|
ثلاث ايام متزاعلة مع زوجي ولا اريد الاعتذار لأني لم اخطأ؟(حُلت ولله الحمد )
انا متزاعله مع ريلي وكل ما نتزاعل انا اللي ابدي واراضي حتى لو ما كنت انا الغلطانه لانه ما احب انام يكون وبينا شي قلبي ما يطاوعني احس حياتنا تصير مليقه وما لها طعم
الحاصل الحين صار لنا 3ايام متزاعلين ومتوقع انا اللي اراضيه كالعاده .....بس للحين ماراضيته بصراحه انا ماكنت متخيله اني ممكن في يوم من الايام اني اصير جذي جاسيه القلب>>> وطبعا اهوالسبب وهذا موضوع ثاني وسبب الزعله انه اني شبيت بخور واهو في حساسيه موسميه ومايصلح له البخور وانا ما كنت ادري انه الحين بالضبط حايشته الحساسيه جان يقولي انتي ليش تكرهينه وما تحبينه انتي حقوده ومادري شنو بعد طبعا اهو قاعد يتكلم على غشمره بس جادم بنتي هالكلام كله ....وقاعد احاول انفي هالكلام اللي قاعد يقوله وهو يزيد جان اسسسكت وخانقتني العبره انه هالكلام الجايد كله جدام البنت شفهمها انه غشمره والله حز بخاطري حيل هالكلام عقب بنفس القعده قاعد يكلمني مارديت عليه وينادي وينادي وينادي وانا حاقره....... جان بنتي تناديني يما ابوي يناديج قتلها انزين جان يزعل ويقوم ويطلع ومن هذاك اليوم لي اليوم ماكو غير السلام وسلامتكم هذي كل السالفه الحين قولولي شسوي ليمتى انا اللي ابدي اتاسف وأراضيه سواء كنت غلطانه والا مو غلطانه ارجوكم ردوا علي الله لا يحطكم بهالموقف ويوفقكم بحياتكم مع ريايلكم وعيالكم وادعولي انا الله يهدي |
روحي راضيه ولا تخلين ابليس يلعب عليك يعني هو كان يمسح معاك في هوشته حتى وأن شافتك البنت المفروض ماتكبرينها وتخبرين البنت أن أبوها كان يتغشمر
أتمنالك التوفيق..... |
حبيبتي الرجال كلهم كذا دايما احنا اللي نبدا
ماادري يشوفون غلاتهم او انهم يستصعبونهاانهم يعتذروا او مايشوفون نفسهم غلطانين عشان كذا لاتتعبين نفسك وتنتظرينه يصالحك روحيله انتي وكلميه واعتذري وقوليله اش كثر تحبينه وبعدين فهميه اللي بقلبك وصدقيني رح يعتذر منك واكيد زي ماقلتي هو كان قصده يتغشمر عليك ماكان جاد بحكيه تعوذي من ابليس وروحي حبي راسه والله يوفقكم يااارب |
مو لازم تعتذرين بالكلام ..... اندعسي بالفراش ....وجنج ما تقصدين ولزقي فية .... وبعدين لما يحمى الوضع ...تغلي وعاتبي ...بس مو وايد .. عن الملاقة... الله يسخره لك |
تسلمون حبايبي على الرد
والله انه ردودكم خلتني اشوف المشكله من جهه ثانيه واستصغرها واحسى ماتسوى هذا كله بس شلون ابدي |
اكيد المشكلة بسيطة حبيبتي،،لا تكبري الموضوع..
بس كمان مو كل مرة يزعل انت للي تراضيه،،راضيه بس وقت لي تكوني فيه غلطانة،خليه يتحمل مسؤولية غلطه،ويجي يراضيك تراه احساس وايد حلو حبيبتي،، الله يسعدك ويهنيك مع زوجك وعيالك يا رب |
شوفي اليوم سويله احلى عشا وانتظريه لما يجي وتعاملي معاه عادي كأن مافي شي وسولفي معاه عادي ممكن هو يطنش اول شي معليش اتحملي بعدين قوليله خلاص عاد كافي زعل يلا خلينا نفتح صفحة جديدة احنا اصلا كبرنا الموضوع واثنينا غلط ومن هالحكي
الله يوفقكم |
من يشوفج لابسه ومندعسه بالفراش على قولة سافر معي
راح تنحل القضيه وتذوب ذوبان مو طبيعي!! (، |
اقتباس:
اقتباس:
وحتى لو اسولف معاه راح يكلمني بجفاف ويكون ناشف معاي ماراح يرضى الا لما اعتذتر وشلون اعتذر له وانا اللي زعلانه |
اقتباس:
طيب بعد مايرجع من النادي او اذا كانت روحته للنادي مو ضروريه سوي العشا وسولفي معاه وقوليله حبيبي خلاص عاجبك كذا الوضع اذا قالك ايه قوليله طب انا مو عاجبني خلاص حبيبي خلينا نرجع الامور زي ماكانت ترى والله السبب تافه واحنا كبرنا الموضوع عاد تدلعي شوي وتكلمي زي الاطفال شوي وانتي طلعي حكي من عندك واذا تصالحتو رح يبطل يروح النادي:17::d |
اقتباس:
بحاول كثر ماقدر وبدور على مسج فيه عتاب شوي يمكن يمهد لي الطريق شرايج فكرة المسج واذا عندك مسج قوليلي؟؟ |
اوكيه
بدورلك وانشاء الله القى على فكرة انا دايم استخدم المسج بعد |
يسعدها
يلــي بتراااضي زوجهااااا:) |
عاد حبيبتي مو تطلعينه هو الغلطان وتنهالين عليه بالعتاب اثنينكم غلطتو هو كان يمزح وانتي تضايقتي عشان كانت بنتك عندكم والمسج مو لازم يكون عتاب خليه يكون فيه شوق اكثر وانشاء الله يعجبونك
مدري ادين الوقت والا ادينك ودي اشتكي له مدري اشكيه بعتاب ودي اطيح من التعب في يدينك اصبحت اشوف الناس من حولي اغراب أبي»وعد منك»ღ ما تـخــلـيـنـي ღ ولا تساوي»غــلاي» بواحد ثاااني..? وان كاااانك ღ تحبني ღ صدقღ وتغليني..? لامني <»أخطــيت»> ღسامحني على شاني... ?وانا في»محبتك»ما يلزم توصيني ღ من يمك»الروح» تآمرنيوتنهاني..? ليتنا مثل الهدب والرمش يا عمري نكون لو تفارقنا ثواني نبتـدي لحظـه عنـاق ليتنا مثـل الطفولـه بالبرائـه مانخـون ماندل الاطريق الصدق مانعـرف نفـاق ليتنا مثل الامومه قلبـي وقلبـك حنـون لانت ترضى في فراقي ولا انا بعدك يطاق ليت حبك لي جنوني مثل ماحبك جنـون وليت شوقك لي مثل مانا على حر اشتياق دنيا من بعدك حشا والله مابيها.. ودربك لوهو ظلام الليل بمشيه.. مافي بروحي خير لوتبيع ماظيها.. ومافي بعمري يوم لو قال خليه.. وربي لخلص على الدنيا وامشي بمعازيها.. ان كان ودها تكدر قلبك وتبكيـــــــــه |
طمنيني ايش يصير معك
بالتوفيق |
صوت البحر حبيبة قلبي
اتدلعي وارسلي مسج وراضيه راضيه راضيه المشكله ما تحتاج هالزعل كله فديتك وهذه احلى مسجات لعيونك .... يا صديق الكـون .. لا تضـايقـت قلي .. عشـان أحس بضيقتــك .. و اتضـايق .. يكفــي تلمـح لي و أنا أجيـك كلـي .. أضيــــــق من شانك ولو كنت رايق .. حنـا اتفقنـا نشكـي لبعض ياللي .. تخفــي وري ضحكـة عيـونـك حقــــــايق ....... وش هالكون بعدك علمني وش يكون؟؟ وش هالدنيا بدونك غير صمت وسكون! الصبح شاحب!والليل تملاه الظنون! والزوايا موحشه!(فاقد صديق حنون) عادي كل هالناس عندي يروحون او يجون الا انت غير الناس روحتك عني ماتهون" ................ أنا لا شفتك بضيقة أحس أني أنا الغلطان.. أعاتب نفسي بنفسي ولو ما كنت أنا الجاني.. "طلبتك كان لي خاطر" تبعد عنك الأحزان.. فديت عيونك الحلوة تبسم لو على شاني.. تصدق بسمتك والله.. تفرح خاطري الولهان.. ................. " الوفاء" عند غيرك مالقيت وإن مدحتك بالقصايد ماوفيت....؟ "أعتذر" أن كان في يوم قسيت... "والعذر" أن كان صديت او جفيت... فأنت حد السيف لامني اعتزيت وانت اغلى شخص في عمري لقيت .... ................... خذني على قد تفكيري وجاملني يكفيني اللي مضى من وقتي القاسي أبيك لا خانت الأيام تسندني وأبيك ذخر الليالي لا ضعف باسي أمنتك الله تكفى لا تضيعني وأنت وضميرك تصرف يابعد راسي وسلامتك :) |
اقتباس:
والله لايجيب الزعل يارب اقتباس:
ان شاء الله راح اطمنك لا تنسيني بدعواتك |
بكر شايب
تسلم عيونك يا عيوني |
والله الاعضاء ماقصروا
وذا كنتي محتاجه افكار عطيني خبر والله يصلح بينكم |
الاعضاء ما قصروا .. والسالفة صحيح ما تستاهل
تدرين .. ردت فعلنا وطريقة تعاملنا مع المواقف اهي الي تعمل فرق في النتيجة وبعد فمهمنا لحاجات الطرف الثاني اهي الي تخلي حياتك حلوة يعني انتي لما مزح او تغشمر معك انتي زعلتي وخذتي الموضوع جد وهو الي سبب الزعل بينكم لكن لو كنت فهمتي اهو ايش يقصد من كلمته .. وايش يبي كان صار نهاية ذاك اليوم حلوة كثير يعني لما قالك انتي ليش تكرهيني .. انتي ليش حقودة .. انتي ما تحبيني كان يبي يسمع منك كلمة انك تحبينه وتأكدين له انك خايفه عليه يعني لو قايله له لما قال ما تحبيني وتكرهيني يوووووووه اسم الله عليك فيك حساسية والله ما دريت شلون اكرهك وانت حبيبي و نظر عيني وتاج راسي وحياتي ما تسوى من غيرك ووووووو ومن هالكلام ما اعتقد انه صعب هالكلام وهو اصلاً ذاك الوقت كان محتاج يسمعه منك قمتي انتي زعلتي وخذلتي احساسه عاد الحين انتي صالحيه بأي طريقة ومرة ثانية مو كل شي تاخذينه جد .. إذا يمزح مزحي معاه |
حبيبتي مشكلتك بسيطة...عديها..وانت عودتي تصالحي فروحي احكي معاه..واحكيلو انك ماتقدري تشوفي زعلان ..وعاتبيه بأسلوب حب وبلطف انه ينتبه ومايتكلم كل شئ قدام بنته..وخلاص
|
ها حبيبتي طمنينا ايش صار معك
|
اقتباس:
شوفي ارسلت له مسج عقب رجع البيت وسئلني شنو يعني هالمسج وليش انتي ما رديتي لما كلمتك قتله لانك قلت هالكلام بوجود البنت قال انا كنت قاصد لانه انا كم مرة منبهك على البخور فهالفتره وقتله انا ما كنت ادري انك كنت تعبان...... وكلمه مني وكلمه مناك لما سوينا تصفية حساب واعتذرت منه وانتهت السالفه :14: واشكرج حبيبتي دلوعه ولوقفتك معاي ومساعدتي في حل الخلاف البسيط اشكر كل من ساعدني ولو بالقليل والله يوفقكم ويهنيكم في حياتكم الزوجيه |
مبررررروك والله يوفقك:14:
ثاني مرة لاتكبرين السالفه :29::29: الله يوفقكم |
اقتباس:
الحمدالله الله يوفقكم ويخليكم لبعض !!! بناااء على هذااا الرد ينسخ للمشاكل المحلووولة بعد انتهاااء الردود |
بس لا تنسين انه هو علي طول حس بغلطه وقام ينادي عليك وانتي ما رديتي عليه واخذتيها بغشمريه مثل ما هو عاتبك بغشمريه انت كسرتي مبادرته فالحين لازم انتي تقومين بالمبادره وتصالحيه وفي مليون طريقه وطريقه لصلح بدون اعتذار
وبطريقه هذي تكونين متساوين |
| الساعة الآن 07:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©