|
رفعت صوتي على زوجي فغضب مني
الله يخليكم ابغى استشاره سريعه لان وقتي ضيق
ان وزوجي صارت بينا مشكله اول يوم في العيد بسبب اني عليت طبقت صوتي وانا اكلمه ويمكن الوقت مايسمح لي اقول لكم اللي صار بالتفصيل المهم بعدها انا رحت عند اهلي وقال لي لا ترجعين الشقه فبت عندهم الى اليوم واليوم هو عنده شغل ضروري وطلع من الشقه وماراح يرجع الا الساعه 2 تقريبا الاستشــــــــــــــــــــــــــــــــاره: انا بروح انظف الشقه فهل اقعد فيها الى مايجي او انظفها واطلع لانه وقت ماناقشته في المشكله قال لي لاترجعين الا لم اقولك .. بربكم لا تبخلووووووووووون علي بالنصيحه |
ما ادري والله شاقولك يا اختي
اذا انتي حاسة ان هو من صجه لا لا تروحين بس دزي مسج قوليله بروح انظف الشقة وشوفي شنو رايه واذا رحتي اخذي معاك بوكيه ورد وحطيها على سريره ورسالة عتاب حلوة |
انابصراحة لااعرف كيف طبيعة زوجك اذازعل..وهل بضل عند كلمته..
عل كل حال اختي لازم تصالحين زوجك بأسرع وقت انت الغلطانة وكلما مضى وقت حتزيد الجفوة بينكم..اعملي متل ماقالت موهبة ارسليله مسج حلو في اعتذار ونظفي الشقة وحطي فيهابوكيه ورد واكتبيلة بطاقة عليها انه هو اغلى شي في حياتك وانك لاتستطيعين العيش دقيقة بدونه واكتبيله انك متأسفة عمابدر منك. الله يصلح حالكم اختي..وطمنينا عنك |
الله يجزاكم خير ويفرج لكم
انا جيت الشقه ونظفتها وحطيت ورقه ع السرير وان شاء الله خير |
الله يوفقك ويسعدك
جميل انك حطيتي ورقة فيها اعتذار وكلام حلو لكن الأجمل لو انك ما تكررين الحركة اللي سويتيها لما رفعتي صوتك لاتنسين الحور العين تقول ( لا تؤذيه قاتلك الله..إنما هو دخيل يوشك أن يفارقك إلينا ) او فيما معناه ودمتي بخير |
لا ان شاء الله ما يشيلها بقلبه اعتذار يمحي كل آثار الزلات والأخطاء
لكن هل يعلم انك بتروحين للشقة تنظفينها ؟؟؟؟ |
جزاكم الله خير
والله اني كنت امر في مرحله اني مابغى ازعله حتى اني قبل العيد اقوله انت باب من ابواب الجنه لكن انا بقولكم الموقف الان وانتوا احكموا السالفه اني كنت جالسه مع بناتي وكانت خدامتي تساعد في حط الغدا لان غدا العيد عند اهل زوجي فنادني وقلت له سم.. قام وصرخ وكان يمزح انتي مخليه امي بالمطبخ وجالسه في الصاله قلت له انا جالسه مع البنات والخدامه جالسه تساعد وخصوصا انا عندي بنت لو اوقف وهي جالسه تقعد تبكي الله يهديها فلازم اكون قدام عيونها وبعدها حسيت الصراخ انقلب جد وامه كانت واقفه معنا و يشهد الله انها حبيبه وطيبه وكان الباب مفتوح شوي فكل الحريم اسمعوا صراخه وانا حزت بخاطري واخنقتني عبرتي فقلت له يافلان لاتصرخ علي قدام الناس بس طبقة صوتي كانت مرتفعه وطلعت بعدها ارسل لي مسج: صدق ان مافيك خير وقتها ماقدرت وجلست ابكي لاني مااستاهل هالكلمه الجارحه وخاصه في يوم العيد بعدها رحت عند اهلي وكلمته عشان برجع الشقه وقال خلك عند اهلك ادعو لي والله ضايقه فيني الوسيعه ع العموم انا رحت الشقه ونظفتها وطلعت |
اوو افتكرت انك مسوية شي عظيم
يعني اقصد ردة فعل طبيعية للي صار احراااج و يمكن الوحدة منا ما تنتبه لنفسها لو وضعت في موقفك زوجك صعب شوي متأكدة انو بس مزح, لأن لو مزح مفروض هو يبرر فعلته بأنو يمزح و ما أتوقع انزعاجك او احراجك السؤال:كيف عرفتي ان الصراخ ..مزح بعدين بعد الرسالة اتوقع بيرضى . ماشاءالله عليك الله يوفقك |
الموقف بسيط جدا اختي الكريمة
وزوجك ولد حلال واكيد امه كلمته وقالت له ليه تهاوشها وانها ما تستاهل وانها حسبة بنتي عيب عليك وهو نفسه اصلا تلقينه ندمان على اللي حصل واتوقع بعد رسالتك واعتذارك بيطيح الحطب أسأل الله لك التوفيق |
تسلمين يالغاليه ع ردك
حنا اذا رحنا بيت اهله يجلس يمزح انو يصرخ ويسوي نفسه سي السيد وانا اتقبل بس هالمره في ناس جالسين وسمعوا الكلام وهذا اللي خلاني انفعل |
لاااه
صراحة انتي غلطاااااانة حيل اولا مو عذر بنتك اللي تبقى معك دخليها المطبخ معك وساعديهم ثانيا هو غلط يوم رفع صوته عليك قدام اهله والحريم بس انتي زودتني الطين بله لانك رفعتي صوتك .. ولانه قدام اهله الله يعينك .. |
عاشق الجواهر فعلا عمتي كلمته
بس مافي فايده وقبل شوي كلمته وقلت له انو بجي الشقه بكره قال لي اجلسي عند اهلك قلت له الى متى قال الى مااقولك تعالي حبيبها حمودي انا ادري اني غلطانه بس فقدت اعصابي للاسف |
انتي ليش تأنبي نفسك لدرجة كبيرة الموقف بسيط و الحمد لله أن وهبك الكرم و الأبتداء بالإعتذار بطريقة كلها لباقة أنا أجد أن الغلط عليه إذا كان المزح من باب انه انا سي السيد ألا يعلم أن الناس قد تفهم الموقف أنه جد و لما يريد أن يثبت أنه السيد بالصراخ و حتى أمام الأهل و أنتي لم تقولي له كلمة توبيخ او استنقاص لا سمح الله بل طلبتي منه ألا يرفع صوته فهو وضعك في موقف محرج لكلاكما أنا لا أؤلبك على زوجك بالعكس أحيي فيك نفسك الطيبة و اعتذارك و ابقي على هذه الصفة لكن لا تكثري اللوم على نفسك لدرجة ان إذا فيه شي يزعجك لاتذكريه لزوجك بعد أن تنتهي السالفة بخير و سلامة,,,,بعدها بفترة أخبريه بطريقة لبقة أنك تتضايقين من هذه الطريقة و تخشين أنك قد تفهمينه خطأ و إذا فيه شي مضايقك مني كلي آذان صاغية لازم الزوجين يخبروا بعض بما يضايقهم من الطرف الآخر بطريقة لبقة حتى لا يتطور الوضع |
اختي المسداني الله يجزاك خير والله كلامك
خفف عني كثير بس انا اللي حارق قلبي ان هذي اول مره يطردني من الشقه احس انها قويه في حقي لاني والله احبه ومتفاهمين في حياتنا والله مدري وش صار لنا والمشكله ان امي وابوي بيلاحظون لان من يوم العيد الى اليوم وانا عند اهلي وانا ماقلت لهم شي واخاف اذا سالوني مدري وش اقول لهم احس اني ضايعه من جد وماعندي الا المنتدى اكتب عشان ارتاح لاني احس اني بنفجر |
هو بس متفشل (محرج) من اللي صار و ردك عليه أمام الأهل
للأسف بدون ما يفكر أنه احرجك مسبقا .. طيب أختي ألم تكتبي له رسالة اعتذار أتتوقعي أنه قرأها... |
الصراحه الموضوع ما يستاهل انه يطردج من الشقه
انتي المفروض تزعلين مو هو خليه لين يطيح اللي براسه |
والله كتبت له رساله وحطيتها ع السرير
وحطيت معها شي من صور زواجنا عشان يحن بس لما كلمته ابد ماكان راضي حتى اقوله وش رايك بالشقه يقول عادي حتى يعطيك العافيه ماقالي الله يحنن قلبه |
3thooooob
مشكوره ع الرد بس زوجي ابد مايجي بهالاسلوب بالعكس يمكن يركب راسه هو انا همي ان ابوي وامي مايحسون وهمي الاكبر انه يرضى |
ماعليه اختي تحملي
اعتبريها بالعكس هو رفع صوته عليك عند اهلك واخوانك وزعلتي وهو اللي يراضيك بس اذا تبين رأيي خلاص لاتقولين له ارجع للشقة ارجع للشقة انتي راجعه راجعه بحول الله وقوته والمشكله مو مستاهله خلاص ما يصير كل شوي يرد ويقول لا مو الحين خلك عند اهلك يعني معليش برضو زوجك زودها شويتين ويبيك ماعاد تكررينها انتي بس ارسلي رسالة بكره ان شاء الله وقولي له خلاص انا اسفه واعتذرت لك لا تصير قاسي الى هالدرجة انتظرك الليله تجي تتقهوى عندنا ونرجع للبيت سوى دائما اسلوب زوجتي التمسكن وقت المشاكل ويحن قلبي عليها ونرجع ( ترانا نتضايق اذا عرفنا انكم حزينات والله ) قولي له بنتك تسأل عنك ما اشتقت لها اكيد ميت عليها وان شاء الله خير بس لا تشيلين هم اكثر من الازم تراها بسيطه ومشاكلي مع زوجتي اكبر من كذا ونرجع عاادي هذي بهارات وملح الحياة الزوجية ما يصير كلها حياة زوجية سمن على عسل وحلوة لازم شوية ملح وبهارات حارة |
عاشق الجواهر كلامك جميل وخفف عني
وان شاء الله بسوي فكرتك رغم اني ماني متفائله مره وبقولكم وش راح يصير |
مدري احس مضغوط من شي ثاني وحط حرته فيكي .... اوانه مجمع لك اغلاط .... مومعقول بس هذا السبب ... خاصة انك تقولين انكم حبايب يعني مومعقول يثور بسهوله ويطردك بدون سبب مقنع ...
|
اقتباس:
هو لما جابوا الغدا هو صار يحط بالصحون وانا والله مدري واخته حست فيني وقلت لها اللي صار وقالت لي نفس كلامك فعلا زوجي شايل كثير عن اهله ماديا وفي اي شي يطلبونه والله حتى فاتوره اخته الصغيره هو اللي يسددها واخته الكبيره قالت لي مايصير كل شي عليه وقالت لي انا حاسه انه جالس يفرغ فيكم |
بسيطه والله اخيتي ربي يهدي سركم ويجمع شملكم حاولي باى عذر ان تقابليه وان شاء الله او ما تشوفو بعض تحنوا وتتصالحوا وما يصير الا خير طمنينا على احوالك |
| الساعة الآن 12:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©