خادمتك هل تدخل غرفة نومك
 

بصراحه خدامتي تدخل غرفتي وترتبها وتغسل ملابسي الداخليه وش اسوي تعودنا عليهم من الطفوله وهي اللي ترتب اغراضنا صح هو تصرف خطأبس الله يكون بالعون

نا موظفة وبيتي كبير وعندي اولاد وطبعا وجود الشغالة لابد منه وانا اضع للشغالة حدود جدا

غرفة النوم اختصاصي وماتعرف حتى مكوناتها وغسيل الثياب انا اتولاه بس هي تكوي

اعمالها كوي تنظيف البيت دون الدخول للفرف الخاصة طبعا اعمال المطبخ ماعدا الطبخ

كفانا الله شرهن ورزقنا خيرهن

لا طبعا ماكنت اسمح للشغاله تدخل غرفتي ولا تنظف الملابس الداخليه
اختى لمني بشوق ماشاء الله عليك وعلى زوجك المتعاون
وش رايكم طيب في الزوج لما كنت حامل وتعبانه و ناصحتني الدكتوره بالراحه الكامله
اقول له جب لي غساله صغيره احطها بالحمام الصغير جانب جناحنا عشان اقدر اغسل ملابسك وملابسي الداخليه لان الغساله اللي عندنا مااقدر اطولها وانا بهالوضع ولا ابي الشغاله تغسل ملابسك او تحمل تاخيري عليك اسبوع او اثنين بين كل غسله وغسله لاني يوم طيبه وعشره على الفراش
يقولي انت مكبره الموضوع وش فيها اذا غسلت الملابس واذا انت صدق تعبانه خليها تنظف غرفتنا وحمامنا الخاص ليه تنظفينهم بنفسك (طبعا يقول كذا لاني انظف تنظيف بسيط مو زي اول بسبب وضعي الصحي اجل لو تركته بدون تنظيف وش كان بيقول )

مستحيل تدخل غرفة النوم

الملابس بعضها

الله يقويك ويعطيك العافيه

ما عندي خدامه اساسا !

الخادمه عندي ما تدخل غرفة النوم من غير ما ادخل معاها تنظف وانا معاها انظف وارتب
لاجل ما اجلس قدامها مبينه لها ترى اراقبك يا حرمه
ومو كل يوم كل اسبوعين او ثلاث وباقي الايام انا بنفسي
ولمن اخرج من البيت اقفل باب غرفتي
وحتى لمن انام بالصاله الظهريه او العصريه اقفلها واحط المفتاح تحت راسي
يقولوا حرص ولا تخون

الملابس الداخليه لمن كانت عندي الغساله العاديه هي اللي تغسل الملابس كلها
ما عدا ملابسي الداخليه
بس لمن جبت الاتوماتيك اللهم لك الحمد والشكر انا اغسل كل الملابس بنفسي
ولا يد تتمد عليه غيري بس هم عليهم الكوي
انا اللي حدني على الخادمات دراستي وبنتي في البيت ما عندي احد يمسكها

وما استعين بالخادمات بعد الله الا ايام الدراسه
اما الاجازات انا اللي اقوم بالبيت

انا عندي واخليها تنظف الغرفه والواحد يحتاج لهم زكل واحد وظروفه اللي تحده وتخليه يجيب خدامه وان شاء الله ماعلينا شر

اكيد مااخلي الشغاله تقرب من الغرفه اناانظفها بنفسي وبعد حتى الملابس الداخليه
مستحيل تقرب من شئ يخص زوجي
الله يحفظه مننهم

انا متعودة بيت اهلي كان عندنا مو خدامة وحده بس, الله يستر , جيش خدم .. بس كان تقريبا لابد منه , بيتنا كبييير ماشاءالله, و الحديقة كبيره , و جدتي ساكنة عندنا , فكل يوم ضيوف داخلين و طالعين ..

الخدامات ينظفون جميع الغرف, ولكن حنا نرتب سرايرنا بروحنا .. بس ملابسنا الداخلية متعودبن من احنا صغار ننظفهم بروحنا .. غير كذي, جميع الملابس هم يغسلونها ..

و لكن - بعد زواجي ( صارلي سنة و نص ) ما جبت خدامة , انا اطبخ و انظف و اغسل -- بس في الاسبوع مره , اخذ خدامتين من بيت هلي, ينظفون البيت شبر شبر ..

و الحين انا حامل الحمدالله , فيمكن في أخر شهر راح اجيب خدامه بس اوديها بيت اهلي تتعلم لين ما أولد بالسلامة ان شاءالله , لأني ما راح اقدر بروحي .. و راح اخليها تنظف الغرفة - بس انا ارتب سريري- , بس ملابسي الداخلية أكيد لأ , مثل ما حنا متعودين عليه ..

تجيني الشغالة اللي تشتغل بالساعة في الأسبوع مره....فأكون معاها في غرفة النوم للتنظيف الثقيل و التمسيح فوق الدولاب لكن باقي ايام الأسبوع انا المسؤولة

الملابس انا ... ما اخلي الشغالة تمسكهم أبداً

بالنسبــه لي لايوجد لدي خادمه

لكن... ان اتيت بها فمن سابع المستحيلات ان تدخل غرفتي او تغسل ملابسنا الخاصه

فلا يمكن ان اثق بهن ابدا

واسأل الله ان يعينني على القيام ببيتي من دون خادمات....

اصلا ماعندنا شغاله خير شر

بالنسبه للملابس فالغساله هي الي بتغسلها ........
وغرفتي ...ما بشوف فيها مشكله لو دخلت نظفت ارضيتها ...فقط والحمام ...بشرط وجودي بالغرفه....
وباقي اغراضي الخاصه والدواليب لا اكيد ما اسمح تفتحها....
:26: