|
أرفض الزواج بسبب ...
بسم الله الرحمن الرحيم قبل ما تقرون اطلبكم طلب, رد غير لائق ما ابي أبغى ناس تراعي الأسلوب ( لاتزعلون الصراحه راحه اللي فيني كافيني ) بكل اختصار ارفض الزواج لأني لا أجد نفسي أنثى كنت مخدوعه اطالع وجهي بس ! ولما وصلت لدرجه عاليه من الثقافه ( نعمه وصارت علي نقمه ) كتشفت أني ! لست أنثى بنظر الرجل لو عددت شينقصني لبكرى ما راح اخلص ممكن الرجل يستغني عن شيء بس مو كل شيء وممكن رجل يستغني عن الشكل بينظر لأمور ثانيه بس بتظل حسره في نفسه ويمكن من القهر يتزوج مره ثانيه على المدى البعيد - سمراء ولا تنكروا ان حتى اللي يحسب السمار يبغى بيضا , لا تقولوا السمرا تتزوج , ادري تتزوج لكن زوجها يا يعاير واذا كان راعي ذوق من شاف بيضا خق ! او حتى لو كان مرره ذرب تتعاير من اهله او من الناس - شعري مو حلو تعبت معاه ! لدرجة ان شخص اقترح اني املس !! وهو مو اجعد لكن غريب فيه اجعد يترول يصير حلو انا مدري شقول استغفر الله مو اعترض بس وصف - وجهي مررررررهق ولما رحت طبيب قال من الجو طبيعي وانتي جيناتك كذا تقبلي كان فيه طلة جمال الحين راحت واسمر من جسمي بكثييييير - جسمي واعوذ بالله منه القى عليييه مدح كثييير بس مرفق بـ لكن الرجال ما يحب كذا اقول لكم ليش ؟؟؟ كنت مرره نحيفففه وصرت آآكل فاست فوود كثييير ومتليت لكن كرشت مصيبه فتركت الفاست فود اربع اشهر ورديت مثل ما كنت وحتى وانا ممتليه لا صدر ولا أرادف يعني مو امثى يعني اول ما يسمن فيني الوسط وانا نحيفه خصري حلو لكن لا حوض عريض ولا ارداف يعني ولا شي ولا ميزه فخوووذذي مسسسح واذا اكلت اشياء تسمن تسمن يديني يعني ما اقدر انحف ولا اقدر اسمن ولا حاله ترضي اذا نحفت صرت عصلا واذا سمنت مو حلو مليانه ولا صدر ولا مؤخره ____________ جربت خلطات وووو ما تفيد هالأشياء ما اخبي عليكم انا متخصصه بشي له علاقه بالتغذيه وعارفه بهالأمور مو صدق اللي ينقال هذه مخصص لتكبير الصدر او او لالا كل وحده وجيناتها تسمن في المكان اللي هي عندها قابليه فيه ____________ خلااص مقرره ما تزوج بس عارفه ان ذا عين الجنون لان حرام اتزوج واظلمه بـ أنثى في جسد رجل بنحرج واحراجي بسبب لي مشاكل كثييييير غير اني فوق ذا كله مختونه ما ابغى اتعمق في ذا الموضوع لكن انا جنييييت شسوي ؟؟ لا تقولون عمليات لانها خطيره وتساهم في الأمراض وانا ضدها بالقوه ولا تقولون خلطات لاني عجزت معها ولا تقولون سمني بيكبر صدرك لان حجم الصدر حاله حال مصلا حجم الأنف حجم اليد .. كل وحده وخلقة ربها حتى لو حصل تغيير فهو طفيف جدا ومنه ضرر زي لما سمنت الضرر كان بطني شنو الحل ؟؟؟؟؟؟؟؟؟؟؟ اني اقتنع وارضى بقسمي انا راضيه بس ما ابغى اتزوج لكن الكل قال لي جنيتي شسوي ؟؟ |
يا حبيبتي لكل قمحة كيالها يعني لو لك نصيب ببشي رح تاخديه بس لازم ترفعي من معنوياتك وتزيدي ثقتك بنفسك ما بسير تحكي عن نفسك هالكلام.. الله يهديكي
|
يوجد لك حل ... و لكن !
السلام عليكم و رحمة الله
اولا انا اعتب عليك و لا تزعلي وسيكون ردي صريح و لكنه مؤدب اعتب عليك استخدامك عبارة (( رد غير لائق ما ابي )) و انا اقول لك هذا اكبر دليل على ان اعصابك متوترة جدا جدا و للغاية و طالما انت وصلت الى هذه المرحلة من التوتر و الشد مع الآخرين اقول لك بكل صراحة مع احترامي الشديد لك : لن تنفع معك اي نصيحة سنقدمها لك هنا لانك اصلا وضعت حاجز بيننا و بينك في النقاش مشاركتك مليئة بعبارات اليأس و بدأتها بعبارة الرفض للزواج اقول لك يوجد لك اكثر من حل و يوجد اكثر من رجل قد يرغب في فتاة مثلك و توجد من حالتها اسوأ من حالتك بمراحل و لكن لو اردت الحل و النصيحة و التجربة المفيدة و لا ادعي الكمال ارجو التكرم منك بالرد هنا أمام الجميع على مشاركتي هذه و التفضل بأسلوب متفائل بأن يكون ردك بانك مستعدة لسماع النصيحة و الحل و لكن بصدر رحب و بنفس متفائلة و بدون الشد و العصبية و اليأس الظاهر في مشاركتك الكريمة و لك غاية الاحترام و لا تزعلي من صراحتي |
أحترم رأيكم لو لا ذلك ما طلبته صح أو لا ؟؟ لكن قلت يهمني الأسلوب .. شكلك فهمتني غلطـ انا اوضح لك قصدي وأنا اتصفح في هالمنتدى وغيره .. ألقى مشكلات تشبه مشكلتي .. في التعقيبات .. تلقى شخصين _ مثلا _ يطرحوا نفس الحل واحد منهم بأسلوب لبق يوصل المعلومه بس بأدب وواحد منهم بأسلوب لاذع أقرب للشماته أنا طلبت الأسلوب الأول .. ماعتقد غلط مو ؟ متقبله رأيكم بكل رحابة صدر .. وأنتظر الحل الموجود المتبع بلكن :d وما أنكر أني وصلت لدرجة من الحساسيه عاليه جدا جدا جدا والاعتراف الخطوه الأولى في الحل صح ولا لا ؟ سهلت عليكم ,انتظر الخطوه التاليه |
، يا قلبي عليك ليش تحطمين نفسك ؟؟ تعوذي من بليس ومافيه إنسان كامل .. ولاتنظري لنصف الكأس الفارغ .. يعني أكيد فيك حاجات حلوة حتى اللي ذكرتيه .. مو الكل يعدهـ عيب .. من جد أقولك فيه ناس يدورن عن السمر دوارهـ مدري حسستيني أن كل المتزوجات حلوات :) هذي كلها أرزاق من رب العباد ما نتحكم فيها واحد من أقاربي مركز ومكانه .. سبحان الله تزوج وحده سميييييييينه بقوة وسمراء وشعرها مو ناعم لكن والله ما أبالغ أنه يمشي وراها بدون تفكير ( يعني ميت عليها بقوة ) وأكيد ماراح تقولين عن نفسك أنك جميلة لأن الناس هم اللي يحكمون بس لا تضيقين صدرك ( ترى الضيقة تخلي وجهك شاااحب ) الله يوفقك يارب و ييسر أمرك |
اقتباس:
انا في نظري لا ينقصكِ ان شاء الله سوى ثقتك بنفسك .. حبيبتي لون البشرة ابدا ابدا لا يهم ولا يؤثر على الزواج ... وليست كل من هي بيضاء جميله .. الوزن .. الانسان بسهوله يستطيع التحكم فيه ... ان وُجِدت لديه الارادة .. اقتباس:
راجعي اخصائية تغذية و الرجيم يكون مصاحب بالرياضة .. نعم صحيح لا يوجد ما يسمى برجيم خاص او رياضة خاصة لتكبير او تصغير منطقة معينه من الجسم .. ولكن الرياضة بشكل عام تعطي تناسق للجسم .. اما شعرك ... ما اكثر مراكز العناية بالشعر .. ونحن في زمن لا يوجد فيه ما هو مستحيل ... الشعر بسهوله يتغير من نوع لنوع .. غريب كلامك عن نفسك اختي .. فهذه النقاط التي ذكرتيها لا تجعلكِ انثى في جسد رجل .. وانظري لغيرك واشكري ربك على نعمه ... مشكلتك الحقيقيه هي عدم الثقة بالنفس... |
انا اشوف انك لازم تراجعين اخصائيه نفسيه مااظن علاجك اننا نكتب لك حل لان الحل بيدك لابد تقتنعين بشكلك وتفتخرين بنفسك
|
الله يفرج همك عزيزتي ...واتمنى إنك تهدين اعصابك شوي.... مشكلتك حلها سهل ومتوفر بإذن الله....بلا خلطات وبلا خرابيط شوفي حبيبتي...في البداية اتركي عنك اليأس وتأملي خير فإن الله على كل شيء قدير.. وهذه بعض الحلول لمشاكلك البسيطة بإذن الله : - سمراء ولا تنكروا ان حتى اللي يحسب السمار يبغى بيضا , لا تقولوا السمرا تتزوج , ادري تتزوج لكن زوجها يا يعاير واذا كان راعي ذوق من شاف بيضا خق ! او حتى لو كان مرره ذرب تتعاير من اهله او من الناس الفئة من الرجال اللي تتكلمين عنهم قلة...وياما شفت ناس الابيض متزوج سمراء والحمد لله مرتاحين حبيبتي هذه مجردافكار من الشيطان اللي مستغل ضعفك ويأسك...اذا كنت ملتزمه واخلاقك عالية وسمعتك طيبة وشخصيتك قوية وثقتك بنفسك عاليه فهذا يكفي ...اما لون البشرة فلا عيب فيه ولكن يجب ان تحافظي على بشرتك وتبقيها نظيفه ومتألقةوذلك باستعمال الكريمات الخاصة بعناية البشرة السمراء واحرصي على التقشير كل أسبوع والامور ستكون طيبة بإذن الله. --------------------------------------- - شعري مو حلو تعبت معاه ! لدرجة ان شخص اقترح اني املس !! وهو مو اجعد لكن غريب فيه اجعد يترول يصير حلو انا مدري شقول استغفر الله مو اعترض بس وصف مشكلة الشعر اصبح حلها في متناول يد الجميع...واسهل شي تعمليه انك تذهبين لصالون او مركز تجميل معروف وثقةوتطلبين منهم يعملون لك (( الكيراتين الاصلي البرازيلي )) او التمليس ...اذا كان شعرك مجعد كثير...اما اذا كان وسط فاكثري من عمل حمام الزيت واستعمال زيت الزيتون وجوز الهند للحفاظ على كثافة الشعر ولمعانه وتألقه..او اشتري كل مستلزمات العناية بالشعد المجعد واحرصي على الاستعمال بانتظام.. --------------------------------------- - وجهي مررررررهق ولما رحت طبيب قال من الجو طبيعي وانتي جيناتك كذا تقبلي كان فيه طلة جمال الحين راحت واسمر من جسمي بكثييييير البشرة المرهقة سببها السهر او عدم انتظام النوم والقلق والتوتر والحالة النفسية السيئة واحيانا اكل التوابل بكثرة...خففي من كل هالامور...واذا كنتي مرهقة ما ينعشك الا الشيء البارد...لذلك استعملي الثلج لوجهك في الصباح لتحريك الدورة الدموية بالوجه...وامورك بتكون بإذن الله طيبة .. --------------------------------------- - بالنسبة لجسمك... في تمارين خاصة لكل جزء في الجسم...مثلا الارداف والبطن والصدر والمؤخرة ..واختي كانت مثلك تماما فبإمكانك الانتساب لنادي صحي نسائي او البحث في المواقع العربية او الاجنبية عن التمارين الخاصة لهذه المناطق وفعلا تجيب نتيجة وبطريقة صحية.. ويجب الحرص على الاستمرار بممارسة هذه التمارين بانتظام مع الانتظام في الاكل... --------------------------------------- واكثري من الدعاء عزيزتي ..وقوي ثقتك بنفسك واحمدي ربك دائما ان خلقك سليمة ومعافاه من أي عاهة او مرض والامور هذه بسيطة اهم شي الاصرار ...واذا في نصيبك تتزوجين بتتزوجين وان شاء الله يجيك اللي يستاهلك ويقدر منك... (( وبيني وبينك البيضاء علامات الكبر تبين عليها اسرع واكثر من السمراء وبشرتها تعاني اكثر)):D بالتوفيق حبيبتي.. اختج --- لمني بشوق |
حبيبتي انتي تهولين الموضوع بحكم خبرتي انا بهالمجال لاني اشتغل فيه من زمان
حاولي يكون اكلك صحي والاكل متوازن مو فاست فود ترى الفاست فود مب زين للبشرة ولا لشكل الوجه ولا الجسم خليني ابدء لك بالشعر الشعر حتى لو كان مجعد او حتى كشه يتملس مو حلو يوم يتملس في اختصاصيين تركيب شعر ركبي باروكة كاملة على راسك ويخيطونها لك بس يسوون ضفاير من شعرك الطبيعي يخيطونها فهاذي الضفاير وتكون شعر طبيعي وحلو بس هالباروكة لزوجك بس ما ادري وش راي الشرع فالموضوع بصراحة لاحكم لك. وبالنسبة للوجة ترى صوالين والمشاغل لاخلت ولا بقت تقشير وتنضيف وبعدين تعالي ترى السمار مب افة بالعكس ياما بنات بيض لكن ملامح ماكو . وع شوية مكياج خفيفة مثلا الفاونديشن الي تحطينة على وجهك بالنسبة لوصف بشرتك استخدمي فاونديشن ماركة ماك وايد زين وخذي اللون المناسب لبشترك لا تفتحين ولا تغمقين بحيث يوحد لون البشرة وبالنسبة للحواجب خفيفيهم شوي لو كانو وايد عراض ومع شوية كحل ومسكراة وليب ستيك خفيف وطبعا لاتنسين لو في عندك شعر في وجهك وشنب كلة ينشال بالخيط وبكريمات ضد الحساسية مايطلع الحبوب . وطبعا مع الميك اب لا تنسين تواضبين على المرطبات للبشرة ممكن مثلا تستخدمي مال اولاي ترى وايد زين وما يبيض البشرة اساس محد يبيض ممكن الواحد ينور لكن ما يبيض. ها كلة بالنسبة لوجهك . جسمك العبي رياضة وروحي عند اختصاصية رياضة وهيه حتعرف شلون تخليج تمتنين من الاماكن الي تبغين تمتنين منهاونفس الشي بالنسبة للنحافة وحافظي على الاكل المتوازن وكلي بنظام معين وحافظي على مواعيد الطعام. بعدين ابغا منج تختارين ملابس تليق بجسمك ترى في ناس مايليق فيهم البنطلون او الدراعة حسب شكل الجسم حاولي تنسقي ملابسك واذا ما تعرفين اكيد في حد حواليج ذواق تعلمي منه . ونفس الشي بالنسبة الي تلبسينة للريولج انا دايما احبذ لبس الكعب مب ضروري وايد عالي بس الكعب يعطي هيبة للبنت ويحسن مشيتها. وانا اقترح عليج ان تكون ثقتك بنفسك عااااااااااالية ترى طالما انتي شايفة نفسك مب حلوة ماراح تشوفين الناس الي يشوفنج قمر 14 ودايما اختي حافظي على صلاتج وعلاقتك مع ربك ترى هاذي بالدنيا كلها واخيرا كل حد ياخد نصيبة بس لاتنسين ان الانسان مخير ومسير وان الله لايغير مابقوم حتى يغيرو ما بانفسهم. |
كلام اختي لمني بشوق عين العقل والصواب
عن تجربة شخصية انا كنت متروسة شوي ومن بعد الطلاق ضعفت حححححححححححححححححيل لدرجة كل من يشوفني ينصدم من شكلي ويهي صار طويل وايد بس " ومن غير غرور" ثقتي بنفسي وقناعتي ان جسمي حلو بنظري واللي مو عاجبته مو لازم يتطالعني لا يتعب نفسه من شوفتي.... هالكلام خلاهم بالنهاية يطالعوني ان انا صاحبة الجسم المثالي مع ان وزني كلش ما تغير واذا ما كنتي تبين كرش عليج بالمارميه " المرمية بتخلي العجوز صبية" تقبلي مروري |
تم نقلة لتطوير الذات مكااانة الانسب
|
شوفي البنات ماخلوا شي ما قالوه بس انا بقول لك هالقصه
كان فيه واحد متزوج ثنتين وحده سمراء بشعه ووحده بيضاء تجنن بس هالرجال خاق مع السمراء وناسي البيصاء بالايام وفي يوم من الايام طلع الرجال من السمراء وراحت تطل البيضا على السمرا من الدريشه وشافت البيضاء السمراء تتأمل نفسها في المرايه وتقول< لون اسمر بطن كبير سيقان دقيقه الخ> وبعدين قالت لا تطالع قدم ولاساق ان الله الرزاق وعرفت البيضاء فعلا الله المسخر والرازق و والله انا اعرف وحده قمه في القبح وروجها حلو حيل بس عندها اسلوب وفيها مخ وربي انتظر متى تجي عشان اسولف معاها لان من جد تحسين شخصيتها تطغى على شكلها وزوجها معطيها وجهه وما قد سمعنا انهم تمشكلوا ماشاء الله وانتي حطي عقلك براسك وتزوجي ع الاقل تجيبين ولد ولا ثنين يشيلون ضعفتك |
السلام عليكم
اختي العزيزة ماأدري ليش الناس ماخذة فكرة ان البيضاء هي الحلوة وبس وكأن غيرها ماينبغون! أنا رجل وأعرف الكثير من بني جنسي يرغبون بالحنطية والسمراء وهم بيض وواحد من زملائي المقربين دوخ اهله السبع دوخات يبي وحدة برونزية او سمراء فاتحة وهو ابيض ووسيم ماشاء الله وهناك آخرين يبحثون عن نفس مواصفاتك فلا داعي لليأس وتذكري ان للناس أذواق مختلفة |
عزيزتي الإنسان يأخذ بالأسباب..
أولا مارسي الرياضة 3 مرات أسبوعيا على الأقل.. ثانيا اهتمي بأنوثتك, اصبغي شعرك قصيه بين فترة وفترة اهتمي ببشرتك واستخدمي أفضل أنواع المرطبات لها ولعينيكِ اهتمي بشعرك اهتمي ببشرة جسمك, اذهبي إلى أقرب "سبا" واعملي "ميك أوفر" اهتمي بأظافرك وكل شيء فيكِ دون مبالغة.. ثالثا تأكدي أنه ما من فتاة غير جميلة على الإطلاق, ما ينقصك ثقتك بنفسك والإهتمام ثم لا تعيبي نفسك فالله عزوجل من خلقك وهو أعلم بكِ وكثير من الفتيات اللواتي لا جمال فيهن تزوجن وأنجبن ويعشن بسعادة فلا تجعلي كل آمالك في الحياة تتحطم بسبب أوهام لا أساس لها.. بالتوفيق.. |
بصراااحه زعلانه منك:29::29::29::29:
يعني أنا الحين سمره مش حلوه مثلا:29: كاهي أنا متزوجه وزوجي يحبني ويموت فيني:d ولعلمك زوجي ابيض:( طلع ولدي اسمر وبنتي بيضه ابيض من ابوها:11: ندخل بالموضوع انتي محطمه نفسك انا يوم كنت بنت كنت بشعه ههههه كنت اقول مين بياااخذني:23: وفجأه لقيت الناس يقولون على اني احلويت(عشان كنت اهتم بنفسي) يعني انا تصنعت الحلى فجأه لقيت خطاب فجأه تزوجت:14: يعني الحل بيدك اهتمي بنفسك يعني مو بس الحلوات يهتمو بنفسهم لا ترى كل وحده حلوه تشوفيها لها قدر من الجمال فقط والباقي تصنعته من عندها كلام لمني بشوق عيييييييييييييين العقل اولا خليك واااثقه من نفسك موفقه |
والله يا اختي لا القبح يرد الزواج ولا الجمال يجلبه لك
والحمدلله انا لا انكر فضل الله علي جميله ماشاء الله تبارك الله ولا حول ولا قوة إالا بالله لكن عااااانس عارف كم عمري بدايه 30 تصدقي حتى اقربائي ما يخطبوني بالرغم اخطب من قبل قبائل اخرى وايضا مافي نصيب الحمدلله يا انا ارفض يا هم يرفضون والحمد لله نلعب شرعت انا ولخطاب وبنات وش اقول بعضهن والحمدلله خلقت الله جميله مهما كانت والله تزوجوا في بدايه العشرينات ترى الزواج لا يعرف ابدا لاجمال ولا قبح ابدا بالعكس ارى القبيحااات هن اللذين يتزوجون الجميلين كثير منهن والله حط في عقلك زين زين هو انه جمالك وعدمه لا يجلب ولا يدفع واقول لك والله اعرف قماااري وملكات جمال وانبهر ماشاء الله تبارك ولا تزوجن وابشرك اكبر مني بمعنى عنسوا اقول لك شي قريبه والله جمالها اقل من عاااادي واميه تقريبا وجماعتنا يعتبرونها درويشه وبعد كذا مررررت الايام وكبرت البنت امكن قربت الاربعين تخيلي ودائما ترووح لاطباء نفسيين وهكذا الناس يسخرون بهاااا تعرفين والله خطبت لشاب شفتي رزق الله وعندها اخوات اجمل منها ومتخرجات من كليات ولا تزوجوا وعند اخت ماشاء الله كثير يعجبن من جمالها التي تصغرني بس والله انا كنت انخطب وهي لا ومرت الايام ونفسيتها تعبت وزميلاتها غريبه ماتزوجتي اكيد مخطوبه يقولون لها لكن ربي ما اراد إلا بعد ماوصل عمرها25 والله يوفقها رزق الله ما احد يقدر يمنعه عنك وعليك بالدعاااء واكثري واللي تبينه ترى ربك كريم واطلبي حتى لو شاب جميل وكريم تراك تدعين ربك الكريم ادعي الله انه يرزقكي الرضى بالقضاء واصبري وانا متاكدة ان في اقل منك جمالا وتزوجن فالله كريم ويكون في علمك الجمال شي نسبي ماترينه جميلا عند غيرك لا ليس جميل أختك منيه |
قال تعالى: " الذي خلقك فسواك فعدلك* في أي صورة ماشاء ركبك".
قُدر لك ان تكوني بهذه الهيئة وهذه الكيفية من الله عزول وجل خالقكِ فمما الاعتراض ..! والامتعاض؟ |
اللي يسمع كلامك يقول أن كل المتزوجات ملكات جمااااااااااال !!!!!!!!!
والله بعضهم لما تشوفينهم تقولين ياااارب هذولا كيف متزوجين ؟؟؟ و شئ ثاني : اللحين من زين الرجااال الي بتتزوجين .... والله لو كان أوسم رجل بالدنيا !!!! ماقلتي عن نفسك كذا ... شوفي ترى الأمور متعادلة والناس زي بعض وكل إنسان وذوقة موفقة أختي .... |
اختى الحبيبة والله مثل ما قالت الاخت سابقا كل فولة وليها كيال وربي سبحانه ما خلق الناس كلهم بنفس المقاييس ونفس الاذواق وان شاء الله تجدين الزوج الذي يهواك كما انت اختى الحبيبة باين من كلامك انك راضية بحالك وان شاء الله ربي يبعثلك الزوج الى يغير رايك تماما من ناحية الزواج وساعتها راح تدعين الله انك تتزوجيه باسرع ما يمكن وراح تنسين كل هالافكار اسال الله ان يكون ذلك عاجلا غير اجل بس انت طمنينا |
اقتباس:
http://www.66n.com/forums/images/icons/icon59.gif و إذا ؟؟؟ وين المشكلة ؟؟؟ مافي أحد بيجي يفتشك أولاً وما أعتقد إنها مشكلة نهائياً -مثل ما الإعلام ضخمها- ثانياً وثلاثة أرباع المتزوجات مثلك ثالثاً |
بسم الله الرحمن الرحيم
اولا:-الشكل الله سبحانه وتعالى ما خلق من ذكر الا وخلق انثى ترضى وتقبل شكله وما خلق من انثى الا وخلق رجل يرضى ويقبل شكلها ولو كانت قبيحه غير انك ومع الوصف الموصوف لا ارى انك قبيحه لانن الشعر مع الزيوت والاستشوار وغيرة بيصير شكله حلو وجميل وكم من فنانات لو رايتيهم على الحقيقه لاتقولين الا انهم فعلا قبيحات اما لون البشرة الاسمر او الاسود او الابيض لا يعبر عن الجمال (الجمال جمال الروح مو جمال الشكل) فكم من فائقات الجمال ما نقدر حتى نلقى عليهم السلام من بشاعه داخلهم وكم من قبيحات نتودد اليهم من جمال روحهم ثانيا:-الجسد بعد الزواج بيتغير لدرجه كبيرة وما تعانيه سيزول مع الوقت وخاصه مع الحمل والولاده وهذا عن تجربه شخصيه ورايت الكثير من الاصدقاء والاقارب والتغيرات التى تطرا عليهم وكل ماذكرتيه ليس بمانع من الزواج فمن سيتقدم اليكى ولا يعجب بمظهرك سينهى الموضوع ومن سيستمر معك سيكون راضى بشكلك لان كل شي ظاهر ولا يخفى ثالثا:-لا اقول لكى ثقى بنفسك ولكن اقول لكى ثقى بربك هو خالقك واحسن خلقك ونحن عندما ننظر بالمراة يكون الدعاء المذكو(اللهم انت احسنت خلقى فاحسن خلقى)والموضوع مو الشكل ولكن الجوهر انتى ما هو داخلك هل انتى فتاة قلبها نظيف ام يملؤه الشر والحقد هذا هو المهم لاتمنعى نفسك شرع ربك واتركى امرك لخالقك واخيرا:- ابتسمى لغد مشرق واهتمى بكل ما يخص داخلك وعلاقتك بربك كى تنجحين واتركى عدم ثقتك بربك قبل ان تكون عدم ثقه بنفسك تفائلو بالخير تجدوة لا تعقدى نفسك فلن يخسر سواكى. |
الله يرزقك بالزوج الصالح يارب ياما بنات اكتر من مواصفاتك واتزوجو وانا اعرفهم وانا الحمدلله اعتبر اجمل صاحبتى بس لسه مااتزوجت
كل شي قسمة ونصيب |
| الساعة الآن 08:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©