|
مشكلتي مع ولــد خالي ( حلت ولله الحمد )
السلام عليكم ورحمه الله وبركاته
هذا اول موضوع لي اتمنى القى حل لمشكلتي =( انا لي ولد خال ساكن معنا بالبيت بالتحديد في الملحق .. لان خالي ساكن بالشرقيه وحنا بالرياض وهو جا على شان يدرس فسكن معنا ... المهم الولد في البدايه كان عادي ما عليه اي ملاحظات بس بعدين بديت الاحظ عليه حركات غريبه معي في البدايه كان مايتعدى الملحق بس بعدين صار يدخل في البيت يجلس في الصاله مع اخوي الي بعمره ونا اجلس فوق بس بعدين لاحظت انه اذا طلع اخوي لمشوار صار يرقى فوق بحجه انه بيروح لغرفه اخوي !! ومره كان البيت فاضي ماكان فيه الا انا واختي الصغيره وولد خالي كان طالع فنزلت في الصاله لاني عارفه انه مو في البيت واصلا هو مايدخل جوا الا اذا كان اخوي معه فتفاجأت انه دخل علي ونا بالصاله جيت برقى بسرعه فوق جا بيمسكني دزيته ورقيت ............... والحين وشـ اسوي اجلس مع واحد ما اضمن معه عمري ولا اقدر اكلم اهلي عن هذا الشي لانه بتصير مشكله كبيره !.. أفيدوني جزاكم الله خير |
لاحول ولا قوة الا بالله "
انتبهي الله يخليك ! اول شي لا تضيقين خلقك .. كل مشكله و لها حل بإذن الله " و والله انا رايي انك تسوين شي قبل لا يطيح الفاس بالراس ! يعني اذا شفتيه دخل و انتي لحالك ارفعي صوتك عليه ! قولي ان اخوك مو موجود ، وخليه يطلع برا ! لاتقولين اخاف او استحي ! .. ترى والله ماراح تنفعك هالكلمتين =) اذا شفتيه داخل عليكم ولا فيه الا انتي خليه يتفضل برا لما يجي اخوك =) ! او امسكي اخوك و كلميه بهداوهـ ! بس خلي عندك اسلوب و قولي له [ ان ولد خالي ماينفع يدخل علي وانا لحالي في الصاله تراني استحي ، يليت تكلمه و تفهمه هالشي ] واذا محتاجه اي شي .. انا بأتابع الموضوع وـإن شء الله اقدر افيدك بكل الي عندي ! و الله يعينك يارب =( |
ياحبيبتي تصير مشكلة كبيرة مو احسن من انو يضرك ولا يازيك؟؟؟
وانا مع انك تحكي لاهلك وينطرد برة البيت كلو لو هددتيه وعليتي صوتك ممكن يسكت ظاهريا لكن يضمرلك الشر و ينصبلك فخ و يعمل فيكي شي مش منيح ماتفكري حيخاف ويشيلك من بالو لهيك خليكي في السليم واحكي لاهلك والي يصير يصير وعشان ماحد يكزبك ممكن يوم وهوة جالس في الصالون تشغلي كام الجوال بدون ميحس او تسجلي صوت وانت بتحكيلو وبتهدديه وبتقولي ليش بتطلع وبتعمل هالحركات عشان يكون عندك دليل والله يهديه |
اولاً مايجوز يجلس معاكم في البيت وانتم لوحدكم لانه ليس بمحرم لكم ثانياً هو كذا يعتبر اعتدى عليك وهذا امر خطير لازم تخبرين زوجك وتخلينه يطرده من البيت لاتقولين ولد خالي ومشاكل هذا لو كان متربي ماسوى معاك كذا اطرديه من البيت ولا كرامة واستغرب منك انك تسألين اصلاً وحده غيرك ماتخليه يجلس دقيقة |
بداية أنصحيه وحذريه أن ما في البيت أحد ، و إذا تمادى ولم يستجب ، فحاولي تحذريه بأسلوب صارم و أن هالشئ ما يجوز و إلا راح أخبر أهلي ، لو إرتدع فهذا المطلوب ولو تمادى فما لك إلا تبلغي أمك وهي بدورها تتفاهم معه ونصيحة لك ، حافظي على نفسك كثير في لبسك وزينتك وحاولي قدر الإمكان ما يلمح منك شئ ، لأنه واضح أنه فاضي وما عنده لاشغل ولامشغلة ، والشيطان بدأ يلعب فيه أحذري كل الحذر ، والأمر بسيط إذا عالجتيه في أوله ، ولاتستحي ، لأن الله ما يستحي من الحق ، والحق هو أنك تمنعي وقوع محظور شرعي أنت في غنى عن تبعاته والله يستر عليك ويوفقك لكل خير |
ياغالية يجب أن تكوني حريصة أكثر وأن لاتجلسي في البيت لوحدك لو خرجت أمك أخرجي معها
وفي حال خروج الأهل جميعهم أغلقي الأبواب عليك في حال أحسستي بأن الخطر ازداد ولم يرتدع عليك بإخبار أمك فهو ابن اخيها وستتصرف بنفسها |
اقتباس:
وياك ... تسلم جزاك الله خير |
اقتباس:
هاذي صعبه مره لاني ماراح اجلس معه اتهاوش لو صار شي برقى علة طول واقفل على نفسي ماراح يمديتي اصوره وهو ماراح يعطيني فرصه اصوره لانه مو غبي اكيد بيعرف اني اصوره ... مشكووووووره اختي جزاك الله خير |
اقتباس:
شكلك فاهم غلط انا ماتزوجت !! بعدين تقول استغرب تخلينه يجلس في البيت هذا مو بكيفي هو جالس غصب عني |
اقتباس:
جزاك الله خير انـ شاءالله القى حل لهالمشكله بسرعه الله يستر على بنات المسلمين اجمعين مشكور |
المفروض يا قلبي وقت جا يمسك ايدك
توقفي وقفت اسد مثل ما استطعتي ان اتنزعي يدك منه تقدري وبكل قوه وسهوله تمسكيه من ثيابه مع زئير الاسد وقولي له اكسر لك يدك مره تانيه وارميه للخارج واقفلي الباب حبيبتي بهكذا مواقف لازم تخرجي الطاقه المخفيه عندك |
خبري اخوك وخليه هو يتصرف معه وايش ما صار يصير اهم شئ تحمي نفسك منه
|
بالنسبه لي افضل انو تحكين لابوك اكثر من اخوك عشان ماتصير حزازيات ومشاكل
اذا كانت علاقتك تمام مع ابوك تقدري تحكيلو ابوي مو ماخذه راحتي ابدا اكيد بيسالك احكيلو ولد خالي داخل طالع من البيت اخاف اصدم فيه صرت احس نفس محشوره بالغرفه وشكلو جاهل او انو مو فاهم انو كذا بيضايقنا البنات:25:خل الحل ع ابوك وهو بيفهم اش قصدك(لمحي) اذا علاقتك مع الوالد مو مره انو تقدري تناقشي الشئ ذا ...احكي لامك بصراحه اما تسكت وانت عارف انو نيتو شينه ...اسمحيلي كذا انت تعطي مجال اكبر لشيطان مو كل مره تسلم الجره. الله يحميك من كل مكروه |
الاخوان والاخوات لم يقصروا بالحلول بارك الله فيهم .
ولكن لفت نظري معرفك !! |
انا مع جميع ماذكروه الاعضاء .... لكن فعلا معرفك غريب ؟؟؟؟
|
نصيحتي قولي لأمك كل الي صار
وأمك بتعرف تتصرف ولا راح تصير لا مشكلة كبيرة ولا صغيرة راح تعرف شلون تطلعه من غير فوضى ولا تسكتين ولا تأمنين على نفسك مع واحد وقح لهدرجة مجرد ملاحظة على فكرة معرفك استفزازي وغير مريح ولا يوحي بالبرائة |
خايفه تقولي لاهلك تصير مشكله كبيره !!
ماعتقد اكبر من هالمصيبه .. صدقيني اذا سلمتِ اليوم ماتضمني بكرا وش مخبي لكِ .. لإزم تحطي حد . هو لما يشوفك ساكته راح يفسره انو رضى من طرفك ..!! لذالك .. ماشوف غير هالحل عادي اجلسي مع اخوك وتكلمي بصراحه معاه بهالخصوص وحلفيه بالبدايه انه يحل هالموضوع بينه وبين ولد خالتك ومايدخل امك ولا ابوك < عشان ماتكون مشكله بينهم ع قولتك .. قولي لإخوك انك شفتيه داخل بالبيت والصاله وهيك يعني لاتجيبين طاري انو مسك يدك قولي ابغى اخذ راحتي وكذا صعبه يدخل وانت مو فيه بس كلمه على هالنقطه وولد خالتك اكيد بيفهمها وبيعرف انك مو ساكته عن هالشي ابد .. واي شي بيصير راح توصلينه لإهلك !! بكذا راح يحسب حسااااب لكل شيء يسويه |
انا استغربت يالغاليه من لقبك!!!!!!!!!!!!
والاعضاء ماقصروا |
والله داخلة اكتب غيري معرفك حتى يروح الشك من قلبي بأنك انت من شجعتيه سواء بابتسامة او نظرة او غيره!
الله يستر عليك ويحفظك قولي لأهلك وان شاء الله تتطربق الدنيا مو مهم ! اهم شي سمعتك وشرفك |
اقتباس:
الله يقويني يااااااااااااااااارب واقدر اسوي مثل كذا جزاك الله الف خير حبيبتي لاعدمناك |
اقتباس:
بإذن الله هذا الي بيصير وإن شاءالله مايجلس بالبيت مشكور |
اقتباس:
جزاك الله خير ... ويحميك يارب لا انا ما افضل اكلم ابوي صعبه بس فكرت اكلم اخوي وإن شاءالله اذا رجع من ربعه اقدر اكلمه ةافتك من ولد خالي مشكوره |
اقتباس:
ريم اللعوبّ <= ما اشوف فيه شي يلفت النظر اذا كان فيه شي قل لي جزاك الله خير |
اقتباس:
استفزازي !! وغير مريح ولا يوحي بالبرائه عجبا لامركم تحيتي .. ريم اللعوب |
حبيبتي كلمي امك و اخوك فقط .. عشان يردعوه و بنفس الوقت ما يوصل كلام لابوك و تصير مشاكل
معرفك غريب .. لانه معناه مش حلو معناه ريم البنت اللعوب اللي مش كويسة اللي دايره على حل شعرها :) ... لذلك لا يتناسب مع مضمون البراءة .. لذا من الافضل تغيريه الله يحميك من كل شر |
انا شايله هم بسبب ولد خالي وغير كذا ما عندي اخت كبيره اقدر استشيرها قلت بجي هنا لاني شفت ناس حكيمين من ردودهم على بعض الاعضاء لاكن الله يجزا خير الي افادوني وشكرا من باقي الاعضاء لان فيه ردود عجبتني مررره وبإذن الله بحل المشكله وبكلم اخوي .. ان شاءالله يفهم ويصير الي ابيه جزاكم الله خير =) |
ريم يا قلبي أنتبهي على نفسك
لازم تخبرين أهلك على الأقل أطلبي من أخوك ما يخليه يدخل داخل البيت حده الملحق وقولي باخذ راحتي في البيت لا تقولين مقدر ومن هالكلام لأنه اذا شافك ساكته يفكر هالحركات عاجبتك بهالزمن الناس يخافون من محارمهم كيف بالغريب الله المستعان بس أستغرب كيف أهلك تاركينه كذا يدش براحته ؟ أذكر فيه سنة من السنوات سكن ولد عمي عندنا وبملحق برضو بس ماشاء الله ما كأنه موجود أغلب وقته برى البيت عارف حدوده بقوة أما ولد خالك شيء ثاني الصراحة الله يهديه بس الله بس يعينك ويحميك من كل شر |
أتمنى من الله لك التوفيق ، وقبل أن تناقشي الموضوع مع أخيك ، هل أخيك من النوع المتفهم أو من النوع المتسرع في قراراته بدون تأني وتفكير حكيم؟ وبناء على إجابتك ، تستطيعي أن تتوكلي على الله وتشوفي الموضوع والله يجعل عواقب الأمور إلى خير |
اقتباس:
كلامك عين العقل جزاك الله خير ونا بإذن الله بكلم اخوي الله يكون في العون |
اقتباس:
اجل انا شجعته !! مدري وشـ لون تفكرون فيه وحده ترضى على نفسها انـ واحد يتحرش فيه او تعرض نفسها له ماولده أمه الي يخليني اعرض نفسي عليه ونا فهمت من كلامك اني غير محافظه لاكن ولله الحمد انا محافظه وعقلي كبير رغم صغر سني لان عائلتي كلها متفتحين بقوووه لبسهم عاري وعباياتهم ع الكتف ونا عكسهم ولله الحمد <= مجرد توضيح مو اتفاخر او اي شي من هالنوع جزيتي خيرا مشكوره |
الله يكون في العون
ماقصرتوا |
الله يسهل عليك يارب ويعينك
|
اقتباس:
مشكور |
أنا أشوف يالغلا إنك تكلمي أمك
لأنها راح تحل الموضوع بتكتم و راح تفكر 100 مرة قبل ما تتخذ أي قرار لأنه الولد إبن أخوها بالتوفيق |
مين اهون تصير مشكلة بين امك وابوكيومع الايام تتصلح
ولا توقع عراسك لا سمح الله ويازيكي ابن خالك المحترم؟؟ وانا لما قلت افتحي الجوال بدون ميحس بحركة خفيفة بايدك وقال يعني حاملاه عادي جربي ادربي عليها مع اختك الله يستر عليكي |
اقتباس:
أمي صعبه مره لأنه ولد أخوها اكيد بيضيق صدرها لاكن بإذن الله اقدر اكلم اخوي وافهمه ونا من اليوم جالسه ارتب الكلام ما ادري وش اقول =( الله يعين جزاك الله خير ومشكووووور |
اقتباس:
والله انك صادقك بس بإذن الله اخوي يقدر يحلها بدون مايحس ابوي او تحس امي ومسأله الجوال ما اقدر وإن شاءالله اليوم راح يكون اخر ايامه عندنا ان ربي وفق جزاك الله خير صدقيني فرحت يوم شفتك متابعه معي =) لاعدمناك يالغلا مشكووره |
تسملي حبيبتي وانت هون اختنا كلنا
وحلوة فكرة اخوكي يهددو ويقلو بتروح باحترامك ولا نقول للوالد وتصير مصيبة فوق راسك وقتها اكيد بيغور عن وشك وافينا بالتطورات |
اقتباس:
ان شاءالله بيروح عني وكل شي بيصير بعلمكم بس ادعولي =( مشكوووره ياقلبي |
اقتباس:
لكن ماجعلني اتنحى من الرد .. نفس النقطة الي ذكروها لاعضاء قبلي .. اختي بكر .. واخوي ابو حكيم .. وهي المعرف ..:25: اللعوب لها معاني كثير يمكن اعجاب بقصيدة لاانكر ولكن المعاااااااااني تكثر .. عالعموم الله يستر عليكي دنيا ودين ... |
| الساعة الآن 12:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©