|
أشك بزوجي انه يحشش
زوجي يحرق شي ويخلطه مع الدخان ويفركه بعدين يلفه ويدخنه
سألته قلت له اشك ان هذا حشيش قال لا موحشيش هذا تبغ نوعيه ممتازة وصرت ابحث بالنت عن الحشيش شفت ان صفاته تنطبق على اللي عند زوجي لكن اعراض الحشيش مو في زوجي طبعا هذا سعره غالي وبنفس الوقت ممنوع لكنه ينكر انه حشيش كيف اعرف كانه حشيش ولالا وبالنسبة لزوجي نومه طبيعي جدا تصرفاته طبيعيه جدا كل شي طبيعي لانكت ولاضحك ولاشي من اعراض المدمنين طبعا ذيك الفترة لمن كان في اوج الاضطراب رحت للدكتورة سألني قال هو يتعاطى وعلمته باللي شفته قال ابسوي له تحليل لما يجيني وان كان مايتعاطى ابكتب له علاج لان العلاج مايصلح مع التعاطي رجع من الطبيب وشفت ان الطبيب كاتب له علاج معناه انه مايتعاطى وقبل كم يوم ذهبت معه للطبيب وساله الطبيب انت تتعاطى شي قال لا قال له ابدا قال ابدا الا اللي قلت لك قال الطبيب ايه هذا وكأن طريقته يقول هذا عادي لكني مافهمت شي ابدا المصيبة العظمى انه يدخن بنهار رمضان ويقول الدخان مايفطر جيبي لي دليل سؤالي هل هناك شي يشبه طريقة الحشيش لكنه مو حشيش ؟ طبعا وضعه حاليا على حسب كلام الطبيب انه مابعد استقر تماما لكن تحسن كثييييير ويحتاج الى صبر كي يرجع لوضعه |
اختي صامده حتى الفرج
طبعاً الطريقه التي ذكرت وهي اللف والفرط كلها استعمالات حشيش ..... والحشيش لونه بني غامق مثل الصلصال .. بالصفات التي ذكرتيها هو يحشش ودائماً المحشش مبسوط لأنه يعطيه نوع من التهبيط العصبي فيكيف على الشئ . بالنسبه للتدخين في نهار رمضان فاأسأل الله العظيم ان يهديه ويعصمه من كل سوء .... وللمعلوميه الادمان ليس له علاج إلا القرب من الله . لأنه ادمان نفسي وليس جسدي . |
انا اقوووووووووول وبالفم المليان حشيش ومو شرط انه ينكت هذي مو من اعراض التعاطي العصبيه الدائمه والهدوء المفاجىء وقلة الاكل واحمرار العنين وغيرها كثير هذه اعراض التعاطي اختي وعادي الحشيش خلال 40 يوم يروح من الدم ومايظهر بالتحليل زوجك يتعاطى اوقفي وقفه حازمه معه
|
اقتباس:
لكن هو يقول لي لاتقولين لاحد اني اسوي كذا لان الناس بيفكرون انه حشيش وهو مو حشيش لكنه نفس طريقته بالضبط ويشبه له وهو فعلا لونه بني غامق ومثل الصلصال لكنه طبيعي يعني مااحس انه يكيف او شي عادي جدا سؤالي هل فيه شي يشبه الحشيش لكنه تبغ او ماريغونا مثلا ؟ |
[QUOTE=صامدة حتى الفرج;2223911]اشكر لك ردك اخي الكريم
لكن هو يقول لي لاتقولين لاحد اني اسوي كذا لان الناس بيفكرون انه حشيش وهو مو حشيش لكنه نفس طريقته بالضبط ويشبه له وهو فعلا لونه بني غامق ومثل الصلصال لكنه طبيعي يعني مااحس انه يكيف او شي عادي جدا سؤالي هل فيه شي يشبه الحشيش لكنه تبغ او ماريغونا مثلا ؟[/QUOTE اختي بالنسبه ماريغونا مثل الحشيش ويستخدم في شرق آسيا . ويختلف من حيث الشكل فقط الله يهدينا ويهديه يارب . احرصي على مناصحته واذا لم يتقبل منك فأنصحك بالكتيبات والمنشورات عن الاضرار ، لأن المشكله لاتكون قريبه بل على المدى البعيد وليس كل البعد . |
اقتباس:
لكن باالبداية كانت تحمر عيونه وكان يقول لي لان الغرفة مكتومة لكن بس يمكن اسبوع وبعدها ماصرت اشوف عيونه تحمر او ل مارجعت البيت كنت الاحظ انه مايفتح عيونه زين كانه نعسان وكان ياكل كثير وعيونه محمرة لكنه بنفس الوقت كان ياكل علاج نفسي جديد وكان متضايق ويقول ان اللي فيه بسبب العلاج وتركه وبعده خلاص ماعاد اشوف الاعراض هذه طبعا العيون الحمرا كان يقول لان الغرفة مكتومة وانا ادخن |
يطلع منه دخان كثيف جدا مائل للزرقه ؟
|
اتوقع انه حشيش
لكن كيف الدخان ما يفطر بنهار رمضان وانتي مصدقته |
غريبه يدخن في رمضان اسأل الله ان يهديه لك ويسخره وبالنسبه حشيش او لا انا ماعرف والاخووات افادوك انه حشيش حاولي تلقين اي حل لهذا الموضوع لو تسألين اخوانك زوجك يروح مع مين ومين ربعه ترى الصاحب ساحب وقولي له بدل ماتدفع مبالغ عشان دخان اذا مت لاقدر الله دخانك ماينفعك وقولي له تصدق واكفل يتيم ينفعك في مماتك وتكون صدقه جاريه اسأل الله في هذا اليوم يهديه ويسخره لك آمين واعذريني على الاطاله |
الله يهدينا وإياه زوجك
شوفي هالفتوى واطبعيها له التدخين محرم ومفسد للصيام من فتاوى الشيخ بن عثيمين رحمه الله وادعي له ولنفسك تكفين في هذه الليالي والأيام الفضيلة أسأل الله أن يفرج همومكم ويفرح قلوبكم ويؤلف بينها على الخير وأن يبعد عنكم صحبة السوء وأن يهديني وضال المسلمين |
أسال الله العلي القدير ان يفرج همك وان يصلح زوجك فالدخان مفسد لصوم هداه الله ذكريه بالله دائما والدعي له في هذا الشهر الفضيل بان يصلح الله حاله
|
اهلااا اختي ثبات
طبعاا حشيش واهم شي من اعراضه احمرار العينين ولا تصدقينه انه من الغرفة والخرابيط هذي زوجك للاسف يحشش ولا فيه اي شي بالدنيا يشبه الحشيش والطريقه اللي قلتي والماريجوانا هي الحشيش بس هذا الاسم الاجنبي لها على ما اعتقد او انها مركب ثاني لكن كلهم من نفس المجموعة يعني نفس الاضرار وكل شي المهم من اعراضه غير اللي ذكرو لك انك تحسينه كانه مستحي ويحب يتحاشى يناظرك وانتي قلتي كانه يقفل عيونه اما التنكيت والاشياء اللي تسمعين عنها مافيه بالواقع كذا هو ظاهريا بس يكون مروق وهادي بس في الحقيقة انها تنحت مخه وعقله نحت وحالته اذا طول عليها يصير يكسر الخاطر كانه طالع من سجن واذا الدكتور عطاه علاج مو شرط انه مايحشش او يمكن انه اخذ شي مايخلي الحشيش يطلع بالتحليل قد سمعت عن شي زي كذا بس والله ماذكر ايش بالضبط بس اسمع ان الشباب ياخذون حاجه اذا جاء احد بيحللهم مايبين بالتحليل والعيون يمكن بعد ما لاحظتي هالشي قال لاصدقاء السوء اللي يمولونه واعطوه قطره لعيونه يستعملها عشان مايبين الاحمرار وطبعا كل شي بضرره سواء الحشيش او القطره اسأل الله لك الثبات والعون وان يهدي زوجك ويكفيك شره |
الدخان ليس يفطر فقط
بل يعتبر معصية خطيرة في نهار رمضان فضلا عن أن يكون حشيش فهذا أمره أخطر لأنه بلاء عظيم على الأسرة كلها و ليس على الفرد نفسه و انصحيه و حاولي تدارك وضعه بالعلاج و وقفة أحد ثقة إذا لم يستجيب حتى لا يذهب عنك بالإدمان و الرفقة السيئة التي ربما يصلك شرها عبر زوجك لا أعرف أبدا شيء يلف إلا الحشيش و كل أنواع الدخان تؤخذ جاهزة احذري احذري احذري |
التدخين محرم ومفسد للصيام يقول بعض الناس : إن تعاطي الدخان في نهار رمضان ليس من المفطرات ، لأنه ليس أكلاً ولا شرباً . فما رأي فضيلتكم في هذا القول ؟ الحمد لله "أرى أنه قول لا أصل له ، بل هو شرب ، وهم يقولون : إنه يشرب الدخان ، ويسمونه شرباً ، ثم إنه لا شك يصل إلى المعدة وإلى الجوف ، وكل ما وصل إلى المعدة والجوف فإنه مفطر ، سواء كان نافعاً أم ضاراً ، حتى لو ابتلع للإنسان خرزة سبحة مثلاً ، أو شيئاً من الحديد ، أو غيره فإنه يفطر ، فلا يشترط في المفطر ، أو في الأكل والشرب أن يكون مغذياً ، أو أن يكون نافعاً ، فكل ما وصل إلى الجوف فإنه يعتبر أكلاً وشرباً ، وهم يعتقدون بل هم يعرفون أن هذا شرب ، وهذا إن كان أحد قد قاله فإنما هو مكابر . ثم إنه بهذه المناسبة أرى أن شهر رمضان فرصة لمن صدق العزيمة ، وأراد أن يتخلص من هذا الدخان الخبيث الضار ، أرى أنها فرصة لأنه سوف يكون ممسكاً عنه طول نهار رمضان ، وفي الليل بإمكانه أن يتسلى عنه بما أباح الله له من الأكل والشرب والذهاب يميناً وشمالاً إلى المساجد ، وإلى الجلساء الصالحين ، وأن يبتعد عمن ابتلوا بشربه ، فهو إذا امتنع خلال الشهر فإن ذلك عون كبير على أن يدعه في بقية العمر ، وهذه فرصة يجب أن لا تفوت المدخنين" انتهى . "مجموع فتاوى ابن عثيمين" فتاوى الصيام (203، 204) . |
ونسيت اقول لك اذا كان يحشش عندكم بالبيت يعني حولك وحول عيالك راح يلحقكم ضرر الحشيش بشكل كبيييير الله لايقدر لكم مكروه
|
اقتباس:
لا يااختي مايطلع عادي جدا زي الدخات العادي |
مظلوم الحب
احساسي المرهف رابع امير الشوق الله يجزاكم خير على الرد المشكلة مقتنع تمام القناعه انه مايفطر وانه زي بخاخ الربو |
اقتباس:
الدكتور لما قلت له عن احواله قال لي ابي اتأكد من شي واحد ان كان يتعاطى فكل الاعراض اللي ذكرتيها من التعاطي وان كان مايتعاطى فعنده اضطراب مزاج وقال لي راح اسوي له تحليل علشان اشوف ولما راح زوجي للدكتور ماكان يدري انه راح يحلل له ابدا ولا حتى جاء على باله لانه راح على اعتبار انه بيغير له علاج الاكتاب هو الحين مايروح لصدقاء ابدا ولا اشوف عنده قطرة وانا طول الوقت معه الله يستر علي من مصايبه لو كان فعلا حشيش |
اقتباس:
هلااابك ياغالية انا الحمدلله تمام بما انه كان شاك ان الاعراض اللي عنده من التعاطي اجل عمل له تحليل للحبوب الكبتاجون والامفيتامينات وليس الحشيش لان الحشيش ماله دخل بالاعراض اللي عنده وكنت قايله لك هالكلام من قبل انه اذا كان يتعاطى حبوب فان كل اللي عنده من الحبوب صدقيني ما اتوقع ان اللي قاعد يسويه غير الحشيش ربي يكون في عونك ويلهمك التصرف الصواب |
اقتباس:
بكيفه يحشش ولايسوي اللي يبيه مااقدر امنعه افتكيت من الشراب وجا الحشيش ابسألك وش اضرار الحشيش سبحان الله على كثر ماكان يكره الحشيش ويذكر اضراره الا انه الحين يشربه بشراهة يعني مايجلس بين السيجارة والاخرة نص ساعه الله المستعان عموما الدكتور لما ذكرت له تقصيره بالصلاة قال لي اصبري عليه شوي من نفسه راح يرجع يحرص على الصلاة لما يستقر المزاج عنده عسى يترك هالبلاء بعد |
انتبهي لزوجك وهده اعراض حشيش واضح كما نعرف عنه من ما قرأت في النت عن الحشيش واضراره حولي تعرفين من هم اصدقائة اكيد متعرف على شلة فاسدة اسأل الله ان يهدية وادعي له اخر اليل عسى ان توافق ساعة يستجاب الله فيها
|
متأكده انه حشيش اعرف ناس نفس اعراض زوجك ونفس الطريقه
يلفون بورق ابيض مائل للشفاف........ ووريه الفتوى اللي بصفحه 2 عن التحريم |
اقتباس:
ومشكورة على الرد |
اقتباس:
طيب مافي شي نفس هالطريقة ويكون موحشيش لانه يقول ان فيه تبغ بنكهات |
وهذا اكبر دليل على انه يحشش هو قال هالكلام من خبرة ويدري ان هذا الحل
وممكن في اعتقاده انه يفيد غيره اذا طبقوه لكن للاسف هو شخص متمرد لايريد ان يطبق الكلام على نفسه وانتي ياثبات مرات احسك على نياتك بزيادة كيف يحشش قدامك ويستغفلك ويوهمك انه مو حشيش لهالدرجة وصل فيه الاستهتار انتبهي اهم شي لايوصلك ادخنة الحشيش ترى راح يضررررك كثييييييييييييير ابتعدي عنه ولاتسمحي له يحشش في البيت مهما كان كان الله في عونك |
وهذا اكبر دليل على انه يحشش هو قال هالكلام من خبرة ويدري ان هذا الحل
وممكن في اعتقاده انه يفيد غيره اذا طبقوه لكن للاسف هو شخص متمرد لايريد ان يطبق الكلام على نفسه وانتي ياثبات مرات احسك على نياتك بزيادة كيف يحشش قدامك ويستغفلك ويوهمك انه مو حشيش لهالدرجة وصل فيه الاستهتار انتبهي اهم شي لايوصلك انتي ادخنة الحشيش ترى راح يضررررك كثييييييييييييير ابتعدي عنه ولاتسمحي له يحشش في البيت مهما كان كان الله في عونك |
الله يكون في عونك ويهدي زوجك
|
اقتباس:
الحين هو يحشش بالمجلس بالنسبة لي ماكنت اعرف الدخان لما كنت بيت اهلي فكيف ابعرف الحشيش الله المستعان انا غبية جدا تخيلي اجلس معه مع ان ريحته قوية واحيانا ادخل اخذ شي وانا صايمة الله يستر مايكون بطل صيامي انا اكثر شي خلاني اصدقه اني مااشوف الاعراض يمكن بس اول مارجعت البيت واوهمني انه من العلاج لكن الحين عرفت سر تقفيل المجلس ذيك الايام اخ كل فترة ينحل لي لغز انا لمن قلت للدكتور انه مايحافظ على الصلاة وسألته عن طريقة زينه انصحه فيها قال لي هو من نفسه بيرجع يصلي لمن تستقر حالته وان شا الله بعد هالبلاء سبحان الله ياالمتفائلة قبل يمكن 8شهور (قبل الاضطراب )كان يحكي لي انه راحم اخوه لانه يحشش وكان يحكي لي عن اضرار الحشيش وقالي انه يلعب بالمخ وقال لي ان الللي يحشش مايستغني وكل فلوسه تروح قلت له ليه قال لانه غالي ويحتاج ياكل معه حلى قلت له ليه مايتركه قال اتمنى ذلك وانا حاولت معه ووديته لمستشفيات لكن مافي اراده الله يهديه يارب ولا يبلانا وكان مررة مستاء لوضع اخوه طيب ممكن توضحين لي اضرار الحشيش علي لو استشقتنه انا وعيالي؟ |
بصراحه لا أعلم هل هو حشيش أم لا ولكن حسب معلوماتي لا يوجد تبغ يلف بالطريقه اللي تقولين عليها
أختي لابد من مصراحة زوجك واخباره أنك تعلمين أن هذا حشيش ليبعد عن استخفافه بك وكذبه عليك ولابد منك أن تقفي بجانبه في هذه المحنه وتنصحينه وتبينين له أضراره وتشدين من أزره لكي يقلع عنه نهائيا ولا تقولين هو يعرف أضراره وما يحتاج أخبره عن شيء عارفه لا خبريه وكرري عليه كثر الدق يفك اللحام ( وذكر فإن الذكرى تنفع المؤمنين ) إن كان زوجك يريد الإقلاع عن التدخين هذا السم الذي ينهش جسده هذا الإنتحار البطيء فإليك الطريقه وهي كل ما دخن زيقاره واحده يقوم ويتوضأ ويصلي ركعتين وعلى حسب عدد الزقاير يقوم يصلي عن كل زقاره ركعتين طريييقه مجربه ومن جربها يقول أنه لمدة أسبوع فقط ووجد نفسه مقلع عن التدخين نهائيا أسأل الله أن يهدي زوجك ويرده إليه ردا جميلا اللهم صل وسلم على نبينا محمد |
اقتباس:
يقول انت تتهميني وعصب علي قلت انا متأكده وانا بحثت بالنت وعرفت ان اللي تشربه حشيش وقلت له اني واثقة من كلامي قال ماعليك من النت وهذا صح يشبه شكله الحشيش ويشبه طريقته لكنه مو حشيش قبل فترة قلت له عن علاج يساعد في ترك التدخين قال لي انا ماودي اتركه لاتجيبينه هو صديقي الوحيد لاتحرميني منه مع انه قبل الاضطراب كان وده يتركه مرة بالنسبة للصلاة حاليا مايحافظ على الفرض فكيف اقول له صل سنة ؟ |
[gdwl]) ظهور تصرفات وتغيرات نفسية أثناء أو مباشرة بعد استخدام الحشيش كالابتهاج الزائد, اختلال الوظائف الحركية, القلق, الإحساس ببطء مرور الوقت, سوء الحكم على الأمور.
2) اثنين أو أكثر من العناصر التالية تظهر خلال ساعتين من استعمال الحشيش: a. احمرار العينين.[/gdwl] هذه الاعراض وغيرها ماشفتها بزوجي وش تفسرون الامر ؟ |
السلام عليكم ورحمهالله
تفسير الامر انك على الفطره وزوجك يستغفلك....الحشيش انواع موضروري تظهر على الشخص كل الاعراض وانصحك باخذعينه من هذا الشيء وعرضه على شخص قريب منك حكيم حتى لاينشر الموضوع وتتاكدي من شكك وحتى مايسبب لك مشاكل في بيتك وان تكوني مع زوجك في محنته.... استغفرالله العظيم |
اقتباس:
كل اهلي لو يدرون ببعض اللي قاعد يصير لي اخذزني منه على طول مافي مجال الله ييسر لي يارب المشكلة لو تأ:دت ان هذا حشيش وش بسوي مابيدي حيلة |
يا أختي ، غالبية من تفضلوا بالرد قبلي أكدوا لك أنه حشش ، وأنا أضم صوتي لهم . لسنا في موضع يريد أن يخرب عليك حياتك ، ولكننا نريد أن نوضح لك ما انتِ غافلة عنه وأيضاً طريقة زوجك في استغفالك ، ولا حول ولا قوة إلا بالله .. صدقيني يا أختي ، ما يتعاطاه زوجك حشيش ، وابحثي وستعرفين .. الله يكون بعونك . |
في نهار رمضان هذي بس تكفي لاحول ولا قوه الا بالله .
|
اقتباس:
لكنه ينكر مررررة ويضحك علي لمن اقول له اني عارفه الله يعين يارب ويفرجها من عنده |
اقتباس:
|
انا قلت لك اطلبي مساعدة مرشد ادمان الاستاذ يوسف الصالح ولو يسمحون المراقبين والاداره لادرجت لك رقمه لكن دقي على سنترال مستشفى الامل بالدمام واطلبي رقمه وهو راح يساعدك باذن الله وادخلي منتداه باسمه يوسف الصالح ابحثي قوقل وسوف يظهر منتداه وادخلي هناك وراح يساعدك باذن الله وفقك الله للرأي السديد
|
الجميع ابدى رايه وانا ابي ابدي رايي والحقيقه ان رايي مختلف عن الجميع و يمكن تشوفي انه غريب ، اولا وقبل كل شي هذي صوره للحشيش
http://2.bp.blogspot.com/_4rm3tafPIb...0/untitled.bmp طبعا بلا شك زوجك يحشش وخليني اعطيكي نصايح ، اولا جلوسك في البيت مع شخص يحشش يجعلك انت ايضا محششه ودمك يمشي فيه المخدر لانك تشمين الدخان (ولو كنتي جالسه في غرفه ثانيه) و ثاني شي لا تمني نفسك بانك راح تقدري تخليه يقلع عن الحشيش المدمن مدمن ولو اقلع راح يرجعله في يوم من الايام وبرايي ان عدد الاشخاص اللي يقدرون يتركون التحشيش بشكل كامل وناجح هم واحد من كل عشرة آلاف (راي شخصي) وهذا الواحد بالعاده يكون فيه خير و تلاقيه طاح بالغلط في التحشيش اما زوجك واسمحيلي بهالكلام واضح عليه رايح فيها من شراب لحشيش !! يعني من جرف لدحديره وحطي في بالك اذا كان زوجك الحين مايسويلك شي مع الوقت بيضربك و بعد كذا وبكل بساطه اقولك في يوم من الايام بيقتلك ...... أيه بيذبحك وانا اطلعت على حالات كثيره المحشش فيها يقتل اهل بيته (امه واخوانه) فمابالك ببنت الناس و لاتقولي زوجي واعرفه ترى اللي يحشش يسمى تحت تاثير المخدر يعني يسوي اشياء من غير وعي وكمان لا تقولي انه الحين مايسويلك شي لأنه مع الوقت راح يسوي اللي اقولك عليه و في النهايه راح تخسري اغلى شي عندك وهو حياتك و ثالث شي المدمن مافيه خير ابدا ابدا لا دين ولا اخلاق ولا فلوس دينه يروح لانه مايصلي ولا يصوم (وترى زوجك مو اول واحد كل المدمنين كذا)، و لا عنده اخلاق بسبب تاثير المخدر تلاقيه كله صراخ و ضرب ، ولا عنده فلوس لانها كلها تروح على المخدر اللي يشتريه و المشكله ان المدمن حالته ماتبقى زي ماهي و إنما تزيد مع الوقت وحياتك تصير جحيم ، وانا لو مكانك كان ما اقعد معه ولا ثانيه واتطلق منه اليوم قبل بكره و اقسم بالله ان النوم على الرصيف والاكل من القمامه (الله يكرمكم) اهون واشرف من العيشه مع مدمن (ومثل ماقلتلك لاتقولي هو مايسويلي ولا شي.. لأنه مثل ماقلت سابقا ان حالته تتدهور مع الوقت) و نصيحتي انجي بحياتك الحين قبل ماتنتهي حياتك على يده ، ولاتقولي انا زوجته وباوقف معه و احاول اساعده ... لأنه غيرك جرب و مانفع معه وفي النهايه هم راحوا فيها و ممكن يجي واحد ويقول الزوجه اللي ماتوقف مع زوجها في الضراء قليلة خاتمه و انا اقول هذا الكلام صحيح لو ان زوجها مريض او جاته اعاقه مستديمه او عليه دين و هي تساعده او اي شي إلا الإدمان لا عواقبه وخيمه، اذا انتي تحبينه و متعلقه فيه روحي الحين لبيت اهلك و علمي ابوك بالسالفه و قولي لزوجك ما ارجعلك إلا اذا بطلت تدخين مو بس حشيش) ووقتها اذا كان لك معزه عنده راح يضحي هو مو انتي اللي تضحي بعمرك على شخص مامنه فايده وإذا انكر ان يحشش خلي ابوك يقوله بيني وبينك المستشفى حلل دم واذا كان عنده حركات يقدر يخدع فيها تحليل الدم ترى في تحليل للشعر (يعني ياخذون عينه من شعر راسه) و ميزه هذا التحليل انه لازم يترك الحشيش مدة ستة شهور حتى يطلع انه مايحشش غير كذا راح يبان في التحليل انه يحشش وانا شبه ضامن انك انتي لو حللتي لنفسك راح تلاقي ان دمك فيه مخدر لانك تجلسين معه بنفس البيت. داري اني طولت بس حبيت اقدم النصح لك لان الموضوع مو سهل وانا اشوفك متساهله جدا في هالموضوع وكانه موضوع بسيط. |
السلام عليكم اطلعت على موضوعك اليك نقاط بسيطه و ستجدين ان شاء الله مفعولها:
1- زوجك مدمن و مدمن قديم لان الاعراض لا تظهر عليه و هذا دليل على أن أدمانه قديم جداً 2- زوجك يبحث عن شخص يساعده و هو لمح لك بطرق مختلفه لان الرجل صعب يطلب مساعده بشكل مباشر من أنثى و لتكوني انتي له خير عون بالطرق البسيطه و المباشره وهي كثيره و سأذكر لك بعضها. 3- بيني له انك غير مرتاحه ولا اولادك مع هذا الامر. 4- عاللجي الموضوع معه على أنه تبغ وليس حشيش في البدايه و اذا لم تجديد تجاوب صاريحه بأنك تعلمين انه حشيش ولكن كنتي ساكته لاجل عدم اغضابه و حباص له. 5- أطلبي منه أن يترك التدخين و ساعديه على ذلك ... 6- لا تجلسي معه حين اشعال الحشيش و بني تذمرك بطريقه مؤدبه ... 7- وضحي له ان الامر يغضب الله و ان فيه ضرر على سعادتنا و حياتنا و ديننا... وعلى أطفالنا اذا كبروا. 8- الأب المتعاطي ينجب ابناً سيتعاطى... اذا كبر... 9- بيني له أنك تحبينه و أن هذا كله من أجل أنك تحبينه ... 10- حان الوقت لتغير الوضع ... 11- لا تتركي له فراغ و أشغليه بالمفيد والنافع.. 12- أقلع عن التدخين لا الحشيش .. و أجعلي الأمر كما يريد... |
| الساعة الآن 08:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©