|
هل تؤيدون المهر الغالي او الرخيص؟(استطلاع الرأي)
السلام عليكم ورحمة الله وبركاته ومغفرته
كيفكم يا اعضاء اغلى منتدى؟يا رب تكونو بالف خير،،، في مسند الإمام أحمد من حديث عائشة رضي الله عنها عن النبي إن أعظم النكاح أيسره مؤونة .. وفي صحيح البخاري من حديث سهل بن سعد أن النبي قال لرجل تزوج ولو بخاتم من حديد. وقال عمر رضي الله عنه ما علمت رسول الله نكح شيئا من نسائه ولا أنكح شيئا من على أكثر من ثنتي عشرة أوقية قال الترمذي حديث حسن صحيح انتهى والأوقية أربعون درهما.. احبائي في الله،،طبعا وبعد احاديث النبي صلى الله عليه وسلم عن الصداق الحلال في الاسلام،لن نستطيع انكار ان قلته تجلب بركته،، لكن اتعتقدون ان مجمعنا يؤمن بحقيقة هذا الامر؟؟هل فعلا عندما يطلب اهل العروس مبلغا قليلا في الصداق،يفهمه الناس و اولهم اهل العريس على ان طلبهم القليل بناء على طلب للبركة واليسر؟؟او انهم يفسرون ذلك بان العروس لا تساوي شئ،،و انها رخيصة،او انها غير مطلوبة،او انها تعجل بالزواج من عريسهم،،او او او او... لا اعمم هذا على الجميع،،لكن استطيع القول ان نسبة كبيرة من مجتمعنا تفكر هكذا من هذه الناحية للاسف الشديد طبعا،، و انتم اخواني اخواتي ما رأيكم فيما قلت؟وماذا تؤيدون في الصداق ان يكون قليلا مباركا او كثيييرا حتى نسكت افواه الناس ونبين ان عروستنا غالية وثمينة؟؟ ارجو التفاعل حتى نرى آراء الاغلبية اي ناحية تؤيد مع تحيات اختكم في الله hermosa |
لا غالي ولا رخيص
حسب اللي تحتاجه البنت للتجهيز .. والمهم يكون المهر يناسب قدرة الزوج المادية مو يقعد يتسلف عشان ابوها وامها وبكرة يقعد يسدد ديون .. يعني مثلا أول هنا بالسعودية تقريبا 30 ألف كويس وتكفي لكن الحين غلى الذهب وارتفع المهر .. ومثلا بعض العوائل لما يكون الخطيب من عائلة البنت يكون المهر اقل شيء بسيط عن المهر لو كان المتقدم من برا العائلة .. ومن منطقة لمنطقة يختلف .. وحسب العادات والتقاليد بعد |
تم التصويت..الصداق الرخيص...
لانه ما امربه الرسول عليه الصلاة والسلام ففيه جلب البركة للعروسين..كما ان الكثير من العزاب لايستطيعون الزواج بسبب غلاء المهور على الرغم من ارتفاع نسبة المتأخرات عن الزواج لكن هل الابآء يستجيبون..ويخففون ويسهلون على الخطيب..قليل منهم وللأسف الشديد..وماشاء الله مع ارتفاع اسعار كل شئ تجد العزاب يكتئبون ومنهم يعزفون اويؤخرون الزواج...وتحدث المفاسد مع الانترنت والستالايت وكثير من طرق الفساد المتاحة امام الشباب.. ولا حول ولاقوة الا بالله.. |
يعني بيظل انه اهل الزوجة يطلبون مهر كبير،،يعني كبير معناها مقارنة مع للي قاله رسولنا الكريم،،
طبعا كما ذكرت انه نتحجج بغلاء الذهب ومسلتمات العروس وغيره... بس للي يبي يعمل بوصية الرسول ليش ما يطلب القلييييل بس عشان يحلل البنت للولد،،ومش عشان الذهب وباقي الاشياء،،،مع انه مش ضرورية اسلاميا،وممكن بعد الزواج تحوش المال وبعدين تشتري الذهب اذا تبيه ومصرة عليه،، انا اتكل بعامية وليس عن احد معين يعني،،اتناقش مو اكثر |
اقتباس:
مع انني معك في الصداق الرخيص،،الا اني حبيت اتناقش.. يعني وكيف نتعامل مع الناس في نظرتهم للعروس حينما يعرفون ان صداقها رخيص،،وطبعا اهل الزوج اول من راح يعلق،،و قد ذكرت مسبقا امثلة لتعليقاتهم؟؟؟ |
لا غالي ولا رخيص !!! متوسط
وياريت تذكرون مهوركم باليورو (euro) لاني ما اعرف كام يساوي المبلغ اللي تذكرونه أنا مهري قليل :( ... |
الرسول صلى الله عليه وسلم يقول : اقلهن صداقاً .. اكثرهن بركه وبصراحه انهم يشترون رجال يستر على بنتهم ويصونها مو عندهم سلعه يبون يبيعونها .. اللي اشوفه المهر مابين ( 20 الى 30 ) الف ريال هذا معقول ومعقول جداً . والله انا عن نفسي اذا جا عريس لوحده من اخواتي والله ما ازيد المهر عن 25 الف . واساعده بقدر المستطاع مثلاً اجيب له ( ثلاجه , تلفزيون , غرفة النوم , مجلس حريم او مجلس رجال ) . لان انا ابي استر على اختي .. مو ابي ابيعها يوم تزوجت انا .. اهل العروسه اشترو كل الادوات الكهربائيه من المكنسه ..... الى المكيفات . كثرة المهر تجيب مشاكل وتقسم ظهر الزوج وبالتالي يكرهها بعد الزوج من كثر الديون خاصةً اذا كانت نكديه وتدور مشاكل . فتصير النظريه : اذا كان مهر البنت معقول بحدود استطاعة الزوج = حياه سعيده بأذن الله واذا كان مهرها مرتفع من الارقام الخيالية اللي تكسر ظهر الزوج بعد الزواج = مشاكل وقلة حيا وتنتهي بالطلاق لاسمح الله . هذا اللي انا شايفه .. تقبلو مروري |
أقل النساء مهورا أكثرهن بركة
|
طبعا قلة المهر
الحين البعض يتعلل بغلي الأشياء وأنا استغرب دائما البنت تشتري كل شيء من البداية ليه وكأنها كانت ما عندها ملابس ولا أغراض ، والذهب يشترى بالكثير معقولة البنت راح تلبس كل هذا الذهب أحنا في السلطنة البعض يبالغ في المهور قد يصل إلى 120000ريال سعودي والبعض طبعا غير كلا حسب رايه والبعض يصل إلى 30000- 50000 ريال سعودي |
اؤيد المهر المتوسط اللي ما يضغظ على العريس و بنفس الوقت يكفي العروس ..
اعتقد ان مبلغ بين 20 الف الى 40 الف (على حسب قدرة العريس) معقولة جداً ... اما حجة ان الاسعار ارتفعت فالمفروض انها تنزل المهر مو تزيده .. لان العريس اشياء كثيرة يجب ان يوفرها غير المهر و اهمها السكن و التأثيث و شهر العسل ... الخ |
مشكورين على المرور الجمييل ،،بارك الله فيكم جميعا،،
بس حبيت اسرد قصة صارت هون في المغرب عن نفس الموضوع>>يقال ان كان في شب يحب بنت ويعشقها جدا،وهي كمان تحبه جدا،،فتقدم لها يتزوج بها على سنة الله ورسوله،،وال شب فقير يعني على قد حاله>> قام والد البنت اشترط مبلغ 3000 يورو بالمغربي طبعا.. طبعا انصدم العريس اكبر صدمة،،لنه مستحيل يقدر يوفر مبلغ كهذا،زائد مصاريف العرس طبعا والبيت،،،والولد ما حيلته الا القليل.. تعذب كثيرا في الاول وما قدر يتزوج بغيرها ففكر بحيلة.. المهم عمل المستحيل عشان يقترض المبلغ،شوي من اصحابه وكمان من البنك،، واهله ساعدوه،،المهم جمع المبلغ المطلوب وراح لحماه فرحان،،فوافق ابوها اخيرا.. اتفقوا على العرس ،،و اخذ العريس عروسته الى شقتها في ليلة الدخلة،، في يوم الصباحية جاء اهل العروسة بما فيهم ابوها وامها واخواتها.... >>>فرفض العريس ان يفتح لهم الباب>وقال انسوا بنتكم فقد بعتوها لي ب 3000 يورو،لا اريد يأيتكم هنا بعد الآن.... الله يستر على شبابنا ويهديهم للحلال،،ويهدي اهالي البنات من عدم تغلية المهور،، الله يسعدكم يا رب |
الرسول صلى الله عليه وسلم يقول :
اقلهن صداقاً .. اكثرهن بركه وبصراحه انهم يشترون رجال يستر على بنتهم ويصونها مو عندهم سلعه يبون يبيعونها .. *************** اذا كان مهر البنت معقول بحدود استطاعة الزوج = حياه سعيده بأذن الله واذا كان مهرها مرتفع من الارقام الخيالية اللي تكسر ظهر الزوج بعد الزواج = مشاكل وقلة حيا وتنتهي بالطلاق لاسمح الله . *************** هذا رأيي و اوافق الأخ الكريم : ابو جوري ابو احمد |
يكون وسطا, أنا كمثال مهري سيكون بسيطا لكن تجهيزي سيكلف أكثر أي أن خطيبي سيسلمني ما يقارب ال70000 بالريال السعودي والباقي سيتكلف به والدي حفظه الله..
تحياتي.. |
اخوي المهر ماهو الا رمز على انك تريد الفتاة
يعني تدفع شي دليل على انك تريد هذه الفتاة البنات ليست سلعة لنشتري ونيع فيها البنت انسان لها حقوق ولها حريتها لذلك الاب الي يضع مهر غالي هذا الاب يكون ظالم لابنته انا برئيي كل ما قل المهر كل ما كان افضل لانك انت تستر ابنتك وتجمعها مع من احبت ولست تبيع وتشتري فيها انا بصراحه لو خطبت فتاة وطلبو اهلها مهر غالي لو معاي كنوز الدنيا ماراح ادفع المهر الغالي لاني انا ما اشتري الحب واشتري الساعدة السعادة الي تحي با الفلوس ما ابيها ,,, صراحه تعجبت من الي قالته الاخت دلوعة حسين تقول 70 الف :25: ما ادري والله ليش اهل الخليج مسرفين كذا نحن عندنا العرس كله بكبره مع المهر ما يزيد عن 14 الف ريال سعودي وهذه تقول 70 الف ,, اذا الزواج ب 70 الف ,, حرمت اتزوج :29: ^_^ |
اكيد الوسط لانو اذا رخص مره الشاب استرخص البنت الزمن اتغير يارايت زي ايام عهد الرسول ماكان طلبنا شي بس شباب اليوم مو زي الشباب الا كانوا موجوديين ايام الرسول عليه الصلاو والسلام الوسطيه كويسه وكمان حسب قدرة الشاب مابين 30 و35 الف ريال والله يوفق الجميع :14::14: |
انا مهري 25 ألف ريال!!!
والحمدلله عايشه مع زوجي ولاتحسبون اني من زمان على زواجي تراني بكمل السنتين عن قريب ان شاءالله واعمارنا في العشرين.. وانا اتوقع اللي بيشوف مهري بيقول شكلها من عايله (مشي حالك) على قولتهم لاوالله انا من عايله معروفه بالمال والاخلاق الطيبه وشعارهم اهلي اهم شي الرجال واخلاقه والفلوس تروح وتجي... بس واجهت صعوبه من ناحية غلاء الاسعار بس الحمدلله ربي حلها لي واعطاني بركه في مهري ماتصدقون كل مارحت ادور لي شي معين ألقى أنهم مسوين عليه دسكاونت او تصفيه وآخذ أجمل الاشياء بأقل الاسعار الحمدلله لك ياااارب .. انا صوتت للمهر الرخيص ... |
عندما تخطب البنت وبتعرف انها واعيه وترغب في الزواج انظر لمهرها
اذا بالغت في المهر فأعرف انها صاحبت مهايط وخربطه -- كما حصل معي في خطيبتي السابقه واذا طلبوا مهر معقول ما بين 20 -- 35 فأعرف انها تريد الستر والزواج والعفه وتكوين اسره |
اقتباس:
لا ازيد عن كلام حبيبها حمودي .. بصراحه ردي نفس ردها .. بس إلى ابى ازيده .. بأن عندنا بشمال السعودية يوصل المهر لـ70ألف بس مع كل شى الذهب وغيره من الاشياء عسى الله يوفقك ومشكوره والله يعطيك ألف عافيه على هالموضوع الرائع |
لن ازيد عن قول "ابو جوري"
و اصوت للمهر الرخيص اما عن قول ان المهر الرخيص يجعل الشاب يسترخص الفتاة فاقول و ماذا كان قيمة مهر الزوجة التي باع من اجلها زوجها بيته لكي يعالجها من مرض الكبد ؟ |
بارك الله فيكم على المشاركة للاستفادة العامة
|
أحنا كتبناه 200 ألف جنيه 150 ألف خشب فقط 50 شبكه بس كده حاجه بسيطه خالص صــــــــــــح وبابا شرط الشقه تكون تمليك وتكون فى منطقه راقيه فى القاهره ومساحتها تكون لا تقل عن 200 متر شروط تعجيزيه حب يطفش العريس بس ماطفش لززززززززق أكتتتتتتتتتتتتر ونفذ كل الشروط والدليل انى لسه فى بيت اهلى والله واعلم هجوز امتى لأن الظاهر العريس اعلن افلااااااااااسه ومكسوف يقول:d على فكره ده اللى جابه العريس لازم ابو البنت يجيب مثله بضبط بمعنى بابا بيعوض بنفس المبلغ جهازى والباقى بيكتبه بأسمى فى البنك او يجيبلى دهب مكانه ودى تقاليد العائله عندنا :22: ولازم كمان العريس يجيب عقد لولى لما يجوزها ده اجبارى طبعا لولى اصلى يعنى لو حد فكر يخطب من عيلتنا لازم يفكر دشليون مره قبل ان يغلط غلطة عمره ويموت مفلس :30: |
مرحبا ......
المعقول ....المعقول ......المعقول انا لاأؤيد المهر الرخيص ولا الغالي يكون في حدود المعقول يعني مايزيد عن 60 الف ريال ولايقل عن 40 الف ريال سعودي ..... مهما كان لو ادعينا الاخلاقيات وقلنا نبغى المهر الرخيص السيارهـ ماتحلم انك تشتري سيارهـ من الوكاله بـ 20 او 30 الف فكيف من سوف تختارها ام لأولادك شريكة لحياتك الغالي يرخص لها اعانكم الله يامقبلين على الزواج ..... اكيد راح تقولون مستحيل نخطب بنتها:d تشكراتي .... |
تسلمين حبيبتي ،،اسعدني مروركم جميعا
|
اقتباس:
ايه اختي الأغلب - خاصة هنا السعودية - جهاز العروس يكون من الى ,. ما تاخذ قطعه وحدة من بيت اهلها هذي العادات والتقاليد عندنا وبالنسبة فيه قبائل سعودية الذهب يجيبه الزوج ويشتري على حسب قدرته طقمين او ثلاثة وحزام اذا قدر وزي كذا زواج هذا اجل نجيب نص اغراضنا اللي شافوها الناس قبل الزواج ؟! :d مايصير عارفة بتقولي وغيرك بعد ان ليش الاسراف وووو بس خلاص هذي عاداتنا وتقاليدنا والحمد لله ما تتعارض مع مصلحة الزوج ابدا .. بالعكس دام اهل البنت وافقوا على العريس معناته مستعدين يقدروا احواله المادية بس المصيبة لو يكون عادي لا غني ولا فقير مستورة احواله ويروح يخطب من عايله فووووووق .. اكيد ما بيرضون بالقليل ولا حتى الوسط .. الفلوس تعمي والبنت ما بترضى تعيش بمستوى اقل من اهلها .. كلامي هذا عن تجربة وشفته على الواقع بحياتنا وحولنا اما عن مهري انا والله كل ما سألني خطيبي قلت له اللي يجي منك اولاً وهذا كلام بين رجال ثانياً :d |
تم التصويت..الصداق المنخفض...
أسرهن مهوراً أكثرهن بركة المشكلة أنه في كثير من الأحيان يعتبر المهر المرتفع علامة علي أن الرجل يقدر المرأة و كم من قصة عن مهور بأرقام فلكية ذاقت بعده المرأة الأمرين علي كل حال إن كان الرجل ذو مال فأعتقد يُفضل أن يبقى المهر غير مبالغ فيه و له أن يوسع علي عروسه في الهدايا تأسيا بقول الرسول اكريم صلى الله عليه و سلم |
بصراااحة من زماان مااشااركت في الموااضيع لضيق ووقتي !!!!!
ولكن موضوعك هيض فيني الاشجااااااان بالنسبة لي أنااا مع المهر القليل وليس الرخيص كمااا ذكرتي !!!! لأنة انااا ضد فكرة الزوااج الكبير الي مااا منة غيررر وجع الراااس والقيل والقاااال انااا مع المهر القليل وبعدهااا الزوجين يساافرو احلى شهر عسل بميزااانية عااااالية حتى هماا ينبسطوو احسن من انة ينبسط غيرهم وبرضو الزوجة تشتري لنفسهاااا كل مااتحتااجة ومااتقعد بورقة وقلم وتحسب كل رياال ووين يرووح وكم يبقى وبيكفي والا مااايكفي ؟؟؟؟ أنااا شخصيااا كاان مهري تقريبااا قليل ولكن ولله الحمد تيسرت أمور زوااجي بشكل رهيــــــــب وحتى سفرتناااا كانت من اروع مااايكوون ولله الحمد !!!! لذللك تم التصووويت على المهر القليل :22: موضووع رآآآآآآآآآآآآئع يعطيك العااافية يااارب ويرزقك الذرية الصااالحة أميـــــــــــــن |
أنا ما أفهم الآباء اللي يطلبون مبالغ تعجيزية كمهر لبناتهن.
يعني لو العريس دفع اللي فوقه و اللي تحته ما رح يبقى معه شي يقدر يمشيه في حياته بسعادة مع زوجته اللي هي صاحبة المهر... بعدين البنت و زوجها في النهاية واحد فشو الفرق؟ باختصار: المهر يكون وسط بما يكفي البنت انها تجهز نفسها بشكل لائق بعيدا عن التبذير.. |
اقتباس:
كان شرفا لي ان يشجعك موضوعي في الرد اختي الكريمة،، اشكرك على ردك ومرورك العطر وبارك الله فيك |
اقتباس:
الله يهدي كل الآباء،،ويحننو قلوبهم على العرسان ترى عندهم الحق في عزوف الشباب عن الزواج،، وانا معك فللي قلته شكلا لك |
أمممم
لا إفراط ولا تفريط يظل الوسط أفضل بكثير من غيره وعادة ما نتكلم عن المهر ولا نشترط مبلغ معين لأن ( مهر المثل عندنا خمسين ألف سعودي .. دايركت يدفع العريس هالمبلغ دون نقاش مع أهل العروس و لا أحد ييقدر يعترض على هالمبلغ ) وإن قل ايضا لن يعترض أحد بالإضافة إلى حفل الزواج على أهل العروس طبعا مو من المهر بل من والد العروس >> أتوقع اننا ماكسرنا ظهر المعرس |
شكرا لك،،والله يسعدك دوووم يا رب
|
| الساعة الآن 02:44 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©