|
تقدم لخطبتي رجل أسمر .. محتاجة رأيكم
بصدق وصرااااااااااااااحه اش شعوركم لوتقدم لكي واحد اسمر يعني 0اسود)وانتي بيضاء والرجل كويس دين خلوووووووق بدمه ابغى اجاباااااااااااااااااااات صريحه
|
عفوا .. تم نقله للقسم المناسب.. المقبلين |
انا بصراحه ما احب احكم بالشكل ابدن لو انا مكانك راح اطلب اترف عليه اول بعدين احكم بعدين الناس اذواق فيه ناس يحبوا البيض وناس يحبوا السمر بمختلف درجاتهم مو شرط انا اللي خطبني كان جدا جدا ابيض لدرجه اي احد جنبه يطلع لونه اسمر بزياده ماشاء الله من بياضه مع اني انا شخصيا ما احب البييض كثير ومو عشان انا سمرا بس سبحان الله لسه فيه احتمال يكون من نصيبي |
مشكوره حبيبتي بس انا عنده لمبه وهو اسوووووووود بس اخلاق
|
دينه واخلاقه يا حبيبتي اول شي
وبعدين الشكل نيجي نتكلم فيه اسمر كثييييييييييييييير بس ممكن يدخل قلبك بسرعه ترى السمر حلوين وفيهم رجوله المهم القبول من ناحيتك الله يسهلك انتي وكل البنات يارب بركه هذا الشهر الفضيل |
انا بالنسبة لي ما عندي مشكله
بصراحة اقولها ما عندي عنصرية ابدا لكن بقولك لك شي تراك تعيشين بمجتمع صعب شوي .. يعني لو انتي خليجية ما رح يكون في قبول بالنسبة لمجتمع القبائل اما ان كنتي في مجتمع عربي آخر .. فما اظن في مشكله ابدا الله يوفقك واهم شي بالرجل دينه وأخلاقه |
ما فيه شئ وين المشكلة الم يخلقه الله رب العالمين زي ما خلقنا وبعدين الرجل على دين وخلق مبروك والف مبروك عقبال الفرحة الكبيرة
صلي صلاة الاستخارة |
يا عزيزتي من الطبيعي أن تتمني مواصفات معينة في زوج المستقبل ومن ضمنها الشكل لكن اذا كان خلوقا ملتزما طيب المعشر فالشكل حينها لا يهم على الإطلاق فمعاملته الحسنة وأخلاقه ستغطي كل نقص ظاهر لكِ..
والرجل بأخلاقه وعقله وشخصيته ورجولته لا بشكله, فالشكل يُمل منه وإن أحببته صار في نظرك أوسم رجال العالم.. تحياتي.. |
السمار نص الجمال ..
تزوووووجيه ،، للعلم أنا بيضاء وأميل للسمر سبحان الله أحب السمر جدا وأشعر أن البيض دمهم ثقيل ( رغم أنى منهم ) |
اقتباس:
والله اشوف نص رجال الخليج سمر وماااخذين بنااات بيض وماتفرق معاهم الوضع عادي واساسا كذا حلو لا احس مش حلو اذا الرجال كان ابيض منك بالتالي يقولون الناس انو انتي احلى منه قبل ماينقال عليكي اخذ شينه:30: مافي فرق انا عن نفسي احب الرجال الاسمر ابو ملامح:d اهم شي اخلاقه:) |
اذا كان ابيض ومعاملتة زي الزفت هل بتستحملي معة العيشة
وكان اسود وقلبة حنون ومراعي الله فيك رح تتمني تكوني معة اختي هداك الله اهم شي القلب |
حبيبتي صحيح اننا كلنا بشر وما فيه احد اختار شكله او لونه بس التوافق مطلوب يعني لو انتي بيضا وهو اسمر مافي مشكلة بس اسود هذه تعتمد على تقبلك انتي للموضوع وتقبل اهلك ومجتمعك لانك لازم تراعي نفسية ابنائك في المستقبل في مجتمعاتنا التي للاسف تفرض علينا ثقافة التمييز لان هذا الواقع
وراح احكيلك تجربتي في هذا الموضوع فقد خطبني سابقا رجل يشهد الجميع انه على خلق ودين الا انه اسود البشرة مع انني لست بيضاء بل قمحية ( حنطية ) والدي وعائلتي كانوا رافضون هذا النسب بشدة الا ان والدي اراد ان يعرف رائي في الموضوع في بداية الامر كنت غير راضية عن اعتراضهم وبعد ان صليت الاستخارة اكثر من مرة بدأت افكر في موضوع الاطفال وكيف ستتقبلهم عائلتي وهل سيشعرونهم انهم اقل منهم وماذا سيكون شعورهم حينها وتذكرت المقارنة الدائمة بيننا وبين بنات عمي والتي احيانا تكون جارحة بالنسبة لنا حيث انهم شقراوات بسبب ان امهم تركية الاصل وكانوا يفضلونهم على بنات العائلة و يتهافت عليهم الخطاب بسبب انهن شقراوات وكلهم تزوجوا صغيرات قبل 18 بينما باقي بنات العائلة لم يكن مرغوبات مثلهم فكيف سيكون وضع اطفالي بجانب اطفالهم في هذه العائلة العنصرية للاسف والان اخي يريد ان يخطب فتاة سوداء وكل العائلة غير مرحبة بالفكرة بينما هناك مجتمعات اخرى تتقبل هذا الشي فأمي من بلد اخر و مجتمعهم منفتح اكثر وغير عنصري فخالتي رغم انها بيضاء تزوجت برجل اسود وكان الامر عادي جدا وابناءها كلهم بشرتهم سوداء ولكننا نحبهم جدا وبنتها تزوجت من رجل اشقر ولم يعترض اهله عليها لانهاء سوداء البشرة لذا اقول لك ان تقبل المجتمع والاهل مهم جدا في هذه الحالة واستخيري اكثر من مرة فإذا كان فيه الخير فإن الله سيسهل الامر وإن كان غير ذلك فسيصرفه الله ويعوضك خيرا منه ان شاء الله |
كلام الاخت nene2004غريب شوياااا
يعني انتي الحين ماوفقتي تتزوجي الرجل الاسود عشنه اسود وخفتي على عيالك؟؟؟ خااايفه عليهم من ايش؟؟من مرض لاسمح الله ولا من ايش؟ من لون بشره!!!!هداك الله واخوك اللي خطب بنت سوده اهلك رااافضين عشنها سوده؟؟؟ والعريسان على بنات الشقراوات عشنهم شقراوات لااقل ولا اكثر؟؟؟؟ يعني بالعيله عندكم مافي شي اسمه خلق دين نسب وحسب كل تفكيركم بالون وشقار بس؟؟ الله يهديك |
اقتباس:
آآآآآآآآآآآآآآآآمين |
طيب ياحبيبتي يكفي ان انتي حلوه
عيالك بيكونو حلوييين يعني مو كل اسود مو حلو لا والله وشوفي احنا محلانا وكلنا تزوجنا ولله الحمد صح ابي اسمر بس حلو يسعده ويخليه يعني لاتقولي اخاااف على عيالي وش دراك عيالك بيطلعو حلويين؟؟؟ وممكن يطلعو بيض ومو حلويين!!! شي غريب الله يهدي الجميع الجمال جمال رباني مافي اسود وابيض |
يا حبيبتي كلامك صحيح واكيد اطفالي راح اشوفهم احلى اطفال في الدنيا مهما كان شكلهم
بس اللي ابي اوصلهولك ان العائلة لن تعاملهم معاملة جيدة وستنظر لهم نظرة دونية لان هذه هي عقليتهم للاسف ارجو ان تكون الفكرة وصلت |
هل تصدقيي ان قلت لكي اني لو وافقت و تزوجته هناك اشخاص من العائلة لن يحضروا الزواج
الله يهديهم |
وصلت قلبي
الله يعينك ويسخرهم لك |
اقتباس:
هذا رأيي موفقة اختي بأذن الله |
شوفي حبيبتي
ماعليك من الناس أهم شي أهلك إذا هم سئلوا عنه وطلع كفو توكلي على الله بالله قولي لي وش بيفيدونك الناس بتعليقهم ماعندهم الا الكلام وبعدين اذا انتي ماتبغين محد بيجبرك وبعدين وواحد اسمر او حتى اسود خلوق ويحبك ولا وواحد ابيض ونفسه شينه وش فايدة البياض وترى ابو لهب احمر اعطر ومصيره النار وبلال اسود وبالجنه وبالاول والاخير الاستخاره والله يوفق الجميع |
اقتباس:
فعلا اهم شي انك تكوني انتي واهلك مقتنعين بالرجل:22: طيب انتي ما ذكرتي ايش رأي اهلك في الموضوع هل هم متقبلينه ام لا ؟ |
انا كمان بحب السمر جدااااااااااااااااااااااااا
انا شايفة ان الرجال السمر اكتر جاذبية من رجال البيض |
استخيري يا اختى اولا.. وربي يقدم لك مافيه الخير.. بعدين ترى السمــــــاره أمـــــــاااره.. وانتي قلتي على خلق ودين هذا المهم .. وإن شاء الله راح يشيلك في عيونه.. ومو بعد كذا تشوفي نفسك عليه.. الله يوفق الجميع لما يحب و يرضى.. آآآآمـــــين.. |
الله يوفك يا اختي تبين رجل ابيض ويخرب حياتك ولارجل صاحب دين واخلاق والله بكره بتملين من الابيض توكلي وستخيري
|
( وجعلناكم شعوبا وقبائل لتعارفوا إن أكرمكم عند الله أتقاكم)
|
البنت تقول لكم اسوووود مو اسمر في فرق شاااسع .. و الناس اذواق
زي مافي رجال يدورون البيض و الشقر .. البنت كمان لها رأيها و مواصفاتها في فارس احلامها عزيزتي بعد الاخلاق و الدين ... لازم يدخل قلبك .. شوفيه الشوفة الشرعية لو قلبك ارتاح اتوكلي على الله لكن لو ما ارتحتي له و ما اقتنعتي فيه فا خلاص .. لا يكلف الله نفسا الا وسعها اهم شي الارتياح النفسي و الاقتناع .. ولاتنسي الاستخارة .. الله يوفقك |
معليش اسمحولي فيه فرق بين احد اسود او اسمر لمجرد لون وبس وفرق ان واحد اسود لان فيه عرق اسود اللي فيه عرق اسود بصراحه تفكر عشر مرات مدام مجتمعنا بهذا الحال لازم تفكر انها حتجيب عيال لونهم اسود وبصراحه خلونا واقعين اكثر الحين الاطفال السود في المدارس ترى يحسوا باحراج من لونهم وهذا غير اذا احد الاطفال قاله : ((يااسود)) و ترى ما ينلاموا لانهم اطفال وهوا نفسه الطفل الاسود ماهو فاهم ايش ووليش وكيف وما احد يقول لا مافي كذا عندنا !!!!!!!!!!!!! وهذا المدرسه غير الاقارب وغير الاخوان بين بعضهم افرضي جبتي ولد اسود وولد ثاني ابيض العرق دساس ياناس احنا قاعدين نجاوب البنت واحنا ما نعرف ايش قصه اللون اصلن اعطيكم مثال : ابويا الله يرحمه كان اسمر يعتبر غامق شوي من الشمس, بس كان مجرد لون شعروا ناعم جدا وشكلوا عادي خشمه سله سيف مافيه ملامح تحسسك بان لونه هذا عرق !!! مثال ثاني وحده تقربلي خطبها واحد اسمر غامق لكن سماره اقصد لونه غير لان فيه عرق صومالي وباين من وجهه وشعره العرق وحتى امه واضح لعرق وواضح انه مو مجرد لون وواضح حتى مكان , بلد العرق تخيلوا ان اخوانها قالولها تبغي تواافقي انتي حره لكن لا تفكري ان فيه احد مننا بيتزوج عيالك لان ما نناسب صوماليه ولمن انخطبت الكل صار يقولها خطيبه الصومالي ياختي فكري مرة وعشره مافيها شي واسالي واعرفي هوا لونه ولا عرق ؟؟؟؟ ترى يا جماعه هذا الشي جدا مهم العرق دساس ولازم تشوفي اهلك يوافقوا وانتي اصلن متقبله الشي هذا او لا يااختي شوفي اخوي الكبير اسمر وشعره ناعم وملك جمال لمن خطبنا له طبعا كان شارط ان البنت بيضا اهلها راحوا سالوا عن لونه ايش اصله وايش فصله بعدين وافقوا وحتى لو كان فيه عرق ترى كمان يفرق من عرق لعرق من بلد لبلد وانتي والكل عارف هذا الشي انا اسفه طولت |
اقتباس:
مجتمعنا تحكمه العصبيه القبيليه والشكل واللون وكل هالأمور الي أنا وأنتم نعلم انها لاتقارن بالدين والأخلاق لكن نضل بشر لنا ميول ورغبات صعب نتجاهلها,, |
لماذا المجاملة ؟؟ اختي ..الاسود لا يناسبه الا سوداء مثله حتى وان قلنا الدين والاسلام لم يفرق ..نعم لم يفرق ولكن انظروا الى مشاكلنا الزوجية وكثرتها ونحن بألوان موحدة فكيف اذا اختلفت الالوان المزج هذا قد يخلق مشاكل جديدة نحن بغنى عنها اختي مهما كان هذا الشخص يبقى فيه نقطة مهمة غير مناسبة .. وجهة نظري .. |
أختي الكريمة من وجهة نظري أنك إن رضيتيه لدينه وخلقه فهذا شئ مقدر ومكتوب ، ولكن بما أن نظرة المجتمع وخاصة الأقارب للون الأسود وليس الأسمر فيه نظرة غير متقبلة عند البعض ، فمن رأيي أن توازني بين رضاك وقبولك له ، وبين لو رزقك الله ذرية منه وصار لونهم يختلف عن بقية أقاربهم وصراحة تخيلي أنك زوجة لمثل هذا اللون من الناس فهل تتقبلي العيش معه وتنجبي أولاد منه ؟ بناءاً على جوابك راح يحدد نظرتك للموضوع وليس معنى كلامي إستنقاص أو الحط من قدر أحد ، ولكن نظرة المجتمع مؤلمة ، وخاصة على من يحس بها وهي الزوجة |
السلام عليكم ورحمه الله وبركاته، اختي الفاضلة شروق، قبل ما تفكرين بالزواج من شخص لازم تفكرين في مسأله التوافق وهي مهمه جدا... يعني مثل ما الواحد يفكر في الاخلاق والدين لازم يفكر في نواحي ثانيه، مثل التوافق المادي والثقافي والاجتماعي واللي هو من اهم الامور اللي لازم تؤخذ بعين الاعتبار... مثلا لو تزوج رجل فقير بنت غنية جدا، احتمال ان ربي يوفقهم وتصير حياتهم سعيدة، لكن في الغالب هذا الشي ما يصير... ومعليش بدون عنصرية وكلنا عيال ادم وحواء، لكن لو انسان من عائلة معروفه ومن قبيلة معروفه وفكر انه يتزوج وحدة خضيريه او من عائلة غير معروفة حتى لو وافقوا اهله وهو راضي 100% هل تتوقعين الناس بيتقبولنها ويعاملونها المعاملة اللي تستحق ان تعملها زيها زي اي بنت ثانيه، طبعا لا... اختي الكريمة انا ما نعيش في مجتمع مثالي، والمجتمع اللي نعيش فيه تحكمه عادات وتقاليد تمشي علينا وعلى غيرنا سواءا قبلنها ولا ما قبلنها، لا تقولين لي انا ما عندي مشكلة، لان مع معاملة المجتمع الغير عادلة بيجي اليوم اللي تتندمين على اتبراطكي في هذا الشخص... اختي الكريمة انا اعرف صديق لي قبيلي تقدم لخطبة بنت خضيريه اهلها رفضوه لانه قبيلي، والله يوم قالي القصة صراحة كبروا في عيني، ليش لانهم ناس فاهمين وعارفين ان بنتهم يمكن اهل الزوج والمجتمع ما يعاملونها بطريقة اللي المفروض تعامل فيه اي بنت او اي زوجه... بعدين اللي يضحكون على مسأله العيال ويقولون ليش اصلا تفكرين في هالشي، انا اعرف شخصيا اكثر من شخص اجبرتهم الظروف بالزواج من اجنبيات، او من عوائل غير متوافقه مع عوائلهم، والله العظيم يا اختي ان عيالهم لو تشوفينهم يكسرون الخاطر مضايقات في المدرسة ومن الاقارب وفي الشارع وفي كل مكان... معليش مع احترامي للجميع لكن مساله التوافق في النسب مهمه جدا جدا خصوصا في مجتمعنا، اختي اذا الان كل منطقة عندنا في السعودية مثلا لها عادات وتقاليد لدرجة بعض العوائل من نفس القبيلة بس ساكنين في منطقة تختلف، الواحد يفكر 100 مرة قبل لا يتزوج منهم... انا والله انصحكي انكي تفكرين بدال المرة الف، لان معليش اختلاف لون البشرة ترا مهوب شي بسيط ابدا... والاخوان اللي يقولون عادي بكل امانه اتصور يانهم ردوا بس كذا او انهم سمر :25: او من خارج دول الخليج... وموفقه ان شاء الله... |
اقتباس:
وانا اتكلم من منظور قبائل الجزيرة العربية والتي لا ترضى أن تتزوج بناتها من ذو البشرة الأكثر اسمرار لاعتبارات تاريخية وتعصب بغيض انا شخصيا امقته هذا مجتمعي وانا عايشة فيه وانا بيضاء وماخذة من مجتمع بدوي واعرف كيف يفكرون :) لكني شددت على أني لست بعنصرية أبدا ,, بالعكس شجعتها على هالشيء |
رد مورت فيفانت .. يفسر لكم تماما ما كنت ارمي له
هذا واقع لا نستطيع العيش خارج مجتماعتنا ولوحدنا |
أنا رأي - الخاص - أسمر وانت بيضاء عادي لكن أسود لا.
|
مشكوره حبايبي على رودودكم ايوه انا بنت قبايل من ااهل الشماااااااااااااااااااااااال والرجل جنوبي
|
اختي الكريمة شروق، اذا انتي من الشمال وهو من الجنوب المسأله معاد هيب مسأله اسمر وابيض!!! اختي في فرق كبير بين عادات اهل الشمال+نجد عن باقي المناطق، ولا هوب والله عيب في باقي المناطق لا حشى والله ونعم وستين الف نعم... وانا انصحكي انكي تشوفين اهله وتتعرفين على طبايعهم وعاداتهم زين وتسالين عنهم قبل لا توافقين، اسألي عن اهله مثل ما تسالين عن الرجال نفسه... يعني معليش اختي انا من نجد ولي اخويا من الحجاز ومن الجنوب، والله اختي بعض الاحيان استغرب من بعض تصرفاتهم يمكن تكون عاديه عندهم لكنها غريبه جدا على بيئتي وعاداتنا وتقاليدنا... لكن للامانه وش اللي يخفف كثير الفرق بين العادات والتقاليد، شخصية الانسان نفسه ومستواه التعليمي/الثقافي، يعني سبحان الله كل ما كان الانسان اكثر تعليم كل ما قل الفرق بشكل كبير... على العموم الله يوفقكي ان شاء الله، وانتي استخيري والخيرة في ما اختاره الله... |
معليش بعيد عن المجاملات والكلام الغير واقعي
انا لو بنتي ولا اختي تقدملها رجال ((اسود)) لن اوافق مع كامل احترامي له وبعدين يا كت البنات السودوات الجميلات يروح يختار بينهم ومثل بعض الفتيات الاتي يفضلن ازواج متعلمين بحجه تسهيل عمليه التفاهم والانسجام كذلك الللون له اكثر كبير جدااا على استقرار الزوجين الحين احنا مجتمعنا صار يفرق بين بعض القبائل والمناطق بالرغم من نفس لو ن البشره فما بالك باختلاف الالوان؟؟ واخر شي اقول ((حلات الشي رقعته منه وفيه)) |
الحمد لله بعد قراءتي للردود شعرت انني فعلا اتخذت القرار الصائب والحمد لله اخدته بعد الاستخارة لاننا فعلا مثل ما قال اغلب الاعضاء لا نعيش في مجتمع مثالي
فعلا نحن لسنا في المدينة الفاضلة للاسف مضطرين اننا نجاري نظرة المجتمع حتى وان كانت غير قناعاتنا لذا حبيبتي استخيري واستخيري وفكري وربنا حيسهلك امرك ويطلعك من حيرتك |
المسأله ما لها علاقه بأسود وابيض ارى ان الموضوع كله في القبوووول....يعني ممكن يكون ابيض ولما تشوفيه ما تتقبليه ابدا..وممكن اشود ولما تشوفيه قلبك ينفتح له وما تحسي باي مشكله..فانت الحكم الان شوفي انتي ايه حاسه والله يهديك لما فيه الخير لك
|
اعتقد ان الموضوع ليس بهذه البساطة ابداً و خصوصاً انك تقولين انه اسود و ليس اسمر و فرق شاسع بين الاثنين فالسواد يعني ان عرقه يختلف اما السمار فقد يكون بسبب التعرض الى الشمس ...الخ
ايضاً كونه اسود يعني ان هنالك احتمال كبير ان يكون بعض اولادك او كلهم سود ,, و الكارثة الاكبر عندما يكونوا اولادك ملونين يعني بعضهم ابيض و بعضهم اسود شلون راح تصير علاقتهم مع بعض ؟ يجب ان تدركي ما انتي مقدمة عليه و يجب ان تضعي تصور كامل لمستقبلك و مستقبل ابنائك فيما ارتبطتي بهذا الشخص حتى تتخذي القرار الصحيح ... اتمنى الا تؤثر بك بعض الكلام المثالي جداً لان الموضوع ليس محصور فقط في الجانب العنصري بل هو اكبر من ذلك بكثير و لستي بحاجة للموافقة على هذا الشخص حتى تثبتي انك غير عنصرية .. الموضوع قبل كل شيء هو مسألة التوافق و هو صعب ان يحصل بين شخصين من لونين مختلفين .. و هذه الزواجات نادرة جداً ليس في بلدنا فحسب بل على مستوى العالم و اذا ما حصلت فنادراً جداً ما تنجح |
| الساعة الآن 01:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©