|
زوجي واقع بين امه وابوه ساعدوني بالحل
اخوتي الاحبه
لدي مشكله مع والدي زوجي ارجو ان القى منكم الحل الامثل انا ساكنه بالبيت مع اب وام زوجي كبار في السن المشكله ان زوجي وانا واقعين في المنتصف اولا ابو زوجي من جنسيه عربيه وعايش بالسعوديه وله من الاولاد 6 اصغرهم زوجي وللعلم ام زوجي سعوديه 3 من زوجته الاولى الله يرحمها و2 من ام زوجي و1 من زوجه اخرى والحمدلله زوجي هوا اللي متكفل بابوه وامه وشايلهم من فم ساكت احتسابا للاجر وام زوجي ماعندها غير 2 زوجي واخ تاني عايش باوروبا ولكن المشكله انه ام زوجي طلبت الطلاق وطلقها وهي الان في فترة العده والبيت بيتها وباسمها وبعد قضاء العده سوف تعتبر غريبه عن ابو زوجي ولكن المشكله في ابو زوجي بصراحه زوجي ما عنده امكانيه ابدا يفتح بيت تاني فاقترح اخوانه انه يرجع بلده مع اولاده ال3 ويدفعوله راتب شهري تكفي مصاريفه ومنهم طبعا زوجي لكن ام زوجي تبغى من ولدها انه يعمله خروج نهائي لانه ماراح يرضى انه يرجع بلده حتى لو سافر راح يرجع تاني هنا وزوجي يخاف انه يكون عليه ذنب لو عملها لابوه امه تقله ممكن تعمله زياره لفتره قصيره ويرجع تاني وفي نفس الوقت خايف يتحمل ذنب قعدة ابوه بالبيت مع امه لانها غريبه وهوا بين نارين وامه رافضه نهائيا انه يجلس بالبيت لانه عنده من الاولاد 3 في لبنان ابغى مشورتكم ايش الحل لاننا نخاف الله هل على زوجي ذنب ؟؟؟ الله يسعدكم ما عندي الا الله ثم انتم |
:(
حرررررررررررررررررررررررررام خروج نهائي ؟؟؟؟؟؟؟؟؟؟؟؟؟؟؟؟؟؟؟؟؟؟؟ لايحس بهاالكلمة الا من يكون غير مواطن والله حراااااااااااام عمرة كلة هنا وفجاةء يروح ترى لللعلم صعب جدا هالشي عالانساان مو سهل . انا مواليد السعودية ولاعرف بلد غيرها موطن اعامل كاني سعودية سوى اوراقي هالقرارررررررر مصيري جداااااااااااااااااا انا عني اعتبره طامة للااااااب قوية لو خروج نهائي مشكلتنا غي هالبلد ان الانسان يقرر مصير اخوة او ابوة او زوجة . يعني الام باعت العشرة بسهولة حسبي الله وفقط |
بعد عشرة هالسنين يطلقوا حرام
حاولوا تصلحوا ما بينهم لعل وعسى يرجعوا لبعض اذا الام مصرة فبكل تأكيد يجب على الاب مغادرة المنزل بما انه باسم الام وتصبح غريبة عنه خروج نهائي حرام ! خل يحول اقامته على ابنه مثلا علشان يقدر يصير يروح ويجي براحته هذا ان رغب بالعودة الى لبنان .. او اذا قادر زوجك على استئجار شقة لوالده لكن حرام يجلس لوحده اذا مافي له حد في السعودية ! فعلا ما بين نارين الله يعينكم |
اقتباس:
والله انا ما اقدر اشرح ام زوجي قد ايه تحملت منه وهيا الان عندها ضغط وتعبانه ومابتتحمل اكثر من كده وهذا قرارها وكرهة العيشه معاه واحنا مالنا شغل فيها حياتها وهي حره فيها لكن الموضوع والمشكله بزوجي احنا راح ننجن شوي من التفكير ابغى حلكم الله يساعدكم |
الله يعينكم
طيب ابو زوجك ايش رأيه .. هو حابب يرجع بلده؟؟؟ |
قولو لة ماططلبتة ام زوجك
وهو يقررر اما زوجك لايعطية خروج نهااااااائي كيف بيهون علية او يدور لة واحد ويسوي لة نقل كفالة لشخص اخر مو صعبة يقول لامة بننقل كفالتة مو لازم نهائي |
بصراحه والله انها مشكله حرام خروج نهائي...الله يعينكم..وان شاء الله تنحل المشكله..يمكن الاب حابب يرجع لبلده هاد بيكون شي تاني سعيتها ما رح يزعل اذا عملتوله خروج نهائي لازم توخدو رأيه وتتناقشو معه ..انا ما بعرف بالقوانين بالرغم من اني بالسعوديه من زمان بس انتو بتقدرو تنقلو كفالتو عليكم؟ بتوقع ما بيزبط لانو لازم يكون الكفيل سعودي على ما اعتقد...الله يفرجها عليكم وتنحل الامور
|
اقتباس:
لكن المشكله فين بيكون سكنه ؟؟ حتى لو بيت تاني مع انه زوجي ماعنده امكانيه يصرف على بيتين مين اللي راح يخدمه ؟؟ ابوه عنده 4 من الولاد في لبنان وهنا نحنا بس طيب مين راح يخدمه ويقعد معاه وامه ماعندها الا زوجي وولد تاني باوروبا وما تحب تعيش غير هنا طيب ايش الحل ؟؟؟ الله يعين بس |
اقتباس:
هوا لو بيقدر ما بيرجع لكن المشكله ما في امكانيه ابدا انه يكون له بيت لحاله ولكن الان راضي بانو يسافر |
اقتباس:
والكفاله مو المشكله لانو مثل ما قلت اول ممكن نحنا نكفله لكن المشكله في اقامته اما يفضل معانا بالبيت ومع ام زوجي او يسافر ولو ما انعمل خروج نهائي ابوه ممكن يفضل في البيت معانا والمشكله انه متعود انه يدخل عندها الغرفه وياخد راحته بالبيت وهيا ما تبغى كده المشكله انه نحنا مو عارفين الصح من الغلط |
اقتباس:
ومبروك عالحمل والله فرحتلك ماشاء الله تبارك الله زوجي واخوه تكلمو معاه رضي لكن ابو زوجي الله يهديه كل ساعه برأي وهوا رضي نوعا ما وعرف انه مابيقدر يقعد هنا لكن زوجي خايف انه بيكون حرام اللي بيعملو بابوه طيب ايش العمل |
يا ناس افي حل
الله يسعدكم ساعدوني مالي بعد الله غيركم |
اقتباس:
اذا هو قبل يسافر وين الحرام على ما اعتقد وان شاء الله ربنا بيفتحها عليكم وبتجيبوه مره تانيه |
اقتباس:
والله فرحتيني بدخولك شوفي يا ستي ابو جوزي عارف الحاله لكن هوا في قرارة نفسهر بيتمني انه بفضل هنا عشان كده احنا خايفين انه بيكون علينا ذنب ولانه زوجب شايلهم وصارف عليهم بس الوضع الان اختلف بعد الطلاق يعني مره انه يصرف على بيتين وتصدي ابو زوجي الان ماعنده ولاشئ غير ارض بلبنان وبدو يبيعها مع انه كانت الفلوس تلعب بيده لعب وما فكر انه يشيل شئ لليوم الاسود ولا ترك شئ لاولاده والان بيوم زوجي مع انه مو مقصر عليهم بشئ والله العظيم مشغول بابوه وامه حتى طلعه لحالنا ما نطلع وام زوجي تبغى يعمل خروج نهائي عشان لا يجي هنا لانها عارفاه ممكن يجي وياخذ راحته بالبيت ولايهتم بالحرام وزوجي خايف من انه يكسب ذنب على هذا الشئ |
الله يصبركم وضع لا تحسدون عليه
اكثر المتغربين العرب في بلاد الخليج مثل والد زوجك كانو يلعبو بالمال لعب ولكن لم يدخرو ولا قرش ليوم اسود سبحان الله العظيم اهم شي رضا الله سبحانه وتعالى بالامر على قولة حماتك ما رح يهتم بالحرام ورح يجلس آسفه اخاف اعطي راي اذا قلت ما يرجع يمكن يزعل من زوجك وواذا قلنا يبقى الله اعلم يمكن ما يهتم بالحلال والحرااااام وتزعل الوالده ومش قادر يفتح زوجك بيتاااان الافضل يرجع لبنان ويفتح له محل سمانه عربيه واجبااان ولو المحل بالاجاار مش هم اكثر شي ماشي محلات السندويش والبضاااعه من التجار وقت البيع يسدد الواحد ويمكن يحط معو عمال يديرو له المحل اعرضي الفكره على زوجك هذا ما الهمني به ربي وانا اكتب مع اني لم يكن عندي اي حل |
اقتباس:
والله افرح كثير بنصايحك وربي يكسبك الاجر طمنيني عنك وعن بنتك ربي يقومها بالف سلامه وتشوفيالعروسه وتولد وانتي معاها يارب بالف سلامه ان شاء الله الحمدلله على كل حال بيفتكرو انه الفلوس زي ماجات اول راح ترجع وتجي تاني ياستي هوا متقبل الفكره وحزم شنطه وخلاص بيستنى انه ابنه يحول من الشقه عالاسبوع الجاي يعني هو حل الموضوع لكن اذا كانت خروج وعوده راح يحط بباله انه إله هنا بيت وماراح ياقلم نفسه لكن لو خروج نهائي راح يتعود عالحياة وامه بتقوله روح وعيش هناك لانه هواها حلو وبيقدر يحرك رجله اما هنا ماعنده شغله بيضل قاعد وانا باهون عليه قلتله اذا استقريت ان شاء الله باخد الاولاد وباجي لعندك هوا فرح مره ولكن المشكله بزوجي خايف انه بيكون عليه ذنب والله فكره اخبر زوجي جزاك الله خيرا يا قلبي وريح بالك وخاطرك بحوله وقوته |
نقل للقسم المناسب .. المتزوجين |
حبيبتي ليش معقدينها كل هالتعقيد؟؟؟
الله يهديكم بس،،، اولا خروج نهائي لآآآاو الف لا،،الا اذا كان برغبة منه،والا فتكونون آثمين والعياذ بالله.. ثانيا انت قلت انه لو راح بلد تاني اولاده الثلاثة بيتكفلوا بيه بمصروف شهري،،طيب زين خليه بالبلد،استأجروله بيت اقصد اولاده يتعاونون ماديا،يسكنوه ويعطوه مبلغ شهري تمام مثل لو كان رجع لبلده،،، وبكذا الكل راح يرضى وزوجك بتجيه نصيب بسيط حتى يساهم فيه،ولا راح يزعل امه ولا ابوه،، الله يسهل اموركم يا رب |
الله يعينك حبيبتي
|
يا حبيبتي الله يفرج همك ويفك كربك
انا باقيلي مده بدخل الموضوع وفعلا محتاره ارد واقولك ايه بس حدعيلك ربنا يرشدكم للصواب ان شاء الله ويفرج عنكم |
اقتباس:
بيرضى ويطر انه يرجع لانه زي ماقلت ماراح يهتم بالحرام او الحلال واستاجار بيت تاني وهوا هنا مستحيل لانه الاجارات ارتفعت ومافي احد هنا غيري انا وزوجي ومين اللي راح يخدمه والاتفاق كان انه يرجع بلده ويعطوه النفقه وهوا هناك بيسكن مع ولده المشكله في هل عى زوجي ذنب وهوا مايقدر يفتح بي تاني ومايقدر يترك امه لانه مالها غيره اما ابوه له اولاد تانين |
اقتباس:
والله الموضوع ده لينا فتره ونحنا تعبانين منه مش عرافين نعمل ايه وزوجي صلى الاستخاره اكثر من مره وربي يسهل اللي فيه الخير |
| الساعة الآن 08:06 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©