|
اه ياقلب لا تحزن (مستجدات بالرد262 )
رابط مشكلتي السابقة
http://www.66n.com/forums/showthread.php?t=192840 السلام عليكم ورحمة الله وبركاته....وبعد الغياب الم حزن خوف ضيقه... ولا حول ولا قوة الابالله.... ياجماعة الخير ...اخيرا" ولا اعلم ان كان اخرا" اتصل ابوي على ابوه وقاله ابي ورقة بنتي واغراضها...قال ابوه اذا عني انا ابشر...وبنتك مافيها شي ولا عيب العيب من ولدي.. ولدي فاشل بزواجه... قال ابوي ولدك اهاني وانا اكرمته...انا ابي ورقتها ولكن اذا عنده غير هالحكي بمعنى(((لسه يبيها)))عندي شروط وشروط صارمه. قال ابوه حتكلم معاه وان شفت ولدي انسان صالح لزوجته وحياته..نجي ومطالبكم محققه.وان شفت العكس فابشر بطلبكم(اي الطلاق) انا طول هالفتره ملتزمه الصمــــــــــــت.. الخبر يجيني السبت....سبحان الله وبحمده يتغير كل شي وهو يدوم |
وعليكم السلام ورحمة الله وبركاته أنتِ وش تتمنين الرأي الأول:22: و لى الثاني:29::29: ؟؟؟؟؟؟؟ |
حديث الوقت.....انا ابيه احبه وابيه.
ولكن ماني عارفه كيف اتصرف غلطه كبير وابي استرد كرامتي وكرامة ابوي وبنفس الوقت ابي اشوف حيطلق وينسى كم وكم حبني وحلف عليها ليالي |
اللي الله كاتبه اكيد هو الخير
انتي ادعي ربك ان يسوق لك الخير وين ما كان واكثري من الاستغفار |
بهذا الأسلوب ستدفعوه للطلاق بالفعل وليس للصلح وايجاد حل
|
يا علو النفس....والحل بنظرك؟؟؟
عن جد احكي دلني |
اختي لا تتعجلي بالطلاق خاصه ان المشكله لها العديد من الحلول .. التفاوض مطلوب و الاستماع الي و جهات النظر مطلب اساسي .. الطلاق يا اختي خساره و انكسار لك .. الوحده مو كل يوم لها زوج .. على بالك الطلاق لعب عيال .. اختي لماذا انت ملتزمه الصمت .. تكلمي مع والدك و قولي له انك تحبي زوجك و لا تريدي الطلاق انما تقبلين العوده له بشروط و انت ايضا يا اختي لازم تعرفي ما هو غلطك و لازم تتثقفي اكثر عن امور الحياه الزوجيه و تعرفي ما هي حقوق الزوج .. اذا تغيرتي انت صدقيني حياتك و زوجك راح يتغيروا .. اجلسي ما نفسك و شوفي ما هي اغلاطك و حاولي اصلاحها .. تقربي الي الله اكثر و اكثري من الدعاء و الاستغفار و قراءة القرأن و ربي يوفقك .. و طمنينا عن اخر اخبارك .. |
هذي هي اميراات
يسعدك ربي ويخليك يسلم فمك |
اقتباس:
الله يسلمك حبيبتي نورين و ربي ينور لك دربك و يخلي لك اولادك .. |
جبر الله خاطرك
و كتب لك الخيرة بعودتك إلى زوجك عودة محمودة و سعيدة و مرضية للجميع بإذن الله الواحد الأحد و أؤيد كلام الأخت الفاضلة أميرات بالتحدث و الإفصاح عن مشاعرك مع والدك لأن سيأتي وقت لا ينفع فيه الصمت و لا الندم فرج الله كربك و اسعدك و إن شاء الله نسمع أخبار سعيدة قريباً |
[COLOR="Blue"]يا حبيبتي لا يضيق صدرك.... [/COLOR]اللي الله كاتبة راح يصير ... ما في شي يرد المكتوب .. لا ابوج ولا ابوه .. بس الحين الجئ للجمعك مع هذا الرجال...وتذللي الية واطلبي منه في هذا الوقت الدعاء فية مستجاب ان يرده لك ... والله اني حاسه انه يبي يرجعك ... وانه يحبك ... وعسى الله يكتبلكم اللي فيه خير ... |
ابوي ماقال طلاق ونقطه. قال طلاق واذا عندكم راي ثاني تعالوا بس عندي شروط.((اهلي وجهت نظرهم انو اذا يبيك بيجي ويسمع شروطنا وينفذ)) انا طول هالفتره ساكته ماقلت شي. وش تبوني اسوي...قولولي والله كلي اذان صاغيه....ماابي فراقه |
الله يكتبلك الخير شو مكان مابتعرفي يمكن لو تركتو بعض الله يبعتلك الي احسن منو بالف مرة ويخليكي تحمدي الله انك تطلقتي
كلو خير من الله ولقدام حتشوفي انو الي بصير حيكون خير لكن احنا البشر عجولين ممكنا ختي رابط المشكلة الاساسي ؟؟؟ |
انا في انتظار ردودكم...دعواتكم ...واقتراحاتكم
الوقت ضدي السبت يصدر القرار... انا مومنه كل شي بيد الواحد الاحد. بس هذا الرجل الثالث بحياتي وصلت لليائس انو القى احد اكمل معاه للاخير خطبتين فاشله وانا قررت الانفصال... وهذا زواج دام 9 شهور والله واعلم وش نهايتنا. انا بروح اصلي وادعي وراده |
وش مشكلتك او رابط المشكله؟؟
|
استغربت من ردة فعل ابو زوجك كأنه مجرد وسيط فقط ولا كأن المشكلة تعني ابنه وكأنه متوقع فشل ابنه من قبل الزواج
ومتوقع انه بيطلق بعد فترة بسيطة اختي الكريمة لازم زوجك يجي ويتفاهم مع ابوك بالمشكله اللي حصلت تمنيت من ابوك انه يقول لأبوه اتمنى تمرونا انت والولد علشان ننهي المشكله يوم السبت المشكلة طولت ولا ندري وش وضع البنت نبي ننهي المشكله نهائي وانتهى أسلوب جدا جاف لو يقول أبو زوجك يا ولدي ابو البنت يقول تعالوا بقولكم شروطي وترجع بنتي او ورقتها توصلها اسلوب شوي فيه كسرة عين له انت غلطان وبتجي وترجعها بشروطنا او مع السلامة احنا بايعينك |
المهم الان
اقدر اصلح الغلط؟؟؟ او التزم صمتي |
ياقلبي عليج
الله يلطف بحالج اتفق جدا مع عاشق الجواهر |
اختي اناماقريت كل مشكلتك
بس بداية المشكلة انتي الغلطانه تقدرين تصلحينها بأنك ترسلي له اعتذار وتوعدينه انك مارح تفضحيه عند احد وانك مشتاقة له وان حياتك كانت سعيده وانك ماتقدري تعيشي مع رجل غيره قولي له : لماخطبتني صديقتي لاخوها حسيت انك راح تضيع مني .. وتعلقت فيك اكثر اتمنى تفكر بالموضوع ونتفاهم .. قبل يطلقني ابوي ويزوجني باخو صديقتي طبعا كذبي هالكذبه البيضاء ..عشان الاصلاح وعلمي ابوك بالكذبه بعد ماترسلي الرساله ترى زوجك مجرووووووح منك كثييييييييييييير لازم تلملمي جروحه وتحسسيه باهميته |
اقتباس:
وينج من زمان؟؟ ولا ماكنتي تتوقعين الامور توصل للطلاق؟؟ |
لا مااتوقع وعمري ماحتوقع ... طلاق؟؟
ملكه سنتين وعشره 9 شهور وخلاص كل شي ينتهي المصيبه ادري انه يحبني وانا بعد احبه. والله كل شي يهون...بس الله يهديه تهور جابني بخدعه كذب علي وعلى اهلي وراح...يتصل عليه ابوي يقول تعال نصلح بينكم ونشوف شالموضوع يقول لابوي انا مااني فاضي عندي ناس وراح وابوي مره زعلان والله حتى شوفته متغييره علي الم تسمعوا بقهر الرجال...هذا ينطبق على ابوي.... والله قلبي يعورني حيل... |
لا حول ولا قوة الا بالله....النوم جافاني
احس بغصه وتعب وهم...متى يجي السبت |
اقتباس:
اسم الله على قلبج يا قلبي .... تعوذي من الشيطان ... والرجال يحبك ... بس انتي زودتيها شوي ... الرجال ما تحمل المشاكل ... واعترفي لبوج وقوليله انك انت اللي غلطانه بعد مهو بس هو ..... وبشرينا باكر ان شا الله ....انا ناطره البشاره ...... ادعي ربك..... |
اختي الكريمة واضح انه دق ناقوس الخطر
وتبين تصلحين الموضوع بأي طريقة بدون ما يجرح كبرياء أبوك طيب اختي اذا انتي صريحة مع ابوك اجلسي معاه بكرة بعد صلاة الجمعة وقولي له يبة أبيك بكلمة راس يبة انا فاهمه ان اللي سواه فلان غلط انه مانزل ولا تفاهم بالمشكلة وهرب من المواجهه لكن يا ابتي انا احبه صراحة ولا ودي اتطلق منه ودي انك تكلم احد من اقاربهم يصلح بيننا واذا جو قولهم شرطنا الوحيد انه يقدر بنتنا ويقدرنا المرات الجايه اذا حصلت مشكله يجينا بيتنا مفتوح وهو حسبة ولدي يكلمني بأي شئ واي مشكله اذا هو مقصر قلت له انت مقصر واذا بنتي مقصره قلت لها انتي مقصرة وحق عليك تحبين راس زوجك وان شاء الله تنصلح الأمور ولا تنسين اختي لو حصل الطلاق لاسمح الله ان تسجدي شكرا لله فالله اعلم بما كان مقدر لك ان يحدث لو عشتي معاه وانجبتي اطفال وتفكري في قوله تعالى وعسى ان تكرهوا شيئاً وهو خير لكم احد الناس كان يملك منزل صغير تعب على جمع فلوسه اشد التعب كان مقصر على نفسه وعلى اولاده بكل شئ علشان يشتري هالبيت ولما اشتراه قدر الله ان يحترق منزله وحزن لكنه قال وعسى ان تكرهوا شئ وهو خير لكم بعدها بأسبوع يقولون له انه ملياردير قرأ الخبر بالجريده واهداك فيلا اكثري من الدعاء وسندعو لك بصلاة الجمعة ان يفرج الله همك ويقدر لك ماهو خير لك |
مشكورين جميعا".....والله ماقصرتوا
بكره السبت وبكره يبدا المشوار او ينتهي؟؟؟ وانا في الاخير متوكله على الله ولكن لا بد من الحزن ابي كل من يدخل ....يدعيلي دعوه صادقه....ويقولي توقعاته؟؟ وانا انشالله السبت ادخل اعطيكم الخبر ونقفل هالموضوع. |
بسم الله الرحمن الرحيم.. اختي الكريمة.. تلك اول زيارة لي لهذا المنتدى الجميل.. وتلك اول موضوع اقرأه في هذا المنتدى.. وبالطبع.. قمت بقراءة مشاركتك السابقه.. وقد كلفني الكثير من الوقت لقراءة جميع المشاركات.. سواء في هذا الموضوع او الموضوع السابق لك.. لكن احسست بالواجب اني اقراها جميعا مهما طال.. حتى اكون على دراية بكل الاحداث وتطوراتها.. حتى يكون ردي ملائما لما يجري على ارض الواقع.. ولتعلمي اختي الكريمه.. انني مثل باقي اخوانك في هذا المنتدى الكريم.. ننتظر يوم السبت بفارغ الصبر.. لن اضيف اكثر مما اضافوه اخوتنا واخوانتا في هذا المنتدى.. لقد اعجبتني عقولهم.. واستفدت منها.. لكن اختي الكريمة.. لتعلمي.. ان العفو والسماح هو احدى الحلول الناجحه.. ذات التأثير المباشر.. يا اختي الكريمة.. ( اذهبو فانتم الطلقاء ) .. ما قالها رسولنا الكريم الا ليضيف قيمة نتغافل كثيرا عنها.. العفو.. (- لما دخل المسجد الحرام صبيحة الفتح ووجد رجالات قريش جالسين مطأطئين الرؤوس ينتظرون حكم رسول الله - صلى الله عليه وسلم- فيهم، فقال: (يا معشر قريش ما تظنون أني فاعل بكم؟) قالوا: أخ كريم، وابن أخٍ كريم!، قال: (اذهبوا فأنتم الطلقاء!) قال الألباني: لم أقف له على إسناد ثابت وهو عند ابن هشام معضل (انظر كتابه "دفاع عن الحديث النبوي" ص: 32) فعفا عنهم بعدما ارتكبوا من الجرائم ضده وضد أصحابه ما لا يُقادر قدره ولا يحصى عده، ومع هذا فقد عفا عنهم، ولم يعنف، ولم يضرب، ولم يقتل، فصلى الله عليه وسلم...) لا تقولي انه رسول.. وله القدرة على ذلك.. لا تنسي ان اناس اخرون ذاقو مرار العذاب.. لكنهم عفو ايضا امتثالا لرسول الله.. اختي الكريمة.. ارجو انت تكوني تعلمتي الدرس هذه المره.. تعلمتي كيف تتعاملين مع المرض.. سواء كان مرضا جسديا.. او نفسيا.. لقد صبرتي كثيرا.. و ها هي ساعة الفرج تقترب.. وارجو ان تكون كما نأملها جميعا.. لكن اذا لم تكملي حياتك معه.. فاعلمي انه قضاء الله وقدره.. ولن اقول لك ما هو قداء الله.. فانت ابنة الحرمين الشريفين.. اما اذا اكتملت.. فالتعلمي جيدا.. انه هناك مشوار طويل لتعود الحياة الى سابقتها.. لن يصلحها مجرد وجود الحب بينكما.. ولا باستخدام العلاقات الزوجية بينكما.. فهناك شروخ .. يجب ترميمها كترميم البيت واستبدال جدرانه قبل العوده للسكن اليه.. اما مشكلة رغباته البعيدة عنك.. فاعلمي منه ما يريده منك.. واذا اخبرك انك لم تقصري في تحقيق ما يتمنى.. فاشيري عليه ان تذهبا الى دكتور متخصص بالعلاقات الزوجيه.. فليس عيبا استشارة اهل العلم فيما لا نعلم.. تقبلي مرور اخ لك في الله.. يتمنى لكما اتمام زواجكما.. واعتذر عن الاطالة.. والسلام عليكم ورحمة اللله وبركاته |
اتصل عليه؟؟؟
|
نصيحة مني .. مادام خليتي ابوك هو الي يتصرف خلي كل شي عن طريقة يعني لاتروحين تتصلين عليه.. الا اذا قاله ابوك اتصل على زوجتك او اخلي زوجتك تتصل عليك واتفاهم معها
اسأل الله الرحيم أن يفرج كربك و همك و يكتب لك الخير و يرضيك به |
افاااااااااااااااااااااااااااااااااا
الله يهدي أبوك حاس السالفة حط زوجك وأهله بين أمرين يأ أبيض يا أسود ما فيه حل ثالث إما ياتوا ذليليلين ومستسلمين لأبوك ولك وانتم تملون عليهم شروط الاستسلام أو تأخذهم العزة و الأنفة ويرسلوا ورقتك وينهوا الموضوع اين ذهب عقل أبيك وهو الرجل الكبير الذي له خبرة في الحياة نصيحتي لك أن لا تتصرفي دون شور ابوك لو كلمتي راح يبهذلك أبوك بهذله تأخرتي كثير عندما كان الأعضاء يطلبون ذلك رفضتي و الأن تعقد الموضوع جداً اشوف أنك تكلمي أبوك وتحاولي معه يهدأ وأنك ما ودك بالطلاق وتفرحي الأعداء ومن هالكلام وأنك تخافي من أثم طلب الطلاق من زوجك وأنه يكلم ابوه ويطلب جيتهم أو جية الأب لوحده لحل الموضوع |
ابي رضاه
لنتي قلتي لاهلج ان زوجك يمارس العاده السريه وويشوف افلام اباحيه اذا قلتيلهم مصيبه انتي فضحتيه واحرجتي اهله!! |
لا اهلي مايعرفون....
|
قلبي يعورني والله تعبانه
اه مثل اللي طعن بسكينه وينتظر الروح تطلع.. حسبي الله لا اله الا هو عليه توكلت وهو رب العرش العظيم |
نسأل الله سبحانه ان يوفقك
اتوقع بعد الي صار من ابوك ان الطريق يوصل للطلاق ؟ لاكن اذا انتي تشوفي نفسك غلطانه ( وانتي اصلا غلطانه ) عندك حلين لاثالث لهما ؟ ( احس اني مصلح اجتماعي ومثقف ) 1- ترسلين له رساله مغلفه بالاعتذار وانك ماتوقعتي الامور توصل كذا وفي نهايه الرساله اكتبيله انتضر اتصالك 2- تتصلين على اخته وتحاولين الامور تنحل عن طريقها واذا صار حل لازم تجلسين مع ابوك تفهمينه الوضع لايجيب العيد اذا جوا لان اسلوبه ماعجبني المهم اذا تركتي الامور زي ماهي وماتصلتي او ارسلتي رساله اتوقع الامور توصل للانفصال اتمنى لك التوفيق . |
الله يكتبلك اللي فيه الخير
ننتظر السبت مثلك على احر من الجمر |
حبيبتي وين رابط الموضوع الاصلي ازا حد بقدر يحطلي اياه
النت بطيئ وماقدرت ابحث عليهم تسلمي والله يفرجها |
اللهم اعطني كل سؤالي واقض لي حوائجي ولا تمنعني الأجابة وانت القائل ادعوني استجب لكم . فلا تحجب دعائي برحمتك يا ارحم الراحمين |
يا أختي أبوك يريد أن يرجعك لزوجك. لكنه لا يستطيع أن يقترح رجوعك هكذا مباشرة من تلقاء نفسه لأنها مذلة.
فهو لا يستطيع أن يقول " ألو لو تحبون إبنتي فلي شروط :17:" و لكنه يقول " ألو أحب و رقة بنتي :29: :( , لكن لو تحبونها عندي شروط :25: " هذا تفسيري . و يا رب تفرج. |
أختي فوضي ووكلي أمرك لله التوقعات ماراح تفيدك بشي لانها أمور غيبيه بيد لله
الله يفرج همك ويردلك زوجك ردآ جميلا |
اللهم اني أسألك باسمك العظيم الاعظم الاعز الاجل الاكرم
الذي ادا دعيت به على مغالق ابواب السماء للفتح بالرحمة انفتحت وادا دعيت به على مضائق ابواب الارض للفرج انفرجت وادا دعيت به على العسر لليسر تيسرت ان تيسر امر اختي في الله ( ابي رضاه) وتفتح بينها وبين زوجها وان تفرج همها وتنفس عنها غمها وكربها وان ترد عليها زوجها ردا جميلا كما رددت يوسف على ابيه الملكوم وكما رددت موسى على امه بعد ان كان قلبها فارغا واسألك اللهم ياجامع الناس ليوم لا ريب فيه ان تجمعها بزوجها عاجلا غير آجل و اسالك اللهم باسمك الذي ادا دعيت به على كشف البأساء والضراء انكشفت ان تكشف ضر اختنا وان تشرح لها صدرها وتيسر امرها بحول منك وقوة ياكريم و اسألك بجلال وجهك الكريم اكرم الوجوه واعز الوجوه الذي عنت له الوجوه وخضعت له الرقاب وخشعت له الاصوات ووجلت له القلوب من مخافته ان تلين قلب زوجها نحوها كما النت الحديد لداود وان تسخره وتسخر قلبه نحوها كما سخرت الجن والناس والطير لسليمان يوزوعون واسألك اللهم بقوتك التي تمسك السماء ان تقع على الارض الا بإذنك وتمسك السموات والارض ان تزولا وبمشيتئك التي دان لها العالمون وبكلمتك التي خلقت بها السموات والارض وبحكمتك التي صعنت بها العجائب ان تفتح لها فرجا عاجلا غير آجل بقوتك ياقدير يا قوي يامتين وان تفلق بينها وبينها زوجها طريق سهلا يسيرا وفرجا عاجلا قريبا كما فلقت لموسى البحر اللهم صل في ذات بينهما في خير يالله يالله يالله تأثرت جدا لحالتك يالغالية وانشغلت عليك وبك وصدقا لا املك لك سوى الدعاء في هذه الدقائق المباركات اعذري لي تقصيري يا اختي |
دمعات الروح...اللهم امين دعاءك ريحني يالغاليه...
|
| الساعة الآن 03:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©