|
إنتهى صبري ،، لا يعجبها العجب ولا الصيام في رجب
السلام عليكم
لن اطيل عليكم فلقد إنتهى صبري وحلمي عليها ،، زوجتي نكديه بكل معنى الكلمه ،، وما يزيد الموضوع غرابه انها تقول (أنا احبك) !! انا متزوج منذ 4 سنوات ولكن يكفي لهنا ... 4 سنوات وانا عايش هالاعتراضات على كل اعتراض ، كل شي مو عاجبها ، كل شي هي اللي تفهم فيه ، كل شي ما يمشي على هواها انا السبب فيه ، ويش قصتها ، والله صبرت وإنتهى صبري وان ما لقيت حل معاها خلال هالشهر مطلق مطلق لو ويش الخساير بتكون يا اخوان مللتني ، تخيلوا طالعه لي بشغله جديده هالايام ، هذا القميص ما ينلبس مع هالجينز هذا التيشيرت ينلبس بالليل مو بالنهار ، لا والاعجب كلمة صايره على لسانها اكثر من التسبيح وهي (عدل غترتك)!!!!!!!! ويش فيها غترتي، كل ما لعب فيها الهوى شوي قالت عدلها ، اطلع السياره عدل غترتك ، ألبس هالساعه، ألبس هالطقم ، وانا اطنش واطنش ، وهي تزيد وصبري نفذ. وعندها الحين موضه جديدة، اكون لابس ملابسي وبمر عليها بيت اهلها ونطلع مشوار بنص الطريق تقول ارجع بدلهم ما يصلحون تطلع فيهم هالمكان ، والعذر احبك كاشخ ، او الزوجه تختار ملابس زوجها عادي ، كأن ما أخترعوا اللبس غير في عصرها ، واللي يفقع مرارتي اكثر ان الكل يمدح ملابسي من قبل لا تطلع لنا هالصرعة الجديدة منها وقصتها مع الملابس والله ما اتوقع في يوم راح يعجبها شي، لا والغريب اللي لاحظته ان امها وابوها واخوانها يدرون ان هالطبع فيها ويتعاملون على هالشي معاها ... يا جماعة القصص كثير لكن كلها تصب في شي واحد، تعترض بإستمرار تشوف نفسها هي الصح تبي تمشي كلمتها او راح تدخل بدوامه ما تنتهي جربت معاها كل الاساليب ولا فادت بشي وقلت اجيكم او اني اخاف ارتكب فيها يوم جريمه انتظر مشوراتكم وهداية الله |
تصدق عاد والله ماعندك سالفة
مطلق عشان ايش عشان انها تقول البس كذا وعدّل بكذا انا يوم شفت العنوان انتهى صبرك ونكدية قلت بس هالمسيكين عنده بلوى كبيييرة ماتتحمل وآخرتها عشان كذا ياخوي الله يهديك بس واقسم بالله مكبرها وهي صغيرة طيب واذا قالت هالكلام ياخوي قلها كلمتين جزاك الله خير يالغاليه مارضيت يكلامها ناقشها مارضت بكلامك طنّشها مايبي لها ألف ومية الكلمة الطيبة تغلب الحق البيّن شفيكم اتفه الأمور تحطونها كبائر!!!!!!! كبّرها تكبر هونّها تهون والله انه فيني ضحك صراحه أتمنى لو مشكلتي مثل مشكلتك هههههههههههههههه اقول اركد وانا اختك خل الشيطان اللي راكب راسك ومعظّم لك الأمر ينزل وادحر بليس وانا اختك |
حبيبي الحل جدا بسيط
بس لازم تطبقه ولا تتوانا فيه اختي ماعدت انا الرجال متحمل هالأسلوب من سنوات يعني الرجال جاي هنا وهو مثل قدر الضغط اللي بأي لحظة ممكن ينفجر اخوي الحل ناد زوجتك وادخلوا غرفة وسكر الباب وقولها وش سالفتك انتي ؟؟؟ هي بتستغرب وش فيني مافيني شئ قولها ابي اعرف وش سالفتك مع الملابس انا رجال مانيب اصغر عيالك تعلميني وش ألبس بالنهار ووش البس بالليل وقولها ما طلبت رأيك بلبسي لو طلبت رأيك وش رايك بهاللبس او وش رايك بهالتشخيصه قولي رأيك غير كذا مافيه انا ماعاد اتحمل هالشئ خلاص انتقادات انتقادات على امور تافهه لكنها مع الوقت صارت مثل الدريل يحفر راسي خلاص اذا ما سكتت واستمرت اضرب بنفس عصاها كل ما تلبس شي علق عليه وكل ما تطلعون قولها عدلي نقابك ليه مايل عدلي طرحتك عدلي مشيتك قبل تطلعون وش هالألوان ما تركب على بعض خلها تحس شوي لا تحمل الضغط والله اخاف تنفجر وتطلقها من جد والسبب انتقاداتها بلبسي وانتقاداتها بأشياء تافهه والله ياخوي فضفض لها وقولها على اللي غاثك بكره تكبر الفجوة بينكم بأمور صغيره بس تتوسع الفجوة وانا اخوك |
^^
صدقت |
وقت ينفذ صبرك وانتو في الطريق
قل لها : انزع هدومي وامشي من غيرهم والله انت محظوظ زوجتك حابه ترتبك ويلاقيك الناس انا مش قصدي انك غير مرتب ولكن هي كل همها انت وتموت فيك انت القمر بنظرها والنجوم اللي بالسما وانت ايضا اغمرها بحنانك بدل ما تتزوج عليها قل لها نبدل مع بعض الثياب حملها خفيف وابتسم انت رجل محظوظ |
اختي ما عدت انا
شكرا على مداخلتك بس اذا انتي تقيسين المشكله على هاللي مكتوب عندك احب اقولك ان هذا اخر صرعاتها وقلت لك لو بكتبلك ويش تسوي خلال 4 سنوات كان عرفتي حجم المعاناه، لا تظني اني بالتفاهه اللي تتكلمي وتقولين فيك ضحكه وما ضحكه ، اضحكي اختي مو مشكله بس جربي حنه على موضوع يوم من اي شخص وشوفي النتيجه، ان كانت هذي اللي تقولين عليها تفاهات بتسبب طلاق فأحب اقولك اختي ان هذي القشه اللي كسرت كل شي بيننا شكرا لك أخوي عاشق الجواهر تسلم يالغالي والله اني قلت لها كلامك بالحرف الواحد ، وتحمق وتقول ما بتدخل وثاني يوم كأنه ما صار شي ، تخيل اليوم صاير موقف والله مسكت اعصابي لابعد الحدود، مكلمها امس ان لا تتدخلين في ملابسي وقالت مالي شغل واليوم اطلع من الخزانه ملابس ادخل اخذ شور اخرج إلا مدخلتهم الخزانه ومطلعه غيرهم وتقول، ما يصلحون مع بعض !!! القضية مو قضية ملابس فقط يا اخوان ، الملابس صرعتها الجديدة لا اكثر |
يسلموا اختي زهره الافندر
اختي جرين بس هالاهتمام حتى لو كان من حب انا مليته وصار مزعج ولا هو منطقي مو معقوله اللي يصير وبالاخير كلها تصب بنقطه وحده هالوضع لمتى كل ما طلعنا من نفق دخلنا نفق وصرعه جديده من الحنه |
يقولك شوف فوق تتعب وانظر لتحت تعرف النعمة اللي انت فيها
ياخوي المسألة ماهي مسألة وحده تلعن وتشتم فيك ولا هي مسألة وحده ماتقدر تحمل وتجيب لك ظنى والا حتى وحده تخونك او او المسألة بسيطة لكن انت معقد الأمور زي ماقلت الكلمة الطيبة تغلب الحق البيّن بصراحة مالوم نفسي يوم اضحك لأنك ماجربت المصايب اللي بجد تقسم ظهرك اذكر الله وخل عنك وساوس الشيطان له الحمد والشكر في السراء والضراء له الحمد على ان جنبنا الأمراض والأسقام ومصائب الدنيا |
اخوي انتهى صبري والله اني مقدر لوضعك لاني اعرف انها امور تفاقمت على بعض وسببت لك حالة اختناق وضيقة
اخوي خلاص عودها على رد جاف منك اذا سوت هالشئ مثلاً انا تعبت مع زوجتي وانا اقولها ما احب الزبيب مع الرز <<< شف المثال بس ههههههههه وتحط زبيب وتقول زين طيب انا ما يعجبني سوتها مره وقمت القط وابعده عني مرة ثانيه ما اكلت مره ثالثه قمت من السفره ما اكلت مره رابعه قالت تعال حطيت الزبيب على جنب لي ولك رز بدون زبيب وخلاص صارت على هالنظام عودها على كذا اول ما تقولك البس كذا شيلها وارمها بالغسيل بتتعود بس انت عودها بتقول بعد فترة وش الفايده اطلع له ملابس احلى ولا يلبسها ولا يعطيني وجه تحية طيبة |
اخوي
احس انه مربط الفرس انه زوجتك ما تحسبلك حساب ولا خايفه من زعلك دور السبب |
اقتباس:
فمثل ما ذكر لك الاخ اذا طلعت لك ملابس رجعها وخذ الي انت تريد |
لا لا لا يا أخ أنت المخطأ , زوجتك تحبك و تحب أن تفتخر بك أمام الناس و تريدك أنيق. أعتقد أني قرأت كلمة طلاق !! يمكن أنا غلطان و يلزمني نظارات.
لو كانت معرفتك بالملابس بسيطة تعلم منها . و لو كنت لا تريد فلا تطعها بكل كلامها. يعني مرة خذ بخاطرها و مرة أرفض و تمسك بقرارك حتي لا تتعود هي بذلك. و السلام و العافية |
ياليلها هالمـره ! وش تحس فيه ؟! تدري ورا ماتقلدها وتغثها بعد ؟! كل ماطلعت شي لو شباصه شيلها من راسها وحط وحده غيرها ... قولها مو حلوه على راسك وهالللبس مو عاجبني وهاللون شين يعني اقعدلها لين بس تحس بالي تحس فيه ؟ ومثل ماقال عاشق الجواهر اذا طلعت لك لبس وانت اصلا مطلع ملابسك من قبل شيلها وقطها بالغساله وخليك على هالحال لين هي ينهد حيلها مع غسيل الملابس ههههههههههههههه والله غريبه زوجتك وربي الحمد لله الذي عافانا مماابتلاها .. مير الله يصبرك .. زود وزود بس ماقلت لنا عندكم اطفال ولا لا ؟! |
انتهى صبري,,,لو تدري انك مو عاجبك تصرفها ولا بتطلقها كانت ما قالت لك حاجه ...هي حاسه انك معجب بذوقها فانت قولها صح ذوقك حلو لكن على ملابسك بس مايعجبني على ملابسي فلو تحبيني خليك بعيده عنها وانا ارتاح بشئ الي اسويه وحتى لو موعاجبك انتي بهذا شئ تضايقيني !!
|
أخي الكريم زوجتك تعاني من طبع تربت عليه .... عشان كذا ما تحس أنها مخطئة معك أو مزوده الضغط عليك ، لكن أنت حسسها بأن هذا الطبع ما يناسبك ...كيف ؟ أنتقدها ألعب دورها في كل مره تبدل ملابسها ، قلها هذا مو لايق هذا مايصلح لك بعدين راح تحس أنت وش متحمل منها وأذا ما سويت هذه الطريقة بعمرها مراح تحس بغلطها الله يهديك مشكلتك بسيطة ما توصل لأنك تفكر بالطلاق |
يقولك شوف فوق تتعب وانظر لتحت تعرف النعمة اللي انت فيها
ياخوي المسألة ماهي مسألة وحده تلعن وتشتم فيك ولا هي مسألة وحده ماتقدر تحمل وتجيب لك ظنى والا حتى وحده تخونك او او المسألة بسيطة لكن انت معقد الأمور زي ماقلت الكلمة الطيبة تغلب الحق البيّن اخوي اقعد معها اثنين وثلاث واربع الين تعرف إنه هذا الشي يسبب لكم مشكله واعرف وحده كانت تغار على جوزها ماتبيه يلبس حلو ابدا على البنات لايعاكسوه ترى تفكير المرأه غير الرجال وبعدين الواحد يحمد ربه على الي عنده والله الناس عنهم مشاكل يا كثرها بس انا حاسه بيك كثرة المشكله لما تتكر حتى وهيا مشكله صغيره الواحد يتضايق الله يعينكم اشوف احسن حل تعاملها بالمثل جرب مارح تخسر شي الين تتطفش شوف ردة فعلها تحياتي |
نسيت اقولك ترى الشي الي بينكم ما يوصل لطلاق الله يهديكم هذي الحياه فيها الحلو والمر
بس الطلاق ابعده نهائيا وانصحك لا لا لا لا تفكر فيه ابدا وفي طريقه تانيه إزا جات وقالتلك غير ملابسك لاترد عليها سوي نفسك ما سمعت لأنه لو رديت عليا حترد عليك والين تكبر وتسير مشكله ان شاء الله مع مرووور الوقت رح تنحل والصرااااااحه اهم شي دايما صارحها في الاشياء الي تحبها والي ما تحبها |
يالله ياخي زوجتك بتحب تكون انت احلى واحد صحيح هي زودتها شويات بس معلش قلها لبسك مايعجبني البسي التنورة عالبلوزة هذه يعني بالمختصر ادخل بلبسها وشوف ردة فعلها ممكن يعجبها اول كم مرة بس بعدين حتحس فيك وهي تبد عنك وما تدخل بعد كدة خرب هالطريقة وكون شديد معها ولكن بدون عنف او غلط خلي الاحترام بينكم سائد وانت قلها انا عاجبني كدة خلاص ماابغى كلام بهذا الموضوع وقوم من امامها حتى ماتكبر المشكله والله يوفقك وان صار نقاش خليك شديد بس هاه بدون عنف امانة اتمنى ان اكون افدتك
|
اقتباس:
يعني من كـلامـك فيه أمـور سابقـة وطلعات تطلعها زوجـتـك ....!!! وش رايك تجرب اقتراح الأخت دانتـيـل ، وتعـامل زوجتـك بمثل ما تعـاملك....؟!!! وكـثـر عليها لين تعـرف إن الله حـق.... وأن اللي تسويـه امر مبالغ فيه ويفقد الشخص اعصابـه... الله يصلـح حـالكما عزوبي:21: بس:d رجل:30: |
الموضوع باختصاااااااااااااااااا
مشكلتك نفسية اكثررررررررررررررررر من انها مشاكل عائلية انت تريد اثبات وجودك كيانك، الذي همشته زوجتك والغته ............بقصد منهااو بدون قصد !! قد تكون زوجتك وضعت يدها على "نقطة ضعفك "بحسن نيئة وهي في السابق" نقطة قوتك"تستمد منها قوتك انت لا تملك الثقة الكافية بنفسك !! مما سهلت على زوجتك ...............اقتحامك فانا لا الوم زوجتك!! فذالك اسلوبها..............بغير قصد منها ونابع من حرصها عليك .........وحبها فيك ولكن انت الملام............. لم تعزز ثقتك بنفسك..... وتركتها بدون حصن منيع!! |
اعتقد ان زوجتك شخصيتها وسواسيه .. هي لا تعاني من الوسواس .. انما طبيعة شخصتها وسواسيه تدقق على ابسط الامور منها لبسك .. اقترح عليك اما ان تعرضها على طبيب نفسها قبل ان تنفجر و تطلقها او انك تبحث في النت عن الشخصيه الوسواسيه و كيف تتعامل معها او ما هو علاجها .. بصراحه شخصية زوجتك متعبه الله يعينك .. |
اقتباس:
بس اهي فعلآ مشكله اهو عطاج كذي مثال ولا المستحيل يطلق عسب هالشي والرجل مايفكر بالطلاق الا لاسباب كبيره ومعقوله ولا من المجنون لي بيخرب بيته بنفسه من غير اي سبب" وهو يعرف ان ابغض الحلال عند الله اهو الطلاق" اما بخصوص مشكلتك ياخي الفاضل يمكن تبى تمشيك ع هواها وتحس ان كلمتها اهي الماشيه والمرغوبه اما بخصوص اللباس والموضه انت البس لي يريحك ولا تهتم لها بس كل لي اتمناه انك ابببببببد ماتفكر بشي اسمه طلاااااااااااق لا تخرب بيتك خلك الحليم واصبر لاتقول صبرك نفذ لانك ماجور ع كل ضيقه |
| الساعة الآن 12:26 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©