرين ) |
الله يصلح قلبك ويهديك
بهذه الطريقة ما رح يستمر زواجك ابدا عنيدة .. غير مطيعة .. صاحبة مشاكل .. شكاكة .. حنانة ... وش بقى ؟ لاحظي انه حتى اهلك ضدك .. يعني في شيء خطأ فيك مررره ويحتاج للتصليح اصلحي علاقتك برب العالمين واجعلي كل عمل خير تعملينه لوجهه تعالى وابتغاء لرضاه .. واعلمي انه رضى زوجك من رضى الله.. الله يهديك بس الله يعينه عليك بصراحة |
زوجتي كانت تدرس بالجامعه اخر سنه واحنا متزوجين
وانا كنت اوديها للجماعة وارجعها للبيت لو قالت لي يوم من الأيام دراستي اهم منك ____ كان خليتها سنة كامله عند اهلها تكمل دراستها عندهم لكنها كانت ذكية وكانت تقول بدرس واتخرج واشتغل واساعدك بحلم العمر بيت العمر وانا كنت مبسوط من كلامها مع اني كل يوم اشكي من طول المشاوير اني اصحى الصباح واوديها للجامعه واروح العمل واطلع الظهر اوديها للبيت وارجع للعمل وارجع للبيت العصر . كنت اتعب بس اول ما ادخل وانا عند عتبة الباب قبل اسكر الباب تستقبلني وتعطيني جرعة من المهدئات الكلام الحلو الله يعطيك العافية , تعبتك بالمشاوير اليوم , عسى ماتعبت بالعمل الله لا يخليني منك , ياجعلك ذخر لي , بدونك حياتي ما تسوى , قسم بالله بعد كلامها هذا لو تقول لي باقي المعهد بسجل بمعهد العصر والله والله ما اقول لها لا اما تخيلي ادخل بعد هالمشاوير واقولها اتركي الجامعه انا تعبت وتقولي والله دراستي اهم منك خلي دراستك تنفعك عند اهلك يالله مع السلامه الله يحفظك عند اهلك ====================================== اختي اذا انتي مشكلتك مع زوجك علشان الدراسه فيه شروط عند عقد النكاح يسأل الشيخ عندك شروط ولا لا اذا شرطتي اكمال الدراسه وهو وافق يحق لك تحاجينه وتقولين له انه كان شرط وانت وافقت انا زوجتي شرطت بيت مستقل , اكمال الدراسه , العمل اذا وجدت وانا شرطت اذا الدراسه والعمل أثر على البيت والاطفال تترك العمل ووافقنا على الشروط مافيها شئ يكون الشخص على بينه من البدايه والله يوفقكم ويهدي سركم |
اقتباس:
لالالالالالالالالالا الحين بالعة لساني...ما اقول شي...بس جالسه اعبر هنا:) بس في داخلي عليه شي كبير.....يعني حاقده عليه بسبب اول ليلة لأنها مؤلمة بالنسبة لي... عجزت امحوها من ذاكرتي... حرمني فرحة العمر ولا حاول يعالج هالألم..الا جا ومنع الدراسة... ترى بداية زاجنا هم بسببه... يا اخي الم حتى الدورة مايجي فيها...وتجريح من اول الليل الى اخره.. والان بدا يتعدل اخواني اخواتي في نقطه 6 الاشهر الماضيه لما كنت تمام معه اتقفل قلبي من ناحيته... ...خلاني اعبي جروح اهانات....والله ياعلم انا ما ابيه ولا احبه بس مجبره اعيش معه لأن اهلي معه.. اهلي يخافون من الطلاق.. وبالنسبة للعناد انا عاندت كم يوم وتبت:d وعلى فكره انا مغرمه بالدراسة.... واللي يقول اطلقي واتزوجي دراستك<<<<ياليت:) ...بس مافي اليد حيلة.... وعاشق الجوهرة كلامك صواب ...بس الطريقة هذي استخدمتها الاشهر الماضية ولافادت...عاندت شوي...ومافاد....ورجعنا الان للأيجابيه .... وبالنسبة للشروط كان رافظ الدراسة...بس ابوي اجبرني اوافق عليه:( |
هو كرهني في كل شي...
رحنا للسوق عذبني يهاوشني يسبني وهو مايدفع شي بحكم ماعنده وظيفة...الحين لما اروح لذيك الاسواق اتألم اتذكر ماكان وتنزل دمعاتي...اللي اعرفه ان كل زوج يصرف على زوجته ويسعدها ويدلعها انا مافي ابدا..واذا ما صار ماعنده فلوس طيب نبي كلام طيب... العقم واتهمني فيه...اهلي ما يكلمونه يكلموني انا اصبري تحملي.. رحت لأهله مره هو اهانني ومره امه ..اتحملت وسكتت... لبسي عقدني فيه مع ان لبسي زي لبس البنات ...مع اني ملتزمة... كلام حب مايقوله انا اشحده ...ويقول ما اعرف ما تعودت...بعدها اكتشفت انوه صاحب شات وبنات...يعني كان يكذب علي... كثير كذب علي وخدعني... باختصار عقدني.. حتى الدورة اول الزواج مايجي...كان يتمتع بي... مشكلتي الماضي بتقولون سامحي انسي اصبري...حاولت بس والله ما قدرت... قدري كذا.... كان يقولي كلبه نصابه لعينه حماره حيوانه..هذا اول الزواج...تدرون ان الان لمى اسمع هالكلمات من اي شخص او اقراها اتذكره يوم يقولها لي... ليلة الدخلة مزق فستاني كان وحش ولما خلص بدا يتفلسف...مغصوب مع انوه مو مغصوب احب وحده غيرك بطلقك بعد شهر.......................... ياعلم يانس ياللي تلوموني وتعاتبوني في داخلي الم هو ما عالجه الا زاده... اول لليله جعل بيني وبينه حاجز انهدمت الثقة... بأختصار كل المشاكل اللي تحصل الان وخاصة مني سببها اول ليلة... انا عندي عقل افكر فيه.. صح ما اقدر اطلق الان بس بعامله برفق بطيب راح اسوي كل شي من واجبات وكل ما كلفني به ديني كزوجه... ما احب المشاكل تعبت حتى يجي يوم الفرج... |
كأنك طفله . أختى بارك فى أهلك يارب بجد بجد أهلك نااااااااس قمه ونادرين فى هذا الزمن أذهبى لأمك قولى لها ياماما عايزه كورس منك للتعامل مع الزوج وماما هتعلمك صح الصح وهتكونى شطوووووووره بس أنسى كلمة طلقنى دى أوعدينى تنسيها لأنها تنفر الرجل من زوجته أوك |
| الساعة الآن 01:42 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©