|
سأخطب ولكن,مشكلة طولي
السلام عليكم ورحمة الله وبركاته
كيف حالكم ؟ إن شاء الله طيبين ابدخل فالموضوع بسرعة لاني بصراحة محتار وحيران واعيش قلق نفسي انا شاب عمري 20 سنه وداخل على خطبة ونظرة شرعية وبصراحة خاااااايف ومتورط اخاف ان طولي مايعجبها لاني قصير بصراحة طولي 159 رغم ان شكلي وسيم ولاودي امدح نفسي بس عشان اشرحلكم حالتي ولو رفضتني بتحطم طول عمري ومنيب متزوج ولانيب خاطب قولولي وش اسوي وش الحل ؟ ملاحظ البنات يبوم واحد طويل :( وهذا اللي قلقني |
برايكم وش الحل وش اسوي بهالمشكله
|
طولك جيد أخي الكريم وأعرف ناس كثيييييييير قصار ومتزوجين وأمورهم تمام بل فيه بعض الناس ماشاء الله زواجهم باين عليه سعيد
شل هالمشكلة من راسك البنت اللي بترفضك عشان طولك أكيد سخيفة وما تستاهلك وأنت في حدود الطول الطبيعي ياليتك تشوف بعض الأشخاص النانجحين اللي في مجتمعي من ذوي القامة القصيرة فعلا لو واحد منهم خطب بنتي أزوجه وأنا مغمض لأنهم ريجيل فعلا ويخافون الله أنا عن نفسي لو عندي بنت أزوجك إياها إذا كنت ذو خلق ودين وفقك الله وعقبال مانفرح بك :) |
الله يبشرك بالخير ويسلمك إن شاء الله ههههههههه كبرت راسي
عطيتني دفعة معنوية الله يوفقك |
الله يتمم بخير مافي اي مشكله
بس من الافضل انك تتقدم لعروس تكون قصيره |
المشكلة لو بتقدم لقصيره عيالي بيتضررون
بيصيرون قصار والله قلق نفسي |
نصيحة تقدم لذات الدين وماعليك من طولها إذا شفتها وارتحت لها توكل على الله واستخر ووافق
وبتسعد معها أحسن سعادة إن شاء الله وتدلعك :) الأشخاص اللي أقول لك عليهم متزوجين حريم أطول منهم :) وفقك الله |
أخي صديق الأمل
صدقني الطول ماهي مشكلة والنظرة الشرعية مهمة مو عشان كل واحد يطلع عيوب الثاني النظرة الشرعية مهمة عشان يحط الله بينكم ود واحساس بالراحة النفسية والطول عمره ماكان مشكلة للبنت عشان ترفض وانا في اعتقادي إن طولك مناسب وماتعتبر قصير بس هذا احساسك النفسي بنت خالي طويلة جدا ومتزوجه ولد خاتي قصير جدا وعندهم ست أولاد وعايشين معاريس على طول حب وسعادة الله يديمها عليهم & أنت توكل على الله وبشرنا أنا عندي احساس انها بتوافق بقوة يالله يامعرس من قدك شوفه شرعيه وعقبال الدخلة ولاتنسى تعزم أختك همس الأصيل & |
طولك عادي جـــدا... كما هو موجـــود من الفتيــــات من نفس طولك....
توكــــل على وخذ من هي ذات دين وخلق.... وبنفس طولـــك أفضــــل... وفقـــك الله ويســـر امرك... |
عادي يا آخوي ''
هذا اللي ربك انعم عليك به ,, حمده وآشكره وبعدين فيه كثير مثلك ,, وآمثال عليهم آخواني وواحد من اعمامي وكاهم متزوجين ومبسوطين :) الله ييسر آمورك |
اهو صحيح أن البنات يحبون الطويل ولهم مواصفات شكلية معينه
مثل ما الرجال لهم مواصفات شكلية بس ما أعتقد أن عشان طولك مراح تتزوج أو تتعقد وإذا ما رضت فيك هذي البنت ابترضى فيك غيرها إن شاء الله وانا انصحك دور على وحدة طولك او اقصر منك .. والنسبة لعيالك مين قال انهم ضروري يطلعون قصار الابناء ما ياخذون صفاتهم الوراثية من الأم والأب بس لا .. الابناء صفاتهم الوراثية ياخذونها إلى 99 جد من الاثنين والاقرب من كذا في الأخوال والعمام .. توكل على الله |
أولا : أسأل الله أن يوفقك ويعفك ويرزقك ويبارك فيك ولك وعليك ثانيا : إذا اعتقدت أن السعادة في الطول فقط فقد أخطأت وزرعت الشقاء في حياتك! ثالثا : ركز على إيجابياتك حتى تزداد ثقتك بنفسك وقد أحسنت حين ذكرت بعضا منها في كلامك وأيضا من إيجابياتك أنك شاب في مقتبل عمرك ( 20 سنة ) ما شاء الله لا قوة إلا بالله وفي هذا العمر قلة قليلة من يوفق إلى الزواج وإعفاف نفسه كثير ممن هم في عمرك منحرفون ولا يفكرون في الزواج فهذه إيجابية عظيمة جدا أيضا أنت ستطبق سنة عظيمة وهي النظرة الشرعية وهي سبب للتوفيق بين الزوجين لأن الوحي المطهر أمر بها .. كذلك من إيجابياتك أنك أقدمت على الاستشارة وهذا دليل على قوة عقلك ورجاحة فكرك فكثير من الشباب ممن هم في سنة مع الأسف لا يهتمون بهذه الأمور ويرون أنها من إضاعة الوقت وهذا دليل على تميزك على كثير من أقرانك ما شاء الله ! رابعا : من قال لك إن البنات لا يحبون سوى الطويل ؟ هذا التعميم خاطىء جدا !! وهذه الفكرة جعلتها في ذهنك حتى بدت حقيقة فألغها من عقلك حتى يرجع لك توازنك .. البنات مللن من الجلسة في بيوت آبائهن وإن رفضتك هذه فاعلم أن الله أراد بك خيرا فأحسن الظن به واذهب وابحث عن غيرها فما أكثر البنات التي يتمنين الارتباط بشاب مثلك والله إنهن كثر كثر جدا جدا فلا يوسوس لك الشيطان فإنه عدو مبين يريد أن يبعدك عن هذا الطريق الطاهر الطيب وهو الزواج فهي أمنية للشيطان فأرجوك لا تحققها له أرجوك أخي الحبيب ! خامسا : ذكرتني زارنا اليوم ابن عمي لي وهو قصير جدا مع أن زوجته أطول منه زارنا هو وأبناؤه وزوجته وعلاقته مع أسرته ناجحة وموفقة وكذلك كل إخوته قصار لكن لهم ثقل في المجتمع وموفقون في زواجاتهم ومع أبنائهم وفي أعمالهم سادسا : أكثر من الدعاء والجأ إلى ربك فربنا كريم وعظيم وغفور ورحيم لكن لنلجأ إليه فالقلوب بيده وهو القادر وحده سبحانه على جمعها والمعذرة على طول الكلام .. أخوك.. |
اخوي اذا لاسمح الله رفضتك
تزوج وحده في طولك تقريبا يعني 160 او 165 وهاذا هو السائد في طول بنات السعوديه والله يوفقك |
أخـوي الكريـم بعطيك امثلة حية اثنين من زمـلائـي أطوالهم 150 سم ومع ذلك متزوجين فتيات اطول منهن، ورزقهم الله بالذرية واحد من أعمـام أمـي قصير وأقصر منك بالحـيـل وتزوج وحده أطول منه كثييير ، و وعياله وبناته الحين تو متوظفين وبعضهم بالجامعة والثانوية، وما شاء الله فيهم طول قامة عجيب... اطول من والديهم ... واحد من أعمامـي متـزوج ثلاث(:22:) وهـو قصير بالحيـل ، وما شاء الله زوجاته وعياله وبناته أطـول منه وما شاء الله اكثرهم متزوجين ورزقـه بأحفاد.....وهـو عنده تجارة في مجال المقاولات.... فطـولك لـن يعـيقـك عن الزواج ،،،، المهم احسن إختيار ذات الدين والخلق ومن ترتاح لها قلبك والله يتمم لك على خيـر عزوبي:21: بس:d رجل:30: |
والله ابشرك يا خوي ترى اهم شي النصيب قريب لي والله لا وظيفه ولا طول وشكله عادي
يعني انت عندك مميزات اكثر منه لاامكن في 30 وخطب وخطب المهم تزوج بنت في الكليه وبعد كذا انتهى من الجامعة لانه طول فيه وتزوج هذا الفتاة وتقول قال لي خالي خطيبك قصير تقووول قلت مو مشكله وهي طويلة بالنسبه له والحمدلله الآن متوظف واصبح اب سبحان الله رزق الله لا يستطيع احد منعه وإذا رفضت لا تفكر انه طولك سبب لكن لأن الله لم يريد لك واخطب واخطب كما تريد وعليك بالدعاء بالتوفيق وان تختار الزوجة الصالحة |
كل موووز ,, :d
ونط كثير ..:17: ياحبيبنا صدبق الامل ,, توكل على الله وشيل هالكلام من راسك ,, وماشاء الله سرد لك الاعضاء عن حياة كثير منهم مثلك واقصر .. ابحث عن الدين والجمــال والاخلاق ,, وابناءك لا علاقة لهم بذلك ,, ترى في الحياة العامة كثير منهم اطول من والديهم .. وفقك الله واسعــــدك .. |
ماقصرتو على الردود
ماتدرون وشلون ريحتني وعطتني دفعة معنوية انا بصراحة كنت متخوف بسبب ان البنات اول شي يفكرون فيه الطول بس اللحين خلاص راح الخوف الله يوفقكم إن شاءالله حتى لو رفضتني منيب متحطم :d بدالها مليون شكرا لكل اللي ردو الله يوفقهم ويعطيهم امنياتهم يارب يرجى كتابة لفظ ( إن شاء الله ) كما بين الأقواس .. الإشراف |
الله يوفقك أخوي ويسعدك في زواجك
بس حبيت أذكر إننا أحيانا نذكر إن نعمة الطول أو القصر تكون مشكلة بالعكس هذا القصر الذي نشوفه مشكلة ممكن يكون نعمة في حقنا واحنا ما نشعر والله سبحانه الذي وزع الأرزاق هذا طويل وهذا قصير وهذا شكله كذا وهذا كذا لأنه سبحانه هو أعلم بعباده من أنفسهم وحال المؤمن إنه يرضى بما قسم الله له حتى يحصل ما هو أعظم عند الله بسبب رضاه وعدم تسخطه |
يارجال انا اعرف واحد طوله 19 سنتي ومتزوج ومبسوط لاتعقد الامور وبعدين اكثر البنات قصار
|
اقتباس:
هاذا مسطره مو بني ادم :21: |
انا من راي تتقدم لعروسة من طولك بالضبط باذن الله ربنا يرسلك اليها
ربنا ييسرلك الخير على فكرة زوجي في نفس طولك وانا تقريبا فالحمد الله مناسبين ربنا يوفقك |
اخطب بنت قصيرة اقصر منك بكثير ..
لأن بصراحة صعب البنت تتزوج اقصر منها .. خصوصا لو كان قصير جداً موفق ان شاءالله |
والله صعبة الرجال ياخذ واحدة أطوووول منه ...
مدري كيف يحس إنه رجال !!!!! بس أتوقع إن الواحد إذا كان قصير بيعوض النقص اللي هو حاس فيه بطول زوجتة !!!! لو كان العكس يعني البنت هي القصيرة والرجال طويل بيكون أفضل بكثيييييير لكلا الطرفين ... |
طولك مو سيئ !
انا اللي اشوفهم اغلب البنات من 155 إلى 160 هذي الأغلبيه فأكيد بتحصلك فتاة من نفس طولك او اقصر بشوي إذا انت مو حاب تخطب بنت اطول منك اسأل عن طولها قبل تتقدم اذا تأثر فيك هالنقطه وبالتوفيق |
عاااااادى مش شايفاها مشكله كبيره ولا حاجه بالعكس انت اللى مكبرها زياده عن اللزوم وبتفكر فيها كتير عشان كده حاسس انها مشكله
خد الامور ببساطه وخليك واثق من نفسك وفكر فى أمكانياتك الاخرى وفكر حتى فى اخلاقك وانك انسان جيد وتتمناك اى انسانه فكر فى كل هذا ولا تضع الطول عقبه امامك حتى لا يعوق طريقك كله بسبب شئ صغير بالنسبه لى كنت اشاهد الكثير من زملائى فى الجامعه بنفس طولك وعادى ما يهتموا ونا طولى 154 وزوجى طوله 169 يعنى مش عمالقه ولا شئ يعنى انت فى المناسب ....لا تكبر الموضوع |
عادي يالغلا مافيها شي
اعرف ناس قصيرين مره وتزوجوو ولاقالوا زي ما انت تقول وبعدين ماتعتبر قصير انت عادي ياخي وش تتعقد انت رجال ومايعيبك شي والبنت بدالها بنت اتكل على الله بس وان شاء الله مايصير الا كل خير |
ياأخي لو كانت المسألة مسألة مظهر لعنس العالم كله.
كلنا فينا عيوب ولا أحد كامل.. المسألةكلها مسألة تقبل لاأكثر ولا أقل.. لو ما تقبلت أكيد ما هي من نصيبك... أنا لى قريب الطول ماشاء الله, ومقبول ومافيه شئ, ويتم رفضو كل مرة, يعني نصيبو لسه ما بين.. إنت أستخر وأدعو ربنا بالتوفيق والخيرة فيما إختاره الله, خليك عادي جدا, نصيبك راح يصيبك... إتكل على الله وخلينا نسمع أخبار حلوة.. |
توكل على الله والارزاق بيد الله المهم التوفيق
وفق الله ورزقك ماتتمنى |
طولك مو شين .. وفيه كثيييييييييييييييييييييييير بنات بنفس طووولك ~ عمي قصير يوصل لكتفي يمكن مع ان طولي عادي 164 بس متزوووووووج من سنة جدي هههههههههههه وعنده عيال وزوجته نفس طووله ~ وبنت خالتي طوووويله اطول مني وزوجها وعايلته كلهمممم اقصر منها ... وماشاءالله جدا متفااااااااهمين خليك اسـد وتقدم والله يووووووووفقك ~ تقدر تسأل امك وخواتك عن طول البنت وهم يخبروونك ~ قبل لاتغامـر ~ اذا كنت متخووف |
| الساعة الآن 11:33 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©