|
طلبت الطلاق واخاف اكون ظلمته ..
السلام عليكم ورحمة الله وبركاته انا دخلت هالمنتدى وانا كلي امل اني اريح ضميري بعد ما اسمع ردودكم وارائكم انا قصتي تبدا من ايام كنت بالمرحلة المتوسطة كانت خالتي وبناتها يعلقون علي انا وولدهم الى ان تعلق قلبي به يوم خطبوني كان والديّ واخي رافضينه كزوج لي لانه مدخن وغير حريص عالصلاة لكن كنت انا مصرة بسبب الحاح خالتي وبناتها ومن كثر الحاحهم وتدخل الاقارب تم الموضوع مع اني كنت صغيرة بالسن قبل حفلة الشبكة صارت مشكلة وتاجلت هنا خفت انا وحسيت انها نذير من ربي لكن جا ابوه وصلح الموضوع صارت الملكة وبدأت المكالمات وقربت منه ماحسيت بالانسجام ابدا مابينا .. كل افكارنا متباعدة اسالبينا وكلامنا .. وصرنا كل يومين وحنا بمشكلة بس كنت اقول عادي وكل الناس زينا لكن بعد فترة حكيت لامي وانا زعلانة راحت امي كلمت اخوه الكبير علشان ينصح اخوه ويعقله اخوه ماتصرف ولا سوى شي .. واستمر خطيبي على نفس الوضع لين صار الزواج بعد اسبوعين انا صرخت وقلت ماعاد ابيه المشاكل كلما لها في زيادة وانا كرهته وصرت متشائمة من هالزواج وصرت احسها من ربي وان احسن الحين ولا اني ارجع بعد الزواج ومعاي طفل لكن اهله وخوالي حضروا اقنعوا ابوي انها مشاكل عادية وتمر على الناس وهذا الشي خوف طبيعي مني بسبب قرب الزواج .. بكيت صحت رفضت بس غصبوني الله يسامحهم لكن مشاكلنا استمرت حتى وحنا بشهر العسل .. حملت على طول وتوحمت عليه وزادت مشاكلنا اكثر وماكان راضي يتفهم وضعي .. رحت عند اهلي ادرس لاني اخر سنة بالجامعه واهلي في مدينة غير عن مدينة زوجي واهله .. طبعا الاهل من ايام الخطبة متفقين اني ابي اكمل دراستي وتعهد ابوه قدام والدي وخوالي و زوجي اني برجع واكمل دراستي وان تذاكر السفر على حساب الاب وهو انسان جدا مقتدر ماشالله .. لكن كله طلع حكي فاضي وانه طلع بخيييييييييييل وانا عند اهلي ادرس وانا حامل كان طول الوقت مشاكل على اي شي نزعل ونختلف كنت اسكت في البداية واحاول امشي معه وانهي الموضوع صار يقولي انتي بس تبين تسكتيني حاولت معه بكذا طريقة بس مانفع الى ان صرت في التاسع وقبل ولادتي باسبوع جاني ومن يوم جا وهو يهزا ويهاوش وزعلان قمت اصيح وتشنجت ماعاد ابيه عند اهلي ويوم جا يوم ولادتي كنت زعلانة منه بس يوم شفته فرحاان طنشت كل شي وقعد اسولف معه وحاولت ازين كل شي لكن هو خرب كل شي طلع وخلاني بالمستشفى ماطلعني وسافر مع انه كان اجازة وباقي عالدوام 3 ايام وكله علشان مايدفع تكاليف المستشفى .. دفع بس جزء من المبلغ رماه عندي وراح والباقي اهلي دفعوه .. راح ماعطاني مصروف لي ولطفلي وفوق هذا يقولي الفلوس اللي تجي مباركة للطفل اجمعها واعطيها له علشان يفتح بها حساب للطفل :( شرايكم بالجشع ؟؟ واصلا طول الفترة من بعد زواجنا ماكان يعطيني شي وهي فقط 400 ريال طوال هالسنة اللي عطاني ياهم وباقي الاشيا انا كنت اصرف على نفسي حتى ادوية واغراض للبيت انا كنت اشتريها من مكافأة الجامعه قعدت عند اهلي فترة النفاس وخلصت السنة الدراسية وصارت هذيك الفترة كثير مشاكل بينا ورجعت له لانه صار يتبلى اهلي انهم هم اللي مخربين علي .. قعدت معه ثلاث شهور صار فيها كل شي الضحك لحظات .. والسب والشتم واللعن لحظات كثير ووالله على اشيا تافهة .. ويطلع ينام بغرفة ثانية واوقات نقعد بالاسبوع مانتكلم انا وياه .. اذا طلبته شي زعل انا ماعندي انا ماعندي .. وانا والله ماطلب الا اليسير وطبخ في البيت دايم الا في النااااااااااااااااااااااادر اوقات مايكون فيه اي سبب بس مزاجه مو رايق يجي يناحل وانا ماتحمله بصراحة ليه يسوي مشكلة ومافي سبب .. ولو بحكي مارح اخلص لكن انا الحين طلبت الطلاق وجيت عند اهلي وانا خلااااااااص كارهته .. وشكواي الان مو موقف ولا زعل ولا شي انا شكواي الان طبااااعة اللي ماعاد اتحملها وخوف من مستقبلي معاه انسان بخيل مايصدق القول كثير يلف ويدور يشك ولا يحب احد سواء اهله وخواته ولا اهلي من يوم يجي طاري ابوي ولا احد من اهلي يقلب وجهه مايبيني اطلبه شي ولا اطلبه اني اروح عند احد يبيني بس قدام عيونه اوقات اقوله لازم انا وانت نطلع نغير جو نرجع بنفسية احلى وبشوق لبعض لكنه كتم على انفاسي صرت احس نفسي كاني شغالة اطبخ وانفخ واغسل وبس واذا قلت له قرر مصروف شهري يقول انتي تساوين نفسك بالشغالات تبين راتب شهري .. اطلبه يسدد جوالي يرفض وقعد جوالي خمس شهور وانفصل والمبلغ 500 ريال عيا يسدد وطلبني اقعد شهر جوالي مفصول وانا ماعندي تليفون وانا في مدينة بعيدة مافيها اي احد من الاقارب الكل مسافر يصيف .. اذا طلبته نروح للسوق يقول انا عندي اجار ومابي اروح السوق وانقهر عالفاضي واساسا اي مكان نروح له نتهاوش صرت اكره الطلعة ويوم اقوله طفشانة يقول اقولك نطلع تقولين لا طيب انا كرهت الطلعة من كثر مانتهاوش بالسيارة قدام الولد وصار ولدي طول ماهو نايم يبكي بشكل غريب خوفني كثير احس انه مريض نفسي واشفق عليه واقول برجع لو بس علشان ولدنا لكن يوم افكر فيه وافكر في اطباعه احس بالكره له ولاهله ولخالتي اللي من بعد زواجي انقلبت علي هي وبناتها وانا لو ماعندي ولد والله ماتردد ابد في طلب الطلاق لكن ولدي وخوفي اني انحرم منه مرعبني .. امه تقول ليه تبين الطلاق جاك سكران ولا مواعد بنات ..!! هل انا ظلمته بعد كل اللي يصير بينا .. انا نفسيتي صارت سيئة وصرت ماتحمل وانا اقول يمكن هو مو سيئ بس انا وياه ماننفع لبعض كل واحد تفكير عكس الثاني .. ادعوووووووووولي وساعدوووني مدري وش اسوي |
اقتباس:
الاخت الفاضله ام فوفو بغض النظر عن كل صفاته السيئه التي ذكرتيها , وبغض النظر عن البخل المتوارث في عائلتهم استوقفنتني كلمة ( كرهك له ) اكثر من مره في كلامك عنه اختي الفاضله ... اذا كنت تكرهين زوجك , لاحظي أقول تكرهين ولا اقول لا تحبينه , لأن هناك فرق كبير بين الكره وعدم المحبه , اذا كنت تكرهين زوجك ومتأكده من ذلك فلن ينفع لحالك أي حل ولا مشوره الا الطلاق . هذا رأيي والله اعلم وفقك الله |
كُره + بخل = حياه مستحيله .. اقتباس:
ليش خايفه تنحرمي من ولدك لو تطلقتي .. فانت احق بالحضانه من زوجك و لو صارت مشاكل على الحضانه فامك انت اولى بالحضانه من ابوه .. مسألة الخوف من الحرمان من ابنك هذي لا تشيلي همها الشرع في صفك .. |
انا مثل اخوي واختي اميرات ....
اأيد طلاقك وبشــــده وبكل الحالات انتي الرابحه رح ترتاحي نفسياً وجسدياً اهلك بيهتمون بك وباحتياجاتك رح ترتاحي من هواش زوجك وحبسه لك وترتاح نفسية ولدك ويتربى بجو احسن ... زووجك بخيل بكل شيء الله يهديه ماحسسك بطعم اول طفل لكم ولا حسسك بطعم الزواج .. انتي بهالحاله لو زعلتي منه وطلبتي الطلاق ... هناك احتمالين: 1_ انه يوافق وترتاحي منه 2- انه يرفض ويحاول فيك ترجعي له ويمكن يتحسن معك ويصير احسن من اول وبكل الحالات لك انتي الخيار .... وابنك معك لما يكمل سنتين ولما يتزوج واحد منكم يصير الولد عن العزابي منكم والولد من حق الام ....ولما يكمل 7 سنين يختار اي واحد فيكم ... |
اقتباس:
والله كرهي له من جا الا من تصرفاته اللي كثير المس فيها قلة نضجه وعدم مسؤليته على ان عمره 28 سنة الله يعطيك العافية على ردك .. وانا والله مانزلت هالموضوع الا علشان اشوف هل ترون انا بطلبي الطلاق اكون ظالمة له ؟؟؟؟؟؟ |
اقتباس:
انا اخاف لانهم ناس لئيمين والله وانا في نفاسي حصلت مشكلة قالت امه لامي اللي هي اختها مدام هي ماتبيه خله يجي ياخذ ولده !!!!!!! تخيلي تهدد باخذ رضيعي مني .. والى اخر مشكلة الان وهي تقول حرام عليكم تحرقون قلبه على ولده لكن انا من غيضي قلت لها تعالوا خذو ولدكم وبس سكرت منها قعدت ابكي خوف اللهم اكفني فيهم بما شئت وكيفما تشااااااء مشكورة ياغالية على ردك |
اقتباس:
اطمئني لن يستطيع احد ان يأخذ منك ابنك .. شرعا و قانونا انت احق بحضانة ابنك .. واذا تحبي تعرفي وضعك القانوني اكثر ادخلي على منتدى مبادرة الطلاق السعودي الاخت هيفاء خالد راح تطمنك اكثر عن وضعك القانوني و الشرعي فهي خبيره في مثل هذه القضايا .. و سوف تقدم لك استشاره مجانيه .. |
اقتباس:
الله يسعدك ردك ريحني كثير وفعلا انا لما جيت عند اهلي بكا طفلي خف وهو نايم بس بالعيد جا زوجي ورافض يعترف باي غلط وانه انا الغلطانة وراح عند خالي يشتكي علي وكذب ويتهمني بالكذابة وانه كيف يقدر يعيش مع كذابة !! ليه يقول اني كذابة علشان كنت ابي فلوس وانا مادري ان المكافأة لسة بتنزل بالصيف لاني تخرج ودخل من وراي وشاف انه فيه مكافأة وقام يتهمني اني كذابة وقاعدة اجمع بالفلوس من وراه واني ادعي اني محتاجه وحسابي مليان ! واتهم ابوي انه يبي يخرب علي حياتنا وانه يكلمني كثير ووالله انه كذب وش دليله يقول ان ابوي قال مرة وش مقعدكم في ( مدينتنا ) ان الجو حااااااااااااار .. ووالله ان الوالد سالني بتجون ولا ولا قالي شي يحرضني على زوجي ولو فرضنا انه ابوي عزمنا للجية يعتبر خرب حياتنا !!!!!! انسان تافه الله يفكني منه على خير المشكلة مثل ماقلتي انه رافض الطلاق ويبيني ارجع ومعترض على زعلي واصلا مافي مشاكل من الاساس !! وانا اخاف انه يعلقني اللئيم !! ومافكر بالرجعة لاني صرت اخاف منه انسان حقود هو واهله وابوه من الحين قاعد يتهدد اذا مارجعت يبي يزوجه عين الشمس على قوله وانا والله اتمنى يتزوج ويفكني :14: مشكووووووورة ياقلبي |
انتبهي تعطينهم ابنك ..
لانهم يمكن يمسكونه عندهم لجرك لهم وامك اكيد مارح ترضى تشتكي على اختها وولد اختها عشان تسترجعي رضيعك انتبهي اذا اهلك مايرضون تشتكي على زوجك واهله لاتسلمينهم ولدك |
والله يااختي اذا امه واخواته حتى هن متغيرات عليج بعد الزواج فتاكدي اني محد بيكون فصفج من اهل ريلج ابد وريلج بيتمادي عليج اكثر لاتذلي نفس له اكثر وخلج فبيت ابوج معززه ومكرمه
ومراده يحس بقيمتج ومن ناحيه الابن ان شاء الله بيكون عندج لان مابيتحمل مصاريفه دامه بخيل ومسوؤلية الابن بروحه صعب يتكفلها طالما انه من الاساس مب قد الزواج ليش يتزوج الله يسهل عليج ويسمعنا خير |
اختــي مثل ماقالـوا الأخوان اذا على ابنك .. مستحيل ياخـذوووونه انتي احق منهم في حضانته لأنه صغير ويحتاجك اكثر واذا صار عمـره 7 سنوات يخيروونه ... وان شاءالله يكون متعلق فيك ويختـارك .. يعني مسـألة ابنك شليلها من بالك واذا تكلمـوا خليك وااااااااااثقه وقوليلهم لين يكبر ويصير من حقكم تاخذونه ذيك الساعه نتفاهم .. الحمد لله بس .. ماحد ياخذ الا نصيبـه .. |
ليش مايصرف على بيته وليش مايدفع حق المستشفى؟ وليش كل هالبخل والله اني اشوف انك تنفصلو عن بعض احسن من هالعيشه وموضوع الولد .. لاتشيلي همه ولدك بحضنك وانا اخوك الشرع يحكم لك الحضانه الله يعينك على مابتلاك ولا يبتلينا ولا يبتلي اخوانا تقبلي مروري |
اقتباس:
دخلت عالمنتدى اللي نصحتيني والله يجزاك خيررررررر يارب |
اقتباس:
وقلتها علشان ابيهم يفهمون اني ماعاد لي رجعة مثل دايم يضغطون علي لكن فعلا بعد كذا مستحيل اقولها ولا رح افرط في ولدي مشكووووووورة الله يجزاك خير انك نبهتيني انا اصلا خايفة من هالشي اقتباس:
بس اخيرا ظهر الحق امس اسمع كلام ان اخته الكبيرة تقوله ان تستاهل هي كرهتك من وخافت منك من معاملتك الشينة معانا حنا اهلك الحمدلله ربي اظهر الحق الله يسمع منك ويجزاك الف خيرررررر |
اقتباس:
لا تحاتين فديتج ، ربج مع كل مظلوم وعلى كل ظالم خلج مرتاحه وطلاقج منه يحق لج مع انحنا دائمآ نحاول نصلح مانفرق بس احيانآ االاسلوب والطباع يخربين كل مبني، وينهدم فأقل من لحظه وعساه بس يحس بغلطته ويردج بعد مايتغير ويصلح حاله الله يهديه ويثبته ع هدايته ويسخر لج كل مافيه خير انا حرمة مب رياااااااااااااااااااااااااااااااال:( شكلي بغير نكي:( |
اقتباس:
ويارب تجي هالامور مثل مانبي .. انا اخاف منهم لكن ربي ينصرني عليهم الله يجزاك خير اقتباس:
المشكلة يوم اقول ليه تبخل علينا يسويها قضية انا بخلت متى انا وش سويت انا وانا وانا الله يعين اللهم اجرني في مصيبتي واخلفلي خيرا منهااااااا |
[QUOTE=malak_3lganah;2238898]لا تحاتين فديتج ، ربج مع كل مظلوم وعلى كل ظالم خلج مرتاحه وطلاقج منه يحق لج
مع انحنا دائمآ نحاول نصلح مانفرق بس احيانآ االاسلوب والطباع يخربين كل مبني، وينهدم فأقل من لحظه وعساه بس يحس بغلطته ويردج بعد مايتغير ويصلح حاله الله يهديه ويثبته ع هدايته ويسخر لج كل مافيه خير المشكلة انا الحين صرت رافضة تماما فكرة الرجعة لاني خايفة منه مشكلتنا طباعه والطباع صعبة تتغير ولا شلون ؟ تسلمي لي يااااااااارب على ردك |
[QUOTE=om fofo;2238904]
اقتباس:
لا حبيبتي بإذن واحد احد بترجعي له بس مو الحينه طبعآ بتردي له يوم يعتذر منج سواء ان طلقج ولا لا لاتمي معاه عسب يحس بقيمتج صدقيني هالموقف استوى مع احد قريباتي ويوم طلبت الطلاق وراحت عند اهلها تمت 9 اشهر ومن ثم رجع لها وهو كله ندم وقهر علي كان يسويه وعياله كانو وايد مرققين قلبه ، طبعا هذا كله بعد ماقرصته حرمته وخلته يطلقها وعقبها حس بالنعمه لي كان فيها نحن نتفائل ولكل مجتهد نصيب وإذا عفتيه خلاص ومافي مجال لرجوع له حتى بعد تغييره الله يعوضج بداله خير وينصرج على من عاداج سواء من اهله او منه |
الاخت العزيزة أم فوفو
هل فكرتي بالجوانب السلبية للطلاق انتي الان ترغبين في الطلاق ومصرة عليه ومتضايقة في مجرد التفكير للعودة اليه!! طيب افرضي انكِ حصلتِ على الطلاق أخيرا...!!! هل تستطيعي ان تتحملي تربية طفلكِ لوحدكِ نفرض في ليلة من الليالي مرض ابنكِ...واحتاج لطبيب ماذا تفعلي؟ هل تذهبي لوحدكِ في ظلمة الليل مع السائق...او ربما كان والدكِ او اخيكِ سيتكفلون مشكورين بمساعدتكِ في احتاجات صغيركِ...هل سيكفي هذا في منع تسلل الاحساس بالمرارة والانكسار والوحدة الذي حتما ستشعري به بعد الطلاق.. عندما ترين صغيركِ يكبر امام عينيكِ يحبو فتصفقي له...ثم يمشي لوحده فتفرحي بشدة وتسعدي ولكن لوحدك عندما يكبر ويستطيع ان يعتمد على نفسه قليلا...ستشعري بعدها بنوع من الفراغ والرغبة في انجاب طفل اخر يكون له شقيقا وعضدا..!!! عندما يستوعب ويفهم ابنكِ وضع والديه والطلاق الذي اختاراه...ماالجواب الذي ستردي عليه في حال سؤاله عن طلاقكما ولاتنسي الاطفال والتساؤلات التي ستدور بينهم لطفلكِ...ويييييييين ابوك........ماعندك اخ.........ماعندكم الاغرفة وحدة بس انا ابوي يقدر يسوي كل شي...انا ابوي قوي وانت ابوك مسااافر...كله مسافر وموعايش وياك...امك ليش تستحي من ابوك؟ هذي الاسئلة كلها سمعتها من الاطفال يسألون فيها طفلي وحبيبي وجنتي...ولكِ ان تتخيلي شعوري وانا استمع لها واجاوب بالنيابة عن طفلي وقد اوفق احيانا في الاجابة المناسبة...ومرااات لااوفق فأثور عليهم واكون كالقطة الشرسة.. احيانا الطلااااااااق لايكون حلااااا؟ بل هرووووووووبا من مشكلة الى مشكلة أخرى؟؟ ارجو من الله ان يصلح حال زوجكِ ويكون لكِ ولطفلكِ عونا في هذه الحياة ويبعد عنكما كل سوء.. اوصيكِ بالدعااااااااء والاستغفااااااااار وكثرة ذكر الله...وبإذنه تعالى ستتغير أحوالكم للأفضل دعواااتكِ لي ان الله ييسر لي كل ما أخاف تعسيره...ويجعل لي من امري فرجا ومخرجا..,,, |
اقتباس:
كلامج حلو ومقنع بس ماينطبق ع كل الرجال خصوصآ من هذا الصنف لي مايعرف شي عن المسؤوليه إذا وجوده وعدمه واحد، شو الفايده يكون اب بس بالاسم وتعيش معاه وتنزاد المشاكل والخلافات واتخلاف الراى لين مالولد يتعقد في حياته من صغره فاعزلها انها تطلق منه لانه العيش معاه لاتطاق الا فحالة تغير وتحسين طباعه وتقدير الحياه الزوجيه |
ودي اشوف زوجك اللئيم هذا وابلعه قنبلة وافجرها
ياخي شفت نذالة فالحياه ولئامة بس ماشفت زي كذا ,, بخيييييييل انا خابر البخلاء يتبيخلون على انفسهم بس على عيالهم هذي جديده بصراحة ,, اقول تطلقي بس وافتكي من هالنذل حتى اخواته مايحبونه هههههههههه استغفر الله واكيد بتتزوجين واحد احسن منه اكيييييد وولدك انتي احق فيه ههههههههه هذا لو انه ابوي تبريت منه بس اهم شي ولدك لاتتخلين عنه تراه محتاجلك اسألي مجرب وشكرا |
انك تكرهينه هذا سبب كافي للطلاق ........
|
الله يهديك هدي الامور ، دايم بداية الزواج تكون مليئة بالصعوبات والمشاكل ، ومافي اثنين تزوجوا وهم متفقين تماما إلا في النادر .
أختي لاتسمحين بكثير من التدخلات في حياتك ، بإمكانك تعلمينه الأصول والحقوق اللي لازم يؤديها تجاهك وتجاه ابنك بدون ماتوصل للطلاق .. اصبري وادعي واستغفري بنية انصلاح حالك وتغيره ، وإياك تصرين ع الطلاق ، الطلاق مو حاجة سهلة ، وزي مافيه اشياء سليية اكيد فيه اشياء ايجابية ، ويكفي انه قريب لك . لاتجعلي كلام الناس ورايهم يؤثر في قرارك ، فكري زين واستخري وادعي رب العالمين في الثلث الاخير من الليل ن واساليه هل انت ظالمة او لاء ؟ أعتقد زوجك يستحق فرصة اخرى ، جربي ولن تندمي ، طفلك يستحق واهلك يستحق وصلة الرحم والقرابة بينك وبين زوجك تستحق . موفقة .. دعواتي .. |
[QUOTE=malak_3lganah;2238919]
اقتباس:
وابوي طول الوقت يستسمح مني يقول احس اني اذنب فيك بهالزواج وامه دايم تقول اني شايفة نفسي على ولدها وانه بعدين رح يتزوج عليها واي مشكلة ابوه يسمع فيها يقول البنت هذه بتتعدل ولا بزوجه .. انا غير كرهي لشخصه صرت اخاف من الرجعة مستقبلا بسبب كرهه لاهلي اخاف اذا قوى وكبر ريشه يقطعني عنهم خصوصا انا سكني بعيد عن اهلي والشي الثاني انا ماستبعده سالفة الزواج الثاني .. علشان كذا انا ابد مافكر اني اغامر بحياتي وارجع له الله يعطيك العافية على كلامك الحلو |
حبيبتي امل كلامك صحيح عقلاني وحسيته قاسي يخليني اتراجع عن قراري تضحية في سبيل سعادة ابني وانا اقر تماما ان ابنائنا يستاهلو اكثر من تضحية .. لكن انا في مقتبل ولا اشعر بالامان من الايام الجاية طول الوقت افكر واخطط علشان اؤمن نفسي لان زوجي من الان والمتطلبات جدا قليلة لا يوفيها فكيف اذا كثرت المطالب ..!
على فكرة ردك خلاني ابكي واتحسر على نفسي وعلى ولدي اللي هذا ابوه .. ادري ان الطلاق شي صعب لكن لكل شخص مقدرة في التحمل وانا فقدت اعصابي و ماقدر اجازف بعمري وولدي باذن الله مارح يضيع ..! الله يسعدك ويسخرلك كل الخير يارب |
[QUOTE=malak_3lganah;2239139]كلامج حلو ومقنع
بس ماينطبق ع كل الرجال خصوصآ من هذا الصنف لي مايعرف شي عن المسؤوليه إذا وجوده وعدمه واحد، شو الفايده يكون اب بس بالاسم وتعيش معاه وتنزاد المشاكل والخلافات واتخلاف الراى لين مالولد يتعقد في حياته من صغره فاعزلها انها تطلق منه لانه العيش معاه لاتطاق الا فحالة تغير وتحسين طباعه وتقدير الحياه الزوجيه[/QUOTE هو الحين قاعد يحاول انه يرجعني ويقول انه المشاكل اللي بينا ماتوصل للطلاق << طبعا هالحكي يقوله للكل اما انا مرة سالته يوم يرفض يلبي الطلبات قمت وبزعل قلت له انت ليه تزوجت وانت ماتبي تصرف ولا تتحمل اي طلب .. قال اللي خلاني اتزوج اختيار البزورة << يعني هو وصل لمرحلة انه ندم على زواجه مني والله العظيم اني ماطلبت الا اشيا معقولة وربي بس هو يستكثر اي شي وبالاخير صار يسمي اختياره لي اختيار بزورة وغلط .. اخر ايام وهذا الشي اللي خلاني اقرف من الرجعة ان تناقشنا بشي ومو راضي يصدق ولا راضي يفهم اللي يصير وانا احلف له اللي صار كذا وكذا واحلف ياناس بكل شي احلف بعمري احلف وهو مو راضي يصدق ويقولي ياكذابة انا فقدت اعصابي وقلت له الله يلعنك مو لازم تصدق قام شتمني ودعا علي وقالي جعلي ماعاد اشوفك وانتي وانتي ومد يده بضربني وحنا بالسيارة ويقولي انتي مو مقدرة المبلغ تبع التذاكر لاني طلبته اسافر عند اهلي ودفع نصف التذكرة لكن يوم قال كذا طلبت الصراف وصرفت مبلغ التذاكر وعطيته ياه وسافرت لحالي انا وولدي اللي عمره شهور بالطيارة ااااااااااالله يعين يارب تعوضني ياااااااارب وتبعد هالرجال عني وعن ولدي يارب |
اقتباس:
انا قريت كثير عن قوانين الطلاق والحضانة ومستحيل اتنازل عن حقي لو وش يصير ادعيلي الله يفكني منه لاحول ولا قوة الا بالله الله يجزاك خير على ردك وفعلا البخل لا يطاق |
اقتباس:
والله انا اتوقع لو اني احبه بحاول اتحمله واغيره لكن كرهي له عائق كبير في استمراري معه اقتباس:
لكن مشاكل طوال الوقت هذه مستحيلة وربي انا اصلا ماتزوجته الا علشان الاقارب وضحيت وسكت في سبيل العلاقات هذه لكن هذه اكبر غلطة واخاف اني استمر بهالغلطة .. بس والله مشكلتي اني خايفة من الذنب مدري ليه هالشعور فيني يمكن لاني اعرف زين ان علاقاته سيئة وانه انسان وحيد او انه مريض نفسيا مدري بس صرت اشفق عليه |
اقتباس:
|
| الساعة الآن 06:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©