|
انا في النفاس عند اهلي ومشغول بالي على زوجي
السلام عليكم ...........
أخواني وأخواتي .. ما ادري كيف ابدا واعذروني على كلامي الركيك بكتب لكم اللي في قلبي أنا متزوجة والان انا في النفاس لي يومين والدة والان عند اهلي وزوجي لحاله في البيت وهو يجيه اكتئاب لاي سبب اليوم ادق عليه مقفل والبيت ما يرد وانا ضايق صدري عليه اكيد ضايق صدرة ومكتئب فضى عليه البيت هل هذا شيء عادي الرجل يضيق صدره لحاله وهل انا حساسة بزيادة وش اسوي ما ودي يضيق صدري وانا في النفاس لازم اراعي نفسي واهتم بطفلي بس افكر في زوجي مقطع قلبي خايفه عليه من ضيقة الصدر خايفه عليه من الوحده لانه متعلق فيني ولا له روحات وجيات دائم جالس في البيت .......... يارب تفرجها علي وعلى زوجي وتوسع صدره بالعافيه وتفرحني براحته .. ادعوا لزوجي تكفون ... |
خليه يجي يزورك ويقعد معك وما يطلع من عندك إلا للنوم
هل انتي بمنطقة بعيدة جدا عنه ؟ هل عنده اهل أو اخوات قريب منه ؟ اقترحي عليه ياخذ اجازة ويروح يشوف اهله اذا قريبين منه الله يجمعكم عما قريب ويبارك لك في المولود يا رب |
هو يقول بجي كل اسبوع لان المشوار بعيد وما يتحمل زحمة الشوارع
امه ساكنه جنبنا بس ما يبي ينام عندها يقول ما عندها مكان يحب يجلس في البيت المشكله قعدته لحاله تجيب له الهواجيس والافكار ويضيق صدره ... يارب تفرجها وتمضي هالايام على خير ... |
كل اهلي بمثل وضعك او لحب زوجها لها وتعلقها
تكمل فترة الولادة عندة يعني تقعد بس اسبوع تشد حالها ونفسها وعلى طول لزوجها والي يبي يزورها بيقول لها ومايدخل لها ضيوف الا بالاجازات ارعاء خنميس جمعة ومرتااااااااااااااااحات مرررررررة كملي اسبوع وزوجك هو الي دايم لك وصحتة ونفسيتة والعكس الزايررات ماهم نافعينك غير بكثر الكلام موفقة |
الحمدلله على سلامتك ومبروك ماجاك
لاتضايقين نفسك أنتي الآن تعبانه من الولاده ومن السهر والنفاس كآبه لاتزيدين نفسك زوجك رجل يصرف نفسه .. ماعنده زملاء .. أقترحي عليه يسجل بنادي لو شهر بس بامكانه اذا رجع من الدوام ريح شوي وطلع عند أمه وبعدين طلع للنادي ورجع نام مايلقى وقت للتفكير لاتشغلين نفسك فيه أو تسألينه هل أنت متضايق .. يمكن يبينك لك أنه متضايق وهو العكس .. بس يبك تهتمين فيه زياده .. أغلب الرجال مروا في نفس وضعه .. وبعدين خليه يشتاق لك .. فترة وتعدي .. خلي الوضع ريلاكس وماعليه الا العافيه.. |
دخلت ابارك لك
الف مبروك للمولود وحمدالله على سلامتك قولى زوجك يروح يبات عند اهله بدل وجوده في البيت لوحده |
er ]حمدالله على سلامتك تحججي بالبيبي او اقنعي امه بان يكون عندها خلي امه تقنعة بان يبات عندها :18: وتحلف علية ... :11: ويكون عندك طول اليوم وشوف طلباتك انت والبيبي وامه .... عسى الله لا يفرقكم ... [/COLOR] |
الله يقومك بالسلامة و يحفظ لك زوجك
غاليتي اذا تخافي عليه لهذه الدرجة من الوحدة و ضيقة الصدر .. كملي اسبوع و لا 10 ايام بيبت اهلك وبعدين اتعذري باي عذر و كملي النفاس بيبتك و مع زوجك و اذا تحتاجي حد يعاونك اطلبي من حماتك تجي تعيش بيبتكم فترة لغاية ماتقدري تقومي بيبتك لحالك |
اولا مبرووووك البيبي 00ثانيا انا مريت في نفس الحاله عند ولادتي ونفس وضع زوجك واضطريت الملم عفشي بعد اسبوع من الولاده واروح مع زوجي لانه كان في حاله نفسيه صعبه 00يوم جيته انبسط كثير 00
|
ما أروع هذا الاحساس وما أسماه
بحالة نفاس وتفكري بزوجك ؟ الله يخليكم لبعض ويزيدكم قربا وحبا ويجمع بينكما بخير ويبارك لك فيما اعطاك اطلبي من زوجك الحضور يوميا لمنزل اهلك حتى لو كان منزلهم بعيدا عن منزلكم قولي له من اجل ان ترى طفلك من اجل ان اراك من اجل ان تراني قولي له احبك رغم انك نفاس رغم ألمك رغم تعبك قولي له ... احبك اريد ان اراك كل يوم كل ساعه كل دقيقه بل كل لحظه قولي له اشتاق لك فهل ترضى ان تشغل بالي رغم ألمي ومعاناتي مع نفاسي ؟ قولي له تعال ايها الحبيب وتحمل الازدحام ليس من أجلي , بل ... من اجل حبنا وفقكم الله |
كملي 10 ايام الى اسبوعين وارجعي بيتك
لاتكملي 40 يوم عند اهلك تراها كثير والله يجمع بينكم على الخير دايما يارب ويآلف بين قلوبكم |
إذا فيه امكانيه خليه ينام معكم واعزميه على القهوة يوميا
قولي له ابي البيبي يتعود عليك ولاتطولين عند اهلك هالعادة ودي انهيها من الوجود بشرط يتفهم الزوج هالمرحلة |
يقول المتزوجون عن فترة غياب الزوجة عن زوجها (حمى الاربعين)
لان الزوج على حسب خبرتهم وكلامهم يكون مولع يبي زوجته كي يقضي وطره منها فلذلك تصيبه هلوسة وعصبية زائدة خلال فترة غياب زوجته0 -أنصحك أن تبقي عند أهلك حتى تمام الأربعين أما زوجك فبردي عليه بالكلام الغزلي عن طريق الجوال وكذلك عن طريق المكالمات بردي ثورة شهوته بالكلام الرومانسي وربي يوفقني وجميع العزاب والعازبات الى الزواج الصالح |
ردا على سؤالك، شخصياً اول ما ولدت زوجتي حاولت اني اتجنب اجلس في البيت قدر الامكان.فصرت اشغل نفسي باالسوق لأهلي وزوجتي وبنتي، صرت اقضي حوايجهم، اطلع مع خوياي اكثر من الاول ، ازورهم، وبأخر يومين تفرغت فيها لنفسي وضبظت نفسي وبيتي قبل رجعى المدام.
والحمد لله الله يوفقنا ويوفقكم. |
جزاكم الله خيرا على الرد ...
ما احد فاهمني ولا احد فاهم زوجي الا أنا ........... هو يبين لي انه مبسوط وما فيه الا العافيه عشان ما يضيق صدري بس انا اعرفه زين ونفسيته تسيء مع الدوام لانه ما يطيق دوامه ولا يحبه ولا وده يروح له ... ومستحيل يجيني يوميا لانه ما يحب زحمة الشوارع وتتعب نفسيته منها .. ومستحيل ينام عند امه لانه ما يرتاح عندها ... الله يفرجها وتعدي هذي الايام على خير .. والله يحفظ زوجي ويوسع صدره بالعافيه .. تكفون دعواتكم قلبي معه ... |
الحمدلله على سلامتك واذا اتممتي 20يوم ونشطتي شوئ روحي عنده وجيبي شغالة باليومي تساعدك واجلسي بجانب زوجك وخاصة اذا كان مايصبر عنكم
حفظ الله زوجك وسخركما لبعض |
لا تشغلي بالك عليه. لن يموت . لازم يصبر و يتحمل. الدنيا لازم فيها صبر. و بعدين إنتي في نفاس . فكري في نفسك و إبنك فقط.
لكن شعورك نحو زوجك شعور حلو كتير. |
اول شي الحمدلله ع سلامتج
وعساه يتربى بعزج وعز ابوه ويكون هالذريه صالحه ومتعافيه وباره لاهلها ،،،، اامين يارب وثاني شي: اهو شي طبيعي انه يتضايق بما ان البيت فاضي بس دامه جي يلسي اسبوع فبيت اهلج لين ماتتقوين وعقبها سيري لبيتج عند ريلج وخلي امج تروح وياج عشان تساعدج فامور البيبي بس كلي اقدر اقوله انج ماتخلي ريلج يتم بروحه والله حرام صح انج تعبانه بس بعد وجودج عنده بيحسسه بالامان والاطمئنان خصوصآ وهو بعده مستانس ع ولده لي من دمه ولحمه والله يجمعكم ع الخير لطول العمر تقبلي مروري |
الله يجعله مولود صالح ويبارك لكم فيه
اختي شعور زوجك لايختلف عن شعور اي رجل متزوج وفقد زوجته بالبيت يعني ما يصيبه من هم وتفكير وهواجيس تجي لكل الرجال حتى انا اصابني من التفكير والهواجيس لو الواحد يدري عنها يقول ..اعوذ بالله من شرك ههههههههه يعني طبيعي يابنت الحلال وحاولي تخليه يزورك ويجلس معاك بس اهم شي زوجك لا يصير مثلي ما يحب يجلس كثير في بيت اهل زوجته دمتي بخير وعافية |
الف الف مبروك البيبي اللهم اجلعه من الصالحين يارب ويتربى بعزك وعز ابوه انشاء الله لاتشيلي هم زوجك ابداً ابداً .. لان وضعي مثله وباقي تقريباً عشره ايام وتنتهي العزوبيه ممكن يتعب في بداية الايام .. بس بعد كذا عادي بيحس بالحريه والدخله والخرجه على راحته ويتغير الوضع كله الله يوفقكم لمافيه الخير يارب والله مافي احسن من العزوبيه تقبلي مروري |
اقتباس:
إستوقفني شعور صاحبه الموضوع لكن لكن هناك كلام جميل ..جميل .. كلام الحكيم .. حقيقة يا ابو حكيم أهنيء زوجتك . ولصاحبة الموضوع جميل شعورك لكن الأجمل أن تعودي لبيتك وأنتِ بكامل صحتك إطبعي ماكتبه أبو حكيم وجربي مع زوجك . إحترامي |
اقتباس:
اختي الفاضله او اخي الفاضل تعب اسأل الله ان يذهب عنك التعب اشكر لك اطرائك وثنائك حقيقة استوقفتني المشاعر والأحاسيس الساميه لأختنا صاحبة الموضوع تجاه زوجها وهي في حالة نفاس رغم ألمها وتعبها فكتبت ما كتبت لا شعوريا وبدون تحضير مسبق وفقها الله مع زوجها حبيبها , وأبعد الله عنهم شر الحسد والعين آمين ,, آمين ,, آمين |
اقتباس:
عموما ما قصـروا الأخـوة والأخوات بنصائـحـهم بالنسبة للإكتئـاب الذي يعاني منه زوجـك فأنصحـك بنصيحة البروفسور جابر القحطاني هاتي شجرة القديسين وتؤخذ بمعدل ملعقة صغيرة على ملء كوب ماء مغلي وتترك لمدة 10دقائق ثم تصفى وتشرب بمعدل 3مرات في اليوم. توجد هذه العشبة في بعض محلات العطارة .. ونسأل الله ان يشفي زوجـك ويشرح صـدره عزوبي:21: بس:d رجل:30: |
| الساعة الآن 03:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©