|
زوجي قفل الباب علي مع الهندي((حُلت ولله الحمد ))
انتوا تعرفون اني سكنا انا وزوجي وطفليني في شقه مفروشه بشكل موقت صاله وغرفه وحمام
اليوم زوجي جاب هندي ينظف الصاله مع الحمام واحنا كنا بالغرفه ركض ولدي وفتح الباب وشفت ايد الهندي ويمكن هو شافني ما ادري انخشيت تحت السرير راح زوجي وعطى ولدي سطار ورفع نعاله عزكم الله وجاني قال هو شافك ولا لا انا قلتما ادري على طول لبس جوتي عزكم الله وانا كنت الطف الجو بكلام حلو الا يقول انا عندي عمل واحتفال قلت والهندي قال اذا خلص شغله اطلعوا قلت له وش يضمني انه مو بالحمام اللي يشوفك من شوي غاير ما يقول هذا انت قلت له اخذه معاك عنه ما نظف قال انتي مو صاحيهقصده ليش مكبره الموضوع قلت انت ما عندك مبدأ المهم طلع وانا دفيت الباب عليه راح دق تلفون وقال اش هالتسكيره قلت والله انا خايفه على نفسي لا انت ولاهو امينين علي تفل وسكر بوجهي ما ادري هو صاحي ولا مجنون للعلم هو راعي صلاه ودين ومايرضى اروج السوق بدونه ولا اكلم رجال |
طيب يااختي ليش انتي متنظفيش :29: بنفسك:22: واعلم انك في شقه مفروشة طيب احنا لما بنروح السعودية لأداء العمرة مو بنخليه يدخل ابدا احنا نسوي كل شئ هذا راي تقبلي:d مروري
|
ليش الهندي ينظف الشقة ؟؟
معليش سؤال لازم اطرحه ! كلها صالة وغرفة وحمام على قولتك ! وش فيها لو نظفتيها ومنعتي عن نفسك الاحراج ؟ |
يسر الله امرك الحمدلله هذه مومشكلة هذا موقف وحله لايدخل العامل الشقة هي صغيرة قومي انتي بها لن تأخذ منك وقت
|
انا اصلا ودي انظف الشقه كلها ما عندي مشكله
اصلا انا انظف الغرفه والهندي ينظف الصاله وليش مو انا اللي انظفها لان انا ماعندي لا مكنسه ولا مناشف ولا شي من ادوات النظافه حتى الصابون وزوجي يقول لا ماراح اشتري شي من هالاشياء الحين خلي الهندي المسول عن الشقق هو اللي ينظف الحين انتو قولوا لي منو الغلطان انا ولاهو |
الاعضاء تركولك المشكله ومسكو في العامل الهندي ليش جوى البيت
كعادتنا في المشاكل مؤخرا نمسك الاطراف وننتقد وما ننظر للمشكله.. نرجع لموضوعك مادري كيف شخصية زوجك يعني هو متعود يتفل عليك ولا ما يحترمك؟ صراجه ردة فعله غريبه انه تركم مع الهندي برايي اجلسي معاه وافهمي ليش اتصرف هذا التصرف وتركك مع الهندي لحالك بالشقه.. بس حاولي ما تعصبي عشان تفهمي منه لعل وعسى يرد عليك برد مقنع.. |
اقتباس:
لا هو مو طبعه وهذا اللي قهرني من جد زعلني منه انا ماودي اسأله لين يفتح هو الموصوع مشكوره لانك فهمتيني |
انا اتوقع انه تركك لانه عارف ان المكان فيه ناس غيرك وما راح يتجرأ الهندي يسوي شي ............بس عاد ليش اتصل وزعل منك لانك سكرتي الباب......؟؟؟ هذا شي انتي افهميه منه بطريقتك الخاصه:)
|
غاليتي ورد وذبل يا حبيبتي زوجك تركك داخل الغرفة مع ابنك ومأمن انك قافلة البال صح ولا لا ؟ بعدين انا عشت زيك في شقة مفروشه حوالي اربع شهور وكان في عندهم روم سيرفس طاقم نسائي ولا رضيت يدخلون شقتي ينظفون .. واقنعي زوجك يجيب لك هالادوات انتي بتحتاجينها على اول وآخر هدي اعصابك .. ولا تلوميه تخيلي نفسك رجل مسؤول عن عائلة ومسكنها في شقة مفروشه ومو ماخذ راحتك ومنقرف ومضغوط ! ساعتها بتقدرين تصرفه الخارج عن طبيعته الله يصلح قلبه وقلبك |
الله يهدي زوجك هو غلطان بس ممكن فكر انه في مكان عام
كان تفاهمتي معه احسن من انك تتهاوشي معه انا الحين ساكنه مع زوجي في شقه مفروشه ووفرت جميع ادوات النظافه وانظف بنفسي لأني ما اثق الا في تنظيفي و يستحيل ندخل العامل الحل انك تغني نفسك عن العامل منعا للمشاكل والله يهدي النفوس |
اقتباس:
اتوقع جذي!! |
زوجك مخطي لاكن لاتكبرين الموضوع عاتبيه بلطف لاني استشف من خلال تصرفه انه من النوع الذي لايحب ان يعترف بخطئه مع علمه انه على خطى ولذلك التشره عليه بذوق وحنان ولطف افضل بكثير واجدى من العتاب والنقد المباشر اسأل الله لكم السعاده والتوفيق
|
اختى كيكه فراوله
المكان مو عام ابد واغلب الاصوات اصوات شباب وزوجي حريص بزياده بس مدري علامه صار رخو انا مقهوره من التفله! |
اقتباس:
اهو صح مأمن اني قافله ويعرف اني عاقله بس اهو ما يظمن الهندي انا ودي انا اللي انظف خاصه ان الجهال يحوسون بسرعه بس مو راضي كل يوم يقول احنا بنطلع ماله داعي واذا ع القرف انا اللي بنقرف لاني طول الوقت فيها انا مو قاهرني قد التفل ويسكر التلفون |
اختي اوزون الله يسمع منك
ناني انا معاك بس ليش يتفل اخوي طبيب جراحشكرا ع النصيحه وبحاول اعمل بها |
اسلوب زوجك فظيع بصراحه
يتفل؟؟؟؟ ويسكر الخط؟؟ مادري شكلج استفزيتيه بالكلام |
حقيقة ما ارعبني بالموضوع ليس التفله ولا انه سكر الخط بوجهك
بس ارعبني انه تركك مع رجل اجنبي وعامل نقول له سنين لم يلمس امراه ويجد امامه امراه ومتأكد ان البيت مافيه رجال قولي الحمد الله انه لم يكسر الباب ويهجم عليك الله يستر عليك ويهدي زوجك |
الحكمه فى بطن الشاعر اساليه اولا فلا يحق لامرء ان يحكم على شخص بلا تحقيق معه والسؤال عن مقاصده ربما اخطا دون قصد ربما جهل ربما يمتحنك ربما وربما |
اقتباس:
ساعات يصير هذا اسلوبه بس اني نرفزته لا ما اعتقد حتى لما كنت اكلمه بهدوء هو وده يتفل |
اخوي عاشق الجواهر
اي والله الحمدلله اللي ربي ستر اخوي محمد اللي اعرفه ماعنده حكمه واذا كان يختبرني فهو طاح من عيني واذا كان جاهل ما اظن اللي بعمره جهال |
يا اختي اذا بدك تجيبي خادم ولا بد خليه امرأة وليس رجل حفاظا على الحياة الاسرية من الانقسام حماك الله انت والمسلمين من فتن الدنيا وظلم الناس اللهم آمين |
اقتباس:
|
اقتباس:
يا اختي بدي احكيلك شغلة اذا انت مش قادرة تقنعي زوجك بهذا الكلام معناته ما حدا بلاقيلك حل اذا زوجك شافك قائمة بأعمال البيت على اكمل وجه ببطل في داعي للخادم اصلا حاولي مع زوجك انك تقنعيه انك قادرة على شغل البيت وان شاء الله مشكلتك بتنحل الله يوفق بينك وبين زوجك |
السلام عليكم< مستجدات الموضوع
خلاص جاب لي زوجي ادوات تنظيف كامله يعني مشكله دخول هندي خلصنا منها المهم انا شايله بقلبي ليش يتفل ويسكر التلفون ووو طبعا اليوم جاء وهو معصب جيته وقلت انت ليش سويت كذا قال انا ماخذ رقم الهندي وبدق عليه واذا شفته راح قلت لكم اطلعوا قلت له انت اش ضمنك انه مو بالحمام وقلت له كلام اخوي عاشق الجواهر لما حس انه غلطان قال انتي عليتي صوتك وكان اسلوبك غلط قلت انا دايم صوتي واطي واذا كان اسلوبي غلط لا تلومني من فكرتك الغلط قالت له ليش تصرخ وتفل وتسكر التلفون بوجهي قال انا كنت معصب وافرغ فيك قلت ليش ترضى اني افرغ فيك قال مشكلتك تقارنين نفسك فيني قلت لا ياحبيبي فرغ بجدار فرغ بسيارتك اي شي انتهينا على ولاشيئ بس للعلم وطبع بايخ فيني اذا ناقشت اضحك يعني طلعت وانا خاطري مليان ازود وازود وقررت التالي < طناش> واقضى وقتي بين قرأني واطفلني لين يسأل نفسه ليش ويقول صج غلطان |
حبيبتي
خلااااااااااااااااااص زوجك قال لك انه غلطان بأسلوب غير مباشر يعني لاتكبرين الموضوع وترى مافيه كرامه بينك وبين زوجك انا راح اقول لك على سر اذا كان غلطان واعترف انه غلطان ما راح يقول لك اني آسف بالصريح الرجل مهما كان مايقدر يقول انا آسف يحس انها تخدش كرامته مع انها مو من الكرامه انتي هالحين اذا جيتي بتنامين دخلي يدك في يده وقولي له ما راح انام الا اذا رضيت طبعا هو راح ينبسط وسولفي معاه وكأن ماصار شي اقربي منه على شوي شوي طبعا يدك حتى الآن موجوده بيده واليد الثانيه ملسي بها مقدمة الراس قولي له ياعمري بصراحه اخذت على خاطري منك على انك تفلت بالتلفون وسكرت السماعه بوجهي مع تبويزه بالفم وهو شوي شوي راح يلين معاك ويقول لك بعد انا غلطان عليك وانا آسف ... وصدقيني انا اقول لك راح يعطيك اشياء ويبسطك وتكبرين في عينه اكثر لأنك جيتي تراضينه وعلمينا بالنتيجه معاك......... وترى انا امرأه مو رجال |
هلا بالمختاره
ابشرك حلت المشكله سويت تقريبا مثل طريقتك ومشكلته مو راضي يعترف بالغلط ومسوى في قراره نفسه انه هو اللي مكبر عقله وعاندني بأشياء واجد بس على قولته موقصدي المهم تصافينا وعلأه تفوت ولا حد يموت عسى ربي يوفقج ويسر امورج |
اقتباس:
الحمد الله الله يوفقكم ويخليكم لبعض يااارب |
اقتباس:
هههههههههههههه الله يكمل عليك يااااااااااااااارب انتي شكلك سويتي له تحقيق وهو ماراح يعتذر انا قول لك انتي اعتذري على تسكيرة الباب واني غلطت عليك هو من دون مايقول شي راح يقول وانا غلطان اني سويت لك اللي في التلفون يعني بيستحي منك ويشعر بالذنب المهم الله يسخره لك بس انتي يبغى لك تفهميييييييييييينه انا انصحك انك تشوفين موضوع الملاك يونا وتعرفين شخصية زوجك |
| الساعة الآن 04:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©