زوجها طردها من البيت
 

كان الله في عونها وفرج همها وصبرها يارب
فل تكثر من قول ربي اجرني في مصيبتي وخلفني خيرامنها

يا قلبي عليها

لا تزعل و الله و لا تضيق صدرها أبدا

الحمد لله إنه لها أهل يخافوا عليها و يكرموها و يعزوها و هذه أكبر نعمة

و الشئ الثاني ، هو رماها و طردها و الحمد لله إنها جات منه و ما جات منها عشان لا تلوم نفسها

و شكلها أختك انسانة قد المسؤولية و عشان كذا تلوم نفسها ، لإنه الشخص اللي يلوم نفسه فهو شخص يعتمد عليه و متعود يتحمل و يشيل مسؤوليات ، فلا تحمل نفسها فوق طاقتها و لا تلوم نفسها

هذا واحد لازم ما تزعل نفسها عشانه و الحياة وحدة نعيشها مرة وحدة و يا تعيشها معززة و مكرمة
و لا بلاش تعيش

قولي لها و لا تفكري فيه و خليها تستغل وقتها بأي شئ مفيد و تشتغل نفسها
لإنه الفراغ راح يجيب أفكار ما منها فايدة

و مصير زوجته الجديدة تعرف عيوبه
بس أهم شئ أختك لا تفكر فيه خلاص ، دام إنه طردها كم مرة

اختي خليها تنساة ولا تفكر فية ابدااا خليها لولادها وبس واذا تقدر تحصل وظيفة تتوظف لانها

بتنسيها شوي او تدرس او اي شيء تشغل نفسها لا تجلس في البيت واولادها بعد تهتم فيهم

وانشاء الله الله بيعطيها كل خير


سوالي هو كم عمرها وكم عندها عيال؟

تحمد الله انه خلصها منه ومن ذله
ربنا يعوضها خير وتعيش حياتها وتستمتع بها

دام ابوك وامك على الوجود
ومعززينها ومكرمينها فاالافضل ماتلوم نفسها مو اخر اول وحده تطلع من بيت زوجها
الخيره فيما اختارها الله
والله يخليها لعيالها يااارب

السلا م عليكم ...

اختي اسرار الكون ...مايرد القضاء الا الدعاء خليها تدعي كثيييييييييير
وتتحرى اوقات الاستجابه ..وتعلم ان ماأصابها لم يكن ليخطأة ..وترضى عن اقدار الله حتى يرضيها
((من رضي فله الرضى ومن سخط فله السخط))
:
اللهم اجرني في مصيبتي واخلف لي خيرا منها
اللهم ارني الحق حقا وارزقني اتباعه وارني الباطل باطلا وارزقني اجتنابه
اللهم اهدني لاحسن الاعمال والاقوال التي ترضيك عني ورضني بقضائك وقدرك
يارزاق ارزقني ياكريم اكرمني
يافتاح افتح على قلبي بالصلاح والهداية والرضى
/
/
خليها تحافظ على اذكار الصباح //والمساء ..وتكثرمن الاستغفار
وتحسن الظن بالله وراح تشوف عطايا الله وارزاقه ونصرة..

كوني مع الله يكن معك
دمتي ودام لك الخير

السلام عليكم

الله يعين اختك على مابلاها
هذا بلاء من رب العالمين عشان يختبر صبرها لازم تصبر و تتحمل و لها اجر عظيم عند الله

بس حبيت اضيف بعض الأمور و النصائح لها

مثل ما فهمت منك اختي اسرار الكون ان امه متحكمة فيه و كلامها و أوامرها عنده ما يتثنى
و انها تغار عليه
وهذا موجود في كثير من الامهات حبهم لولدهم و لانهم ربوه سنين طويلة و يشوفونه بالآخر يروح لزوجته و اهتماه ينصب على الزوجة ما يحملون هذا الشي
بس هالفئة من الامهات نطاق تفكيرهم ضيق بدل ما تفرح لولدها و تتمنى له السعادة وتسعى لساعدته تدمر حياته
و بما انها من هذا النوع فاتوقع زواجه الثاني ينتهي بنفس المأساة ما اعتقد ان امه بعد بتتحمل هالزوجة الثانية ولا هالزوجة بترضى بهذا الوضع و بما انه بخيل و ماكان يصرف عليها فتتوقع نفس الشي مع الزوجة الثانية
يعني اتوقع نفس المأساة تصير لزوجته الثانية

و أحس مجرد احساس لأني ما عرفت كل تفاصيل حياتهم ان اهو يحبها والا كان طلقها بعد ما راحت بيت اهلها مباشرة و ما خلاها على ذمته و كل اللي صار ضغوطات من امه

و بعد لازم تحطون في عين الاعتبار ان زواجه و قراره الزواج كان متسرع جدا و في وقت قصيييير جداً
و بيندم عليه و هذا شي أكيد

اما بالنسبة لزواجها من شخص ثاني فاشوف انها ما لازم تتسرع
و تحسبها للمليون لان في رقبتها ثلاث عيال و عادة في هالحالة يضيعون الأبو متنازل عنهم و اهي بتكون مع زوج و ما بيتحمل مسؤوليتهم فلازم تضحي عشان عيالها و الا بيضعون اهم مو واحد هذول ثلاثة عيال و حرام مستقبلهم يضيع
و اهي لازم تتحمل عشانهم بس يمكن يكون الطلاق راحة نفسية لها اكثر لأن كرامتها انهانت و اهانة كبيرة

و ابدا ابدا ما لازم تلوم نفسها على اللي صار الملامة عليه اهو بالاول و التالي اهو اللي ما صانها
ولا احترمها و اهو اللي لازم يلوم نفسه على اللي صار

وقوليلها ان الله ما يضرب بعصا و لا ينسى احد و حوبتها ما بتتعداه و بتشوف الزمن يدور فيه

حبيت اشارك في هذا الموضوع لأنه فيه شبه كبييير مع صديقتي و مع العلم صديقتي مشكلتها أضخم و اضخم تعاني مع زوجها بس تحمد ربها اختك ان عندها اهل مثلكم لكن صديقتي اهلها ما وقفوا وياها هالوقفة و اهي تبلع الهم و صابرة و ساكتة و قاعدة في بيت زوجها و تحصل اهانات من الكل من اهله من زوجها بس صابرة عشان ولدها وعشان ما عندها احد تلجأ له

الله يفرج عنها و عن إختك
كان الله في عونهما