|
محتار شو اقدم هدية عيد الفطر لزوجتي
السلام عليكم ورحمة الله وبركاته
طبعا العيد قرب وكل عام وانتوا بخير مقدما محتار شو اقدم هدية حق زوجتي :21: شريت لها ساعات شنط ماركات واحذية لاب توب موبايل وخط حلو قلوب من شوارلفسيكي عطور اذا عندكم شي حلو مميز اقدمه ك عيدية ياليت ماتبخلون علي والميزانية من 500 لغاية 3000 درهم اماراتي او ريال سعودي افضل اهديها هدية اكثر من اهديها فلوس للعيد لانها موظفة ومو محتاجة فلوس تحياتي |
احجز بفندق ويك اند لحالكم انت وياها في أي مكان
يومين فقط .. بتكون احلى هدية الله يهنيكم ويعيد عليكم العيد بالسعادة |
اقتباس:
شكرا على التفاعل السرييع :d بصراحة العيد اسبوع وانا مخطط ان ثاني يوم العيد باخذ الوالدة مسكينه في خاطرها تروح دبي وتقعد في فندق لو يوم واحد وبعدها باخذ زوجتي وبنروح فندق بس انا بغيت اهدي عيدية :25: تحياتي |
والله ياخوي انا موظفة ولا عندي مانع استلم فلوس ابدا :)
تظل للواحدة خصوصيات وحاجات (كماليات) حلو انه يكون معها فلوس زيادة تصرف بدون احساس بالذنب عليهم الله يهنيك |
اقترح سفره حلوه بشاليه رايق الله يديم عليكم السعاده نقل لقسم المتزوجين مكانه الانسب |
خاتم الماس من دماس :)
الله يسعدكم |
في احد الاعياد..قدم لي زوجي عيدية كانت من اجمل واروع العيادي....حجز لي في منتجع راقي في دبي ولانه حب يدلعني....نظم لي برنامج يضم مساج وسبا وتقشير وترطيب وغيره من انواع العناية بالبشرة والجسم انا متعودة اسوي هالاشياء بين فترة وفترة...لكن ذاك اليوم كان غير...المكان روووعه والاجواء اروع وقال لي اليوم لج ارتاحي وانا بمسك العيال...وان خلصتي اتصلي علي.....بعد ما خلصت ...خذتني الموظفة للجناح وانا طول الطريق خايفة واقول لها لا زوجي الحين بيي...تقول عادي تعالي غيري ملابسج هذي خدمة نقدمها مجانا... ولما دخلت الجناح الملكي ....تفاجأت بالزينة والورد والشموع والكيكة والعشـــاء الرومانسي في البلكونة... وتفاجأت بزوجي حبيبي ينتظرني بالجناح...والله من فرحتي دمعت عيوني حضني وقال لي غلبتج مفاجأتي احلى من مفاجأتج العيد اللي طاف...زوجي كان شاريلي فستان لبسته وتعشينا وجلسنا طول الليل نسولف ونمزح ونمدح بعض والحمد لله كانت من اروع الذكريات... قبل لا انسى...عيديتي كانت ( 5000 درهم ) كان حاطنها في صرة مخملية صغيرة مع عطــر... هذا مجرد اقتراح او فكرة حبيت اقدمها لكم....والله يسعدكم ويوفقكم ياااارب.. اختكم ---- لمني بشوق |
اخوي انه كنت اظن انك مالك مش متزوج !!
الله يوفقكم |
عيدية الأخت لمني بشوق حلوة وايد ومميزة وبما إنك بتحجز لكم بفندق طبقها وترى مو لازم تكون مادية الهدية المعنويه لها أثر حلو في نفس الزوجة خصوصاً إنك ما شاء الله مو مخلي شي مو جايبه لها فالتغيير حلو استغل وجودكم بالفندق وفاجئها وممكن تحجز لكم تذاكر لسفرة حلوة ولو كنت مصر على الهدية المادية ممكن تاخذ لها شي حتى لو كنت جايبه من قبل بس طريقة تقديمه تكون غريبه ومميزه وعيدكم مبارك مقدماً |
ممكن دهب او ألماس
او حاول تشوف اذا هية محتاجة شي معين |
وعليكم السلام ورحمة الله وبركاته..
ممكن كاميرة احترافية! ---> بما انك مصور وعلمها مرة وحدة :22: ممكن تسرق عباية من عباياتها وتاخذ القياسات وتفصل لها عباية كشخة مع شيلتها وأنصحك بالمتحجبة تفصيلهم رائع بصراحة واطلب منهم الكاتالوج وشوف لها موديل حلو.. عدة مكياج من ايف سان لوران أو جيفنشي أو ديور, طبعا لازم العدة تكون كاملة وفيها كل الأدوات.. ملابس نوم ناعمة.. خلخال (سلسلة تنلبس بالقدم) راح تعجب زوجتك كثير أو سلسلة ناعمة تلبسها بإيدها.. نظارة شمسية ماركة, نظارات دولتشي آند غابانا روعة وعن تجربة وعندك بولغاري أو شانيل (قيمتهم توصل ال2500 درهم).. بس خلصت أفكاري وراح أرجع اذا حصلت فكرة جديدة.. تحياتي.. |
اشترلها سيـاره .. ههههههههههههههههه الله يووفقكم اخـوي .. عجبتني فكـرة { لمنـي بشوق .~ وبعـد جا ببالي تشري عبـااااايه مثل ماقالت دلـوعة حسين . بمـا انك ماشاءاللخ خلصت كل افكـار الهدايا من شنط وساعات ولاب توب ............. الخ او اذا يعني عجـزت .. الصراحه يظل الألماس سيد الموقف وآسر العيـون والقلوووووب .. احلى شي الصـراحه تقعد تكشخ فيها جدام رفيجاتها <<< وناسه صرت اتحتشى تشويتي هههههههههههه << كويتي بالتـوفيق .. |
ياااااااااااه
اشكركم على تفااااااعلكم المشكلة ان معظم الي ذكرتوه يبته لها وانا مادري شفيني كله احس اني مقصر من ناحية الهدية :21: الشي الي يحسسني اني مقصر انها تييبلي هدايا وانا المشكلة اذا يابتلي شي لازم ايييب واتلوم |
اقتباس:
اهلا بك يا بكر الشايب بصراحة هي راتبها ماشالله وايد عالي يعني ماتحتاج فلوس يعني يتعدى ال 30 الف شهريا ماشاء الله تحياتي |
اقتباس:
هلا بمشرفتنا وشكرا على النقل ان شاء الله بنروح اروربا شهر 10 وحجزت وكل شي تمام ولله الحمد |
اقتباس:
ويسعدك ويخليك ربي بس انا شاري لها خاتم من داماس الماس ماركة كارتير الي عليه نمر من شهرين حرام اشتري مرة ثانية :21: |
اقتباس:
بصراحة فكرة حلوة .. ورااائعة بس هل المنتجع رتب كل شي؟ وشو اسمه بارك الله فيك ؟ |
اقتباس:
لا ابشرك تزوجت :22: |
اقتباس:
اشكر تفاعلك هي اشترت طقمين ذهب واحد خفيف وواحد ثقيل خلال حق العرس حرام جداد ماكملو 3 شهور المشكلة لو كانت محتاجة شي كان راحت وشرته على طول |
اقتباس:
شكرا مرورك اختي دلوعة حسين بصراحة انا يبتلها كاميرا .. مرة قريت في موضوعج مال الكاميرا ان سوني الجديدة متطورة اكثر من قبل وانا وقتها كنت ارجح سامسونج .. في نفس هالفترة رحت السوق وجربت كاميرة السوني الي خبرتينا عنها .. واشتريتها :28: بالنسبة للعباية .. هي دورت عبايات حقها في اغلب الاسواق وماحصلت الي تبغيه .. عشان جذي سافرت البحرين يومين بس عشان تفصل عبايات حق العيد .. :29: المكياج هي تاخذه بشكل دائم من كل محل شي سواء ماسكارا او بلش او صبغ اظافر.. تاخذ من ماك واريج و اجلوت .. ( ههههه حفظت الاسامي من كثر ماتروح ) هي مافي نظارة شمسية مناسبة لوجهها .. لفينا الامارات كلها .. في النهاية حصلت نظارة في دبي تلائم وجهها وخذيتها لها .. وكان قبل شهرين .. حبيت فكرة الخلخال والسلسلة الناعمة .. من وين احصلهم ؟ |
على فكرة هي للحين ماشرت لبس حق العيد .. وماتعرف شو تاخذ بحكم ان اغلب المحلات مسوين تنزيلات
وبضاعتهم " مزجااه " شو رايكم ؟ تحياتي |
اقتباس:
و تقبل الله طاعتكم كلامك صحيح 100% وبالفعل عجبتني فكرة لمني بشوق والخلخال والسلسلة الي تكلمت عنها الاخت دلوعة حسين تحياتي |
اقتباس:
حلوه هذه :) يعني إذا الفلوس من الزوج مابتحس بالذنب وهي عم تصرف أم لو تصرف من فلوسها تزعل وبتنقهر :29: ياأخي اهديها قلب أحمر كبير فصله تفصيل عند الخياط واكتب عليه كلمتين حلوووين :23: |
اقتباس:
اخي سوري الفلوس من جبين وعرق الزوج لها طعم تاني لا مثيل له تحس ان شربت الماء تروي جروح ولن استطيع ان ازيد على اقتراحات الاخوان ماشاء الله كفو ووفو |
اقتباس:
تحصلهم في داماس أو سواروفسكي أو ممكن تطلب منهم يفصلولك الخلخال مثل ما انت تبيه بس راح ياخذ وقت شوي.. |
اقتباس:
سيارة مرة وحدة ههههههه بصراحة انا جايب لها خاتم الماس من شهرين والله .. وهي الي اخترته وماكان رخيص |
اقتباس:
بس من هم الي يفصلون ؟ تقصدين داماس وله سوارفلسكي او اثنينهم ؟ عشان اروح من الحين |
اقتباس:
هههههه ضحكتني يا خوي سوري شكرا على المداخلة اخي سوري حنون القلب الاحمر فكرة جيدة ان كان مرافق مع الهدية بما انها عيدية .. هدية عيد :) |
اقتباس:
اهلا اختي جرين اذا كانت هي الحمدلله مكتفية ماديا وزيادة ... أحس الفلوس ماراح تعنيها شي وهي تحب الشيء المعنوي كمان ومو بس المادي ,, بس انا افكر اهدي شي مادي .. او مثل طريقة الاخت لمني شوق تحياتي |
اقتباس:
عندنا سواروفسكي يفصلون وما عندي فكرة اذا داماس تفصل بس انت اسألهم..وما أعتقد راح تحتاج تفصل لأن عندهم أشكال وايد ناعمة وحلوة.. تحياتي.. |
المنتجع اللي اختاره زوجي اسمه منتجع مدينة جميرا زوجي قال لهم في الاستقبال عن الخطة ...وانه يحب يفاجأني ويسوي لي برنامج...وهم تولوا المهمة وساعدوه في تزيين الغرفة ووصاهم علي...يعني هم اهتموا في كل شي...وكان المنتجع فاتح جديد... واذا حبيت اخوي...في فندق آخر اسمه Grosvenor House قمة في الذوق والرقي والدلع....فاجأت زوجي فيه وقضينا أجمل 3 أيام فيه.. من مطاعم ومساج وغيره اتمنى لك التوفيق...والله يجمع بينكم بالمودة والمحبة دووووم اختكم---- لمني بشوق |
أولا أنا غير متزوج
لكن بتلقف وبرد على موضوعك أعتقد إن الهديه ليست بقيمتها الماديه وإنما بقيمتها المعنويه بعطيك فكرة حلوه ورومنسيه للهديه وماراح تكلفك شي لكن أعتقد مفعولها قوي وهي إنك تروح للمستوصف وتأخذ أشعه على صدرك وتأخذ الإشاعه وتوديها للخطاط وتخليه يرسم قلب على الأشعه ويكتب بوسط القلب إسم زوجتك وتحطها ببرواز حلو وتغلفها وتهديها زوجتك وما يمنع تحط معها رساله حلوه وخاتم ذهب الهديه ليست بقيمتها الماديه لكن بقيمتها المعنويه وأعتقد انها لن تنساها لأنها ليست هديه تقليديه دعواتكم لي بالزوجه الصالحه |
| الساعة الآن 09:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©