|
هل طبعي يدل على كراهيتي وظلمي
السلام عليكم ورحمة الله وبركاته
أنا متزوج ولله الحمد من تقريبا 6 سنوات والحمد لله حياتنا من أفضل ما يكون لكن هناك أشياء صغيرة تحدث من زوجتي تجعلني اضحك منها وأحيانا أفكر فيها أخاف أكون مقصر فيها أو معقد حسب كلامها :d من الأشياء اللي أكرهها في حياتي الذهاب للزواجات التي لا تخصنا بشكل مباشر .. وأنا قايلها الزواجات اللي ما تخصنا اغسليها من رأسك وأحيانا توجع رأسي وبعض المرات اسمح لها حتى ما اضغط عليها مره والسبب أن الزواجات فيها هبال زائد سواء من الطرب أو اللباس العاري كثرة الذهاب إلى الأسواق بدون حاجة وهي تنرفزني إذا قالك بروح للسوق بدون سبب لأن السوق كله بلاوي فهذا عندها أصعب قانون اطبقه في حياتها وبعض المرات تقول أنت حارمني الروحات والجيات والسفرات وما أدري أيش ............... الخ وأنا آخذها بـ :d:d أما باقي الأشياء سهل جداً حتى بعض المرات لا جيت اطلع احصلها قدامي سابقتني وين يا مهون تقول أبي أمي وأقول يالله امشي السؤال هل تصرفي يدل على ظلمي وكراهيتي أو إني معقد :d |
وعليكم السلام ورحمة الله وبركاته
تصرفك لا فيه ظلم ولا كراهية ولا تعقيد ! الزواجات والسوق اللي مالهم داعي لا يجب حضورهم ابدا وبالعكس انت تحافظ على زوجتك من التعرض لمواقف ومشاهدة ما لا يرضى عنه الله سبحانه لكن لا تحرمها مطلقا من الخروج من المنزل والتنزه حدد يوما بالاسبوع تخرجان فيه لشاطيء البحر أو الحديقة سويا مثلا ، واذا استطعت ان تاخذها كل شهرين سفرة في نهاية الاسبوع لمكان قريب لتغيير الجو وطبعا لا تحرمها من رؤية أهلها اذا كانوا قريبين حدد جدول الخروج والطلعات معها وتناقشوا سويا فيه والتزم به وفقك الله |
أخي الفاضل ***
أنت طبيعي جداً *** ويمكن أنت متسامح كثير مع زوجتك *** أخي لا تشد مره ولا ترخي مره *** دائماً خلك وسط مع زوجتك *** إذا تساهلت معها سوف تتعود على هذه الأمور *** لكن مره وافق ومرتين لا *** علشان تحسب لك زوجتك ألف حساب *** وتعرف أن هذه الطلبات تزعجك علشان تخفف منها *** لكن لا تحرمها من أهلها *** ولا تبخل عليها في المناسبات *** أستمر على أسلوبك هذا ولا تتراجع *** وسوف تتأقلم زوجتك على أسلوبك *** أهم شي في المعاملة مع الزوجة أن لا ترفع صوتك ولا تقلل من قيمتها *** أقنعها بأسلوب جميل وكلمات رومانسية علشان تتقبل منك *** بالتوفيق إن شاء الله 0 |
اقتباس:
وحتى تجلس لآخر الليل ما عندي مشكلة بس مشكلتي بالزواجات والسوق أما التنزه والطلعات مو كثير ونطلع حسب الطلب |
اقتباس:
تقريبا هذا التصرف اللي اتخذه أحيانا ما ودي امنعها منع قاطع حتى ما اضغط عليها مره أما معاملتي معها مره تكون عادية ومره كوميدية أما رفع الصوت أو التقليل من قميتها فليس من أسلوبي الحمد لله |
اقتباس:
انا من تزوجت ما عمري رحت زواج لا قريب ولا بعيد والسوق ممنوع عني منعا باااتا إلا للضرورة القسوة ومعاه ! وهذا احنا عايشين حياتنا ومبسوطين ومافي مشاكل اثبت على رأيك وقرارك لانه نابع من حرصك عليها |
اقتباس:
ياخوي تصرفك طبيعي انا ارفض زوجتي تروح الزواجات اللي مالها داعي ياخي ما ندري وش فيها تصوير فيديو او تصوير ذكرى او لبس عاري ما ندري ياخي يمكن المعرس يدخل فيه بعض الناس عاادي المعرس يدخل ويجلس مع زوجته قدام الحريم وهذا شئ نرفضه احنا جملة وتفصيلاً اما السوق معاك حق مالها حاجة ليه تروح اما اذا انت طالع تقولك بروح لامي هنا نقطة مقبوله ممكن توديها انا ما اطلع الا مطلع عيالي لأهلهم ما احب اخليهم بالبيت احس بكآبه |
اقتباس:
حبيبتي حياتك مش مقياس ... يمكن أنتي تتحملين أنك ماتطلعين للسوق ولا تروحين زواجات لان الشي هذا مايهمك، لكن غيرك يمكن يعمل مشاكل اذا انحرم ... تحياتي لك :d |
لا لا اطمن مانت معقد هذا طبع ابوي و زوجي
يسمحون لنا بالطلوع لااااي مكان نبيه حتى بدون استئذان حتى السوق بس لانه عندنا الاسواق محترمة ماحد يطالع حد مش مثل عندكم ماعدا الزواجات .. لازم قبلها تحقيق دقيق ... مثل ما ذكر الاخ زوج عتيق .. انت تمام .. مرة وافق و 10 مرات لا ... الله يوفقكم و يرزقكم ما تتمنوه |
حياتك رائعة وانت تعيش الوسطية حفظك الله وادام الله السعادة والانس في حياتكم
|
اقتباس:
بالله هذا كلام صحيح ليش احنا في سجن كلام لا يقبله عقل اخي الفاضل كل الحريم يحبون السوق والمناسبات والطلعات ومن غيرها احنا في السجن فيها نغير جو وتجدد نشاطنا مثل ماانت تطلع مع اصحابك وتسافر وين ماتبغى ماحد يردك علشان تنبسط وخلها تروح وتنبسط في شبابها قبل ماتعجز وين تلقى الوناسه بعدين خلها ادامها عايشه في ظل رجل مثلك رحيم (رفقا ً بالقوارير) وما عليك من كلام الغيره . . |
ماشاء الله تبارك الله
طبع رائع وحياة ان شاء الله انها مثالية حلو التنظيم والسيطرة خصوصاً في حكاية الزواجات اللي ماتنتهي طلباتها حتى هي بعد فترة من الزمن بتحس بقيمة كلامك وبتتعود وتنبسط على سلوكك اماالسوق فحاول تكون اكثر سماحة .. شلون هي تقدر تشتري ملابس تعجبك وهي تبطي عن السوق ؟!؟!؟ وبالتاالي تصير مزحومة بالطلبات و تحتار وتتشتت لاتتعامل مع نزلاتها للسوق مثل روحة الزواجات ولا تتهاون مرة في حكاية السوق عشان ماتصير يومية بالمختصر اسلوبك راقي وواقعي ماشاء الله اقتباس:
الله يصلحك كيف حكمتي على زوجته انها دلوعة وحبتين بعد !! بس عشانها تطلبه وتكرر الطلب حتى لو مايبغى طيب يمكن هي تبغاها مناورات بينها وبين زوجها يمكن تطلبها تجس نبضه يمكن ماتبغاه يتعود انها ماتروح نهائي .. وبالتالي ماتنقطع تمام الانقطاع عن السوق والزواجات . ياعالم كل شئ نكتبه بنلقاه اذا مو في الدنيا ففي صحيفة العمل . ان شاء الله يجي من يقول لزوجك انك دلوعة حبتين بنفس الطريقة ونفس الاسلوب ونفس الهدف والنية.............. وماذلك على الله بعزيز |
بالعكس انا مااشوفك معقد ابدا وباين عليك حرصك وخوفك على زوجتك
بس لو انك تفكها شوي من ناحية الزواجات صدقني لماتنعزم الوحده نفسها تروح وتجامل الناس وتفرح معاهم وخاصه لو كانو صحباتها ومدام عارف زوجتك زين ان شاء الله ماينخاف عليها امامن ناحيه السوق فانا مااحب اروح السوق الا اذا كنت محتاجه شي وابي اشتريه لانه السوق مو للتمشيه هذا رايي |
يااا لطيف على اللي هاجموني لأني قلت عنها دلوعة حبتين !
انا حطيت المثال من حياتي ولكني ما الزم حد فيه ولا اقول لازم كل النساء تكون مثلي هذا رأيي ولي حق ابديه وماله داعي الهجوم علي لأني سعيدة بهذه العيشه ! مزاجي غير شكلك تحبين السوق والافراح بالعافية على قلبك يختي بس لا تجين تدعين علي ومدري وشو ما ذبحت ابوك انا ! ولا لي نية مخفية وانا واضحة وصريحة |
اقتباس:
هاتي من كلامي مايدل على حبي لها !!!!!! وين قريتي هالكلام !!!! على الاقل توخي المصداقية انا مادعيت عليك انا قلت (ان شاء الله ) ماقلت (يارب) وحتى لو كنت دعيت عليك فأنا قلت يعطيك على قد نيتك ... ليه خفتي من نيتك اذا هي كويسة وطيبة !!!!! عموماً انا ماهاجمتك ليه اخذتيها على انها هجوم ؟؟كلامي معك عادي جداً |
بصراحه موضوعك ضحكنى مدرى ليش الحريم يحبوا السوق ويروحو بدون سبب مع انى بنت بس مااروح الا اذا في شي ضرورى ومحتاجتوا واروح محل او محلين متعوده عليها وبس
على العموم تصرفك سليم 100% |
اقتباس:
أنا ما أمنع أي حاجة بس يكون بالمعقول يعني زواج يعيننا من بعيد ليش تحضره أما الزواج قريب مثل الأخوان أو عيال العم ( اللزم ) ما فيه مشكلة أما غيره لا والسوق ما فيه مشكلة تذهب لكن لحاجة أما تمشي ما ينفع |
اقتباس:
والله يصلح الأحوال |
اقتباس:
وتجيني كتمة لا دخلت السوق :d |
اقتباس:
أحيانا أخاف أكون قسيت عليهم بعض الشي لكن من باب حرصي عليهم |
| الساعة الآن 10:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©