|
زوجي يتهمني انني فاشله بالحوار معه
السلام عليكم ما ادري كيف ابدا ولا كيف ألملم الكلمات عشان تفهمون القصه انا وزوجي لنا اكثر من 3 سنوات متزوجين ولدينا طفل عمره سنتين زوجي شخصيته عجيبه :: اذا راضي يكون وده يشيلني من الارض شيل ولو اطلب عيونه يعطيني... واذا عصب الله لا يوريكم ( سب * لعن* كلمات بذيئه,,,,,,,,,,) من بداية زواجنا وهو مايمر 6 اشهر الا لازم يصير عنده ازمه ماليه متحمله لا سفر برا ولو سافرنا داخلي 4 ايام بالكثير واهلي دوم يوصوني اراعي ظروفه هو ماعليه .. وظيفته جيده جدا .. لكنه انسان طموح ++زي مايقول) .. ويتدين عشان مشاريع اقرب مالها فاشله بس مو مقتنع وماتجيبله الا الديانه والقروض والبلاوي نفسيته هاليومين زيروووووووووو كل شي يعصب عليه ويقلب الدنيا علي اول موقف : جا من شغله وانا كنت ابي الدكتور عشان اسناني .. وكان بينام.. قلتله : متى ودك توديني عشان سني مره يألمني ..؟ قال اليوم مره مشغول .. ماتكلمين اخوك يوديك؟ انا قلت : وش دعوا يافلان .. تشوفني ما انام منه :( قال بعصبيه : وش قايل انا؟؟؟؟؟ اقول روحي مع اخوك انا عندي اشغال .. انتي تدورين المشاكل انتي ماتفكرين انتي انسانه ماتحترمين زوجك انتي الله يلعن اليوم اللي تزوجتك فيه انتي شايفه نفسك؟ وش تحسبيني انا؟؟؟ كلاااااااااااااااااااااااااااااااااااااااااام كثييييييييييييييييييير حسيت نفسي زي الحشره من كلماته الجارحه وساكته قال : انتي ساكته بس انك زي الشيطااااااااااان.. قمت واخذت طفلي ورحت لغرفه ثانيه اغير ملابسه جاني بعد 5 دقاااايق .. قال اسف وحقك علي .. اعذريني انا تعبان ونفسيتي تعبانه والديون تلاحقني والقروض كثرت سكت وجلسنا مع بعض بس قلبي ما ارتاح ... حسيت انه لسا ماوصل للي جواتي وين الاحساس .. وين الحب ..؟؟ قبل اسبوع كانت معاملته راقيه ويجي عندي كل شوي يتطمن اذا خف الالم والا لا الحين كذا بهالسهوله الشتم والسب وطاري الطلاق عند مواضيع تافهه.....,,,, جا المغرب لما جا يطلع طبعا ماراح لشغله تذكر زواج صاحبه وراح .... وقال تبين شي ...؟؟ وكنت ارد من غير نفس كنت احس اني شاااااااايله عليه ... وعتباااانه طلع ولما تاخر شوي كلمته قلت انه رجع الالم.. قال وش اسوي كل شي مقفل الحين قلت: تركتني وانا كنت اتالم وقلت عندك اشغال وانت الحين مع الشباب.... :( قال ايه وبعدين....؟؟ بكرا تروحين قفلنا عادي اتصلت عليه بقول له يجيب لي علاج غيره مارد كلمت ثانيه قلت ليه تعاملني كأني انا الغلطانه .. انا وش قلت قال : انتي اعتذرتلك ولا رجعتي ولاتضحكين ولا شي .. قلت انت جرحتني بكلامك مايحق لي اتضايق .. والا ما استاهل انك تراضيني ؟ قال : اصلا انتي ماعندك تقدير ولا احترام ولا نقطة حيا مني وش تبين مني؟؟؟؟؟؟؟؟ انا ما اقدر اصبر على وحده ماتحترمني ؟؟؟ ويقول كلام ورب البيت ماقلته .. ويتذكر اشياء قديمه تخيلوا قلت خلاص ما ابي شي بس ارحمني واسكت .. كلامك يتعبني... ووانا اصييييييييح يقول انتي وانتي وانواع التجريييييييح فيني وسب ولعن وانا اقول خلاااااااااص كل الغلط علي بس اسكت لو بيدي سكرت التلفون بوجهه بس خفت يصير الغلط علي جيت عطيت التليفون ولدي ويقول بابا متى تجي اخر شي اسكت ... جا للبيت وهو حاااااااس بتأنيب ضمير وتأسف ثااااانيه ... وطلعت اللي بخاطري ورضينا الموقف الاخير والشنيع بوجهة نظري: جاي من شغله يسولف عن شي بوزارة الصحه ... وانا كان رأيي غير رأيه ويحاول يقنعني وانا مقتنعه برأيي جاب نقطه من صالح رأيي قلت : شايف ان كلامي فيه شي من الصحه :) قال انتي اصلا متغيييييييييييييره .. اول كلامي ماتعارضينه ولا تجادلين والحين تدورين اللي يعارضني ... انتي وانتي وانتي اصلا انتي فااااااااااشله بالحوار معي ولاتحترميني .. تخيلوا عصب من شي سخييييييييف انا اناظره والدمعه بعيوني ومتفاجأه ليش يعصب ... موضوع عادي ماله دخل بالاحترام.. يوم شاف نفسه كل شوي يزود قال ابعدي عني روحي هناك والا اطلعي من الغرفه .... قمت وطلعت من الغرفه من الظهر هالكلام ... طلع العصر ورجع وانا مارفعت عيني بعينه ولا هو كلمني حتى جالسه بغرفه ثانيه وهو نااااااايم احس اني كرهته وش سويت انا عشان كل هذااااااااااا؟؟؟ اقسم بالله اللي كتبته لكم لازودت ولانقصت ..... هو طبعه كذاااااا يعصب من اشياء تافهه ... بس مرات تروح عنه ومرات ترجع بس انا تعبت |
طبيعي من ضغوطه
أعذريه وحاولي هالفترة تبتعدين عن الاحتكاك فيه ادعميه معنويا هو بحاجتك الآن ولاتخلين هالفترة سبب خسارة بحياتكم الزوجية إذا صحى من النوم روقي وروقيه سوي له شيء يهدي أعصابه أنا لو بمكانك ممكن أزعل واعصب بس هالأشياء فعلا ماتنفع واتمنى اني قلبتها روقان وتفهمت الموضوع أكثر وحلو كل واحد منا يذكر الثاني الله يسعدكم |
زوجك طيب وفيه الخير انشاءالله ...اذا تبين منه شي لاتكلمينه بعد مايجي من الدوام اختاري توقيت مناسب
هونيها تهون |
حبيبتي الحياة يبيلها وساعة صدر ... واللي لاحظتة ان زوجك طيب .... وما يحب يخليك زعلانه منه .... تبين الصج ...في المسأله الأخيرة الحق عليك .... لا تجادلينه بردك على كلامه.... مدام انت مقتنعه برأيك .. خلاص ...ليش المرادد... انتهى الموضوع ... هو قال رأيه ... وانت كذلك... هو مصر .. ردي علية وقولي انت على حق ... اذا شفتي زوجك شد .. انت ارخي ... الزوجة الذكية تطرد المشاكل من حياتها ... انا عكسك..... اذا شفته مصر على رأيه ...:29:.. ارد واقول :....انت على حق ....او كلامك صحيح... عاملية زي الطفل ....تكسبينه ... واذا طلبت منه شي ورفض ..:(.. والله ارد علية ......راسك سالم :22:...او اللي تشوفة...... اكسر عينه:29: حياتي انت.....مادام الحب موجود ..... استغلية لصالحك ....لترين الاحترام ... والطاعة ....:30: مشكلتك جدااااا بسيطة بس انت حساسة زيادة .. اذا مو دلوعة...... استغلي دلعك ....فهو علاج فتاااك بالرجاااال:18: والله يجيييب راسهم ... مع شوية خفة دم .... وهدوء...تجدين ما تبحثين عنه ... وعن حالتة المادية حاولي اقناعة بعدم دخول في مشاريع ...... التجارة تبي اهلها........ مقوله منقوله من مسلسل درب الزلق كويتي...احسينوة وسعد... قلتيلي إنسى ومن يومها وأنا كل ليلة قدامي البرواز حبر العيون ودمع القلم في دفتري :17::17::17: |
عليكم السلام أخـتـي الكـريــمـة زوجـك على بذاءة لسانـه واستخدامه لسيء الألفاظ، إلا أنـه طـيـب لما جاء واعتذر لك وقام من الفراش و لحـقـك إلى غـرفـة إبنك.... هـذا دليل انـه طيب القـلـب...ويعاني مع نفسه من هـذا السلوك...ويـحـاول انه يتـركـه،،، وترى الظروف هـي تضعـه في هكذا سلوك ،،، وانت ذكرت انه من قبل كان يحسن إليك... فيا أخـتـي أنت جـربت معـاه الحـوار والأخـذ والرد والذي نـتـيـجــتـه ليست لصالحـك ،،،، وشكواك دليل على ذلك... إذا جـربـي شيء اخـر،،، طريقـة اخـرى.... بدل المصادمـة مـعـه..... مثل طلبك للذهـاب لطبيب الأسنان،،، لما قالك تعبان وما يقدر يوديك وأن اخوك يوديك بدله عنه،،، كان قلت له خلاص بكلم اخـوي وأنت ريح بدنك ،،،،بس ما أرتـاح إلا إذا مـعـك .....وأتركيه يقلب كلامـك برأسـه...وهـكـذا مـع كـل موقـف، وخـلاص انت جربت طريقة المرادد بالكـلام (ليش تقول كذا ،،،،إلخ) ما جاب معـك نتيجـة.... طيب بدل وخليك اذكـى فـي تعـاملك وردة فـعـلك... تعـاملي مـعـه بـذكـاء الأنـثـى.... وستبتعـد المشاكـل بإذن الله عن حياتك... ويقترب لك زوجـك اكثر من قبـل......:22: وبالنسبة لخسائره فـي مشاريـعـه... فإذا أردت تنصحيـه... قـولي له انك تعـتـزيـن وتـفتخـرين وتـثقـيـن حرصه على تأمين مستقبلك ومستقبل ابنك وأنك صبور والذي تـواجـهـه ما يصبر عليه كـثـيـر... لكن ابـغـاك تـرتـاح وتصفي ذهـنـك وتـنـتـج بـوظـيـفـتـك... وبإذن الله بيكـثـر مالك ويبارك الله لك فيـه....والمشاريـع ملحـوق عليها ،بس ابغـيـك تصـفـي ذهـنـك وتـرتاح.. فـالهـدوء وامتصاص حرارة مثل هـذه المواقـف وقلـبـها لصالـحك ولصالح حياتكم الزوجية، بـيـدك انت والله يعينك ويرزق زوجـك ويحسن اخلاقـه ، ويحنن قلبه عليك عزوبي:21: بس:d رجل:30: |
الأخت الفاضله نورا
سأرد فقط على عنوان موضوعك ولن أتطرق الى محتواه , أتعلمي لماذا ؟ لأن الحوار الهادف والبناء بين الزوجين يقضي على حوالي 70% من المشاكل الزوجيه وعنوان موضوعك هو لب مشكلتك مع زوجك , دعيني اقتبس فقره مهمه جدا من موضوعك انت لم تلقي لها بالا وظنيتي انها شيئ سخيف وعادي : "الموقف الاخير والشنيع بوجهة نظري: جاي من شغله يسولف عن شي بوزارة الصحه ... وانا كان رأيي غير رأيه ويحاول يقنعني وانا مقتنعه برأيي جاب نقطه من صالح رأيي قلت : شايف ان كلامي فيه شي من الصحه قال انتي اصلا متغيييييييييييييره .. اول كلامي ماتعارضينه ولا تجادلين والحين تدورين اللي يعارضني ... انتي وانتي وانتي اصلا انتي فااااااااااشله بالحوار معي ولاتحترميني .. تخيلوا عصب من شي سخييييييييف انا اناظره والدمعه بعيوني ومتفاجأه ليش يعصب ... موضوع عادي ماله دخل بالاحترام.. " هل تعلمي أين خطأك الكبير ؟ عندما قلت له : شابف ان كلامي فيه شي من الصحه , واتبعتي هذه الجمله بابتسامه بوجه تعبيري , ولا ادري كيف كان وجهك بالواقع امام زوجك خطأك يا اختي , كأنك تتشفي به وانك انت المنتصره , وطلع كلامك هو الصحيح . اسمحي لي بهذا الاقتباس من رد لي على احد الاعضاء الكرام "لتكن جلسه زوجين متحابين , ليس من أجل اثبات الذات - اياك اياك - بل جلسه صادقه لحل المشاكل وتصفية النفوس فجلسات الحوار بين الزوجين من اجل حياتهما , ليس بها من المنتصر ومن الأقوى ومن الذي يثبت صحة موقفه بل هي من اجل وضع النقاط على الحروف , ومعرفة خطأ كل واحد منكما والاعتذار والتراجع عنه . اجلسو من بعضكم من اجل اصلاح الوضع وليس من اجل فرد العضلات وتحاشو قول " انا قلت .. انت قلت .. انا كنت متوقع ..وانت لم تنتبه .. انت اخطأت ... الخ " فهذه الألفاظ تزيد الفجوه بينكم وتجعل كل واحد منكم يدافع عن موقفه ويهجم على الآخر بشده , بل ان هذه الألفاظ هي السم القاتل للحوار الناجح بين الزوجين " كل هذا الاسلوب وتقولي هذا شيئ سخيف ولماذا عصب وتصفي تصرفه بالشناعه ؟! هل تظني ان اسوبك بالحوار لم يكن شنيعا ايضا ؟ |
يعطيكم العافيه وسلمت ايمانكم .. على ردودكم
من جد ماقصرتوا .. وكفيتوا ووفيتوا .. وطمعانه بردود اكثر بعد .. بس تفاجأت ان كلكم صفيتوا معاه .. وكلكم رحمتوه .. مع انه هو اللي يغلط علي وانا ماغلطت عليه ولا بحرف :( يسبني ويشتمني ويصفني بالغبيه !! والفاشله !!! وانا بكل بساطه اقول لا مو غلطان انا بصراحه للحين جالسه لحالي .. ولو صحى وماكلمني .. ماراح اتكلم معــاه .. واصلا لو بتكلم وش بقول؟؟ وانا حاسه نفسي اني المظلوووووومه :( بقعد لحد مايحس بغلطته انتو ماتدرون اي نقاش بسيط بيننا يتحول لبركان ولو رديت عليه وحاولت اخذ حقي .. توصل لتهديد بالطلاق احس الموضوع صعب ... ماقلتوا انه ماحس فيك؟ ولا قلتوا انه اجرم بالكلام معك ؟ ليش رحمتوه ومارحمتووووني :( |
اقتباس:
روحي ياحبيبتى طلى على زوجك شوفية ... .... الله المستعان ... :17::17::17: |
اختي نوار انا ا عاني بعض من مشكلتك لكن الفرق اني اسكت ولا ارد عليه حتى لا يكثر الاخذ والرد وافضل البكاء لوحدي لكن الى متى
الاخ ابو حكيم قل لي ماذا أفعل مع رجل لا يحب الحوار وكل ما اريد انا احاوره يتحدث في موضوع اخرى او يصمت مثلا ً قلت له انا الذهاب الى السوق يحتاج وقت وتخطيط ولا استطيع ان اذهب هكذا بسرعه وانا ذاهبه الى بيت اخي تقول تنزلين السوق بما اني قريب منه كيف انزل السوق الان ماذا رد (انا ما يهمني ادفع بس وين الي عندها ذوق تشري !!!!!!!!!!!!!) |
اقتباس:
وين المرادد؟؟ احنا نتكلم عن شي مايخصنا بحياتنا.. شي برا ليش يعصب منه تدرين متى يكون مرادد لما نتكلم عن طلعه واقول الا ابي اروح.. والا شي بحياة اطفالنا يقول سوي كذا واقول لا... بسوي شي ثاني او حتى بسالفتنا انا ما اقول انت غلطان.. انا اقول طيب رأي عادي بدون ما اخلفه شلون مرادد... ياربي تعبت مدري ليش احس مو فاهميني :( |
اقتباس:
اذا كان هذا اسلوبه الدائم في التعامل معك , ولا يتناقش ويتهرب من الحوار والمواجهه ولا تفيد معه المحاوله فليس لك الا المعامله بالمثل الى ان يتعدل حاله |
كيف يا اخ ابو حكيم
اعامله بالمثل من كثر المواقف الي صار لي معه اصبح زوجه جبانه انا لا اسطيع مواجهته تصرفاه تركت فيني اثر سلبي عليه وما يحب اعلمه مثلا كنت لم اقرء في المنديات مواضيع هم الحياة الزوجيه كنت ارسل له نسخه منها وقع ماذا قال لي يوما قال اذا كان فيني شي موعاجبك اضربيني !!! |
كلمته الصباح وقلت له
ابغي اتكلم معاك,, ودي تعذرني قال توك تجين...؟؟ كل امس وانا ضغطي مرتفع وتاركتني وقاعده لحالك ....... وبعدني وطلع للشغل ........... |
اقتباس:
باختصار ... زوجك سلبك شخصيتك واعادتها بيدك لا بيده فمن لا يأكل بيده لا يشبع أختي الفاضله قد يكون من الصعوبه أن تعامليه بالمثل وتتغيري للعكس بشكل مفاجئ ولكن بالتدريج ممكن يتم لك ما تريدين ان شاء الله . والحل الآخر أن تبحثي عن شخص حكيم وله مكانه عند زوجك واحترام , وحدثيه بالموضوع ليتدخل ويجعل زوجك يحترمك ويقدرك , ولكن بدون أن يعلم كل الناس بالأمر , اجعلي الموضوع سري بينكم لكي لا يشعر زوجك وكأنك فضحتيه . الحل يبدأ من عندك |
شوفي عزوتي ترى كل إلى يسويه ماهو عشانه عشانكم انتم .. قدري ظروفه شوي زوجك منضغط نفسياً .. ومنزلق مادياً .. والدليل شوفي لاصارت ظروفه زينه كيف يضحك معك ويسولف معك خفي عليه شوي واذا شفتيه معصب او زعلان او شى حاولي تجنبينه والشكوي الله ماهو عشانه عشان هالولد إلى جبتيه والله يخليه لك .. ويسهل آمرك ان شاء الله |
ماعليه اختي
احيانآ الزوج يوم يطيح فمشكله ويبى يطلع حرته ، ماعنده غير بيته يطلع حرته فيه، ومحد ياكلها غير الزوجه وانتي لازم تشوفي الجذور و الاساس ،إذا طباع زوجك فوقت الرخى ،مثل ماقريت انه : طيب وحبوب ويدور رضاج ومرح،،،، فلازم تعذريه فوقت الشده وتعاونيه وتواسيه لانه طايحه فمشكله وربي يفرجها عليه، وهو ماينلام ، فهالوقت يشوف حرمته معاه وجنبه وتآزره وانتي بعيده عنه ومخاصمتنه، شو ماكان الجرح لي خذيتيه منه ، لابد انج تستحملينه وتبلعي كل كلمه جارحه يت من صوبه،، وفالنهايه هذا كله عشانكم قاعد يتعب ولا تجادليه فشي شو ماكان نوع الموضوع وهو مضايق بس يوم يرتاح ويهدي فهميه وجهة نظرج ورايج إذا غلط عليج لاترادديه ، ووقت مايهدى سيري له، وقبل لاتسيري هو لي بيجي إذا شاف نفسه غلطان عليج ، ووضحي له سبب زعلج منه واحلى شي بالرجل ، عند اعتذاره بعد شتمه لزوجته |
اقتباس:
إذن في رأيي ... قومي بكتابته سطور بسيطه ... تبييــنين فيها انتظارك له متى ماراقت نفسه وتعدل مزاجـــه ..!! للتفـــأهموا على عده امور ... بعدها ان تحدث معـــك بيني مكـــــانته عندك وأن مايضــايقه يضــايقك ... وان بودك أن تريحيــه قدر المســتطاع... لكن هنــاك امولا لاتحتمــل التأجيل كألم الاسنــان ...!! واتركيه يتحدث أيــضا ... حتى يتبين كل منكم مايعـــانيه الآخر ... أحس بأن كل منكم مضغوط و( شـــايل بقلبه ) على الطرف الآخر ... ولم تجلسوا لمصارحه بعضكم... ولي عده نصـــــائح لك ضعيها في قائمه التعامل الزوجي ... حتى تسير حياتكم بكل هدوء وراحــه بإذن الله... أولا : عنــــدما يجادلك او ينــاقشك في امر ما ويرى أن رأيه صحيحا قولي لكل وجهه نظره وقد تكون وجه نظرك صحيــحه وبعض الاحيــان اظهري له ان رأيه حكيم وصحيح وانتي منبهره ... أي عامليه ( كالطفـــل )... هنــا سيسعد هو وانتي ترتفع مكانتك عنده ... فالامر بسيــط وجهــات نظر اختلفت أؤيده فبعد دقائق سينتهي الامر ... وانتي من يكسب... ثانيا : لا تجادلي ولا تردي عليه ايا كان عندما يغضب اتركيه يتحدث بما يود وانتي ساكته صامته لكن بدون اظهار خوف او انكســار بل اظهار الاحترام له ... ثقي بعدها انه سيأتيك... ومبــاشره ان أتى لكي للاعتـــذار لا ترديه او تسكتي على مضض هو لن يفهم انه مازال بقلبك شي وان رددتيه فقد جرحته كثيـــرا لانه هــنا يرى ان الاعتـــذار امر كبير بالنسبه له ... بعدها يرى منك النفور ..!!! بالتأكيد سينصدم وسيقلب الامر عليـــك .. (فقد اهانتني بردها لي ) فقط ردي عليه واقبلي عذره لكن بشخصيه قويه ( لا بالصراخ او البكاء ) اظهري دموعك في بعض الاحيان وتكلمي بما جرحك منك .. وانتي قريبه منه ... وانتظري النتيجه ... وآخر نصيحه مني اختــاري الوقت المناسب للطلب منه ... وبأسلوب يناسبه وكل رجل له اسلوب تستطيعين به ان ينفذ امرك وهو قمه الرضى .. أتمنى اني افــدتك عزيزتي ... وفقك الله واســعدك في الدنيــا والآخره... |
الله يعينك أختي نووورا تصرفك رائع و لا عليك بس إذا اعتذر لك , خلاص حاولي تاخذين معه بالكلام بما أنك ما تقدري تسامحيه بالسرعة فأنت محتاجة لفضفضته و حنيته قليلا, استدرجيه بالكلام حين يعتذر لك حتى تجدي ما يرضيك باللين,, معليش انت قلتي ان ظروفه المادية احيانا تكون صعبة و اتوقع الرجال يعصبون اكثر في حال ضيق المادة حين يشعروا بقصر يدهم عموما الموضوع الأخير اللي فيه حوار حاول تكوني مستقلة برأيك و سايريه برده في تبرير ان الاحتمالات الكثيرة واردة و قد يكون رايك خطأ او صواب,,,سايريه مدام هذا طبعه و كيف حال سنك الآن ( ": .... بس تصدقي موضوعك هذا خلاني مستغربة ايما استغراب فيه موضوع سابق لزوج يشتكي عصبية زوجته رغم انها طيبة و تعتذر له في النهاية لكنه مل من اعتذارها و يريد تغيير هذا الطبع اللسيء اشوف الردود اغلبها تطبطب عليه و البعض يقول طنشها ليش علاج الرجل...المداراة و علاج المرأة ...التطنيش رغم ان المرأة عاطفية اكثر و محتاجة لمن يسمعها فنقوم بكسر نفسيتها حتى تعتدل و الرجل حتى لو غلطان..نقدر ظروفه و كأن المرأة لا تعتريها الظروف المتعبة ..عموما لو كنت اعرف الرابط , حطيته بس ذهب لصفحات بعيدة,,,, موضوعك اثار تعجبي ,,,و دعواتي لك بفهم شخصية زوجك اكثر احنا كل سنة من اخطائنا اللي تمر ,,نتعلم و الشاطرة فينا ياللي تتعلم من الموقف و تعرف تنهي اي حوار مع زوجها بمحبة و تراضي تحياتي ام فاطمة |
| الساعة الآن 04:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©