|
ما رايكم في سفر الزوج من غير زوجتة لدراسه
السلام عليكم ورحمة من رب العباد وبركاته
شحالكم عساكم في خير وسهاله؟؟ ما بطول عليكم واتفلسف:d حبيت اخذ رايكم بموضوع يهم كل زوج و زوجه الحمدلله التطور انتشر في شبه الجزيره العربيه وانتشرت التقافه وكل واحد فيهم يحاول يعلم ويرقي نفسه الى ابعد الحدود ولله الحمد:22: وبخصوص هالطاري حبيت اتناقش معاكم فموضوع سفر الزوج للخارج لدراسه من غير زوجته وهل تؤيدوا هالشي ولا لا:confused: سموحه ع الاطاله واتريا ردودكم :d |
بصراحه انا اشوف الموضوع عادي جداً لأنه في الآخر سفره وتعبه على شان خاطر اسرته وعياله انا عندي شباب اصحابي سافرو ودرسو واخذو الماجستير وماشاء الله رجعو مهندسين أد الدنيا على قول اخوانا المصرين ماشوف في مشكله في الموضوع وانشاء الله يكون عند حسن الظن تقبلي مروري |
انا أشوف الأفضل زوجته تسافر وياه وبالمره تكمل دراستها هي بعد
فرصه ما تتعوض ليش لأ يساعدوا ويعينوا بعض بدل ما يعيشوا بعاد عن بعض سنوات أختي كانت تقولي انها عرفت زوجها واكتشفت طبيعته لما تغربوا في أستراليا سنتين تقول ساعدها في كل شي .. عيالهم والبيت .. ماشاءالله .. أصلا يصير في استقرار نفسي .. وراحه .. وبالتالي ينعكس هالشي على دراسته .. ودراستها اذا حبت تكمل وهذا رأيي ^_^ |
بـدون زوجته ؟!!!!!!!! والله احسها شي صعب .! شلون يفارق بيته واهله ويقعد هناك بالشهور ؟! مررره ضد هالشي الا ان كان برضاها تمااااااااااما ؟ بالذات بالذات .. اذا كانت بعثـه .. من الدوله لأن البعثه تعطي للمبتعث ولأسرته مبلغ وقدره . وماتخليهم يحتاجون لأي شي وهم بـرا ..! فا ماله عذر يسافر بدون زوجته امـا اذا على حسابه الصراحه شوي صعبه لأنها مصاريف وشي يهد الحيل ... يعني لكل موقف في السفر والدراسـه تفكير مختلف . وسلامتك |
عادي ما فيها شي..
بس شوية خوف ............على شوية قهر..............:(:(:(:( على كم حبة غيرة.......................ونختم الطبخة بالموت من كثرت الشوق تدرون: زوجي الشهر الجاي مسافر برى 3 شهور .......والله شايلة هم فراقة بس لازم الواحد يسعى ورى رزقه..........ونظغط احنا على على انفسنا ......... الله يحفظهم يا رب ...........الدنيا بدونهم شينة |
اقتباس:
الله يهونها بااختي بخور العود ويرد لك زوجك بسلامه ,, بس انا راي الزوجه تكون مع زوجها في السفر مدام الامور كلها بخير ,, لكن ان كانت غير كذا فالله يسيرها من عنده.. |
لحاله لا
مع زوجته اكيد والف نعم صعب صعب الرجل المتزوج أن يبتعد عن زوجته مدة الدراسة |
اعتقد ان سفر الزوج بدون زوجته دليل على وجود فجوه بينهم .. |
بل اجعلها رفيقتك حيثما كنت ورفقيتك في السفر فهي سوف تكون معينة لك
|
اقتباس:
ليس لوجود فجوة .............................بيننا بالعكس التفاهم يحيطنا ولكن تكاليف السفر لايقوى عليها وقته كله مشغول بالعمل يعني لو رحت حكون مزروعة بالبيت وما فيه سيارة لان التكاليف باهظة بس ربي يعديهااااااااااااااااااا ويصبرنا |
اقتباس:
امين وفعلاُ انتي اسم على مسمى لمستك ومرورك نااااااااااااااااعم على القلب |
الحقيقة لا احب و لا افضل سفر الزوج بدون زوجته لغرض الدراسه او العمل الا لو كان عندهم اولاد فى سن الدراسةحتى لا يختلط عليهم الامر هدا السبب الوحيد اللى ممكن ارضى به لسفر الزوج بدون زوجته غير كدا لا
لان حتى الزوجة يمكن ان تدخل فى دورة لغات و تطور من نفسها كما اضم صوتى لصوت الاخت اميرات التى تحدتت عن الفجوة و هدا صحيح من وجهة نظرى |
اقتباس:
خصوصآ اذا كان السفر الزوج للخارج ولدراسته ولسنواااااااااااااات شي خطير وانا ما حطيت هالموضوع الا وانا شايفه سلبيات لهالموضوع خصوصآ اذا الزوج سافر من غير زوجته وتسلم ع المرور |
اقتباس:
:17: |
اقتباس:
|
اقتباس:
|
اقتباس:
|
اشكر الجميع ع المرور وإبداء كل شخص فيكم رايه
بس ياجماعه انا فعلآ ماكتبت هالموضوع الا من باب التجربه انا صارلي تقريبآ معرسه 9 اشهر وقبل العرس تميت مالكه سنتين وخلال هالسنتين كان ريلي يدرس برع البلاد بس والله يشهد ع كلامي ان حياتي ماكان لها معنى وهذا انا بس مالكه ماتزوجت، كان كل تفكيري عنده كنت احس ان الروح عنده فامريكا والجثه موجوده فالامارات لكان ليلي ليل ولا نهاري نهار، حتى ماحسيت بطعم فتره الملكه ماكان اغلبية حواراتنا ولانقاشنا االا بالتلفون ، ويوم يكون راد للبلاد بالسلامه ماكان يمر لي الا فالاسبوع مره لبعد المسافه لي بينه وبيني( اقصد مسافه المشوار ) ففعلآ ماحسييييييييت بالتفاهم او انحنا وايد متفاهمين بالرغم من طول فتره الملكه بس بعد ،كانت فيه حواجز بينا بسبب بعدنا عن بعض كرهت نفسي بهذيك الفتره ماكنت احس اني مالكه والمشكله كانت واايد تستوي مشاكل حتى يوم العرس كان فيه مشاكل بس الحمدلله عدت الايام وعرسنا وخذاني وياه عسب يكمل دراسته ، بس والله ماشي فرررررررررررررق ابد من قبل والحينه احس الغربه خلتنا فعلآ نتقرب من بعض احس حتى معنوياته ارتفعت وصرنا متفاهمين اكثر وكل واحد قلبه ع الثاني، لو تمييت بروحي فالبلاد وهو مسافر بتنزاد المشاكل زياده والفجوه بتتوسع اكثر والكل صار يسألني او بمعنى يعطيني رايه ان فتره الملكه تكون احلى بوايد من بعد العرس ، بس انا بالنسبه لي العكسسس بس الحمدلله ثم الحمدلله ثم الحمدلله ع كل حال وان ربي عوض صبري خير:17: والله يسعد الجميع ونسمع الاخبار الحلوه منكم ومحد يشكي من شي |
| الساعة الآن 05:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©