|
اتعبتني كل الضروف اللي حولي
السلام عليكم ..
انا ضيفه جديده عندكم .. وجيت اسرد كل ضروفي .. انا مطلقه من 6 سنوات .. موظفه ضروفي حلوه .. واهلي كمان من الناس اللي وقفو جنبي بكل ألوان ضروفي .. الطلاق مرات نعمه .. وهي خيره لكل انسان .. والحمد الله .. انا راضيه باللي كتبه ليا ربنا .. ومتعااايشه مع الوضع .. طبيعة شخصيتي مرنه .. عايشه حياتي ولله الحمد .. متأقلمه مع منغصات اخواني الشباب بالبيت .. وهذي ضروف اي مطلقه .. ومع ذلك بقول الحمد الله .. مشكلتي :انو قبل خمس سنوات تقدم لي شخص (لقطه) مثل مايقولون .. علم ومركز وجاه ولاكن كان متزوج ووافق على شروطي العاديه مثل اي متزوجه تستحقها .. وكان عن طريق طرف احدى زوج صديقاتي .. وجا وطلبني وصارت الشوفه .. واللي اتضح اني عجبته مره .. وبعدها بفتره انسحب من غير اسباب .. وقلت الحمد الله هذا نصيبي .. بعدها بسنه ونص جاني برضو عريس من طرف احدى اخوتي .. وجا وطلب وصارت شوفه .. وبعد الاتفاق على كل شي صار انسحاب تماما .. وبعدها بسنه تقدم لي شخص من طرف والدي .. وعلى اساس انهم اخذو موعد وتصير طلبه .. وبرضو الناس اعتذرت .. وبعدها بسنه تقدم لي شخص من طرف زوج اختي .. وجو خواته وامه وفاتحتني بالموضوع .. وكلمت امي وامي اعجبت باخلاقه .. وانتظرنا .. واتضح انه متردد .. وانه لايرغب بالارتباط الا من كثر ماامه تزن فوق راسه .. وقلت الحمد الله هذي خيره .. وهذا نصيبي .. وبعدها بفتره جاني عريس من طرف صديقتي ايضا .. متزوج .. وذا مركز وصيت وعلم .. وجا وطلبني وصارت شوفه وتحدث معايه امام والدي وسمع الشروط مني وشجعني اني اكمل التعليم معاه خارج المملكه .. واتضح بعدين انو كان متردد .. انا موش زعلانه انو نصيبي مو راضي يتم .. بالعكس انا انسانه مرنه اتقبل الضروف بكل الوانها .. مرحه .. احب الطموح والعلم .. احب الحيويه .. مشغله وقتي باشياء تفيدني .. عايشه حياتي ولله الحمد .. المشكله بان اهلي صارو فجأه يرفضون اي احد يجي من طرفي او من طرف صديقه او زوج اخت او من اي طرف .. الا اذا كان من طرفهم مباشره .. يعني من طرف الوالد او من طرف خواني الشباب .. طبعا هذا الاقتراح كان من طرف خواني الشباب .. اللي كل ماتقدملي شخص .. يقومون الدنيا ومايقعدونها .. وكل مره يجي عريس .. يقولون لي كلمة وحده (( كل العرسان اللي يجون لك مراكز وناس متعلمه )) ومو اي احد .. او اسمع تلميح بوجود لي علاقة سابقه مع هذا الشخص .. اللي استغربه ليه يتكاثرون عليا مثل هالنوعية من الاشخاص .. فانا الحمد الله متعلمه ومعايه الماستر .. ومو ناقصني شي .. الين متى ماتكون فيه مرونه بهالمواضيع .. هل لان المواضيع ماتمت اكون انا السبب .. وانا الملامه .. هذا نصيبي من عند رب العباد .. واقول لهم انا راااضيه الحمد الله .. ولعلها خيره .. احس انو نفسيتي وضروفي بالبيت تعبتني .. والدي الحبيب حنون معايه مره .. وجدا منفتح معايه بالنقاش .. ومافي اي حاجز بيني وبينه .. لاكن خواني مايتركووونه الا ويعبون راسه علي .. ليه كل هذا يصير ليا .. احس نفسيتي كثير تعبااانه .. |
الله يخلي لك الوالد
والحمدلله دام راسه يشم الهواء اخوانك مالهم كلمة عليك ولابد تخبري ابوك بالشئ اللي بنفسك طالما انك مرنه ومتفهمه معاه لو جاء اليوم اللي لاقدر الله واخذ امانة ابوك ماراح يتعب غيرك لأن اخوانك بيكونو المسيطيرين عليك ادعي ربك وكلمي ابوك انه مايرفضو احد وخلي براسك شي واحد لو اجتمعت الأمه على ان يمنعوك من نصيبك والله كاتبه لك ماراح يصير الا اللي كاتبه الله حطي ببطنك بطيخ وريحي راسك من التفكير بالقرارات المصيرية اللي مثل الزواج وغيره لأن هالشي ربنا كاتبه قبل نخلق واحنا ماعلينا الا الدعاء ربي يوفقك ويسخر لك لازمي هذا الدعاء (اللهم يامسخّر الجبال الراسية والعبيد العاصية اسخر قلوب اخواني وابي لي) |
ممكن تكون السالفة فيها سحر لاسمح الله او عين الافضل تروحين عند شيخ يقرا عليك
لان مو معقولة اللي يصير |
اشكر مروركم يااخوات ماقصرتم ..
كثير يقولون لي انو لازم شيخ يقرا عليا .. بس مدري انا مااشوف انو انا احس بشي غريب .. |
اختي الكريمه
انا قبل لا اخطب كان يقتدمولي كثيررررررررررر جداااااااااااا والله عدة مرات كانت راح تصير موافقه ويصير شي لازززم لازززم يصير شي يوقف الخطبه <<بين اشهر قليله يتكرر نفس الشي مره من المرات خلاص اجو اهل الولد ومن خوفها لا اهلي يغيرون رأيهم (لان كنا مترددين انا واهلي) جابو معاهم الحلقه وكملو كل الاتفاقات وكلشي صار تماااااااااااااااااام يعني انخطبت رسمي بس سبحان الله هم خرجو الساعه 11 باليل من عدنا والصبح الساعه 10 انتهى كل شي!!!!!! وطبعا يوجد سبب بس القصد انو كل الي تقدمو لي ما كانو قسمتي ابددددددد رغم الظروف الجيده لهم بس ما صارت وبعدها تقدم خطيبي او زوجي وكانت الظروف شوي يعني مو مثل الباقين ومافي لقاء مباشر ولااشياء كثيره للزواج وصااااااااارت خطوبتي منه بخلال اسبوع سبحان الله لان من نصيبي ومكتوبلي ان اتزوج هذا الشخص رهمت الامور وكلشي تمام وانا حاسه بالي تقوليه مع اختلافات بس انا اخر فتره صرت اكره الي يتقدمولي لان لازم يصير شييييييي ويعرقل الامور الله يفرجلك ويعوضك خير انتي ما دام علاقتك بابوكٍ قويه اخذيه على جنب وبكل هدوء تحدثي معه لا تخافي من شيء القسمه تجيك لحد عندك اذا كانت نصيبك |
توكلي على الله وعليك بالدعاء ولاتنسي اذكار الصباح والمساء وقراءة القرآن
|
اختي الكريمة
عليك بالرقية الشرعية فربما ((اكرر ربما)) تكون نفس طليقك لازالت ترغبك وهذا يمنع الخطبة واشجع فيك هذا الرضا وهذه المرونة لانه قلما توجد في الناس تحياتي |
انا بنوتة زوجي .. كلامك ريح قلبي وانا مؤمنة بنصيبي الحمد الله .. وكل شي قسمه ونصيب ..
اشكر مروركـ .. |
اقتباس:
بإذن الله .. اشكر مروركـ:22::22: |
اقتباس:
كيف اعرف اذا كنت بحتاج رقيه شرعيه ولا لا .. يعني في علامات معينه يدل انو انا احتاج لها؟ بالنسبة لطليقي بالعكس عشان مااظلمه .. انا تمسكت فيه وحاولت انو نرجع لبعض بس هو رافض تماما .. يحترمني ويقدرني ويلبي كل طلباتي لاجل البنت اللي بينا .. يعني مافي بيني وبينه الا كل خير مااتوقع بتكون نفسه فيني .. |
أختي أنا أيضا حصل لي إنه مافي مرة شخص يجي إلا تكون فيه عراقيل و إلى الآن لم يتم توثيق عقدي العين حق لست أدري مالذي يحدث شفت في قناة الراية إنه فيه رقى للزواج لكن لا أسكن في المملكة و لا أستطيع أبعث مسج حتي يبعثو لي بالرقية إذا أمكنك ذالك و أن تكتبيه في المنتذى فلك الأجر الله ييسر أمرك
|
شوفي حبيبتي...
اذا خطبج واحد وطلب الشوفة...اول شي اسخيري قبل الشوفة وصلي ركعتين وقولي دعاء الاستخارة المعروووف...وبعدها وكلي اورج كلها لله عز وجل اتوقع ان اخوانج متضايقين ان الامر ماتم وكذا واحد شافج بدون ليحصل نصييييب...واستغربوا وقد يظنون ظنون مالها داعي...ويمكن سالفة ان يشوفج ومافي نصييييب تضايقهم أكثر شي الله ييسر ما استصعب عليكِ ويجعل لكِ من كل خير نصيب..,,, الاخت فدوى في مواقع كثيرة لمعرفة الطريقة الصحيحة للرقية الشرعية...اسهل شي اكتبي في محركات البحث مثال جوجل ماتريدين معرفته وبإذن الله تجدين ما تودين معرفته..,,, |
جزاك الله خير أخت أمل لكن هذه الموقع كل واحد رقية فشكل يعني رقى مختلفة
|
يا اختي لايكفي فقط ان يكون الانسان متفائل ومرنا لان التفاؤول عبارة عن افكار ايجابية فنحن نحتاج ايضا الى صناعة جو مشع يحيط بالجسد والروح ايضا
وانتي تستطيعين اشاعة ذلك بالذكر وباختصار هو الذكر اما بدعاء او صلاة او تلاوة القران والتركيز على سورة البقرة وما احلاها لو كان كل ذلك مجتمع فصدقيني كلما اقتربتي من الله يسر امورك وتيسر كل عسير... وانكشفت لك امور لم تكن في حسبانك...لان الافكار الجميله غذاء العقل والذكر غذاء الروح ... فقط اطيلي سجودك اقر الله عينك بما تتمني |
ياحبيبه أشعر بما قلتِ وبما تكتبين لكنني أختلف عنك في نقطه واحدة ألا وهي أن من تعيش وضعك هي إبنه خالي .. رأى أخوتها في طلاقها من طيار مصيبه " يكررون يقف له الجميع وهي لاتنحني له ولو قليلاً " خصوصاً وأنه كان مكتملاً من وجه نظرهم متعلم ووسيم والأهم أنه يمتلك نسب طيب وكان بحق حبيباً مخلصاً وصبر كثيراً .. لكن هي لم تكن مرتاحه كانت تتصل بي وتبكي وتشتكي أنا متضايقه لا أستطيع حتى أن أتنفس أكرهه .. ترى كل حسناته عيوب .. وفي مصارحه طلبت منه الطلاق وبإكرام كبير طلقها بل قال للجميع هي لم تحبني وأنا لم أكرهها .. كبر في أعين أخوتها لم ينسى لها اخوتها طلاقها .. المشكله أنها وقتها صغيره في ال18 تمتلك جمالاً ومتفوقه في دراستها واصلت تعليمها وفي عام مضى تخرجت كبرت وأصبحت في ال23 نضجت .. أنا سعيدة جداً لأنها تعلمت الدرس جيداً عاد طليقها ليطلبها العوده لكن رفضت .. بإختصار الصيدلانيه تطلب شيء واحد أن تختار وأن تعرف بمن سترتبط وأخوتها مثل أخوتك يرفضون أي عريس بل ويتعصبون إذا قالت سأختار . يذكرونها بقصه الطلاق ويرون في تقدم أي شاب لها إنجاز رغم كل مالديها .. وضلت هذه الحاله والدها مره معها ومره مع أخوتها صدقيني لم نرى فيها مطلقة بل رأينا فيها كل خير .. إلى أن جاء إبن الجيران وسبحان الله في أسبوع تم كل شي شاب لم يسبق له الزواج ومتعلم وطيب وحنون لدرجة تجعلني أتسائل أي قلب له ..!! والأهم أنها مرتاحه وسعيدة به أراها في ضحكاتها وكلامها وفي كل شيء يحيط بها تراه بمعاني أجمل جعلها ترى الدنيا بمنظور مختلف . . وهي الآن في بريطانيا تخيلي . كنا في الصيف الماضي معاً في جده وإتصل بها وبعد إنتهاء مكالمتها قالت يارب تخليه لي كنت أضحك وقلت الله الأول تدعين عليه وهذا تدعين له قالت الله عوضني خير الله لايحرمني هالرجال .. رفض الجميع أن تختار وبالآخر إختار لها الله من كان عوض لها إبحثي عن عذر لأخوتك والأخ بطبيعه الحال غيور لكن صدقيني يحتاج أي أخ للكثير من الحوار والصبر وثقي أن من يحركهم واحد فإذهبي إليه وتحدثي معه .. لاتبتئسي ولاتحزني وتذكري أن أم عمر قالت يوماً ماسيأتي من يستحقك .. كل هؤلاء لم يكونوا من نصيبك إتبعي الرقية الشرعية كتبها الوليد في رابط مثبت وإسألي الله الخير أينما كان لديك إبنه تكبر كل يوم ولديك طموحك الزواج سيأتي لكن تخيري جيداً .. أتمني لكِ السعادة وسأعود .. محبتي ،، |
اقتباس:
|
حبيبتي امل فعلا انا عمري ماسويتها اني استخير قبل الشوفه .. لاكن اضافتكت رائعه بالنسبة لهانقطهـ .. يسلم مرورك ..
اخي معالم .. جزاك الله خير .. اختي تعب اشكر مرورك واضافتك وماقصرتي .. وفعلا ماحد ياخذ نصيبه بهالدنيا الا اللي كاتبه رب العباد .. |
[read]الله يكتب لك الي فية الخير ترى فية ناس كثير يصير معاهم هذا الشي واذا الله كاتب للانسان رزق راح يأخذة[/read]
|
احمدي الله اختي انو يتقدملك عرسان
|
اقتباس:
الحمد الله على كل حال .. |
| الساعة الآن 06:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©