|
رسالة عتاب
سلام شخباركم ابي منكم خدمة ابي تكتبون لي رسالة عتب ولونم حق زوجي لانه وايد هاملنه انه ولدي من جميع النواحي يروح الشغل يرجع يلعب بليستيشن ويطلع بس يجي يحط راسه وينام
وكل ماااقول له يقولي لاتعورين راسي ابي منكم تكتبون لي رسالة الومة فيها |
اهلين حبيبتي
انا احب اكتب تعابير مباشره بدون ارتب افكاري بس صايمه واذن بروح افطر وراح ارجع واكتب لك رساله ابشري :) بتكون عامه عن إهماله من كل النواحي وانتي ادرى بحالكم اذا فيه حسنات ويجلس معكم نقحي بالرساله لين تضبط .. او اذا حابه اركز ع شي معين قوليلي مودتي .. |
مشكورة عمري انتظرج ايي ركزي ليه ان تغير ماكان جذييي ومن هالحجي
|
اهلين حبيبتي
والله توني دخلت وشفت ردك الأخير واعذريني اذا تأخرت غاليتي بس انشغلت كثيييير تفضلي هالرساله البسيطه وكتبتها بالفصحى لأن انا عندي احساس ان الفصحى بالرسائل الخاصه يوصل للقلب بشكل أسرع ************************************************** **************** السلام عليكم ورحمة الله وبركاته إلى زوجي وشريك حياتي ووالد طفلتـنا الجميله كتبت لك هذه الكلمات التي طالما رددتها شفهياً لك ولكن لم تعرها أي اهتمام .. فترجمها قلبي لحروف على ورق علّ وعسى ان تجد لديك صدى هذه المره حبيبي .. كم اشتاق لك ! وكم افتقدك !! نعم اشتاق لك وافتقدك رغم اني اراك كل يوم .. ولكن اراك كجسد وليس روح .. عزيزي .. عندما تخرج للدوام احس بفراغ وشوق كبير .. وعند عودتك كل مافيني يفرح ويبتسم .. ولكن سرعان ماتقتل فرحتي وتخفي ابتسامتي بإنشغالك بكل شي إلا بي !! تعود للبيت لكي ترتاح وتلعب "البلاي ستيشن" ثم تعود للخروج وتأخذ قلبي معك ! أين موقعي من الإعراب ؟ لم اكتشف إلى الآن .. أصبحت أحس ان وجودي وعدمه واحد في هذا المنزل .. أحياناً أتساءل هل يراني ؟ ام هل انا شبح أمامه ؟! هل يحبني ؟! ام ان الحب انطفئ في قلبه ؟ هل وهل وهل ؟؟ عقلي مزدحم بكثير من الأسئله التي لن أجد اجابه عليها إلا عندك .. لو كنت هكذا منذ البدايه لتأقلمت ولم اشتكي ولكن مايحزنني انك تغيرت كثيراً من انسان محب وتسأل عني وتهتم بكل مايخصني وتشتاق للعوده لأحضاني إلى انسان لاأجد منه إلا قلة اهتمام وزجر في كل مره أبيّن لك حاجتي لحنانك وقربك .. لماذا كل هذا ؟ مالذي اقترفته انا لتعاقبني بل تعدمني هكذا ؟ لو تشعر بما يشعر به قلبي من حزن خصوصاً عندما تحاصرني ذكرياتي الجميله كل يوم وأنا أعيش واقع لايمت لذكرياتي بصله لبكيت حزناً على حالي .. حبيبي إن كنت وجدت بالبلاي ستيشن والسهر مع اصحابك مايغنيك عني .. فصدقني انا حتى نفسي لم تغنني عنك .. كل يوم بل كل لحظه أتحدث مع طفلتنا كأني اتحدث معك كنوع من التعويض اتعلم لماذا ؟ لأنها قطعة منك وأحبها من حبي لك قبل حبي لكوني أمها .. انا وطفلتي نحتاجك نحتاجك كثيراً اجعلنا من اهتماماتك بل من اولى اولوياتك .. فلن يظل البلاي ستيشن ولا الأصحاب ملازمينك طوال حياتك لن يظل إن شاء الله إلا أنا وعائلتك التي اتمنى ان تكبر وتكبر بحب واضح بيننا كأم وأب .. ارجوك أقرأ احرفي بقلبك كما خرجت من قلبي واعد شريط ذكرياتك لكل يوم حلو مرّ بنا ألا تستحق حياتنا بعض اهتمامك ؟! أتمنى ان يكون الجواب نعم واتمنى ان ينعكس الجواب على حياتنا بكل خير أحبك وسأظل أحبك لآخر يوم في حياتي .. فلاتكسرني حبيبي زوجتك المخلصه ****************************************** مودتي .. |
<<< من امس وانا فاتحه الوورد انتظر تطلبين تعديل او لا
لين راح الموضوع للصفحه الثانيه ولارديتي ههههههههههههه :d يالله ياستي يارب اكون طلعت شوي من اللي بقلبك .. واذا قررتي ترسلينها له بشريني بردة فعله :22: < ياثقه :d اتمنى لك كل التوفيق |
خلصي شغل البيت والطبخ وهو في العمل ولما يرجع يلاقيك جاهزة ومتزينة واجلسي معاه العبي بلاي ستيشن
لاااااازم تشاركيه هواياته حتى يتعلق بك ويهتم بأموركم وشوي شوي اسحبيه من البلاي ستيشن حتى يمل منه. الله يهدي رجال هذا الزمان صاروا أطفال:25: |
هلا اختي دكتاتورية وااااااااااايد حلوة كلامج حده عجبني بس انه عندي ولد مو بنت وابي بعد تعبير اكثر واذا ماعليج امر
تعبتج وياي |
مشكورة ام جمانة على الرد بس هو مايبيني العب وياها يروح يلعب مع ربعه
|
ماشاء الله عليكي يادكتاتوريه اسلوبك بالتعبير راااااائع جدا
يبغالنا نستفيد من ابداعاتك الانشائيه يوما ما اختي مهضومه حاولي تجذبي زوجك بطرق عديده غيري من شكلك لبسك شعرك مكياجك حاولي تجذبيه بالاشياء اللي يحبها اكيد بعد العشره عرفتي طبعه ربي يصلح لك حالك وبشرينا وش ردة فعله بالرساله |
وش فيها طيب انا بعد اروح والعب بلاي ستيشن مع ربعي ونتحدى بالكوره
بس مو كل يوم احياننا اتوقع زوجك من النوعية اللي يقول بنجيب اطفال علشان اخذ راحتي بالطلعات والروحات والمرأه تنشغل بالعيال خلاص كلميه اوجعي راسه لازم ينوجع راسه اذا كل يوم يطلع اذا كل يوم يطلع كل يوم روحي لأهلك علشان يحس شوي ويقولك كل يوم عند اهلك قولي وانت كل يوم عند ربعك اجلس معنا انا وولدك نبيك بعد |
اممم زوجي من النوع اذا عاندت يعاند اكثر وانه مااحب اسوي حركات جهال
هو طيب ويحبني بس ماادري شفيه هالايام من اخد بليستيشن وربعه درو انه عنده كل يوم يتصلون له حتى الساعة 3 يتصلون يقلون له جيب بليستيشن وتعال نعلب |
مهضومه
الحمد لله انه عجبك .. ولو لاتعب ولاحاجه كلنا هنا اخوان واخوات حبيبتي وش تبيني اركز عليه بالضبط ؟ وش الشي اللي سواه لك وجرحك ومانسيتيه وتبيني اكتب عنه ؟ واسمحيلي ع التعبير اذا كان قصير بس كتبته على استعجال ولاني حسيت صعب اعرف كيف حياتكم بالضبط فماذكرت احداث وزي كذا .. بنتظر ردك وان شاء الله اكتب لك اكثر بالتوفيق غلاتي ملفوف من ذووقك يالغلا .. اذا احتجتي رسالة بعد خبريني ههههههههه < عجبها الوضع زمااان ماكتبت كل الود .. |
اختي العبي بلاي ستيشن قبل يوصل من العمل بدقايق
حتى اول مايجي يلقاك جالسه تلعبين والاكل جاهز وانتي جاهزه بس مندمجه مع اللعب وينحرج يقومك منه ....ويلعب معك حاولي تجذبينه بالعاب جماعيه والعبي معه وتحدي |
مشكورين على النصايحح
بس ابي منكم كل وحدة تكتب لي رسالة علشان اجمعه وينج يادكتاتورية يلا كملي الرسالة اذا ماعليج امرر علشان ابي اكتبها هاليومييين |
وينكم يااعضاء يلا ساعدوني ابي اكتبي رسالة مشان زوجي
|
مشكورة حبيبتي دكتاتوريه على الرسالة العجيبة
والله يجازيج كل خير وايد فادتني والله يعطيج كل خير بس عندي طلب ابي رسايل من هالنوع مثل عن الحب عن الاشتياق |
وييييييييييينج
|
وينج دكتاتورية
|
هذه ابيات عتاب اقتبستها من مشاركة احدى الأخوات ..
اقتباس:
|
| الساعة الآن 01:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©