وزني قليل على عمري
 

وعليكم السلام ورحمة الله وبركاته


اختي الكريمة


كان عندي صديقة ام لاربع اطفال ولا يتجاوز وزنها 42 كيلو !

ذهبت لطبيب حمية ونصحها تبدأ وجباتها بالعكس

يعني بلاش سلطات ومقبلات .. ابتدي بالوجبه الرئيسية اولا .. ثم السلطة

اغصبي نفسك على الاكل اكثر من خمس مرات .. واكثري من النشويات


واذا تحبين اعطيك عشرة كيلو من عندي هدية :)


الله يديم عليك الصحة يا أختي

يا عمري في اكبر منك وأوزانهم أقل من وزنك

عارفه ان شكلك ضعيفه حييييييييييييل وانك منحرجة من شكلك

بس مو مشكلة إذا دخلتي الجامعه وارتاحت نفسيتك بعد الثانوية وارهقها بتسمنين شوي

وإذا الضعف الزايد مو وراثة عندكم في العايلة فتطمني بكرة تتزوجين وتسمنين

وبعدين أنا متأكدة أنك ما تاكلين انتي تتذوقين الأكل بس .. لكن اكل لا

انتي لو تجلسين على السفرة مثل الناس وتملين لك صحن رز مثلاً وتاكلينه كله كان سمنتي

وهذا الشي يبي له كل يوم كل يوم .. مو تاكلين يوم وتقولين تعبت

وبعدين حتى في رمضان مع هالتنويعات في الطبخ ما صار لك زيادة .. ؟؟

شكلك جسمك من النوع الي يحرق

ما عندي وصفة محددة بس الي اعرفه أن

الي ياكل يسمن والي ما ياكل يبقى مثل ما هو

بس حبوب (خميرة البيرة) تسمن مع الأكل طبعاً .. بس لو تبلعين بدون أكل مراح تسمنين

يمالك من الخير

الدنيا دي غريبة محد راظي عن وزنة

طيب اختي
كم طولك؟

حزن الكون
والله ما ادري
هي بالاصل فيتامينات عادية للجلد والشعر

عموما انا اخذها لكن والله مافرق ولا نصف كيلوا بوزني رغم ان لي عليها قرابة الـ 4 شهور ! وبنات قالوا لي انها تسمن بالشهرين حوالي 5 كيلو وربما اكثر !
لكن أعتقد يختلف من بنت للأخرى حسب طبيعة الجسم

ادهني نوتيلا على توست ابيض وكلي واستمتعي واسمني بيه..

حاولي تعملي الرياضه حتى يزيد العضل عندك انا وزني 50 وابغى انقص اشوي ومشكلة كرشتي مع اني ادوام على تمارين مارحت

انا انصحك بفاتح الشهية نورافيت واوراديكسون ثلاث مرات في اليوم وستولاحظين الفرق من الاسبوع الاول وهده الادوية ليس لها اثار جانبي لانني كنت في مثل مشكلتك وجربتها والحمد لله
اتمنى انتجربها فالن تندمي اقسم لك

اذا جديا تبغين تخطيط لوجبتك باليوم علشان تسمنين

ف ممكن تحددين لي كم طولك ؟؟

ووكيف نشاطك البدني ,, تشتغلين بالبيت وكذا..

وكم الفتره اللي انتي تبين تسمنين فيها ؟ كم شهر ؟ (عدد الايام )


ربي يحفظك .. ويسمنك :d

انا ابغى تخطيط
<< داخلة عرض :d

طولي 162 سم
ما اشتغل بس اروح الجامعة من السبت إلى الثلاثاء حوالي أربع ساعات يومياً
بالبيت اساعد الماما أحيانا .. بس ما اشتغل كثير .. يمكن مرة بالشهر او الثلاثة اعمل شغلة في البيت كبيرة لدرجة الارهاق ..
امارس رياضة المشي كثيييييييييير
بيتنا دورين فطبيعي اني اطلع الدرج بكثرة

ابي اسمن خلال السنة هذي ضرووووري .. قبل خطوبتي (الملكة )


بليز هلب هلب مي:d

من عيوني بكرا انزل لك تخطيط لوجباتك باليوم بعد ما تحددين/
- وزنك
- ومعدل المشي عندك ؟ كم ساعه باليوم ..


- تقولين خلال هالسنه :d
كم شهر ؟ هل من 9 - 12 شهر ؟

تسلمي هدوء المشاعر :$
وزني حالياً 47

أتمنى أوصل 60 =(
المشي تقريبا نص ساعة كاملة يوميا مشي متواصل .. ومعها مشي متقطع بالجامعة او بالحوش نص ساعة ثانية تقريبا

خلال هالسنة مو مشكلة 9 شهور او 12 المهم يرتفع وزني ويتحرك

يسلمووو قلبي انتظر التخطيط بحماااس:17:

السلام عليكم ..

شوفي يا قلبي, حسبت لك كميه الكربوهيدرات والبروتين والدهون اللي المفروض تاكلينها باليوم , مع الزياده فيها شوي علشان تزيدين وزنك .

مجموعه الحليب = بديلين (حصتين)
مجموعه الخضروات = 3 بدائل .
مجموعه الفواكه =3 بدائل .
مجموعه النشويات (الخبز) = 12 بديل
مجموعه اللحوم = 3 بدائل .
مجموعه الدهون = 6 بدائل .


انا حددتها وانتي عليك تختارين اكلك ..
عندك في هالموضوع /
http://www.66n.com/forums/showthread.php?t=167799
قائمه للبدائل الغذائيه .

كيف الطريقه /
مثلا مجموعه النشويات مكتوب لك فوق 12 بديل (او حصص.)فـ تشوفين مجموعه النشويات الراابط , وتختارين منها 12 حصه وتوزعين هالـ 12 على الوجبات الثلاث او بين الوجبات ..

مثلا بالمجموعه مكتوب لك /
شريحه واحده خبز توست .<<<هذي تمثل لك حصه ..
فـ انتي مثلا تبين تاكلين عالفطور توستتين (2 توست :) ) فـ تحسبينها كـ بديلين او حصتين ,, يبقى لك 10

وكذا كل المجمووعات ,,
ولاحظي ان هالحصص كلها لااازم تكون باليووم الوااااحد تاخذينها ..

لكن / انا بديت معك بحصص اعلى بشوي من سعراتك اليوميه , فـ حتى تشوفين النتيجه اللي تبينها لازم تتبعين الحصص المكتووبه صح , لا تقللينها مهما صار , واذا تبين تزيدين فـ حلو , خاصه في الخضروات والفواكه والنشويات .
وابي انبه هنا ,انه هذا النظام صحي يحدد لك الكميات اللي تزيدينها بالتساوي , فما نبي نزيد بكميه الدهون مثلا , ويكّون لك بالنهايه امراض .

بعد اسبوعين من الآن ردي لي خبر عن وزنك حتى ازيد المعدل ,

حسب الخطه اللي حطيتها في 6 شهور تقدرين تزيدين 13 كيلوا ,, يالله همتك معي :22:

والله كنت اتمنى اكتب لك وجباتك لكل يوم لكن ما يسعفني الوقت .
فـ لأي سؤال لا تترددي انا حاضره بأي وقت ,



اتمنى لك الصحه والوزن المثالي ..

تسلمي ياقلبي
شرحك كااافي ووافي الله يخليك
الحين اطبع الجدول وبعلقه ورا باب غرفتي :d عشان اشوفه دايم وأنتظم
ببدأ فيه من هاليوم بإذن الله ( 13/1 2010 )
:18:


<< يارب ماينطفي هالحماس :30: راقبني أبله هدوء :d

أوكي بعد أسبوعين بالضبط ان شاءالله ابوزن وابلّغك بالنتائج

الله ينولك ما تتمنين ياقلبي عن جد شكراً تعبتك معي

بالتوفيق يا قلبي , ولا تترددين بأي سؤال انا متواجده , وان شاء الله بعد اسبوعين نشوف كم الزياده :22:

بشري كيف النظام .؟:d

بنبه على مجموعه احليب لازم كامل الدسم
ومجموعه اللحوم اختاري من المجموعه الثالثه بالبدائل كثيرة الدهن

^
^
والله يا أبله هدوء حسيت كمية الأكل اللي لازم أتناولها يوميا كبيرة =_(
الفواكة والخضار واللحوم والحليب ماعندي فيهم مشكله
مشكلتي في النشويات والدهون
كمية كبييييرة وماقدرت اتناولها
قاعدة الحين احاول اتدرج بالأكل واحاول كل يوم اوصل للعدد المحدد من البدائل
وعندي ملاحظة ثانية .. حاسه البدائل مو كل الأكل موجود ولا كل الأكل اللي موجود اقدر اكله
يعني فيه اشيا ما احبها :d فحذفتها وابغى احط شي بدالها مالقيت
مثلا مجموعة الدهون اللي اكله بس المايونيز والزيتون :d
مكسرات وكاجو ممكن اكلها بس مو متوفرة عندي

فهل ينفع اني اشوف محتويات أي شي واكله بديل عن شي سواء شي ما احبه او مو متوفر؟ مثلا اي عصير مو شرط الانواع اللي موجودة بالرابط ؟

وابغى اعرف 30 غرام اللي بمجموعة اللحوم كم تساوي ؟ 30 غرام سمك = سمكة صغيرة؟ << اهم شي صغيرة :d

عندي اختبارات الحين بالجامعة بس وعد وعد امشي مزبوط :d

حاولي ما تنقصين كميه النشويات عن اللي كتبته لك

ممكن تاكلين عالفطور .
-4/1رغيف خبز عربي صغير
هذا فيه 4 بدائل ,,


وعالغدا
-10قطع بطاطا مقليه(بديل )
كوب ارز (3 بدائل)

وعالعشا
ممكن كوب كورن فليكس
او كوب ذره
او تسوي لك توست
(كلها بديلين)


المجمووع 12 :22:


البداائل اكثر من الموجوده بالرابط , لكن بالمنتدى ما لقيت الا هالرابط ,,

ان شاء الله بنززل موضوع عن البدائل يدعم الرابط الاول ,,


اما عن 30 جم سمك , فـ تختلف الاسماك , لكن حاولي تضاعفين الكميه اللي تاكلينها بالعاده .
وحاولي انك تاكلين السمك مرتين بالاسبوع علشان صحتك :22:


لي عوده ..

تسلمي لي والله
أيوا ياريت تعلميني اذا لقيتي روابط مواضيع او بدائل اضافية

اليوم مشيت تمام أفضل من أمس :-)

أبله هدوء مافي تغير بالوزن ابدا

رغم اني احس بزيادة وزن خاصة بأعلى اليدين والأكتاف والأرجل
لكن عالميزان نفس الوزن =(

قررت آخذ حبوب مسيجور واستمر عليها
تعبت والله محتاجة اسمن

^
^

هههههههههههههههههههههه


اي والله يبي لنا نقل شحنات منك ههههههه ما ادري كم وزنك بس 10 كيلو لي ترا محجوزة :d

ابله هدوء وينك تعي باركي لي صار وزني 49 :22::17::22:

وحستمر عليه لين اوصل 60 بإذن الله :17:

الحين تعلمت انظم اكلي صح بطريقة البدائل اللي علمتيني اياها
الله لا يحرمك الاجر يااارب :17:

لا يا اختي وين رايحه انتي ؟؟ 60 كثير مره مره حرام عليك بكره تندمي

انتي لس وراك زواج وحمل وولاده ورضاعه يعني زيادة وزن على اصولها

خلي مجال للمستقبل

برايي اكتفي ب 53 اقصى حد وكفاااااايه خلي الباقي لما بعد الزواج والحمل ..

رايحة اضارب ههههه :d

المشكلة اني طويلة
يعني 60 بيكون امتلاء بسييييط مش اكثر

المهم ان شاء الله استمر ارفع وزني الى ان اشوف جسمي حلو بوقف

شكرا ماما كرستالة

عارفه
حطي لنفسك 10 كيلو مجال

يعني مثلا تبغي تصيري 70 كيلو اسمني ل 60 ووقفي وخلي ال 10 الباقيه زي ما قلتلك لما بعد الزواج

اسمعي نصيحة مجرب ينصحك لوجه الله

:)

الف مبرووووووووووووووووووووووووك ,,

والله فررحت انك كملتي , حلووو وااصلي وبتحصلين باذن الله اللي تتمنينه ,,

اعذريني والله ما قدرت ادخل الفتره اللي فاتت , بس ان شاء الله متابعه معك من اليووم : )

المشكلة اعرف بنات نحيفات وتزوجوا ولهم سنوات متزوجين ولااااسمنوا بالعكس مع الخلفه و مطاردة العيال :d نحفوا اكثر :d
صايرين على عظم والعياذ بالله :(
وكل من شافهم من الحريم شهقوا وقالوا : يالله للحين ماسمنتوا ؟ وش ذا الجسم ؟ عظام يا بنت ؟ وكلام يحببببببببط :(

انا احس ان رفع الوزن اصعب بكثييير من تخفيفه
يعني لو حصل وسمنت بالعافية وبعد الزواج - ان شاء الله - كمان سمنت راح اقدر اتحكم واخفف وانزل السمنة الزايدة ان شاء الله

شكرا لنصيحتك ان شاءا لله يعني بس اوصل لجسم رويان ابوقف وانتبه لنفسي
يسلمو ماما كريستاله ( فيس ماسك وردة )

يااا اهلييييييييييين
وينك ابله ولا اللي شاف احبابو هااا ؟ :d

طيب ماشي كل اسبوع ان شاء الله او اسبوعين لو مافي تغييرات في اسبوع راح انزل تطوراتي

على فكرة راح اعترف بشغله :o ماقدرت اخذ كل كمية البدائل كاااملة يوميا لاني حسيتها كثيرة
لكن صرت اخذ حبوب فاتح شهيه حبه في اليوم اسمها مسيجور اكيد تعرفيها
والحمد لله صرت اخذ البدائل تمام واحيانا اكثر

هالمرة عزيمتي قوية جدا جدا جدا وباذن الله اوصل للوزن المثالي
هدفي الى رمضان
فيه مناسبه وحفلات في العيد وشهر شوال لذا ان شاء الله اكون بنت اخرى مختلفة وافاجئ الجميع :o

اوكي وانا انتظرها هالتطورات كل اسبوعين ,

اعترافك خطير ههههههه بس سمااح هالمره , مقدره وضعك وتغير الكميات عليك ,


ان شاء الله توصلي للي تتمنيه وتحصلين الجسم اللي يناسبك ويرضيك ولا يضيع جهدك ,


على فكره / عن نفسي وبغض النظر عن فائده او ضرر العلاج , فـ انا ما اؤيد اي علاجات بالانظمه الغذائيه .

مووفقه يا قلبي.

وانا معاكي أبله هدوء اني مالازم اكثر ادوية
بإذن الله اوقفه بس مقررة فترة بسيطة افتح شهيتي واوقفه

اخر الاخبار: كل شي تماااااااااام الحمد لله
الا مجموعة الخضار ما التزم واعوض عن البدائل في الفواكة او النشويات :(

لاني ما احب الخضار كثير

والحمد لله وزني صار 50:17:

والله اني بدعيلك كثيييير ابله هدوء
من زمان بخاطري اسمن وكل ما بدأت اتعب وابطل لكن هالمرة تشجعت كثير لانك متابعتني
الله يجزاكي الف خير ويحقق لك كل ما تتمنيه ياكريم

أحبك في الله ابله هدوء (وردة)