المتقدم لخطبتي غير موظف ولم يكمل تعليمه .. مارأيكم
 

الدعوة مو بس بالموافقة

طيب ما سألتي نفسك بعد ما توافقين

شلون بيأمن سكن لكم ... ووين ..

مين بيتولى النفقة على البيت واحتياجاته

هل يقدر على كل هذي الاشياء

طيب سألي نفسك .. ليش اختارك انتي بالذات

لا تقولين أخلاق وعائلة وما ادري ايش

احنا عارفين الرجال كيف يفكرون

يعني لو انه رجال مقتدر وعنده فلوس كان ما أختارك .. كان قال ابي وحدة عمرها 18 حتى لو عمره مليون

لكن الحاجة تفتق الحيلة .. حطي هالشي في بالك ..

انا ما بقولك وافقي اولا .. لكن سألي عن أخلاقه وحرصي اشد الحرص

لأن لو عنده اخلاق على اقل تقدير ومن المتوقع انك تصرفين على نفسك

لكن لو كان واحد سئ .. لا .. راح يبتزك وتصرفين عليه وعلى البيت وعلى عيالك

والمستقبل الله أعلم فيه

صحيح سنك مو صغير .. بس المعناة مع زوج ما عنده اخلاق أكثر صعوبة

فكري زين وسألوا أكثر .. و حطي في بالك انتي الي بتصرفين على نفسك وعلى اشياء ثانية

إذا عاجبك الوضع توكلي على الله

مو عاجبك .. تصرفي التصرف الي يريحك

اوافق الحكيمة باريسا ..

لا توافقي بسهولة ... اسالي اسالي اسالي عنه و عن اخلاقه

و بعدين 38 عام و مو متوظف .. طيب هو مش لاقي وظيفة و لا كسلان و ماله حيل يشتغل و

معتمد على دخل المحلات اللي عنده مثلا ..

الله يكتب لك اللي فيه الخير

سؤاااااااااااااال
هل كان رسول الله صلي الله عليه و سلم موظفا ؟

هل المرض يستأذن قبل ان يدخل ؟

ما اود قوله ان الوظيفة لا تعني الامان ، فقد يكون الرجل موظفا ثم ينفق راتبه كله علي العلاج من مرضه ، بل قد يكون غنيا و تكون اخلاقه رديئة جدا جدا ، و ساعتها ستقول البنت " يا واخد القرد علي ماله يروح المال و يفضل القرد علي حاله"

اما عن الزواج لاسباب مادية ، فان كان هذا في بداية الزواج فهو ليس عيبا ، بل العيب فيه امران و هما :
- ان يفضل الرجل صاحبة المال علي صاحبة الدين و الخلق .
- ان تكون قيمة الفتاة بعد الزواج في مالها .

good man2000
مشكور علاكلامك الجميل والمقنع

Shark
كلامك عين الصح وانا مفكرة بهالشي لأن شرطي بيت لحالي وهو موافق على هالشي

اسمعي كلامي يا حلوة

أول شئ ، الحرمة تتزوج رجال ، مو تتزوج شهادته

يا كثر الدكاترة و بدون أخلاق

المرأة تبحث عن ( السكن و السعادة ) و قلتي إنه دمه خفيف و هذه ميزة و إنه يرفه أخواته و أمه

يعني ماهو انسان معقد و قافل على أمه و أخواته و إن شاء الله دامه بيرعاهم ، يعني بيرعاك

و دام أبوه متوفي من فترة ، فإن شاء الله يكون تحمل المسؤولية من بدري

و دام عنده مصدر دخل ، فإن شاء الله لا تخافي

و مافيها شئ تكوني موظفة و تتعاونوا مع بعض

و لا يجيك واحد متزوج و يقول لك اصرفي على نفسك ووو إلخ

توكلي على الله و استخيري

روح الطير كلامك والله جواهر ومشكوووور

ادعي ربي انه يكتب لك الي فيه الخير لكك ولـه ..

الله يعينك يارب !

وهذا الي عندي :/ ..

بالنسبه انه مو موظف بس بالمقابل عنده محلات يعني في دخل يجيه
بالنسبه أنه ما عنده شهاده فأقولك انه نجاح الزواج ما يعتمد علي الشهادات بل يحتاج الي قليل من الذكاء والحكمه فقط

ما باقي شئ يعني هذي مو عيوب فيه علشان ترفضينه ابدااااااااااااااااا وراعي وتذكري عمرك أنا ما اقول اقبلي حيا الله
بس لا تتدققي علي الكماليات من شهاده ووظيفه فهو لديه دخل وحمل مسؤوليه بيت امه واخوته

وبالنسبه للأستخاره مو شرط ترتاحي نفسيا لازم تعزمين بالامر يعني تباشرين بالموضوع وشوفي التسهيلات ان شاء الله

في شئ ثاني انت ما دققتي فيه ويمكن هو اهم من السببين اللي أنتي ذكرتيهم الا وهو كيف تفكير وتعامل الشخص هذا
وأكيد بالملكه أو فتره الخطوبه ما أقولك راح تكشفي المستور بس راح تحطي النقاط علي الحروف دققي بهذي النقطه طبعا بعد السؤال عن دينه وخلقه والأشياءالاخرى تجاوزي عنها

مع بالغ احترامي لك في عاقل يقارن بين الموظف والتاجر , مالكم كيف تحكمون ؟

للحين محتارة

طيب يا قلبي جاء بيتكم شفتيه وشافك

إذا ما شفتوا بعض على الطبيعة .. انصحك تشوفينه