|
ارسلت لها انا زوجة فلان هلى تصرفي صحيح ؟
بسم الله الرحمن الرحيم
ارجو منكم المساعده ولا تبخلون علي باالنصيحه وفقكم الله انا في ازمه واسال الله الفرج ثمن منكم يااهل الخير انا في مشكله مع زوجي ابداء فيها اقسم بالله انني لم اقصد التجسس اوالمراقبه وانما فتحت ايميله باالصدفه ووجدته مرسل ايميل لبنت وانجنيت وقتها والكلام الليي في الايميل باين انه في تودد بينهم وسبق وان جيت عند زوجي واهي تراسله علي الماسنجر ولما سالته قالي صاحبه واقسم بالله قلبي انقبض وقتها ولاهي من عادة زوجي يخبي شي علي حتي لو كانت بنت بس المره ذي خبى علي وانهرت وقتها وتصرفت تصرف طفولي بس ماتصرفته الا بعد مافقد اعصابي اخذت ايميلها واضفتها عندي وتركت لها رساله وكتبت فيها انا زوجة فلان وانا حابه اتعرف عليك فقط لاغير ماسبيت ولاشتمت ولا لعنت بس كنت حابه افهمها انه متزوج ولا ردت علي وزوجي زعل من الناحيه هذي ليه ارسل لها واقسم بالله انه من غيرتي عليه وخوفي علي بيتي تصرفت كذا واعتذرت من زوجي علي هذا الاسلوب بس ماخذمني موقف ارجو النصح هل ارسل لها ايميل اعتذار او ايش اسوي الله يفرج همكم انصحوني وفرجو همي الله لايضيق عليكم يكفي علي الغربه وضيقه البال ولا احد عندي وحيده الله المستعان حسبي الله عليها بهذا الشهر الكريم |
اقسم بالله ماقصدي اتحسب عليها بس ظاقت بي الارض وزادت عليا الهم والغم
|
بسم الله ماشاء الله أختى
أشعر بحسن أخلاقك وقلبك الأبيض الله يعطيكى من الرضا ويحبب فيكى خلقه قووووووووولى ياررررب حبيبتى أنتى أنسانه سليمه فكل أمرأه بالفطره تغير على زوجها فأنتى لم تقترفى ذنب برسالتك لها وعسى تكونى أنقذتيها إن كان زوجك يتلاعب بيها ومفهمها أنه عزووووووبى وعسى تكرهوا شيئ وهو خيرا لكم\ أبدأى من اليوم وليس غد بجذب زوجك لحضنك ودفئ بيتك من جديد فالرجل مثل الطفل إن ضل الطريق بيسر يعود لبيته إن شعر أن أهل البيت مسامحين ومعافين فأحتضنيه من جديد وتزينى وأدلعى وأشبعى عواطفه من جديد كأنكم عرسان |
لا طبعا ماترسلي الها ايميل
واصلا ماكان مفروض تضيفيها وتحكي انك زوجته كان ممكن تضيفيها وتحكي معها بجفاء وجفاف مش انو تفكر حالها مصدر قلق الك واشي مهم وهية ولااشي حسبي الله عليها عموما احكي مع جوزك بالموضوع واعلمي انت بموقف قوة يعني لانو زوجك الغلطان ماتتعاملي انك ظالمة وهوة المظلوم انما انت المظلومة زوجك بكلم وحدة غيرك عموما ممكن تكون هية مابتعرف انو متزوج وزوجك ضحك عليها وانصدمت من كلامك لهيك ماردت عليكي وممكن تكون لئيمة انت احكي مع زوجك بحب و عاتبيه وهيك ورجعيه لحضنك من تاني |
غــلط انك اعتذرتي منه
انتي ماغلطتي بششي المفروض هو يعتذر لك انتي باعتذارك له بينتي انك انتي الغلطانه مو هو ... لو انتي مكلمه رجال ... كان ذبحك .. لاتعتذري له واتركيه بحاله وطنشيه .. واذا تبين تشغلينه عن بنات الحرام بقول لك عن حركه بس مادري تصلح لزوجك ولالا على حسب شخصيته ... اعتقد انها تصلح له لاني راعي بنات انك تكلمين وحده من خواتك عالمسن .. ويكون اسمها ولــد ..مثل ياسر القحطاني او غيره يعني اسم مشهور حتى لو هاوشك تقولين هذي اختي مسميه نفسها باسم هالممثل الفلاني او البطل الفلاني ...!!!!! تسولفين معها سوالف عاديه .. ولما تشوفينه انشغل عنك ويغازل سولفي ولما يجي سوي نفسك مرتعبه وسكري المحادثه ... وقومي من الكمبيوتر بس انتبهي لازم تخلين فيه سجل محادثات تنحفظ عشان لو شك زوجك فيك يتأكد انك ماتغازلين وانك تكلمين اختك ... من سجل المحادثات بس هالحركات عشان تخوفينه ... اذا كنتي تبغين تأدبينه .. لاتورينه سجل المحادثات ومثلي عليه انك تخافين لما يطب عليك وكل مره كذا بس كلامك مع اختك خليه واضح انكم خوات وانكم تمثلون مع بعض يعني تقولين لها ابي اكلمك كنك رجال ...بدال ..انتي ..اقول لك انت وبدال حبيبتي اقول حبيبي ... مثل كذا ...!!!! لما تطلع قرون زوجك وريه المحادثات وقولي له عشان تحس فيني انا لو غازلت حقيقي كان ذبحتني وانت تغازل وتزعل لما اعلمها حقيقتك واتركيه لاتكلمينه الا بالمهم ... خلك ثقيله ولا تراددينه او ترفعين صوتك انتبهي مهما كان غلطان عليك والله يوفقك ولك الحريه سواء بتنفذين ولا لا اانا مابي اورطك مع زوجك |
اختي انتي زائد طيبه مرررررررررررررره
وليش زوجك يزعل ماله حق؟يخون ويزعل مايصير من المفروض انه يوعدك ويطلب من السماح انه مايكرر هالعلاقات المحرمه ويتوب توبه نصوحه بهالشهر الفضيل مو يزعل!!!! وانتي ماسويتي شي غلط ممكن هو ماقالها انه متزوج وانتي قلتيلها يومك راح تبعد يعني اشوف انه مش شي غلط بالعكس تحمد ربها ماسبيتيها وهو ليه يزعل؟؟؟نفسي اعرف قصده يعني تجسستي لا كله بصدف قوليله اذا انا تجسست انت زوجي ومن حقي اغار عليك بس انت من حققك تخووون؟؟؟؟ من حققك تكذب وتقول انه رجااال وهي بنت؟؟؟ وقتها اذا كان الجواب نعم فمن حقه يزعل!!!!! وحسبي الله عليها من خطااافة رجال ونسيت اقولك ابدددددددددد لاتعتذري منها ولا منه حلوه هذي تعتذري!!!!!! خليك واااسقه من نفسك كيف تعتذري؟ |
الملاك يونا لااااااااااااااااااااااا غلط هالحركااات
بعدين يشك فيها لاتخليها تسوي على حركه تحط اسم ولد بالمسن والله يشك لاتسوي كذا اختي حتى انتي الملاك يونا لاتسوي كذا مع زوجك والله يشك فيك حتى لو اثبتي انها بنت |
اخت ملاك يونا مع احترامي الك لو عملت الي قلتي عليه المحادثات وتخليه يشك انو واحد
بتخربي بيت البنت مش هيك ابدا تنحل الامور ويعني لو رجال ردة فعلو انو يزعل التاني ممكن يشد الزوجة من شعرها ويرميها في نص الشارع في نص الليل ويطردها بدون ميتاكد ولا يستنا تبررلو فكرك لو زوج شاف هالحكي حيزعل ويحرد ويقلها مع مين بتحكي حيمسكها ويقلها مين هادا ومين ومين ويجرها للشارع اختي بلاش تعملي هالكلام ابدا |
السلام عليكم
ما غلطتي بشئ اختي الكريمة تصرفك كان بدافع الغيرة لدى كل انثى ماسويتي شئ غلط علشان تعتذرين طيب الحين اعتذرتي لزوجك وماخذ منك موقف طيب وبعدين بيرجع لصديقته ويقولها انا هاوشتها وخليتها تعتذر على اللي سوته لك ؟؟ او بيرجع يكلمها عااادي ولا كان شئ صااار ؟ وبرضوا ماهو حل انك تكلمينها الحل انك تكلمين زوجك وتقولين له مايصير هالكلام قدر غيرتي وقدر وجودي معاك وارتباطي فيك انت ترضاها ان اختك زوجها يكلم بنات بالماسنجر ؟؟؟ ماترضاها لاختك ليه ترضاها لي لا تظلمني اذا ترضاها وتشوف انها شئ عاادي هل ترضى اني اكلم واحد بالماسنجر مثل ما انت تكلم وحدة ؟؟؟؟؟؟ بيقولك لا ولو تسوينها ذبحتك و و و و الخ بيبدأ يحس بغلطه بس قبل تكلمينه مهدي لجلسه مصارحة ابيك بالغرفة ندردش شوي وطي على النور والاضاءه وقولي له الان كل شئ هااادي واتمنى نتكلم بهدوء مانبي ازعاج الهدف ان الجو مناسب للحديث الهادئ فياثر على نفسية الشخص المقابل وان شاء الله تتيسر اموركم وتنحل مشكلتكم وبلغينا بالمستجدات تحية طيبة |
اقتباس:
لالالالالالالالالالالالالالالا غلط هالحركه انتبهي تسوينها لانها صارت معي وياليت ماسويتها لانه زوجي صار يراقبني على الصغيره والكبيره من شكه فيا افضل حل انك تنطشيه ولا كانه الموضوع شاغلك بس راقبيه من بعيد لبعيد وحاولي تجذبي زوجك لك بحركاتك ولبسك ودلعك وهي اصحك ترسلي لها ايميل الله يوفقك |
انا ماجبرتها تسوي الحركه
بس انا سويتها كثير مع زوجي .. يعني لما اشوفه منشغل عني ولا اكتشتفت انه يكلم غيري صح صار يراقبني ... بس مو على طول ... بس الحلو ...انه انشغل عنها ..وصار يهتم فيني اكثر هالايام صار مايهتيسم كثييييييير بس بين فتره وفتره يراقب عادي .. مع انه مو راعي ماسنجر وحركات ومايغازل كثير بس بعد فتره اكتشفت انه الاستشاريه دظ/ناعمه الهاشمي تقول انهم جربو نفس هذي الحركه او قريبه منها لرجل كان يغازل وتارك زوجته ونفعت معه الحركه وترك خرابيطه ووحده جربتها مع زوجها بس كان متخلف وعلطول طردها برى البيت فهي الافضل لها تسأل ناعمه الهاشمي بمنتدى بلقيس والله يعينها بس اللي بغيت ابينه انها ماغلطت ومفروض هو اللي يعتذر لها مو هي |
الله يفرجها عليك الى الي صلحتيه عين العقل وما سويتي شي غلط صدق ضربني وبكى وسبقني واشتكى طول ما بيشوفك ضعيفه راح يلعب عليك اكثر هو المفروض تنكسر عينه حتى برمضان حسبي الله ونعم الوكيل
|
اقتباس:
خوذي هذا الراي ولا تعتذرين انتي لم تفعلي خطأ.. |
السلام عليكم
اشكروقفتكم معي واسال الله العلي القدير في هذا الشهر الفظيل انه يسعد كل من شارك واعطاني النصيحه ويفرج هم كل من ساندني علي الاقل هديتو من ظغطي النفسي لاني ماابي اشكي لااهلي ولاحتي خواتي لاني اخجل عليه بس بوقفتكم معي حسيت اني مش لوحدي في هم الغربه انا بصارحه وادعولي واقسم بالله انه انسان طيب بس وش بلاه مدري وانا اعتذرت منه ويمكن هذا غلط لاني ماخطيت بس انامااحب احد يشيل علي شي بنفسه اخاف اموت وابي الكل يذكرني باالخير واهي عندها ربي يحاسبها |
انا بصراحة من زمان ما اكتب أو أعلق على المشاكل بس بصراحة من قريت مشكلتك وانك اعتذرتي بصراحة انقهرت ليش تعتذرين والمفروض انه هو اللي يعتذر منك .. وبعد فوق هذا كله تبين اتطرشين رسالة اعتذار حق وحده اتكلم زوجك ...
عزيزتي شكلك وايد طيبة والغربة امخليتك ما تقدرين على زعل زوجك ... شوفي حاولي تقلبين الموضوع واتقولين له انا المفروض ما اعتذر منك ورغم هذا اعتذرت لأني احبك بس شكلي غلطت يوم اعتذرت لك على غلط كنت انت المفروض تعتذرلي منه وازعلي وطنشيه اشوي وشوفي شو بسوي واتمنى لك التوفيق ... |
مش معقول انتي كمان اللي تعتذري لها !!!!!! وزوجك بدل ما يزعل المفروض يعتذر منك ويوعدك انه ما راح يكلم بنات مره اخرى...حبيبتي فهميه ان اي خيانه من اي نوع مرفوضه تماما وحاولي تجذبيه لك وغيري من ستايلك ومظهرك واغدقيه بحبك ودلعك....الله يوفقك
|
اقتباس:
اكيد ما يضرك شي , الضرر كله على راس البنت , الغلط لا يرد بغلط مثله , صدقيني لو تسوي زوجتي معي بحلك هذا , أطلقها في نفس الحال .. ولو سألوني اهلها ..ليه .. أقلهم .. كانت تشجع الهلال .. ومع احترامي لك .. ملاحظ أنك تحفظين أسماء المشاهير ..وكيفية استخدام أساميهم ... وجي تجربيها مع زوجك وخبرينا عن النتائج |
اقتباس:
بارك الله فيك قلت للي ببالي فعلا.. بعض النساء الله يهديهن يعطون النصائح اللي تخرب البيوت! لاحول ولا قوة إلا بالله العلي العظيم يا أختي الكريمة صاحبة المشكله .. خطأك الأول انك تجسستي على زوجك وخطأك الثاني أنك اضفتي امرأة لا تثقين بها الى مسنجرك (فرضا كان رجل؟) وخطأك الثالث والأكبر أنك واجهتي زوجك بهذا الامر وبطبيعة الحال هو رجل سيدافع عن نفسه ويشعر انه كرامته انهانت منك فبالتالي أي تصرف يصدر منه سيكون لصالحه. ليست هذه طريقة التعامل مع الرجل أبدا الرجال لعلمك يعرفون حركات الحريم .. ويسمعون بها في مجالسهم ولا يعجبهم ابدا ان تكون زوجتهم منهن! خلك حكيمة واكسبي زوجك واحترميه واحبيه هو رجل بقلب طفل.. لا يحتاج أكثر من العناية والحب والحنان لك حقوق عليه وله حقوق عليك .. لا تكوني شديدة فتكسري ما بينكم ولا لينه جدا فتسمحي له بالدوس على كرامتك لكن بعقل يا أختي بعقل... ماهكذا تورد الابل |
باختصار .....
الشيء اللي سويته من حقك كزوجة 100% و الإعتذار لا بد أن يأتي من زوجك ليس منك |
زي ما بقول المثل قال فوق حقه دقه،،، ليش تعتذري لها يا حبيبتي عليكي بزوجك وبعدين ما تعتذري له الحق معك بس هو عشان غلطان حاول يقلب الطاولة عليكي كوني اذكى منه وما تقبلي الا لما يعترف بغلطه ويعتزر.. الله اكبر ..!! فعلا ضربني وبكى سبقني واشتكى .. الله يفرج همك
|
ياقلبي لاتردين الخطاء بخطاء ابدا
تكلمي معاه بهدوء حاولي تفهمينه قوليله ليه انا وش غلطت عليك فيه وحاولي تتوددين له بالكلام الطيب اشغليه باشياء حلوه حاولي تكسبينه والرجال مايحب الحرمه الي تجي وتقولة ليه وليه وتهاوش حاولي تكلميه بحنيه وبصوت منخفض وبهدوء قوليله انا ايش مقصره فيه حسسيه بالذنب خليه هو بنفسه يندم على انه سوا هالشي لاكن بطريقه صحيحه مو بصراخ وهواش والله يسترها عليكم ان شاء الله |
| الساعة الآن 02:46 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©