|
إلى تشتكي من النمل في بيتها
السلام عليكم .. واسعد الله اواقتكم بكل خير قبل فتره قريت موضوع ان فيه وحده تشتكي من النمل في بيتها .. وانا من الناس إلى اشتكو بعد وقد سويت خط كامل من السكر لبرا البيت .. على اساس ان النمل يمشي ورا السكر ويطلع برا البيت طبعاً برا البيت احط كميه قليله من السكر على اساس انها تتجمع ولا ترجع .. نجحت فتره وبعدين رجعت مره ثانيه .. الا اني شاهدت حلقه للدكتور مصطفي الدمراش استاذ تدريس العلوم بكليه التربية في الكويت بقناة الفضائية الرأي وكان يتحدث عن النمل .. وقال افضل طريقه لطرد النمل هي وضع السمسم قرب بيوتها انا والله ماسويها ولا جربتها لان الاجواء الان حلوه وبارده والنمل مايحب البراد فأن شاء الله بالصيف راح اجربها وهذا شرح للطريقه اتمني ان ينال الموضوع على اعجابكم اخوكم / عبدالرحمن (ولد حائل) |
شكرا لأ النمل جنني ما راضي يروح من البت بيحفر في كل مكان هجرب
|
جزاك الله خير الجزاء اخي اشكرك
|
الله يجزاك خير على هالمعلومه
لان مافيه شيء الا وجربناه .. ومانفع .. عسى الله ينفع بالسمسم .. شكراً ولد حائل |
وعليكم السلام والرحمه،،
جزاك ربي كل الخير أخي على المعلومه . |
داخلين على الصيف
رح نجرب لاني اكره ان اقتل النمل مشكور اخوي |
الأخ عبدالرحمن
الله يسامحك .. الله يسامحك .. الله يسامحك .. دخلت المطبخ الساعه 5 عصراً اليوم تفاجأت بالرمل عند الترويبات حقت السيراميك طبعاً أنا النمل عندي يطلع شحن من الرمل على شكل هرم في كل مكان عند حلقات الابواب وفي الترويبات جاء في بالي نصيحتك ياولد حائل .. على طول جبت السمسم وكبيته في جميع الاماكن اللي فيها نمل وطلعت بعد ساعه بالضبط دخلت رحت لاكثر مكان كبيت فيه السمسم ماحصلت ولاحبه ولاحبه ولاحبه أنصعقت شكيت في نفسي !!!!! وين السمسم تفاجأت بأن النمل كثير وماشاء الله جالس يشتغل يشيل السمسم وسيده على بيوتها يعني ماشاء أمنت لها غذاء الشتاء من بدري ولمده سنوات ... سبحان الله العظيم تعجبت من سرعه نقل السمسم وهو حبات صغيرة وبهالكميه الكثيره خلال ساعه .. يعني السمسم ماينفع ... الله يصلحك ياولد حائل خسرتنا سمسم ..:d ننتظر تجارب البقيه .. يمكن ينفع والنمل اللي عندي ماعنده حاسه شم ؟؟ |
انا اول مره اسمع بالسمسم كمان العدس نفس المفعول
لله في خلقه شوون |
آنا بس هالفترة اجوف عندي نمل
في كل مكان بالبيت =( مادري شسوي له ! ياليت فكرة السمسم تنفع بس رد حرم المعلم خلى حماسي يتلاشى |
مشكور على الفكره والله النمل مجننى وخصوصا فى علب السكر احاول اغير المكان وارمى السكر اللى فى اللعبه واضيف اخر مكانه عده مرات ولكن دون جدوى ......لدرجه انى تعودت خلاص و اصبحت اشرب الشاى بالسكر أبو نمل هههههههههه
والله اخر ما زهقت |
اتاري الكثير يشتكي من النمل مو بس أنا
أما حرم المعلم ضحكت ضحك من نملك ماشاء الله عليها ماحد يضحك عليه تغدى بك قبل ماتتعشي به. الظاهر اللي طلع فكرة السمسم في جمعية حقوق النمل وضحك علينا علشان يأمن للنمل مؤنة وفلونة كمان عجبني شاي أو بنمل بس ليش يدخل وسط السكر؟؟ أكيد علبتك مو مقفلة تمام حاولي تحطيه في علبة أو قارورة زجاج تتقفل بإحكام لأنه ماله منفذ يدخل لها الحمد لله رب العالمين بفضل الله النمل ماوصل عندي للمطبخ اكثر شيء في الصالة ودورت على أفكار في النت وجربتها من رش خل ووضع وبن مثل ماعلمتني أمي وبرضه يرجع والله يغفر لنا صرت أبخ عليه فليت وعلى بيوتهم ومافي فائدة كلها يومين ويرجع لأنه يفشلني في رمضان عندي كل يوم ضيوف على الفطور ويشرف معانا على السفرة اخرتها رحت اشتريت عجينة السيراميك تنباع في المكتبات يستخدموها البنات للفني وهي عجينة سهلت التشكيل بس بعد ماتخليها مكشوفة تنشف وتصير مثل الفخار المهم سديت بها كل منافذ النمل وصاروا زي المجانين يحاولوا يدخلوا مو قادرين وبعدها بخيت البقية بالفليت وغسلت الأرض وماشاء الله عليهم من ثاني يوم مدري من وين طلعوا ورجعوا يحاولوا يكسروا الحاجز وماشاء الله عليهم قدروا يسووا لهم منفذ صغير يدخلوا منه بس مو كل المنافذ قدروا يفتحوها ولكن الحمد لله تواجدهم صار بشكل قليل جداااااا غير عن أول بسبب الحواجز الأسفلتية والظاهر ماقدروا يدخلوا الأكل من الفتحة الصغيرة اللي فتحوها وهذه الأيام ماأشوف لهم تواجد أبدااااا بفضل الله جربوا عجينة السيراميك وادعوا لي ألف شكر لصاحب الموضوع والله يجزيك خير |
معانااااااااااااااة الله يعينكم :)
انا الحمد الله جت فترة شفت لي صف نمل بالمطبخ ورشيته بالمبيد اللي اشتريه من شركات الرش بصراحة اخففه مع ماي وارش بكل زوايا المطبخ وانظف ثاني يوم ويختفون سنه ! مالي ابداا ابداا طولة بال اتفاوض مع النملات كيف يطلعوا من بيتي لاني انسانه عندي فوبيا من الحشرات كلها ! تخيلوا لو شفت لي صرصور ولا عنكبوت اترك لهم البيت وامشي :) |
اقتباس:
الله معك حبيبتي للاسف ما عندي اي وصفة ننتظر البقية |
االسلام وعليكم
من قبل كم يوم قريت الموضوع وكان عندي نمل في المطبخ قلت ليش ماجرب خطه ولد حائل وحطيت السمسم وكان في اليل وبعد ماجلست الصباح رحت على طول على مكان السمسم ولا كان فيه نمله الصراحه فيه كم وحده بس ميتين الا المفاجئه النمل راح على علبه السكر هههههههه ونفس الشي حطيت عليه سمسم ادري طولت عليكم بس الي ابي اقوله انه الخطه ناجحه وانا من يوميين ماشفت النمل وان شاء الله مااشوفها ثاني |
سبحـــــــــــــــــــــان اللـــــــــــه
|
انا جربت السمسم بالصدفه كان ولدي ياكل خبزة وهي مرشوشه بالسمسم ولما شفت حتات السمسم في الارض الاحظ ان النمل ما يقرب منه ابدا
|
شكرا اخوي على الافادة انا صاحبة الموضوع الي طرحته من فترة ولكن الحمدلله تخلصت من النمل ولكن عندي زواحف تدخل للمطبخ وانا اخاف منها كثير ممكن تكولي شنو اسوي حتى اتخلص منها وشكرا
|
انا بعد اعني من النمل وكنت اشوف عمتي ام زوجي ترش كمون في اطراف المطبخ لانها مسكينه تعااااااااااااني من النمل وجربت رسمت خط يالكمون وسط خط سيرهم لاحظتهم مايقربون من الكمون وغيرو مسارهم وبحاول اجرب السمسم واخلي عمتي تجربه لان عمتي مستحيل مطبخها يخلا من النمل الله يعينها
مشكور ولد حايل ومشكورين البقية على النصائح ...حبيت اضيف تجربتي |
والصراصير الله يجزاكم خير شالحل معها
ترى جربنا كل الطرق وتعبنا مافي فايده تفكرون عين؟ سمعت يقولون وجود الصراصير الدائم في البيت بسبب العين عطوني رايكم ياجماعه |
بنحاول
|
وانامن خلاص خلاص راح استسلم
وبالذات اني اول مره اتعامل مع هالمخلوقات العنيده مابينفع معهم شي واناساكنه في فيلا صعب اسيطر ولا مشكوره على الفكره وحرم المعلم ماهنا السر اخذواحاجتهم راح تجلسي فتره ماتشوفيهم هههه |
الحل هو
أسكب صابون التايد في فتحات النمل وسترى النتيجه الفتاكه |
تبون الحل للنمل وللبراصي
اول شي ادعو لجدتي بالصحه والعافيه وادعو لوليدي حبيبي الله يشفيه الحل ماخذته منها الله يعافيها ويطول بعمرها لاني مره شفت في بيتي خط سير طويل للنمل رايحين جايين فكرت اني ابخ عليهم المبيد بس ذكرت انه حرام مع اني دايم ابخهم الله يعفو عني قعدت افكر وش السوات واذكر جدتي الله يحفظها تقول اذا شفتو شي مثل الحشرات نمل مثلا او حيوانات براصي وقطط تعوذو منها ثلاث مرات وقعدت اتعوذ من النمل وكررت ( اعوذ بالله منكم ومن شركم اطلعو برا البيت تراكم اذيتونا ) 3 مرات ورحت اكمل شغلي في البيت وانا سويت هالشي من باب التجربه عاد رجعت في اقل من خمس دقايق لنفس المكان والله بدون مبالغه خط السير غير موجود يمكن عند الباب نملتين 3 والحمدلله كل ماشفت نمل سويت هالطريقه وبعد حتى عندي في الحوش كثير براصي_الوزغ_ وسويت هالطريقه والحمدلله الحين نااااااااااااااااااااااادرا اشوف واذا شفت على طول اسوي الطريقه والحمدلله ارتحت |
والله ياناس رجعت وحطيت سمسم ثاني وحتى مو نفس الاول اشتريت ثاني قلت يمكن
هذا غير ونفس الكلام ماشاء الله طيران شفطوه ... جربت الكمون وعادي يتمشون فوقه .. جربت الفلفل الاسود وماعندهم مشكله .. جربت القرنفل ونفس الكلام نملي غير طبيعي .. تعوذت منهن كذا مره .. شغلت اذاعه القرآن 24 ساعه ماتطفي ولافيه فايده .. |
اقتباس:
|
اقتباس:
أنتي والله ألذ تدرين الاسبوع اللي فات كبيت عليهم بف باف والله الذي لا اله الا هو ان النمل يمشي ولونه ابيض تخيلي شكله فوقه سم ومامات الله يكفيني شره مشكلتي انه يقرص قرصه قويه وتورم وتنتفخ .. لما قريت موضوع سحب ان القرصه مفيده .. عصبت ماابغى فايده ابغاه يطلع بس .. |
اقتباس:
|
والله نفس المشكلة صارت لنا في بيتنا لمن نقلنا فيه وتعبنا معاه وسمعنا انة الرقية مره نافعة للنمل في البيت إذا كثر
وجربناها قرآنا في مويه المعوذتين والأخلاص والفاتحة 3 مرات وكبيناها في مخابأهم طبعاً النتيجة ولا نمله في البيت ولله الحمد جربوها وماراح تخسرو شيء |
جربت و لا نفع بالعكس تجمع و اكل السمسم
|
سلامات
معليش ردى متأخر ، جربو قشر البرتقال وشوفو النتيجة تقطعوه لقطع صغيرة بالقرب من محل اقامة النمل |
| الساعة الآن 09:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©