|
اذا كنتي خليجية وبدوية خصوصا تفضلي
السلام عليكم ورحمة الله وبركاته
ادري اثار فضولكم العنوان لكن ما لقيت غيركم الجأ له انا مثل معظمكم يعرف لبنانية ومتزوجة سعودي بدوي :14: وهذا العيد رح اقضيه عند اهله (اخواته ومحارمه) وطبعا تعودت على لبس العباية والبرقع لكني ما اعرف شو المطلوب في مجتمع الحريم !! يعني بالبيت وانا مع اخواته شنو البس؟ ولما يجي العيد شنو البس ؟ شنو الدارج وشنو العيب؟ زوجي قالي مثلا انه اذا زارونا حريم من بعيد اخلي البرقع ما اشيله :23: ساعدوني ترا ما عندي خوات ولا حولي احد يساعدني وداخلة مجتمع جديد كليا علي وما ابي احرج نفسي واحرج زوجي بتصرف غير لائق وشكرااا مقدما |
بكر يا قلبي عليك ..
اقتباس:
أما بالنسبة للبسك في البيت . إذا عندك جلابية خليها للإستقبال ..يعني جلابية عليها القيمة .. وسرحي شعرك عادي.. أما إذا تخرجين لأحد تايور أو طقم .. أما بخصوص البرقع ما أقدر أفيدك .. لكن حاولي تقنعي زوجك ان ماله داعي ..خصوصاً بين الحريم .. لكن حافظي على التحصين يا قلبي .. |
هلا قوالب حبيبة قلبي
والله هم كذا عاداتهم البرقع ما اشيله إلا للحريم القراب حيل يعني خواته وامه وبنات خواته بس! الباقين مثلا حريم ولا جيران لازم اخليه :( طيب اذا رايحة زيارة لعند حد اقدر اشيل العباية ؟ علما اني البس عباية كتف وفوقها خمار والبرقع تصدقين وانا اكتب الكلام هذا حسيت بالاختناق مدري ليش ههههههه يا زين بيت الواحدة زيناه بس |
اقتباس:
اتذكر مرة في السوق شفت براقع بأشكال ونقشات وزخرفات عجيبة ..يعني دانتيل وتطريز .. تعجبت لحظتها قلت مين اللي تلبس هالبرقع الملفت .. قال زوجي هذه للي يلبسون البراقع على طول .. روحي واشتري لك برقع كشخة للعيد ..لأن بجد شكلها ملفت ورائع .. |
ابشرك شريت لي براقع شبه شفافة يعني شيفون ( يقولون ستايل يعني :) )
تسلمين ياغالية على النصايح |
من جد شي واو
و تقدري تحطي مكياج من تحت البرقع يعني مثلا روج احمر ناري ويبان من تحت البرق شي ملفت و الطرحه كيف بتكون شعرك طالع من تحت الطرحه و لا مغطيه كله طب من حكيتي لماما ايش كان تعليقها اكيد طلبت منك صوره سامحيني اسئله كثيره بس ما مرت عليه من قبل واحد يتعرف على عادات وثقافات جديده الله يسخر لك من يقدر يفيدك |
ياحبي لك يابكر الله يسعدك ويعطيك على نيتك حلو ان الزوجه تتاقلم وتتعايش مثل مايبي زوجها جيراني طبيعتهم كذا بالبراقع حتى عند الحريم واشوفها تهتم بالجلال اشكال والوان حسب لبسها تشتريهم عرفتيه ؟؟ اللي يلبسونه مع البرقع علشان اذا دخل رجال يتغطون فيه لان عاداتهم يدخلون الرجال عادي بينهم ونفس اللي باعتك البرقع تلاقي عندها الوانه الغريب بالموضوع ان جارتي اذا صار عندهم زواج تروح للكوافيره ومكياج وتسريحه واللمسات الاخيره تلبس البرقع ومايشيلونه بالزواج الا وقت الرقص عموما لكل عاداتهم والكل مرتح |
كاان ودي افيدك بس ما اعرف في عواايد البرااقع !!
كانت جارتي كذاا اروح لها تلبس برقع واناا كاشخة وافك عباايتي وابسط اتقهووى :d استغربت وسألت زوجي قاالي يااهبلة :25: هماا كذاا عواايدهم بس بعدين خرربت البنت وصارت تفك برقعهاا وتبسط معاااي :d انااا وقووالب ربي يسعدهااا من مدينة وحدة مااعندنا برااقع وغيررة <<<<من ادخل عند احد افك عباايتي وبعدين النااس بتعرف انك موسعودية ما اعتقد بيدققوون اذا تعرفين عوايدهم او لااا وبيعذروونك اكيد وخلي زووجك يبسط للك الامور شووية يعني غلطة تفووووووت الله يوفقك ياارب |
والله مدري ايش اقولك:)
مستغربه زوجك بدوي اصل اما احنا تقليد ههههه:d لان ماعندنا برااقع والكلام ذا كله كااان اياام امي الله يخليها لي:25: تبدلت الأمور فيه ناااس مااسكين بعواايدهم للأن مثل اهل زوجك:) نشيل البرقع عند الحريم ونحطه يوم نخرج برا:d ونلبس عادي زيكم تنانير ودراعات وجلابيات اما البناطيل:(ياويلك تشوفك عجوز تفضحك:) اذكر يوم كنت مراااهقه رحت ملكه للأهل ولبست قصير جدا:) بهذلوني ومرمطوني ليتني مارحت:( يوم اتذكر هالسالفه:29: نفسي اضرب على وجهي كفين:18: |
ياحلاتك ضحكتيني احس مو لايق عليك الاستايل البدوي عموما زوجك من بدو نجد وياليت تقولي المنطقهعشان اقدر افيدك لاني اعرف ناس كذا يلبسو البرقع بس تختلف العادات من ناس لناس انت قوليلي زوجك من اي منطقه وان شاء الله افيدك
|
هلابك بكر الشايب
اقتباس:
انتي متربية و عايشة بالخليج من قبل .... ؟ عادة لبس البراقع بين النساء مو موجودة في مجتمعي بس عموماً أنا أعرف ناس يلبسون براقع لكن بناتهم الشابات ما يلبسون حالياً حتى في اجتماعات الأعياد و الزواجات بس يمكن الجماعة اللي اتي عندهم متمسكين بعاداتهم جداً ! إذا فيه إمكانية تفهمي زوجك من الآن انك لسى جديدة على هالمجتمع و يبيلك وقت تتعرفين على عاداتهم بدقة و مثل ما قالت وحدة من الأخوات إذا كنتي منتي منهم أصلاً ما اتوقع يعتبون عليك إذا ما لبستيه-و الله أعلم- بالنسبة للبس فيه ناس من اللي لهم مثل هالعادات (خصوصاً الشابات)إذا طلعوا يلبسون فساتين راقية و طويلة مع لبسهم للبرقع و في بيوتهم إذا استقبلوا زوار يلبسون جلابيات فخمة أو بلايز و تنانير ساترة مع انهم في الأماكن العامة النسائية مثل المدارس و الجامعات ما يلبسون براقع و منهم كثيرات معهم درجات علمية و موظفات أسأل الله لكِ التوفيق |
يا حليلك يا بكر .. احسك مجتهدة تبين تندمجين في مجتمع زوجك
أنا سعودية بس ما عندنا كذا .. عادي نغطي بس نطلع بره البيت قدام الرجال بس اما داخل البيت أو اي مكان بس فيه نساء عادي نفك العباة ونجلس ونلبس الي نحب كأن زوجك مو من سكان المدن شكله من اهل ( الهجر ) الله يعينك الوحدة كذا تنسى شكلها إذا دايما بالبرقع يالله بالعافية عليكم عيدك مبارك مقدماً |
والله استغربت بجد
انا بحرينيه كلش ماعندنا هذه العادات الا القلييل ومعظمهم الاصل مو بحرينيات وتوي اعرف ان عاداتهم تخليهم يلبسون البراقع حتى مع الحريم اني فكرتهم هم مايبون احد يتعرف عليهم بس لانه اذكر ايام الي كنت في الجامعه كانت معانه وحده كلش ماتشيل البرقع حتى لو كنا كلنا بنات هي اصلها يمنيه لانه احنا جامعتنا خلط وكانت جالسة جنبي اقول لها خاطري اشوف وجهك وكانت ماترضى اني توقعت ماتبي اتعرف على شكلها ما ادري ان هذه عادات وبعد ايام الي كنت في المستشفى مع بنتي الله يرحمها كانت معانا وحده ماتشيل البرقع مع ان كلنا حريم وفي غرفة الرضاعه مايدخلونها الرجال وكنا احنا نغطي صدرنا وهي ماتغطي صدرها وقت شفط الحليب ووجها مغطى اني انصحك يا اختي امشي معاهم الي يلبسون البسي والي يغطون غطي صرتي وحده منهم وفيهم وبتوفيق |
مثل ماقالت اختي اطياف انا صديقتي عوايدهم يلبسون برقع بس الكبيرات في السن اما الشابات ماشفتهم يلبسون رحت اعزي في وفاة ابو صديقتي وحلصلت اغلبهم لابسين براقع واذكر زمان جيراننا نفس الشيء يلبسون الحريم الكبار اما الشابات مايلبسون وبالنسبه للملابس نفس لبسنا عادي ماشفت عندهم شيء غريب يعني مثلا يلبسون جلابيات فخمه وتيورات او فساتين ناعمه
الله يسعدك ويوفقك مع زوجك ويرزقك الذريه الصالحه يارب |
اناسعودية بس كلنامن تراب
انااشوف جيراننا كذا يجلسوووووووون بالبرقع وعيب تفسخ المراة عبايتهااا عندالحريم ودي اخدمك بس ماعندي خبر الله يووفقك وييسعد قلبك امين ويسخرلك |
ماشاء الله تبارك الله
حلو انك توافقين زوجك في اي شي يبغاه لأنه زوجي يقولي اجلسي بالشيلة مثل امي وانا اقوله انسى مستحيل اسويها لأنه المجتمع كله مايلبس شيلات غير الكبار وبس أما الصغار لا تحياتي لكي |
حبيباتي كلكم لي رجعة معكم واحدة واحدة الله يسعد ايامكم
شوفوا انا اليوم اول يوم العيد وهذا انا ببيت اهل زوجي يلبسون تنانير وبدي ومفتوح كل شي عادي والمكياج حدث ولا حرج بس اذا جاهم حريم من برا البيت يحطون الجلال والبرقع والشيله طبعا الصغار اللي مو متزوجات ما يلبسون برقع بس احنا يالمتزوجات :( الحين انا في الغرفة فوق اختنقت من البرقع وطلعت اخذ بريك نص ساعة وراجعة تحت عندهم ههههههه زوجي سألته افصخ البرقع ؟ قالي شوفي اختي شنو تسوي وسوي مثلها ! ومثل ما قلتوا .. البناطلين ممنوعه منعا باتا كله تنانير وفساتين وجلابيات فخمة مع الجلالات اللي عمري ما شفت بألوانها تبارك الرحمن الله يسعدكم ويخليكم كلكم وكل عام والجميع بخير على فكرة تنانيري برغم انها ماكسي وجلابياتي طبعا طويلة .. لكن بالنسبة لهم قصيرة لأنه مالها ذيل وما تغطي القدم بالكامل !!! :( يا ليل مطولك ههههه لي عودة |
جاني فضول اعرف اي منطقه هذي اللي كذا عاداتها :)
( وجعلناكم شعوبا وقبائل) |
رجعت لكم
اولا عيد الله عليكم عايد جميعا وكل عام وانتم بخير بالنسبة لأهل زوجي فهم من المنطقة الشرقية في السعودية لكن قبيلتهم الى الآن متمسكة جدا بالعادات القديمة. هههههه باريسا لا عاد تتخيلين لأننا اصلا نكون فوق وما ننزل مقلط الحريم إلا اذا وصلوا الحريم وكل واحدة تنزل بالزي اللي المفروض تكون فيه :) ام مودي جدا مبسوطة بلبس البرقع (من أجل عين تكرم مدينة) وبعدين انا صارلي سنة وشوي الحين فيه وتعودت بصراحة خلاص دلوعة اسم الله عليك من الاختناق حبيبتي لا تخافي برقع الحريم غير برقع الطلعة (يكون اخف ويسمح بدخول الهواء العليل) ههههههه الحمد الله اخذت فكرة جيدة عن عاداتهم وباذن الله العيد القادم اكون متجهزة بشكل اكبر بحيث افصل لي تنانير طويييييييييله وافصل لي عبايات وجلالات والذي منه على الستايل الجديد تعبتكم معي كلكم واستفدت من نصايحكم والله كثير احبكم في الله جميعا :) |
الحمدلله احنا ارتحنا من هالعاده بس انتبهي في بعض العوايد تلبسين البرقع والشعر يطلع مو حلو بالقوة خصوصا اذا كانو رجال موجودين عندك الخط اللي يجي ع الذقن وحواليه نقط مرررررررره يجنن ولاتنسين الكحل بالعيون ترا مره ضروري تبرزي جمال العيون انا اصلي بدوي بس متحضره وعارفه هالشغلات لاتنسي العود ترا مره مهم والذهب لازم تلبسيه هذا مهم عندنا البدو بالمناسبات نلبس الذهب ان شاء الله افدتك مع الرغم انها متاخره وحياك الله في عالم البداوه |
الله يسعد ايامكن جميعا :)
والله خليتوني اضحك من جد الله يجزا خير كل من دعت لي ويرزقها مثل دعاءها توته ما عندنا الدق على الذقن بس فعلا مثل ما قلتي الكحل والعود والذهب من ضروريات الحياة اذا بيوم ما حطيت كحل ينقدون علي .. هذا اهم شي ويبرز جمال العيون ملك شادي ما اقدر احارب عادات صارلها سنين وسنين .. ومثل ما قلت قبل من اجل عين تكرم مدينة صح الموضوع صعب كان ببدايته بس الحين خلاص تعودت على الوضع الجديد ولازم اتعود تفاحة خضراء اذا رحت لبنان البس البرقع وموظف الجوازات يقعد ساعة يحلل الشكل وتطابقه مع جواز السفر فما بالك اهلي :) شي غريب جدا عليهم اكيد لكني اكشف عن وجهي امام صديقاتي اكيد واهلي واللي متعودين علي قبل ا لزواج هذا العرف فقط امام نساء قبيلة زوجي يسعد ايامكم جميعا :) |
هلا بالغالية متفائلهـ
ابشرك العيد مر بسلام وانبسطت والحمد الله جدا فيه غير الاخبار اللي قلت لكم عنها مافي شي جديد جمعات نسائية حلوة وممتعة لكن ان شاء الله العيد القادم اكون مستعدة بشكل اكبر مع تشكيلة اكبر من الملابس ! بصراحة هالشي الوحيد اللي حسيت بالنقص فيه انه كمية ملابسي ما كفت الاسبوع لأني انسانة عملية وما احب التنويع واكتشفت انه هالشي ما ينفع معهم .. لازم يغيرون بالزي خلال اليوم باذن الله العيد القادم بفصل لي عباية جديدة مع شيلتها وبرقعهم وخمارهم واستعد قبل العيد بثلاثة ايام بالحناء وأفصل لي جلابيات عيد وتنانير طوييييييله اللي ام ذيل << ماني مستوعبة للحين كيف بلبسها :) بس شكلها عل اللبس روعة ويقولون لي بالسعودية متوفرة جاهزة بدون تفصيل ! |
ماشاءالله تبارك الله عليك يابكر أغبطك على مرونتك وحبابتك واندماجك مع بيئه ممكن تكون صعبه على اهل البلد نفسهم,,الله يسعدك ويحميك من كل مكروه,,,........................ بالنسبه لعادة لبس البرقع فهي تقليد مازال موجود عند القبايل البدويه وغريبه من بعض العضوات السعوديات انهم ماسمعوبها؟المهم أذكر وحده من جارات جدتي من قبيله معروفه تحلف بالله ان زوجها مايعرف ملامح وجهها ولايدري كيف شكلها على الرغم من مستوى التعليم العالي الي واصلين له أولادها ومستواهم المادي مررره ممتاز بس متمسكين بعوايدهم ,,وزوجي بعد خويّه بدوي يحلف لزوجي انه ماشاف وجه أمه الاوهي ميته تخيلي!!سبحان الله هذي الأمور تقليد مايحق لنا الاعتراض عليه لأن ممارسته ماتسيء لأحد لكن في نفس الوقت غريبه فكرته واستمراريته لحد الآن....
|
هلا حبيبة قلبي سلطانة نفسها
كنك تتكلمين عن عمتي الله يطول بعمرها .. حتى لو هي جالسة مع عيالها ما تفصخ البرقع إلا نادرا لكن البنات اكثر مرونه الحمد الله :) صدقيني المرونه مطلوبه بالزواج والتضحيات من قبل المرأة مطلوبة اكثر من الرجل ودام مافي شي يخالف شرع الله ويقربني من زوجي واهله اكثر ليش ما اسويه بالعكس .. سعادته من سعادتي .. وانا فعلا اسعد اني تعرفت عليكم وعرفتكم عن عادات غائبة عن ذهن البعض :) الله يسعد ايامك ياغاالية |
:15:
بكرررررررررررررررررررررررررر فديت قلبك يانااااااااااااس والله انك بنت واخت رجال ولا مين بهالزمن تسوي مثلك. كبرتي بعيني الله يرفع من مكانتك بقلب زوجك واهلة اختلاف الجنسياااااات والعادات بحد ذااااااتة صعب تااااااااااااااااااااااااااااااااااااابريني علي هيك تربية من امك وابوكي .. عساكي دوم سعيدة يالبدوية .. :) |
تنبيه: أخواتي الفاضلات أرجو منكن الإلتزام بمسار الموضوع والإبتعاد عن الحوارات الجانبيه وطرح الأسئله الشخصيه..
وفقكن الله. |
ماشاء الله اتفقنتي العادات بسرعة هنئا لزوجك بك رائح ينبسط بك
|
ماشاء الله تبارك الرحمن ..
فعلا الحب يصنع المعجزات .. ربي يدوم عليكم ولايغيركم .. ** نحن جيرانا كذا براقع بس الحريم الكبار أما المتزوجات والبنات لبس عادي .. حلو إن الإنسان مازال يحتفظ بعاداته وتقاليده بغض النظر عن ملائمتها للطبيعة الحياة الحالية مالم تكن منافيه للشرع والدين .. |
حبيباتي سحابة صحراء ودكتورة شيماء
الف شكر لمروركما باذن الله سأكون اكثر استعدادا لعيد الاضحى المبارك :) بدأت ابحث عن خياطه من الآن للتنانير والبدل والجلابيات |
موضوع غريب
بس اللهجة عندك ممتازة |
يُغلق للإكتفاء بالردود..
|
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©