من شهرين لم اعد ارغب بالعلاقة الزوجية وزوجي بدء يتضايق
 

السلام عليكم

انا من فتره مادري وش الي صابني

كرهت المعاشره الزوجيه بالمره واتهربت من زوجي وحتى لو قرب مني اصده بقوه وابعده عني وما اتحمل حتى يلمسني

من فتره تقريبا شهرين

قبل كذا كنت طبيعيه جداا ولاعمره اشتكى مني بخصوص اني مقصره في حقه ولا شي

وهالفتره كثير يشتكي اني مقصره معاه ويلاحظ اني اصده واتهرب منه

احيانا اقول ليش صرت انا كذا وياحرام يكسر خاطري المسكين

وافكر اسوي حل واعد العده وانيم العيال واعمل اجواء مره رومانسيه ويفرح وينبسط وفي النهايه نفس الشي انا لا اريد ولا اتحمل حتى يبوسني واصده

والله احاول اعطيه الي يبي بس ما اقدر يظل بالساعات يحاول وياي ولا في فايده :29:

ما احس بألم ولا شي بس احس بعدم الرغبه وبشده

زوجي اللحين مره متضايق من هالوضع واحيانا يجيب لي طاري انه لو عنده زوجه ثانيه كان راح لها وخلاني:30:

هنا انا عرفت انه يمزح بس بجد انقهرت من تفكيره وبصراحه انا ما اللومه لاني حاسه اني مزودتها بس والله مو بيدي مادري مادري وش الي صار فيني كذا

شنو خبراتكم مثلا هل احتاج اروح لطبيبه؟

ماهو الحل في نظركم

فعلا اتمنى المساعده منكم لانه بجد موضوع مره محرج اني افاتحه مع احد...اتمنى فهمتوني؟

هلا نوره حبيبتي انا بخير

والاولاد بخير

ابدا لا اشك اني حامل

ولا استخدم اي وسيلة منع حمل

وانا ما تكلمت ولا مدحت زوجي عند احد؟

بس والله انا مره متضايقه من هالوضع بجد ابي حل

نسيت اقول اني استخدم حبوب بريموليت ان لتنظيم الدوره بس

غريبة كدا فجأة يجي هذا الشعور

يعني لا تاثير حبوب و لا عين الله يحميكم

حاولي تشغلي على طول سورة البقرة ..

و اضغطي على نفسك شوي حاااولي .. ماحد يقدر يعطيك حل

الحل منك انتي .... الله يعينك حبيبتي

يمكن يكون هذا هو السبب .. اقراي على النشرة .. لانه في ادوية تقلل من الرغبة

زهورة .. الحين جالسة اقرا في النت عن التاثيرات الجانبية لحبوب بريموليت

و مكتوب بالاضافة الى الصداع و الدوخة الخ

ممكن تسبب تغير في الرغبة الجنسية ..

فا اعتقد والله اعلم انها السبب ...

يمكن لما توقفيها و يخلص مفعولها من جسمك . ترجعي لطبيعتك

اهم شي تفهمي زوجك السبب .. و انه بسبب الحبوب عشان يتفهم

الله يعطيك العافيه حبيبتي نورا

انا ماقرأت الورقه رميتها على طول

لكن بررت لزوجي انه من الحبوب عشان ما يزعل بس انا ما اعتقدت انه منها لاني صار لي استخدمها تقريبا خمسه شهور اللحين والوضع الي امر فيه صار له بس شهرين تقريبااا

بس اذا فعلا منها خلاص راح اخليه يبحث في النت ويقرأ بنفسه عشان يصدقني....ههههه

اشكرك من كل قلبي يا نورا لتفاعلك معي والله احسك انك فهمتيني على طول واهتميتي بمشكلتي الله يعطيك العافيه

ان شاء الله قريب واترك الحبوب لاني الى حد الان تقريبا تخلصت من الكيس الوضيفي وباقي لي موعد كشف قريب اخر الشهر

بصراااااااااااحه اخت نورا ماقصرت

وجزاها الله الف خير والله يفرج همها ويحفظها لاسرتها من كل شر


واتمنى ان السبب يكون من الحبوب عشان نتحل هالمشكله لانها سبب في دمار البيوت

والله يسرلج كل ماتعسر اختي زهور

زهورة .. الله يسعدك ياقلبي و ان شاء الله تتخلصي منها قريب عشان ترتاحي و ربي يرزقك و يرزق كل عاشقات الامومة
و كل من يشتهي الذرية الصالحة ياارب

ملك .. الله يسلمك و عائلتك من كل شر يااقلبي .. تسلمي عالدعوة الحلوة و ربي ينوولك ما تتمني
و على رايك تعبنا من الحلول هذه .. متى يخترعوا شي ياخذه الرجل و نرتاح احنا من الحبوب :)

الاخت الفاضله زهور البستان

موضوعك بيسط ان شاء الله .
انت تقولي انك تستخدمي الحبوب من 5 اشهر والتغيرات الجديده ظهرت من شهرين , فأنت تتساءلي : لماذا لم تظهر من البدايه ؟
الجواب بسيط , لأن الآثار الجانبيه للادويه قد لا تظهر كلها دفعة واحده بنفس الوقت , بل ربما تتفاوت , شيئ يظهر بعد اسبوع , وشيئ بعد شهر وشيء بعد شهرين , وهكذا .

تأثير ضعف الرغبه لديك لم يظهر الا بعد 5 اشهر وهذا شيئ طبيعي جدا في الادويه التي تستخدم على الامد الطويل مثل حالتك , فتأثيراتها الجانبيه تظهر على فترات متفاوته .


وعلى كل حال التأثيرات الجانبيه للأدويه تختلف من شخص لآخر , فقد تستخدمي انت واختك مثلا نفس العلاج للانفلونزا , انت يظهر عليك عرض جانبي واختك لا يظهر عليها نفس العرض , والعكس صحيح , وقد لا يظهر اي عرض جانبي لا لك ولا لها .
اتوقع بمجرد ما توقفي هذا العلاج ويتخلص جسمك من آثاره , ستعود امورك الى طبيعتها ان شاء الله .



للاسف الكثير من الناس يستخدم ادويه لأي مرض كان بدون ان يقرأ النشره المرفقه ولا يعرف خطورة او الآثار الجانبيه لما يبتلعه في بطنه :d

ابو حكيم فعلا كلامك حكيم

الله يعطيك العافيه ماقصرت شرحت لي شي ما خطر ببالي

انا احس اني بديت اطمن انه يكون السبب هو الحبوب

ان شاء لما اخلص منها ترجع اموري طبيعيه

مساء الخير علي الجميع

الاخت زهور البستان

اول شي يجب عدم استخدام اي علاج منظم لدورة الا اذ كنتي تريدين الحمل
ثانيا اذا اوجعك راسك لاتاكلين ايعلاج الانة هو سبب عدم انتظام الدورة
ثالثا .................. اذا كنتي موجودة الان يوجد فية بعض التوصيات

وافي وشافي؟؟؟

شنو تقصد بكلامك؟؟

انا مضطره اخذ هذا العلاج لان الدوره اذا جت ما توقف الا لما استخدم الحبوب واواصل استخدامها واحد وعشرين يوم واتركها وتجي الدوره

وبعدين انا ما استخدم مسكنات الالم الا في النادر جداا جدااا

وشنو هي التوصيات؟؟؟

الاخت الفاضله زهور البستان
الله يعافيك
ان شاء الله امورك طيبه .

اختي زهور
1- احيانن استخدام اي علاج يلخبط الدورة ويبغلها وقت علشان تنتظم بسبب تخربط الهرمونات حتى وان كان بندول

2- جربي قطر سنش فلاي يمكن تعطيك الرغبة .
3- واذا لم تتقبلي زوجكي بعد هذة القطرة فية طريقة بالتدريج

انتظري بس يتزوج تنحل هالمشكله وترجعي طبيعية زي ما كنتي أول ... واذا قالها مزح مثل ماتقولي اش تنتظري تنتظري تلاقيها واقع ... عموماً ماقالها مزح ... قالها لكي تذكير وتنبيه ... بس انتي حابه تسميها مزح ... نسيتي ان الزواج من ضمن اللي جدهن جد وهزلهن جد ...

اختي زهور
اخوي الكسائي مشكور على نصيحتة وعلاجة النافع باذن الله عز وجل.
واذكركي اختى بقراءة ايات العين والحسد واذا شعرتي بشى فى صدرك من ضيق او تثائب او تجشؤ فهذا يدل على العين والحسد ............ واذا لم تشعري بشى من ذالك فالحمد لله .

واطريقة الثاني اقرئي ايات المس والسحر فان حصل معك اطراب فتوجهي الى احد الرقات الذين يرقون بالرقية الشرعية
واتمن لكي حياة زوجية رومنسية سعيدة

اضغطى على نفسك وماتصدى زوجك عن ممارسة حقه الشرعى
اكيد حايفكر فى الثانية وتكونى انتى الخسرانة
وقفى الحبوب واهتمى بزوجك فالرغبة حاتجيك بس سرعى الزمن مافى صالحك صدقينى

يجب أن تعملي تحليل حمل حتى لو كانت الدورة تنزل معك

لأن هناك من الحوامل من تأتيها الدورة وهي حامل

تأكدي من ذلك فربما معك وحام شديد

ولهان..... لا مو كذا هو بجد قالها مزح وابدا ما يسويها

وافي وشافي ..... الله يعطيك العافيه

هلا22.... مشكوره

شاهي العصريه ...... صحيح اني احس بعدم الرغبه ولكن فعلا اصده بيدي وبقوه ولو اقترب مني ومسكني اغضب واصرخ وابعده عني ولكن بعد قليل اندم لاني فعلت ذلك؟

ابو امر ....مشكور وماقصرت

ماعدت انا....ابدا ابدا مستحيل حمل لاني في هذا الشهر عملت سونار مرتين ولم يظهر شي
ومشكوره على الرد