|
تجربتي مع إزالة شعر الأبطين مدى الحياة
السلام عليكم ورحمة الله وبركاته ياشباب اليوم ابشرح لكم تجربتي بشي من الإختصار شرح المشكلة : * كثير من الرجال والنساء يشتكون من شعر الأبطين وعملية إزالته إليكم الحل المثالي وبعد تجارب وبحث طويل عن حلول آمنة ومأصلة من أطباء واستشاريين . * شعر الأبطين وعملية إزلته ؟ بدون شرح للطرق التقليدية وأضرارها الجانبية نختصر ونجي للطريقة الصحية الآمنة وبدون آلآم مصاحبة للإزالة "والتي تكاد أن تكون أفضل طريقة توصل لها الطب . إزالة شعر الأبطين بالليزر " أرجوا انك ماتستعجل وتقراء الطريقة كاملة وراح تدعيلي .. كثير منا مو فاضي مشغول ومو رايق وعجاز بنفس الوقت وإزالة الشعر بالليزر أكتشف أكثر من خمسين سنة ونسبة الأضارر الجانبة فيها تكون شبه معدومة أقل من 1% كلن منكم جرب الموس ونتف الشعر بالماكينة والنير كلن له نقطة سلبية .. تجربتي : تعبت وجربت كل شي ما ارتحت خصوصاً اني ما احب اشوف شعر الأبطين أبداً فقمت واتصلت بدكتور استشاري في الجلدية "سعودي " وكانت تربطني في علاقه بسيطه وسألته عن إزالة الشعر وتحدث معي وقال ياناس نسبة الأمان فيها عالية جداً جداً بس الناس ماراح يستوعبون إلا بعد عشر سنوات "وخاصه في بعض الرجال ماراح يستوعب ويقول انا حرمه عشان اشيل بالليزر هذا اسمح لي انسان مداركة ضيقة نوعاً ما وهو الخسران وخلك يا رجال تحمل قرف ذا الشعر وخلك على الطرق التقليدية " .. و يكمل الدكتور قائلاً وراح يندمون على السنين اللي قضوها ومصيرهم راح يسونها ... جزمت ورحت لمه وأخذت معه 6 جلسات فقط والجلسه عبارة :عشر دقائق فقط وعبارة عن لسعات خفيفه في منطقة الأبطين وإذا ماتبي اي ألم يحط لك كريم بنج موضعي وماتحس بشي ابد وبعد ماتطلع من عنده تمارس حياتك طبيعية جداً بس يعطيك كريم تستخدمه مره في اليوم لمدة ثلاث ايام والحين لي سنتين ماشفت ولا شعره ومبسوووووووووووووط على الآخر :17:............... طبعاً سألت الدكتور خلاص ماراح اشوف شعر مدى الحياة قالي مدى الحياة إلا في حالة إذ حصل عندك نشاط في الهرمونات بعد كم سنه يطلع لك شوي زغب خفيف تروح وتعطيه جلسة تسمى تتش وينتهي وضعك مدى الحياة . والمبلغ بسيط خصوصاً الواحد منا اذا دخل السوق او طلع يتشعى هو ربعه وسوى كريم زمانه وعزمهم دفع مبلغ وقده ياخي يا ختي ادفعها مره وحده وارتاح باقي عمرك لاحلق ولا نتف ولا قلق عش حياااااااتك واستمتع بدون ألم أو هم . انا عارف إن كلن منكم متحمس ويبغى يعرف السعر :rolleyes: الجسلة الأولى بـــ 550ريال ويعطيك معها جلسة مجاناً المجموع = جلستين بـــ 550 الجسلة الثانية بــــ 500ريال ويعطيك معها جلسة مجاناً المجموع = جلستين بـــ 500 الجسلة الثالثة بـــ 450ريال ويعطيك معها جلسة مجاناً المجموع = جلستين بــ 450 بين كل جلسة وجلسة اسبوعين مجموع الجلسات = 1500:d طبعاً المبلغ راح تدفعه بشكل مقسط على مدى شهرين يعني ماراح تحس فيه ابداً :22:وخاصه إذا جيت وحجزت جلسة بدون ماتدخل استشارة على الدكتور راح توفر مبلغ 300 حرام تدفعه وانا وضحت لك ماقاله لي الدكتور بالحرف الواحد يعني ماراح يزود شي جديد إلا إذا كان عندك حساسية معينة وتبغى الدكتور يشوف هل هي ملائمة لك اما الشخص الطبيعي ماعنده اي مشكلة . اللي يبي يسأل عن اسم العيادة او الدكتور يراسلني على الخاص طبعاً فيه عيادات ارخص بشكل بسيط بس ما تستاهل انك تغامر عشان تفرق معك 350او 450ريال في مجموع الجلسات " ماخليت مركز طبي ما سألته وعرفت جميع الأسعار " تقدر تقول حريص.. وشعاري الجودة مقدمة في جميع الأحوال . طولنا عليكم واللي عنده اي اسألة عن الجلدية يسأل واحاول اني اتواصل مع الدكتور واجاوبه |
الله يستر بس وش تشيل شعر الابط والعانه مدى الحياه
قال رسول الله صلى الله عليه وسلم " خمس من الفطرة الاستحداد والختان وقص الشارب ونتف الإبط وتقليم الأظفار " اكسب الاجر باتباع سنة الرسول صلى الله عليه وسلم كل ماطلع الشعر انتف واحلق وصلى الله وبارك |
الله يعطيك العافية .......ممكن ترسلي العنوان على الخاص لأن ما عندي خاصية الرسائل الخاصة
|
ما عليش بس حبيت انوه ان المبالغ جدا غاليه ولو كانت في مكان خارج السعوديه لكانت ارخص بكثير لذلك لا يقدم عليها اي ما كان وللمعلوميه الجسات على حسب نوعيه شعرك قد يكلفك المبلغ الى 5 الاف على العموم لولا اختلاف الاراء لبارت السلع
|
اخوي الرحال 55
حبيت اقولك على شغلة لازم قبل لاتروح للجلسة الأولى يكون الأبطين فيها شعر مقاس صغير مره يعني مقاس صفر او واحد لاتروح وان نازع الأبطين او حالقها موس لازم يكون في راس الشعر طالع عشان الليزر يعمل بشكل ممتاز وتكون النتائج رائعة وتاخذ جلسات اقل . صمت وسكون شكراً على مرورك وحبيت اقولك انه كل شي خارج السعودية رخيص وخاصه عمليات التجميل لكن السعودية المجال فيها جديد والاسعار اكيد راح تكون اغلى خاصة وانه عيادات الجلدية قليقله ومحصورة نوعاً ما . اما موضوع انه قد يكلفك إلى 5 آلاف اقول مالك لوى انا سألت الدكتور كم يمكن الواحد يحتاج من جلسة قالي من خمس جلسات إلى تسعة بالكثير حسب نوعية الشعر ولو نحسبها ونزود جلسة ونقول خلها 10 جلسات ماراح تكلفك إلا 2400 ريال . وماوصلنا نصف السعر المطروح وعلى فكره تراك في اشهر عيادات في المملكة طبعاً هذا عطه سعره وغير حبابة الدكتور وتعامله الرائع . |
نقل لقسم الرجل مكااانة الانسب
|
طيب يا خي معليش ما تحس انه بيصير في مشاكل لما تشيله مدى الحياة؟
ما أقصد مشاكل طبية لكن ربنا سبحانه ما وضع هذا الشعر في هذا المكان وحثنا على نتفه إلا لحكمة قال ابن القيم رحمه الله : ولِله في كل ما خفي على الناس وجه الحكمة فيه حكم عديدة لا تُدفع ولا تُنكر ، فاعلم الآن أن تحت منابت هذه الشعور من الحرارة والرطوبة ما اقتضت الطبيعة إخراج هذه الشعور عليها ، ألا ترى أن العشب ينبت في مستنقع المياه بعد نضوب الماء عنها ؟ لِما خُصّت به من الرطوبة ، ولهذا كانت هذه المواضع من أرطب مواضع البدن ، وهي أقْبَل لنبات الشَّعر وأهيأ ، فَدَفَعَتْ الطبيعة تلك الفضلات والرطوبات إلى خارج فصارت شَعرا ، ولو حُبست في داخل البدن لأضرته وآذت باطنه ، فخروجها عين مصلحة الحيوان ، واحتباسها إنما يكون لنقص وآفة فيه . اهـ . |
صمت وسكون اعتقد ان السعر عادي وبالنسبة لخارج المملكه لايغرك والله ينهبوك نهب خاصه لو عرفوا انك خليجي وانا مجربتهم ولا داعي لذكر الدول وغير تكاليف السفر وترجع تقول ياريتني سويتها في بلدي احسن وعلى قولة ابو رمش ماتفرق مائه ولا الميتين عشان اطلع اسويها برى
|
أخوي الليزر جدا مريح وبعض العيادات يكون المبلغ مبالغ فيه وبعضها يعملوا خصومات
بس الليزر ما منه أضرار الا أنك راح تدفع له المبلغ الفلاني ............... ولا يغرك أنه بعض الدكاتره يقولون لك انت بتحتاج جلستين أو خمس أو عشر .... أسمح لي هذي عمليه جر جيوبكم لأن الدكتور نفسه ما يعرف أنت كم تحتاج جلسه بالضبط الليزر وبكل اختصار يعتمد علي لونك أذا كان أبيض أو اسمر وسماكة الشعره ويعتمد بعدين علي نشاط الهرمونات والليزر ممكن تتدخله وما تطلع منه الا بخساره وممكن تدخله والشعر يختفي ومثل ما قلت سنه وممكن أقل أو أكثر ويرجع الشعر بشكل خفيف وترجع لليزر الحين اذا كان بيفيد خلي الفلوس مش مهم اللي أندفع بس حرام اللي بيدفعوا وما بيستفيدوا وعلشان تتأكدوا من كلامي هذا اللي حاب يجرب طريق الليزر يجرب مكان صغير من جسمه ويصبر شهرين ويشوف النتيجه كيف بيقل نمو الشعر واذا جسمه بيتقبل أو لا هذي النصيحه اخذتها من خبيره لبنانيه وحتي وحده دكتوره ايرانيه عندهن ذمه وضمير وخايفات علي سمعت عياداتهن الليزر يفيد ناس وما يفيد ناس ممكن واحد يستخدمه مرتين وينعدم الشعر وناس تستخدمه 15 جلسه ولا في اي تحسن بس احسن شئ يخفف الشعر ويباعد بين نموه النتف وبعدين دهنه بزيت الزيتون لمدة خمسة ايام لأنه المسامات بتكون مفتوحه بالنتف قرأه الموضوع وحبيت أفيد بهذي المعلومات |
الله يستر مدى الحياة مادري
|
بس الله يستر علي شباب اليوم وخاصه اللي يبي اباطه تكون ناعميين جدا
الله يستر لنشوف واحد بالمنتدى طلع يكتب موضوع يقول يبي يسوي ليزر لشنبه ولحيته وسيقانه يبيهم براقه ولماعه ما خليتوا شئ للبنات والحريم يالله نافسون نافسونا يا عيال النيدو والكاكاو |
برودة خريف فعلا فيه شباب خكاريه وحركاتهم ولبسهم دلع بس بلنسبه للموضوع هذا لالالا مااوافقك الرأي مااعتقد هذا من باب النظافه الشخصيه والاهتمام المحمود بالنفس وليس النعومه والدلع هذا رأيي
لان بصراحه شعر الابط حتى لو خفيف يسبب رائحه مزعجه جدا حتى بالاستحمام لو فيه شعر مايكمل الواحد يومه الا وريحته فاحت لكن من دون شعر ممكن يجلس 24 ساعه بشور واحد في اليوم انا كل شئ عندي في الدنيا يهون الا ريحه الباط |
أخـوي الكـريـــم الله يسمـعـك يـقـول تـحـت ابـط واحـد منـا غـابـات الأمـازون، كلما نتفت واحـده أو تم حلقـها تـكـاثـفـت بسرعـة هـائـلـة .....:d هـو ليس عـيـبـا خـلقـيـاً... حـتـى نتضـايـق منـه ونزيله مدى الحـيـاة... فـالأفـضـل نـتـفـه كلما نبـت لأنـه انـظـف على المدى البـعـيـد أنا بالنسبة لي شعـر الجسم يـأخـذ فـتـرة طـويـلة حـتـى يـظـهـر... لكن اهـتم بالنتـف، وبحـلق شعر العـانة بالمـوس خاص اسمه بودي جيليت مخصص لشعـر الجسم....:22: عزوبي:21: بس:d رجل:30: |
اقتباس:
الشعر ليس من مسببات الرائحه مثل رائحة العرق ولا كان لازم ما نشوف علي الرجال شعر بيده ورجوله وصدره صحيح أنه في ناس من أول ما تطلع من الشور الله يكرمك ويكرم السامعين الا وريحته عرق لأنه العرق اللي يفرز متكون من نوع الأكل اللي يأكله وفي ناس تعرق بسرعه وناس لا هذي طبيعة جسمه وفي ناس الله يشافي الجميع عندهم الهرمونات . أنا ما كان قصدي أنه عيب ولا حرام نزع الشعر لا طبعا هذا من النظافه وتعاليم ديننا بس ما توصل لليزر ويخلي كل أهتمامات الشاب كيف يزيل شعره ويتفنن بالطريقه هذي لأنه كل شئ له بدايه ومثل ما بدأ بفكرة الليزر علي باطه راح يقول أوكي خليني اجرب مكان ثاني وهذي المره الله العالم وين بتكون . الله المستعان يعني كم من الوقت بأخر كل أسبوع بيأخذ منك وأنت تشيل شعر باطك ؟؟؟؟!!!!! أحسن من أنك تروح تأخذ دور مع الحريم اللي قاعدات بعيادات التجميل وتشيل وتقلدهن بلعتهن أحس أنه اللي يروح علشان يشيل شعره بالليزر دمه مهدور بين الحريم لا مستحي ولا شئ المرأه من صفاتها النعومه والمبالغه بكل شئ بس تخيل لو صار الرجال نفس اهتمامات الحريم يضيع وقته بجلسات الليزر وغيره وغيره وصار جسمه مثل الحرير يعني مايكل جاكسون ما ينلام أخوي الشئ هذا منقود عند العرب منقود بس تشوف الحين العيال حتي والله ما أقدر اقول عنهم شباب أو رجال عفوا لأن هذي مو من تصرفاتهم المهم تشوفه يسمع ويشوف أيادي أخته ولا أمه ويبي يسوي مثلهم ؟؟؟؟!!!! يا ثقل العباره وهو يقول أبي اسوي ليزر لشعري ...وأفضيحتاه .. مايعه ما تصلح له واذا أصيب القوم في أخلاقهم ........ فأقم عليهم مأثما وعويلا |
اقتباس:
كلام ورأي سليم |
أتمنى اذا تكرمت ترسلي اسم العياده وعنوانها لأن أنا بصراحه قاعده أدور لي عياده كويسه ومجربه
|
sweet2244 شكراً على مرورك و مشاركتك الفعالة
اقتباس:
عيني عليك باردة " توافق في الرأي " اخوي المتهندم شكراً على مرورك اقتباس:
برودة خريف شكراً على مرورك و مشاركتك الفعالة اقتباس:
اقتباس:
اقتباس:
اقتباس:
عزوبي بس رجل شكراً على مرورك الذي اضاف خفة وطرفة للموضوع اقتباس:
اختي أميرة الشوق شكراً على مرورك واسم العيادة واسم الدكتور ورقمها في الصفحة الأولى من الموضوع وكان في الرد على الأخ الرحال 55 وشكراً للجميع |
من تجربتي الخاصة
ودرايتي بالليزر لي سنه تقريبا وانا اعمل جلسات وعرفت التالي 1 انها افضل طريقه لنزع الشعر 2 غير مكلفة الجلسه ب300 ريال وبعد كم جلسه 200 ريال 3 الشعر لا يختفي للأبد بس يتأخر نموه يعني مثلا لو ازلنا بالموس يطلع ثاني يوم ولو بالحلاوة يطلع بعد 10 ايام اما بالليزر فهو يطلع بعد شهرين او 3 شهور ويكون اخف وانعم وتحتاج لجلسه ثانيه متى ما سنحت الفرصة 4 اي شعر خفيف مثل شعر الوجه لا انصح بالليزر فيه لانه يكثف الشعر ويكثره اذا كان بالاصل خفيف واشقر وعن نفسي ارتحت كثير بعد ما ازلت بالليزر شكرا لك اخي الكريم واحب انوه انه فيه مراكز كبيرة تعمل جلسات الليزر ارخص روح لاخصائي ليزر ارخص من الدكتور وكلهم مثل بعضهم انا مجربه الاثنين تقبل مروري وان شاء الله افدتكم |
احب اعلق على الاخت برودة خريف
ازالت شعر الابطين ما هو حصري للنساء والليزر وضع للنساء والرجال ومافيها شي ان الرجال يعملوه والاخ الكريم ما غلط في شي ابدا وانت تشعبتي في الموضوع الله يسعدك تحياتي لك |
صراحه الأزاله باليزر راااحه بالذات للزوجه الي زوجها يكره شعر الأبط جدااااااااااااااا حتى لو كان خفييييف
|
انـا شخصيا مقتنعه بالليـزر تمااااااااما ~ مع انه الحمد لله شعري خفيف ~ بالذات اذا داومت ازالته بالحلاوه .. ولي صديقه جربـت الليزر وصار جدا خفيف واصلا مايطلع على سيرررررره وماشاءالله لون المنطقه ماختلف زي ماهوووو فاتح ~ هذا الي كنت خايفه منه .. وهي اكدت لي انه كووويس عملت اكثر من جلسه مشكـووور اخـوووي موضوووعـك جدا وافي وكااااااافي وماشاءالله اعطيتنا معلومات مرره كويسـه ~ جزاك الله خيـر ~ |
عندكم بالسعودية ما شاء الله العلاج والادوية رخييييييصه عندنا ناااااااار .... |
اقتباس:
حبيبتي الرجال ما قال شي غلط ..ليش عصبتي ......هذي تعتبر نظافة .... انا عن نفسي ان شاء الله ...اذا كبر ولدي راح اخلية يسوي ليزر ...انظف ....حتى بنتي راح اسويلها ... انت لو جربتية ... راح تحسين بالفرق........ الله يصلحك .... |
هل يعقل إنه ما في عيادة تقوم بالشيء هذا إلا العيادة اللي حضرتك تفضلت فيها ؟؟ .. ما ممكن نعتبر هذي دعاية ؟؟ ^_^
ابعث لي اسم العيادة على الخاص لنشوف حكايتها .. والله يكرمك .. |
الأخت برودة خريف ..
أوافقك القول في أغلب ما تفضلتِ به .. لكن تنويع طرق النظافة والتنظيف شيء محمود .. والرسول عليه السلام أرشدنا إلى أفضل الطرق للنظافة من الشرع .. فلو وصل العصر الحديث إلى طرق حديثة ومناسبة فلا حرج في ذلك وليست من خوارم المروءة أو الرجولة .. أما الشباب اللي كل وقته بالتنعيم والكرميات وما أدري إيش الباقي .. فلا أعتبره رجل .. والله المستعان .. |
[SIZE="4"]يعطيك العافيه عالموضوع
لكن انا اعرف وحده جربت بشعر وجهها وكل جلسه ب300 ريال و6شهور وهي تاخذ جلسات وكل ماجات جلسه شالت لها قبل الليزر بموس ولاتحسنت بالعكس زادت الطين بله شعرها كثر من الموس وتركت العيادة ورجعت للفتله!!!!!!!!!!![/SIZE] |
| الساعة الآن 06:30 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©