|
زوجي حزين دائما كيف اساعدة ؟
السلآم عليكم ورحمة الله وبركآته .. أنآ عضوه جديدهـ .. بصرآحه ارتحت للمنتدى وسجلت فيه .. وحبيت اقول لكم مشكلتي مع زوجي من دون مقدمآت .. متأمله اني ألاقي الحل عندكمـ .. << مآتعرف للمقدمآت .. أنآ من عرفت زوجي ودآيم أحس ان فيه حزن مكبوت عله كبت .. هو مآ يبين لي ولآيوضح لي انه حزين .. وكل مآ أسأله يقول من الله مآ ادري وش السبب .. واحيآنآ يقولي ممكن سبب حزنه عشآن ابوه توفى وامه توفت واعز اصدقائه توفى .. رحمهمآ الله رحمه وآسعه وغفر لهمـ وأدخلهم فسيح جنآنه من دون حسآب .. وأنآ عرفت من نآس قريبين له أنه كآن مفوت لوحدهـ ولمآ جآهآ اللي أحسن منه تزوجته وتركته .. أنآ مافتحت له ذآ الموضوع لآني مآ أبيه يعرف اني عارفه شي عن الموضوع .. والحين أبي نصيحتكم وش أسوي معآه عشآن الحزن يزول نهآئي .. الله يوفق اللي يسآعدني ويدلني ع الطريقه .. |
السلام عليكم ورحمة الله وبركاته
يمكن اجتمع معه احساسه بفقد امه وابوه واعز اصحابه مع العروس اللي تركته واخذت اللي اغنى منه خلينا نركز على آخر نقطه وهي انك تحسسيه انو احسن واحد وحاولي تضحكيه وخلي ابتسامتك على وجهك كل الوقت |
عليكم السلام ورحمة الله وبركاته
عذرا .. ينقل للقسم المناسب . |
ما اعتقد ان احد فينا بيقعد طول عمره بهم وحزن ونكد علشان كان بيخطب وحده وفضلت شخص آخر عليه
اذا هو يسرح كثير فهو يسترجع ذكرياته التي عاشها ويحزن على فراقهم فقط حاولي تغيرين من الجو اذا عندكم اطفال اطلعوا استانسو غيرو الاجواء روحوا لمكة عمرة لان العمره تريح النفس من الحزن والهم واجواء مكة الايمانية حلوة جداً |
وعليكم السلام ورحمة الله وبركاته كم لكم من سنة متزوجين ؟ انا اتوقع ان تأثير الوفاة اقوى واشد من تأثير البنت الي تزوجت غيره والمفروض تبني حزنه على ما وقع عليه ولا يذهب تفكيرك الى سبب قد لا يكون صحيح او انه قد نسيه اقتباس:
اقتباس:
سؤال لو اردتي فتح الموضوع بأي اسلوب سوف يكون هذا الفتح ؟ بعض الناس وفاة احد والديه يغير فيه الكثير وقد يكون زوجك من هذه النوعية حاولي ان تعرفي منذ متى وهو لديه هذا الحزن وهل في حياة والدية كان لديه هذا الحزن ام لا ايضا بأمكانك ان تعرفي في أي الوالدين كان له تأثير اقوى لأنكِ قد تستطعين التخفيف اذا كان من ناحية وفاة والدته |
الله يرحم اموات المسلمين
من متى ابوه وامه متوفين ؟؟ وكيف كانت وفاتهم هل موت طبيعي او بعد معناة مع المرض ؟؟ وفاتهم قبل زواجكم أو بعده ؟؟ هل لديه أخوان ذكور ؟؟ وماهو ترتيبه بينهم ؟؟ والبنت الي مسمية له لما تزوجت هل على طول تزوجك انتي أو بقى فترة ؟؟ |
اقتباس:
وعليكم السلآم ورحمة الله وبركآتهـ .. أكيد أجتمع معآه .. أنآ مآ أقول انه صعب صعب وبقوه بس من زمآن وهو على هالحآله .. وأنآ كذآ محسسته أحيآنآ يكون مبسوط ومستآنس واحيآنآ ملآمح الحزن تبآن على وجهه .. الله يكون بالعون .. شآكره لك مروركـ .. |
اقتباس:
شآكره لك مرورك أختي تـ ح ـيآتي |
اقتباس:
آمممـ ممكن أنه يسترجع الذكريآت لكن تتوقع تفويت دآم 20 سنه ومآله أي ذكرى بقلبه ..؟ من عمره 7 سنوات وهو مفوت مآعندي أطفآل لآني عروس .. لو تدري وش الصآعقه ..؟ صدف أن أسمي مثل أسم اللي كآنت لهـ أحيآنآ يقولي بسمي بنتي على أسمك .. يروح بآلي انو عشآنهآ وإن شآء بنسوي عمرهـ قريب مشكور ع المرور |
اقتباس:
هلآ أخوي العآبر .. صآر لنآ 4 شهور زوآج .. والخطوبه 11 شهر .. تأثير الوفآة أشد .. لآن أبوهـ توفى وفآة شنيعه .. بحآدث مروري خطير .. (( رحـمه الـله رحـمة وآسـعة .. وأسكـنـه الفـردووس الأعـلــى )) .. وبعدهآ بسنه توفت أمه .. وشآفهآ تحتضر قدآم عيونه .. وكآن متعلق بأمه لدرجة أنه أمتنع عن الزوآج لمآ تزوجوا أخوآنه وبقى عند امه برآ بهآ .. (( رحـمهآ الـله رحـمة وآسـعة .. وأسكـنـهآ الفـردووس الأعـلــى )) .. بالنسبه للموضوع أنآ مآرآح افتحه بتآتآ .. مآ أبي افتّق جروحه .. الحزن رفيق له .. لدرجة أن أحد من أصدقآئه قآل لو شفتك مبتسمـ دآيم لآ أذبح لك 5 ذبآيح .. وربي قلبي متقطــع عليه .. شآكره لك مروركـ .. |
اقتباس:
آمـــــين يــــــآآآرب .. أبوه قبل 4 سنوآت .. أمه قبل 3 سنوآت .. الله يرحمهمـ .. ذكرت سبب الوفآه بالرد اللي قبل ذآ .. وفآتهم لآ قبل الزوآج .. نعم لديه أخوآن ذكور .. ترتيبه الاخير أخر العنقود .. لآلآ جلس فتره طويله مآتزوج قبل وفآة امه هي تزوجت .. مشكورهـ ع المرور |
اقتباس:
وثانيا هو مادام قالوه لا يعني بالضرورة إنه صح وثالثا كثير شباب يخطب مرة ومرتين وعشرة ومايظلون حزينين إذا ما حصل نصيب وأنا ما أقول انه مستحيل عقلا ولو حدث مافيه مشكلة لأنه وكما قيل اللي فات مات ونصيحتي لحل مشكلتكم هي تقربي وقربي زوجك إلى الله مااستطعتم فإن السعاة في القرب منه وانشراح الصدر كذلك في القرب منه كيف زوجك مع الصلاة؟؟؟ الله يجزاك خير ويوفقك إنتي وزوجك أختي الفاضلة |
اقتباس:
اهلين أخوي رآبع .. لآ هالحكي صحيح , هو لمآ جآء طلبني قآل لاخوي .. إن شآ الله اخوي نصيحتك على آسي .. الصلآه أبد أبد مآيتركهآ الحمدلله يأخر أذآ كآن نآيم .. واحيآنآ يصليهآ بالمسجد .. وأحيآنآ أنآ أصحيه .. بس مآ أحب اصحيه من النوم كثير لآنه اذا قآم مستحيل يرجع ينآم .. نومه خفيف مرره 4 أو 5 سآعآت يقوم وهو شبعآن .. لدرجة أني لمآ اسحب منديل صحى , أور رنة رسآله صحى أثآبك الله خيرآ على دعوآتك الصآدقه .. ولك مثلهآ إن شآء الله تحيآتي |
وعليكم السلام ورحمـة الله اخـتـي الكـريــمـة فـي طـريـقة ممكن تخفف وتـحـول طاقـة الحـزن لطاقـة إيجـابيـة مـثـلا: اقـتـرحي عليه ان يـضـع شيء من المال كـوقـف لوالديـه،،، فهناك مؤسسات خيرية لديها اوقـاف وبعضها خاص بالوالدين وخليه يشوف افضل مؤسسـة تقوم على هذه الأوقـاف .... لـعـل هـذا يـخـفف الحـزن عـنـه.... وأيضا ممكن تطلبي منه كذلك وقفاً لكما .... وقـولي لـه أنك تدعين لوالديـه -رحمهما الله - اللذان أحسنوا تـربيـتك وتنشأتك، وأنك تفتخرين بـه امام الناس ورجال العالم،،،، وعددي له الصفات الحسنة فيه ،،،، وكـل مـرة قـومـي بذلك وامزجـي في كلامك بين الحنان له والفخـر والإعتداد بصفات وشخصيته والثقة بـه .... ومثال امنا خديجة - رضي الله عنها - أوضـح مثال لما رجـع النبي عليه الصلاة والسلام من الغـار مـرعـوباً مما حصل معـه.... فتـأملي أما بالنسبة للبنـت اللي اراد الزواج منها مسبقاً، فـسبب حـزنـه على والديه يجعل يتذكر كل احـزانـه.. نصيـحــتـي لا تفتحـي كلام معـه عنها، حـتـى لا يشغل ذهنه بها ، ومصيره ينساها ويخف ذكراه في حياته واهتمي بـه وادي حقوق التي عليك وكوني نعم الزوجـة واحسني التبعل له،،، والله يسخر قلبه لك... وفقك الله وأبعد عنكما الحـزن وشرح صدوركما بالإيمان وجمع بينكما بالمودة والرحمـة وجـعـل الإبتسامة عنوان حياتكـما عزوبي:21: بس:d رجل:30: |
اقتباس:
كلآمك جميــل جدآ جدآ .. بمشي عليه خطوه خطوه .. وعلى نصآئح البآقين بأذن الله يعطيك العآفيه أخوي .. أثآبك الله خير على دعوآتك .. ولك مثلهآ يآرب .. تحيآتي |
زوجك مافيه إلا العافية إن شاء الله
بس حبيت أسأل - كيف تصفين علاقتك بزوجك ؟؟ هل هي أقرب إلى الرسمية وتأخذ طابع القيام فقط بالحقوق والواجبات أم هي ودية أكثر وتقوم على التفاهم والحب - هل انتي من النوع التي تفتح قلبها لزوجها بكل همومها .. - وهل هو من النوع الذي يفتح قلبه ويتحدث بسهوله أو أنكِ تجدين من الصعوبة معرفه همومه حتى العادية التي يصادفها في حياته - هل يفضل الصمت على الكلام ؟؟ |
مرحبا ,.........
مادري ليش ضااااق صدري عليك ..... غاليتي الغلا ....... بحياتك كلها لاتسألينه وش فيك كانه ضايق صدرك لانه حتى لو ماضاق صدرهـ راح يوسوس ويضيق صدرهـ غيري روتين حياتكم....اكثري من الاجتماعت مع اخواته واخوانه .......لاتلومينه اللي مر على زوجك ماهو شويه فقد والديه هل كان مع ابوهـ وقت الحادث ؟؟؟ولاتنسين هو اخر العنقود يعني متعلق بزيادهـ اطلعوا منتزهات ....اسواق ايش نوع وظيفته ؟؟قد تكون ممله ورتين حياتكم مسبب له الملل ...... اعذريني كلامي غير مرتب ولكن حسيت مما تألمتي منه .... |
اختي عوضيه
سر ابتسامه الرجال في يد زوجته لا تسألي بل افعلي لا تكثري الكلام بل الفعل والأهم هو الدعاء .. ان يفرج الله همه وان يسعدكم لو فعلا ما ذكرتي انه كان متعلق بوحده وانها تزوجت فـ غير مستغرب ان يترك هذا الأثر في نفسه. اكتبي له رسائل بالمختصر ... خليه يحس انه فقد أمه و أبوه و البنت اللي كان يحبها وعوضه ربي خير بزواجة منك واحتسبي الأجر والله يسعدكم و يوفقكم لكل خير |
| الساعة الآن 04:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©