|
كيف اساعد الخادمة ؟( المستجدات في الرد 15 )
السلام عليكم ورحمة الله وبركاته
وكل عام وانتم بخير بعد الزحمة جيتكم اليوم محتاجة نصيحتكم قبل اسبوع كلمنا واحد من اقاربنا الساعة اربعة الفجر وقال باجيب عندكم الشغالة عشانها هربت من عندهم وراحت الشرطة قلناماعليش يمونون كانت الشغالة مضروبة وحتى ملابس ماعطوها الا الي كانت عليها لماجات من بلدها جلست تبكي وتشكي وتقول ماابي اسافر ابي فلوس ابي اروح لاحدثاني اتصلت على الحرمة ماترد ارسلت لها رسالة قلت فيه ناس يبونها بعد كم يوم اتصلت تقول والله مااخليها تجلس في السعودية تستفيد مع العلم ان الشغالة طيبة ونظيفة ولهاعندهم سنة ونصف بس واحدة من البنات قاعة لها وكانو يعاملونهامعاملة سيئة وتقول ماعطوها راتب عشرة اشهر وبصراحة حزنت عليها ولوتدري انهم بيسفرونها يمكن تهرب طبعا ناس كثير يتمنون ياخذونها راتبها اربع مية ولاهي بذاك السوء حتى قلت باخليهاعندي مع اني ماني محتاجتها مدري اش اسوي الحرمة عيت تقتنع انهاتعتقها مع ان عندها فيزة ثانية بتجيب عليها ماني عارفة كيف اساعدها ولااشيلها من راسي واتركها لقدرها معليش طولت عليكم احس الموضوع ماهو مرتب بس لمااتذكر معلومة اكتبها |
كلمي صاحبتها وذكريها بالتسامح والعفو اذا كانت الشغاله مخطئه واذا كانوا ظالميها بالخوف من الله
وان تتتنازل عنها بمقابل ولن تخسر شئ من المال بل ستفتح باب الخير لا اهلها اعانك الله ويسر الله اموركم |
سحابة الصحراء مشكورة على الرد
والله اني حاولت معها بكل الطرق وتراها معلمة تربية اسلامية وتمنى حل عملي |
أختي الفاضله ***
المفروض من البداية ما استقبلتي الخادمة *** وحده هاربه من بيت كفيلها أكيد في مشكلة حاصله منها أو من كفيلها *** ليش تجيبين المشاكل لنفسك *** الخادمة في ذمة كفيلها وهو المسئول عنها *** أنتي عملتي إلي يرضي ضميرك ولك الأجر إن شاء الله *** نصيحه رديها لبيت كفيلها وهو المسئول عنها *** ومره ثانية لا تستقبلين أي خادمة هاربه علشان لا تقعين في مشاكل وأنتي ليس لك ذنب *** بالتوفيق إن شاء الله . |
زوج عتيق يعطيك العافية يمكن مانتبهت
كفيلها قريبنا هو الي جابها الىانتحلص اجرائات نقل كفالتها لاحد ثاني بس زوجته رفضت |
وعليكم السلام ورحمة الله وبركاته حزنتيني على هذه الشغالة المسكينة الله يرحم حالها ويلطف فيها . أقول أنتِ ماتعرفين أحد يبغى شغاله عاد تكلمين صاحبتها تتنازل عنها ما أدري ليتني أقدر أساعدها ما أحب أشوف أو أسمع أنو فيه شخص يتعذب يحتاج مساعدة ومو قادر يوصل لا حول ولا قوة إلا بالله |
اقتباس:
حتى لو كان كفيلها أحد أقربائك لا تستقبليها *** حتى لو يكون كفيلها أخوك أو أختك *** أنتي لا تعلمين أساس المشكله ومن هو السبب *** قد يكون السبب من الخادمة نفسها والله أعلم *** أختي فيه إدارة خاصه برعاية الخادمات يستقبلون أي خادمة لديها مشكله *** ويستطيع قريبك أن يضعها عندهم حتى يسفرها او ينقل كفالتها *** أنا قصدي حمايتك بإذن الله من شرور الناس سوء من الخادمة أو غيرها *** هذه الخادمة قد تكون بريئة وقد تكون مخطئه والله أعلم *** وكفيلها هو المسئول عنها ويتحمل مشاكلها وليس أنتي *** وأكرر وأعيد لا تستقبيلن أي خادمة هاربه أو لديه مشكله مع كفيلها *** حتى لو كان كفيلها أحد من أقربائك *** نصيحه لوجه الله *** بالتوفيق إن شاء الله 0 |
أختي الغالية اسمحوا لي إني أعترض مع رأيي الأخ أو الأخت اللي يرفض استقبالك لها
الحكاية مو شغالة و كفيلها ، الحكاية فيها ظالم و مظلوم و الساكت عن الحق شيطان أخرس يا أختي ، ربنا ما يرضى بالظلم حتى لو كان المظلوم شخص كافر و الظالم مسلم فكيف إن كان المظلوم وحدة فقيرة مغتربة عشان لقمة العيش ؟؟؟؟؟؟؟؟؟ إن دعتك قدرتك على ظلم الناس فتذكر بأن هناك من هو أقدر عليك نصيحتي لك لو كنت مكانك ، إني أكلم قريبي إن كانت صلته قريبة مني مثل أخوي أو خالي أو غيره و أقنعه و هو يكلم زوجته ، أو أكلم الزوجة مع إنه واضح من كلامك إنها وحدة صعبة و في الأخير إن ما سمعوا لكلامي ، بأتصل على المكتب و أقول للعيلة إنها هربت و راحت للمكتب و خلاص ، هناك بيتفاهموا مع المكتب أو الشرطة مين اللي سمح لهم يستعبدوا خلق الله ؟؟؟؟؟؟؟؟؟؟؟؟ |
انا مع الي قاله اخوي روح الطير
كلامك صحيح 100% لاتنظري للانسانه على انها خادمه بل انظري لها انها انسان اول شي لازم تعرفي من الظالم ومن المظلوم اذا الخدامه كانت مظلومه عليكي ان تساعديها بلي تقدري عليه واوقفي معها بقدر المستطاع لان هذه نفس ,, وحرام ظلم الانفس البشريه اتمنى لك التوفيق اختي ^_^ |
حديث الوقت مشكورة الله يعطيك العافية وفيه ناس كثير يبونها وبيدفعون تدرين اسعارهم كم وصلت
والي خلاني اكتب الموضوع اني مثلك مااتحمل اشوف احدمظلوم زوج عتيق احترم وجهة نظرك وشكرا على ردك روح الطير\ ابن المكلا شكرا على مشاعركم الانسانية والله لوتعاملنا بها مع الخدم ماكان عندنا مشاكل بعض الناس يعتبرهم كالالة يجب انتعمل باستمرار ولايجب ان تقف او تغلط |
حرام عليهم وليه معارضين تروح لناس ثانين في ناس نسوا ان الخدم بشر .... مهما سوت الخدامه من سمحلهم يمدوا ايدهم عليها ليه مافي رب فوقهم....
سبحان الله.... اختي ماالومك انك استقبلتيها والله مايرضى بالظلم ... انا من رايي تحاولون تقنعون زوجها من الناحية الماديه يعني اغروه اننه بياخذ مبلغ كويس فيها وهو موخسران شي بالعكس بياخذ اجر انه بيفتح لها باب رزق ... وحل ثاني انك تقنعينهم تشترينها انتي وبعدين تصرفي فيها وعطيها احد محتاجها وياكثرالمحتاجين ....يمكن اذا طلبتيها لكي مايردونك ... ترى لوكل وحده حطت نفسها مكان هالخدامه كان عاملتها بمايرضي الله لكن في ناس نسووا ان الدنيا دوارة .... |
عفوا اختي هل عرفت سبب المشكله بين الخادمة وكفيلها ؟؟
لاتصدقي الشغالات دائما فاحيانا بل غالبا مايكذبون عن تجربه فيهم كذب مو طبيعي ارفض ضرب العاملات فهن مستأجرات لامملوكات حتى يضربوا لكن مابتعرفي ايش المشكله يعني مثلا من فتره احدى قريباتي صار معها موقف مشابه بنت عمها جابت شغالتها عندها لحين ماتسفرها وعرفت قريبتي انها مضروبه ودافعت عنها وحكايه وبالاخر طلعت انها كانت مدخله عامل البيت وكيف عرفت لقيت صور الها واله وهي عريانه بجوال للشغاله لقته صدفه تخيلي لما استجوبتها كذبت ولما ضربتها اعترفت .. انا عن تجربه نفسي اجيب شغاله صادقه المهم حاولي تعرفي سبب المشكله وتكلمي كفيلتها انه عسى ترحمها وتخليها تترزق بمكان تاني الله يعينا على الخدم ومشاكلهم تحياتي |
ازا الكفيل راضي يوظفها عندك سيبك من زوجته شو بدك فيها
الرجال هوة الي بيحكم مش مرتو قال مرتو مش راضية طيب بلاش ماترضى مو بكيفها بكيف كفيلها اتاكدي من اخلاقها الاول وخليها |
الي اعرفه عن اخلاقها منهم عمرهم ماشكو ا منها لكن عشانها راحت اشتكت من سوء معاملتهم وانهم ماعطوها راتبها بداء الحقد
[QUOTE=ملَك شادي;2245211]ازا الكفيل راضي يوظفها عندك سيبك من زوجته شو بدك فيها الرجال هوة الي بيحكم مش مرتو قال مرتو مش راضية طيب بلاش ماترضى مو بكيفها بكيف كفيلها اتاكدي من اخلاقها الاول وخليها[/ Qللاسف القراراليومللحريم |
مساء الخير
جيت اليوم اكمل لكم مشكلة الشغالة اليوم الصباح جاني رسالة من كفيلتهاتقول ان زوجها بيجي الساعة عشرة ياخذهايوديها المطار فبديت اتخيل وضعهاوشكلها لماتدخل على اهلها لاتملك من بلد اشتغلت فيه سنة ونصف الا الالم ولاحزن فكرت اجيبلها بعض الاشياء الي لن تعوضها ولكن ممكن تفرحها فارسلت للرجال رسالة نصها(اجل روحت الشغالة الى بكرة) وفي اقل امن خمس دقائق الا الحرمة تتصل تقول يقول زوجي انك ارسلتي له وليش ماارسلتي لي عادالله لايوريكم بغيت ابكي من الاحراج واسبه بيني وبين نفسي وادعي عليه قلت وانا اتنافض لو قلت لك بتسئلين عن السبب واذاعرفتي بترفضين قالت طبعا برفض لان الحركة بايخة انتي تحاولين تظهريني قدام زوجي اني ضالمة ومتصلطة وشريرة قلت مابيدري وحاولت اقنعها لكن هي هات طبعا وكاالمتوقع ماقصرت انتي وانتي وبعد ساعة ارسل (طيب ابشري )يعني انه متفضل علي والاخت الحبيبة استلمتني رسائل تقول ماتوقعت منك هل حركات وتمدح نفسها وانجازاتها العلمية وثقافتها واخلاقها وصدمتها الكبيرة من تصرفي وفي الساعة العاشره ارسلت اخوها ياخذ الشغالة وصارت تصيح لما دروانها تصيح قالو خلها طبعا مارضيت اخليها لاني خفت تهرب ومن هذا الموضو ع اتمنى من اخواتي ان يرحمو ا الخادمات وان يعاملونهم كاحد افراد العايله عشان لا تنذل لاجل لقمة العيش اوتحقد فتنتقم واسال الله ان يكتب لنا اللجرفيهم ويعطينا خيرهم ويكفيناشرهم وهنا السؤال اناغلطانة |
أختي الفاضلة أرملة جزاااااك الله خيرا وبارك فيك وفي ذريتك وزادك الله غيمانا وتقوى
مع الاسف هناك اناس يدعون الاسلام والاسلام منهم براء أخلاق سيئة ، ظلم ، أكل أموال الناس بالباطل ، أستعباد الناس وحقرانهم يجب أن يكون قدوتنا نبينا محمد صلى الله عليه وسلم عندما قال (أعطوا الأجير أجره قبل أن يجف عرقه) وقال أيضا ثلاثة أنا خصمهم يوم القيامة وذكر رجلا أكل ما أجيره أو كما ورد -هؤلاء الخدم من سائقين وخادمات اتوا من ديارهم يطلبون لقمة العيش لهم ولمن خلفهم من اولاد واباء واخوان وووالخ -باموال قليلة -طفسة-500-1000 ومع ذلك مايحصلون عيها الا بشق الانفس ويل هؤلاء من عذاب الله في الدنيا والاخرة كان الواجب عليك -تبليغ مكتب شؤؤن الخادمات لاستقبالها ومن ثم يحولونها الى كفيل أخر بدلا من سفرها خالية اليدين من أي شيء -كان من المغترض مساعدتها لوجه الله بشيء من المال 000000000000نسمع عن انتشار السحر بسبب ظلم هؤلاء الكفلاء مع الخادمات فعندما تسافر تنتقم بوضع سحر لاحد افراد الاسرة او الاسرة كلها -اتقوا الظلم فاءن الظلم ظلمات يوم القيامة- |
الشغاله ممكن تكون مسكينه لكن مايندرى عنهم
لكن تجي مضروبه ومبهدله حرام والله بصراحه الدنيا عجب شغالتنا جت في رمضان بعدكم سنه كان ماعندنا شغاله وخلاص انا واخواتي اتمرسنا على الشغل من والى لكن لظروف حمل امي ودراستنا اطرينا نجيب الموهم جت الشغاله مريضه برمضان والمكتب مقفل كنا كل يومين نوديها المستشفى وهي بس تبكي تبغى تسافر لاهلها بجد وقتها كنا نخدمها بدل لاتخدمنا امي تجيب لها الاكل الين عندا تقول حرام ماتعرف ولاشئ هي طااااازه ماتعرف عربي ولما شوفنا بكيها زاد ومافاد معها الدلع والمعامله الزينه ودينها بالمكتب بالعيد عارفه المكتب اش عملوا اخدوا راتبها حق الشهر اللي اشتغلته عشان يحجزوا لهها تذكره لكن والدي الله يطول بعمره حزن عليها وداها تسوي عمره مع اختي قال حرام يمكن ماترجع لدي البلاد مره تانيه واعطاها راتب غيره وبالاخير سافرت ولاحتى شكرا يعني النهايه شيلي يدك ورجعي الخدامه لكفيلتها او المكتب لاتتدخلي وتصير لك مشاكل |
| الساعة الآن 09:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©