|
طفح الكيل مع اخت زوجي(حُلت ولله الحمد )
هالفترة عدنا ناس بالبيت ضيوف ومن ضمنهم اخت زوجي وولدها من شهرين وباقي لهم شهرين وقد ما احاول اتحكى معها واعاملها فوق طاقتي وأهدي هدايا لولدها (مع انهم هم الزوار المفروض محملين هدايا بس صار العكس) وتصد عني وتعطيني طناش ولو لقت فرصة تتنفخ تتنفخ انا للان احاول اتحاشى الاصطدام معها وهي اعتقد مفسرته ضعف وكل مااحاول اتكلم معها حتى ماتناظرني لو ردت من امس انا بعد عطيتها طناش لكن بادب (اقسم بالله اني استطيع افجر معها واسمم بدنها بس مدري وش الي يردني) الحين ما أبادرها بالكلام والاكل ناكل ساكتين ونقوم ولو في امها احاول ما اظهر اي شي مع اني اتوقع ان امها حاسة ان في شي غير طبيعي الي قاهرني انا مو فاهمة ليش هي تسوي كذا..ربما مشاكل سابقة قبل سنتن ثلاثة؟ عيشتها مليون مرة احسن من عيشتنا يعني الغيرة مادية مفروض مافي زوجها مدلعها ومعاها الحين ببيتنا تعليمها ثانوي.. أكبر مني بسنتين ثلاث يعني وش قصدها بالتنكيد هذا واذا اخوها (زوجي) غلط بشي تجي تهاوشني قولوا لي ابدأ أسلوب الصاع صاعين؟ مرررررررة نفسي اقلبها...خاصة ان سلفتي بتجي تقعد عندنا شهر ومابيها تجي تشوفني هبلة انتظر ردكم |
مهما صار ومهما حدث في الأخير الغلط راح يجي عليكِ انتِ لسبب بسيط وهو إن الناس في بيتك ومادام ضيوف عندك فالواجب عليكِ تتحملينهم والأفضل إنك توضحي لزوجك الموضوع وتشرحي له كل شئ عشان يكون في الصورة فلا قدر الله لو حدث اي شئ أو جات اخته اشتكت منك (( للكيد )) فهو يكون عنده خبر الصبر يا اخيتي الصبر ولا تنسي إنهم ضيوف عندك وكرمهم واجب حتى لو زادوا عليك شوي فرج الله همك ونفس كربك وشرح صدرك |
والله فرحت لمارديت علي اخي لمعرفتنا بحكمتك
زوجي عارف ورافع يده ومكبر راسه ...حريم في حريم من ناحية انهم ضيوف صح....بس قبل لايجوا كانوا رافعيني بالسما بالتصالات وغيره(والله اعلم) لييييش هالحين كذا من اول يوم لاحظت هالشي..من ثاني يوم قالبة وجهها والدتي تحررررررررص علي من هالناحية ضيووووووووووووووووف......بس هي ماتدري كيف يعاملوني زي الخدامة..جيبي..ودي...وبين السلايف الثانيين يعاملوهم ملوك انا من جد مقهورة وكل مرة ابكي لليييييييييييييييش سكت وانا اقدر...ابد مو عادتي انهان واسكت اعتقد لو رديت مرة بتعمل لي حساب خاصة ن شخصيتها جدا ضعيفة ومهزوزة |
دائماً عندما أواجه موقف يخرجني عن طوري وتكون فيه فرصة لأفكر لوحدي أقول في نفسي كيف سيكون موقف محمد صلى الله عليه وسلم من هذا الأمر ؟؟؟؟؟؟؟؟؟ يا اخيتي تصرف هذه المرأة معكِ لا يخرج من 3 أمور : 1 / ردة فعل لتصرف سابق أو حالي معكِ . 2 / غيره وحسد منكِ . 3 / سوء تفاهم منكما لأمر ماء . سؤالي لكِ وأتمنى أن تردي بصراحة : هل تحبين أن تكسبين اخت زوجك ام تخسرينها ؟؟؟؟ في حال كانت الإجابة ( أريد أن أكسبها ) فأرعني سمعك بارك الله فيك 7 7 7 اذهبِ ةاشتري هدية لها ... ثم أطلبيها لوحدها في غرفة ... أو تصيدي وقت تكون بمفردها ... ثم قدمي لها الهدية ... وأخرجي مافي صدرك باسلوب جميل رقراق !!! قولي لها بأنك سعيدة جداً بوجودها هنا وفرحه بصحبتها ... لكنك لا تدرين لما هذه الجفوة منها ؟؟؟ لما هذه التصرفات ؟؟؟ هل رأيتِ مني شئ أزعجك ؟؟؟ أنا أعدك مثل أختي وأكثر >>> ومن هذا الكلام وسترين بإذن الله النتيجة !!!!! هدية + كلمة طيبة + أسلوب حسن فإن كانت صاحبة نفس طيبة وسريرة صافية سينتهي كل شئ في وقته بإذن الله ********** أما في حال كانت الإجابة ( أريد أن أخسرها ) فأنا أترك لكِ أحاديث نفسكِ وحب الإنتقام و نشوة التشفي أخيتي لو لم تكن هذه المرأة في بيتك !!!! قد يختلف ردي كثيراً وقد يتشابه في بعضه ولكن تذكري قول حبيبي وحبيبك محمد صلى الله عليه وسلم في الحديث الذي رواه أَبِي شُرَيْحٍ الْخُزاعِي رضي الله عنه قَالَ : سَمِعَتْ أُذُنَايَ وَأَبْصَرَتْ عَيْنَايَ حِينَ تَكَلَّمَ النَّبِيُّ صلى الله عليه وسلم فَقَالَ : (مَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيُكْرِمْ ضَيْفَهُ ) أصلح الله شأنكم ووسع رزقكم وكفاكم شر من آذاكم |
اخيتي اقول لك وعن تجربة .. لاتكن لينا فتعصر و لاصلبا فتكسر .. اذا هي تجنبتك و هي في الواقع بحاجة اليك فهي التي في منزلكم و يفترض بها ان تكون مؤدبة .. نعم اعملي بأصلك و كوني محترمة معها خاصة وانها ضيفتك ولكن ايضا لنفسك حقا و صدقيني اذا انت لم تضعي لنفسك قدرا فستتعود على ذلك .. ارجو ان اكون قد اوصلت مااعنيه و هو ان تضبطي اعصابك ولاتمكنيها من استثارتك وكوني محترمة و في نفس الوقت حسسيها انك واثقة في نفسك وان لك قدر
والله يصلح شأنك |
الفاضل اخي المجاهد لا اريد ان اخسرها ولا انا ميتة اريد كسبها ولكن طالما هي الان معي يهمني ويفرحني ان تكون علاقتي مع الجميع جيدة
من ناحية الهدية انا من ثاني يوم ذهبت واشتريت هدايا بالهبل وقالت لي بدلي بعضها فاخذتها معي واختارت ...وكنت قد اشتريت اشياء لطفلي من نفس المحل ..فاعجبتها ..واعطيتها اياها ورجعت كما كانت ..حتى ماتناظرني وهي تتكلم وبالنسبة للضيافة اليست ثلاثة ايام..( انا اتساءل حقيقة شرعا هل هي .. 3 ايام ام مفتوحة ) والوعد اذا كانت مفتوحة والله لا اكل تبن واسكت سمعا وطاعة ونزولا عند الشرع على قد ما احاول اكسبها واقول حاضر على امرك وما انزل لها كلمة القى جفاء لكن بالفعل هي في بيتي |
اقتباس:
وبفكر اكلم سلفتي الكبيرة لكن ما ادري وش هي بعد حتقول ...!! والله محتااااااااااااااارة مرة نفسي يكون الوضع صافي أو حريقة اما نص ونص مرة مو عاجبني وما اقدر اكلم الوالدة عشن لاتكبر السالفة |
(( الجواب الشرعي هو )) يجب على المضيف أن يكرم ضيفه ، ويقوم بحقه ، ويدل على ذلك : ما جاء في الحديث عَنْ أَبِي شُرَيْحٍ الْخُزاعِي رضي الله عنه قَالَ : سَمِعَتْ أُذُنَايَ وَأَبْصَرَتْ عَيْنَايَ حِينَ تَكَلَّمَ النَّبِيُّ صلى الله عليه وسلم فَقَالَ : (مَنْ كَانَ يُؤْمِنُ بِاللَّهِ وَالْيَوْمِ الآخِرِ فَلْيُكْرِمْ ضَيْفَهُ جَائِزَتَهُ) قَالَ : وَمَا جَائِزَتُهُ يَا رَسُولَ اللَّهِ ؟ قَالَ : ( يَوْمٌ وَلَيْلَةٌ ، وَالضِّيَافَةُ ثَلاَثَةُ أَيَّامٍ ، فَمَا كَانَ وَرَاءَ ذَلِكَ فَهْوَ صَدَقَةٌ عَلَيْهِ) رواه البخاري (5673) ومسلم (48) . وفي لفظ لمسلم (48) : (الضِّيَافَةُ ثَلَاثَةُ أَيَّامٍ ، وَجَائِزَتُهُ يَوْمٌ وَلَيْلَةٌ) . قال الخطابي رحمه الله : قوله : (جائزته يوم وليلة) سئل مالك بن أنس عنه فقال : يُكرمه ، ويتحفه ، ويخصه ، ويحفظه ، يوماً وليلة ، وثلاثة أيام ضيافة . قلت : يريد أنه يتكلف له في اليوم الأول بما اتسع له من بِر ، وألطاف ، ويقدِّم له في اليوم الثاني والثالث ما كان بحضرته ، ولا يزيد على عادته ، وما كان بعد الثلاث : فهو صدقة ، ومعروف ، إن شاء فعل ، وإن شاء ترك . "معالم السنن" (4/238) . وقال ابن القيم رحمه الله : إن للضيف حقّاً على مَن نزل به ، وهو ثلاث مراتب : حق واجب ، وتمام مستحب ، وصدقة من الصدقات ، فالحق الواجب : يوم وليلة , وقد ذكر النبي صلى الله عليه وسلم المراتب الثلاثة في الحديث المتفق على صحته من حديث أبي شريح الخزاعي – وساق الحديث السابق - . "زاد المعاد" (3/658) . وقال ابن قدامة رحمه الله : "والواجب يوم ليلة ، والكمال ثلاثة أيام ؛ لما روى أبو شريح الخزاعي - وساق الحديث -" انتهى. "المغني" (11/91) . والضيف الذي يجب إكرامه ، وله حق على المضيف ، هو الضيف المسافر ، وهو القادم من بلد آخر . |
الله يكتب أجرك اخي الكريم
كله يدور حول 3 ايام انا خلصت معها قريب شهرين وباقي مثلهم يعني شرعا مالها اي حق عندي ولو اني كنت اتمنى القى انه مدة مفتوحة عشن ارتاح نفسيا من هالموضوع بس الشرع مو بحقها الحين اش اسوي؟ |
السـواة عند رب العالمين ! والله احيانا بهالزمن تنهبلين من وسـاعة الوجهه ! بس مااقول غير الله يلهمك الصبـر ... والله اذا انتي موقادره تفهمين زوجك المشكله وهو يتدخل بمعرفته ! وهم باقي عليهم شهرين .. والمفروض يمشون على مبـدأ { يـاغريب كن أديب } بس الوضع عندك مـوشوووش .. ماشاءالله على قوة تحملك .. الصراحه انا لو مكانك والله لو اختي وهـي اختي وامون وتمون علي ماتحملها 3 ايــام جزاك الله خير تحملتي شهرين وفوقهم دبل .. عشـان كذا .. يااتصبرين وتسكتين وتمشين وضعك .. لين يروحون او روحي وقولي لزوجك دامه ماراح يتدخل بأسلوب طيب وهين ! الوجه للوجه ابيـض .. ودقيها بكلمه يمكن تستحي .. الصراحه عيب الي تسويه .. شوفي بتفهم ولا بتسوي طرشا ماتسمع .. بس والله مادري وش فيك قالبه بيتك فندق .. حتى سلفتك بتـجي ! الله يصبرررك من جد .. ويعينك .. |
اختي
ما الك غير حل واحد هيه عاجبها انها تتعام بهذه الطريقه لهذا تعامك بجفاء ،،، عامل الناس كما تحب ان تعامل تمارسين حياتك بشكل عادي جدا و تروحين وتطلعين و تساليهم مثلا انا طالعه مين حاب يجي معي ،، الي يجي حياه الله وزعي الشغل بينكم مو معقوله هي قاعده 4 شهور عندك اكله شاربه نايمه دخليها معك للمطبخ و وريها اماكن الاغراض و اخبريها اذا اشتهت اي شئ فلمطبخ امامها تعد ما تشاء على ان ترجع كل شئ لمكانه و انت اطبخي عادي لا تزيدي و لا تنقصي اعطيها شغله تنشر الغسيل تكنس الارض تغسل الصحون بلله يا فلانه اعملي سوي مثل ما يقولون لك ولا تنتظري اجابتها و دائما قولليهم انتم اهل ابيت و ما في فرق بيننا اساليها اعملي الشاي حضري السحور وحتى سلفتك من تجي نفس الشي ما دام زوجك شايل ايده هذا بيتك افرضي انت النظام فيه و اخبري زوجك بهذا حتى ما تكون اول و اخر زياره لهم ويتعلمو ما لهم وما عليهم |
اقتباس:
|
الله يعينك يا أختي
وانا مع الصبر الصبر ثم الصبر زوجك حكيم يرفع يده من مشاكل الحريم ويقول حلوها بينكم افضل شيء يسويه علشان لا يجرحك ولا يجرح اخته اتوقع انه اخته متحسسه من كونها ضيفة ثقيلة عندك وما تعرف تعبر إلا بردة فعل التجاهل مدري اذا فاهمتني ولا لا... يعني لا تعتقدي انها المسكينه جالسة في بيتك وعارفة انه باقي لها شهرين وهي مبسوطة اعطيها عذرها يا غالية .. مافي امرأة تطلع من مملكتها وتكون فرحانه وتبي مشاكل هي مشتاقة لبيتها ولحريتها واستقلاليتها وأي بيت بالدنيا ما يعوضها عن بيتها يعني حطي نفسك في مكانها شوي وحاولي ان تشعري بها .. تحاول قليلا ان تاخذ راحتها ولكن سرعان ما تشعر بالغربة فتنسحب (بمعنى تتجاهلك وتتفادى النظر بعينك) الحل .. اتركي لها مساحتها انتي انشغلي ببيتك وبمطبخك وقرآنك واولادك .. ولا تفرضي عليها تجي معك أو ما تجي لا تسأليها عن شيء ابدا.. قرري طبختك واطبخيها وتمشي على اهل البيت قرري وقت طلعتك واطلعي واللي يحب يجي اهلا وسهلا الهي وقتك في اشياء فردية (قراءة القرآن - قراءة - عمل حلويات - جلوس مع اولادك) يعني اشياء ما تحس فيها انها ملزومه فيك كل الوقت والله يوفقك يا رب وينزل عليك الصبر والقوة |
الله يكون بعونك بدل ما يشوفوا خاطرك عشان تتقبلين جلستهم معك يعاملوكي كذا فعلا شر البريه ما يضحك
|
اقتباس:
هم شايفين البيت بيتهم وانا الدخيلة لأن قبل كم سنة انا حصلت مشاكل مع زوجي وحماتي قبل لايجوا وانا هديت البيت وطلعت ويوم جوو كان البيت لهم بس كانوا يبوني ارجع (والله اعلم) يمكن هالعام متضايقين من وجودي :25: شكرا عالدعوة ياقلبي |
لله يعينك وينصرك ويلهمك مزيدا من الصبر ويأجرك على خير
|
اقتباس:
بديت بالفعل ما احاكيها وحاسة براحة مع ان مو طبيعي اما بالنسبة للشغل ...هي من جد البيت بيتها...تطبخ الي تبغى...الطبخ الان عشن رمضان للبيت كله هي تسوي شي وانا شي والشغالة شي...ومانتلكم الا مع الشغالة :) اللي يقهر انها تعلق كل مرة على الطبخ ليش كذا وليش كذا بس انا طناااااااااااااااااااااش ومرة مرتاحة الحين بس برضه احس ان هذا غير طبيعي ومش مرتاحة بالبيت (مرتاحة ان بطنش بس مو مرتاحة للوضع العام) |
اقتباس:
انا بديت اصفطها بس مثل ماقلت مو مرتاحة لأن عيب ..احس اني غلطانة لما ابعمل كذا يعني مرتاحة..مع تأنيب ضمير |
اقتباس:
زوجي رافع يده يقول داريها كلها كم شهر ربما بالفعل هي حاسة انها ثقيلة وبتعمل رد فعل عكسي؟ والله اذا كدة انا راحمتها بس ما اعتقد يمكن عشان هي متعودة على بيت اهلها من غيري؟ (بعد الزواج نقلنا انا الى بيت اوسع لينتقل اهله معنا) بالفعل شكرا على النصيحة حق قراءة القران لأنها استنفذت تفكيري ووقتي وصرت من يوم اصحى ما اخرج غير للضرورة من غرفتي او لغرفة حماتي او المطبخ ويمكن اليوم اغادر البيت ارتااااح كم يوم بيت اهلي (واعتذر عن عدم ردي هالفترة على الموضوع ) |
اخواتي صمت وسكون وصمت الحنان
من جد والله هالي محيرني من جد طفشت الله يغير الحال |
الله يكون بعونك
جلستها عندكم واقع لا مفر منه و انتبهي لاتغلطي معاها بشي لانها ببيتك والكل راح يلومك انتي لانها ما غلطت معاك بكلمه ولو حصل خصام حيقولوا لك انها ما سوت لك شي صحيح ان الحقران شي ينرفز بس استحملي الله اعلم هي تسوي كدا تبغاكي تبدأي بالغلط........ ما ادري عنها خليكي على طناشك ولا تعطيها اي اهميه الين تنعدل معاكي والله يفرجها عليكي |
اشتريلها هدية وانتظري ردة فعلها
|
والله يااختي الحال من بعضه لاتشكيلي وابكيلك لدرجة تجيني في بيتي وامد يدي للسلام وطنشني وتعدي ماتسلم 0فيه اوقح من كذا 000اللي يقولون اشتري هديه لالالالالالالالا(عز نفسك تجدها)انتي ماغلطتي عشان ترضينها0طنشي واحقريها من غير غلط 0في القران { يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّىٰ تَسْتَأْنِسُوا وَتُسَلِّمُوا عَلَىٰ أَهْلِهَا ۚ ذَٰلِكُمْ خَيْرٌ لَكُمْ لَعَلَّكُمْ تَذَكَّرُونَ (27) } سورة النورهاذي شين وقوي عين يعني حتى لو شافتك قالبه المفروض تقدر من الضغط اللي عليك 0الله ييسر امورك ويجعل لك من كل ضيقا مخرجا00
|
ونا كنت اظن اني الوحيده اللي تمر بهالاشكال
صار ربعي واجد الله يعيننا وياكم |
اختي نورسة جربت مانفع
اختي مس ماربل هذا الي انا اعمله الحين اختي رهوووومة ومضاوي :) الله يعين...الله يجمعنا بالجنة .. :) ) |
استغفر الله العظيم
النص الصحيح للآيه الكريمه : ( يَا أَيُّهَا الَّذِينَ آمَنُوا لَا تَدْخُلُوا بُيُوتًا غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَا ذَلِكُمْ خَيْرٌ لَّكُمْ لَعَلَّكُمْ تَذَكَّرُونَ ) سورة النور آيه 27 |
بس حبيت ابشركم ان انا اتخانقت مع زوجي كذا بدون سبب جاني الفجر بيت اهلي يقول يلا البيت قلت له بكرة (يعني بعد الظهر لأن هو مستعجل وانا موجاهزة ومجيئه مفاااااجأة) والظاهر انه مليااااان فقال اولادي باخذهم واذا بغيتي ترجعي قبل العيد ارجعي ولا بكيفك بدالك مليون !!! بجد لاتعليق |
انتي المفروض تكلمينه بصوت هادي
لاترجعين الحين اعطيه عياله ... وقفلي جوالك ... اتركيه يومين وبعدين ارسلي له ماتوقعتك تبيعني بهالسهوله ..انا كنت متضايقه من شي وماحبيت اخبرك.. حسيت اني مو مرغوبه بالبيت ... عجزت ارسل هدايا لاختك لكنها ماترفع عينها بعيني ولاتكلمني لاتسلم حاسه ان احد مكذب علي عندها مدري وش فيها ... قلت بريحهم وبتركهم كم يوم ياخذون راحتهم ...!! وانت اذا بغيتني تعالل خذني انت الغالي ابوعيالي .. ومستحيل اعيد بدونك لانه بيكون اتعس عيد مر علي ... ولما يتصل كلميه بكلام حلوو ومدح لما يعصب ويهاوش لاتراددينه وتدافعين اسكتي لما يخلص لما يخلص قولي له الله يسامحكم... وبس لما يقول ليش.؟؟ دافعي عن نفسك بصوت هاديء وقولي والله ماتوقعت هالشيء يطلع من اهلك اللي حبيتهم وحطيتهم فوق راسي انا حاسه انهم متكلمين عليك .. غلط تركتيه لهم .. بس انتبهي تغلطين عليهم امدحيهم علطووول وانتبهي تراددينه بالكلام او تعصبينه او ترفعي صوتك انتبهي |
ارجعي و اتركي كل شئ
من ايدك حتى لو ما مستعده ارجعي و ادخلي بيتك و مملكتك و انت رافعه راسك المهم تبينين لهم انه ما بينك و بين زوجك اي مشكله خليكي قويه و اكسبي زوجك و اولادك بهلطريقه |
اختي الملاك والغربة مرة
ابشركم رجعت ولو انه ماصار جا العيد الا واجنا متخانقين يوميا من قبل صلاة العيد ويوم العيد وبعده.. واموري مع اخته تعدلت لما جات سلفتي الثانية لانها حقيقة ذوق فصرت اتكلم مع سلفتي واتونس وماناظر فيها ابددددددددد.....:29: واخر يوم رمضان بادرتها وسلمت عليها وباركتلها بالعيد لقيتها لينة:30: المهم مشكلتنا انحلت معاها الحمدلله وياااااااااااااااااااااااااارب يستر عالباقي الشهرين والله يعطيييييييييييييييييييكمالف عافية:17: |
| الساعة الآن 05:41 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©