زوجي رافض يوديني لأهلي إلى بعد العيد
 

السلام عليكم .

زوجي رافض يوديني لأهلي هذا الاسبوع واللي بعده يقول بعد العيد اوديك


بحجة زحمة الدائري وماله خلقه . كل اسبوع اشيل هم من الدائري وزحمته


وتغير مزاج زوجي منه وش اسوي اسكت . يوم بان على الزعل زعل هو مدري من اللي


يزعل اصير طبيعيه وماكأن شيء صار ولا ازعل شوي .

مع العلم أن زوجي عنده اكتئاب لأسباب في الماضي ويجيه من اي سبب بسيط

قبل كم يوم كان مكتئب وما صدقت رجع طبيعي وأنا احاول ما ازعله عشان ما يجيه الاكتئاب .

عفواً تم تعديل العنوان ليتضح المضمون
الاشراف

فعلا اختي زي ماقال الاخ عزوبي خلي يوديك احد من اخوانك وداريه واحتسبي وسوف تجديه عند الله

إذا خليت واحد من اخواني يوديني ويجيبني

بيتعود وصعبه اخواني كل مرة يودوني ويجيبوني .

ياختي هونيها وتهون ودامه رافض قولي له لبيه وسم اللي تبي مايصير تضغطي عليه صادق الايام هذي الواحد مايحب يطلع من البيت بسبب الزحمه وراعي نفسيته ترى ماصار شي خليهم يفقدونك شوي وسةي نفسك متغليه عليهم عشان تعرفين غلاتك عندهم اذا مره فاقدينك بيرسلوا لك احد اخوانك معليش حبيبتي انت في عصمة زوجك صدقيني اختي بيتها جنب جدار بيت اهلي واذا قال لها زوجها لاتروحين ماتروح ياختي زوجته وبكيفه الله يشفيه ويتم عليه ويصلح بالك ويهدي سرك معه وتقبلي مروري

اقنعيه
انتي وشطارتج

معليش يا الاخت زوجة الغالي

انا مع زوجك والله ما تعرفوا كيف الواحد يسوق السيارة بالذات في زحمة رمضان

وإن شاء الله خير لكم وبعدين يعني الطلة على الأهل تكون أحلى في العيد إن شاء الله

فهمي زوجك بأن اخوانك سيقومون بهذا المشوار نيابة عنه في رمضان فقط (مؤقتا بسبب زحمة الشوارع في رمضان ) وبعد رمضان يقوم هو بهذا المشوار كالمعتاد .

اخوانك طلعيهم برى الموضوع وحتى اهلك خليههم يشتا قون لك اكثر
اذا جا العيد وشافكم لابسين ترجوه ولا اخذوا تكسي

طيب وش اقول لاهلي زوجي معي يجيبني عشان زحمة الدائري


احس انهم بيستهزئون فيه هذا عذر .

يا انتي تزعلي يا اما هو


اذا زعل هو رح تزعلي معو

واذا ما زعل رح تزعلي لوحدك



انتي اختاري زعل جماعي او فردي



اكثري من الاستغفار نحن في العشر الاواخر من رمضان