|
تعبت من زوجتي بس صابر والله يكتب لي الأجر (زوجتي عادت الي )الرد 34
السلام عليكم ورحمة الله وبركاته أسعد الله اوقاتكم صباحكم .. مسائكم .. ظهركم .. عصركم .............. الخ :) اولاً .. انا ضيف جديد في هذا الصرح الشامخ وعريس جديد يارب لك الحمد متزوج من 11 شهر ماكملت سنه ثانيا .. مشكلتي انا ماشوفها مشكله كبيره بس صراحه تتكرر يومياً وطفشت بس وش اسوي انا بطبعي حنون وما احب المشاكل احب الهدوء احب الطلعات والخرجات .. كل اسبوع اعزمها بمطعم مدلعها ع الاخر .. احيان الشهر كله ماتدخل المطبخ تطبخ الا مرتين او ثلاث مرات بالشهر كريم معاها لا ابعد الحدود .. صحيح ضروفي الماديه مو قد كذا بس ما ابخل عليها ابداً واذا ماقدرت اجيب اجيب لها الشي اللي تبغاه بوقته اخليه بالحسبان واجيبه بيوم ثاني .. والله ان اهلي واهلها يحسدوها علي .. وصار اكثر من موقف من اهلي واهلها وضح لها هالشي زوجتي انسانه جداً طيبه وحنونه بس مشكلتها انها متربية من شباب اللي هم اخوانها عندها 3 اخوان قريبين من عمرها وهي البنت الوحيده .. وبعد يمكن عشر سنوات جوها اخوات فا اغلب حركاتها حركات شباب .. تتكلم بيدها .. ترفع صوتها احيان .. لسانها طويل شوي .. تركب راسها واللي براسها يصير وانا والله ما ابي احط راسي براسها عشان المركب تمشي .. وانا عندي مولوده يعني اقول وش ذنب هالطفله تتشتت بسبب حركات امها .. انا ما انكر اني احبها ويشهد الله اني اموت فيها بس عليها تصرفات تقهر .. تكره تشوفني ساكت .. تحب المناقر والمناحله .. تدور زعلي با اي طريقه عشان اغسل شراعها .. بس انا تعودت على اسلوبها فصرت بارد جداً وكل حركاتها صارت قديمه مع اني عصبي اذا زعلت اطنشها اسبوع ماعندي مشكله ولا كان الله خلقها .. انا مستحيل اخذ منها فلوس او اطلبها شي من ذهبها لو اروح اتسلف .. وهي كل مالقت نفسها فاضيه راحت باعت شي من ذهبها وتقولي بعد ماتبيعه مع اني كلمتها اكثر من مره لا تسوي هالحركه وهي بعد ما تسويها تحطني في الأمر الواقع .. مع اني الف مره قلت لها لو تبي شي كلميني وانا من عيني ذي قبل ذي .. بس ماتسمع الكلام استفزازيه لا ابعد الحدود وانا ما احب امد يدي عليها وهي الا بالقوه تبيني امد يدي عليها .. طفشت من حركاتها ومن اساليبها اللي مالها سنع .. بس صابر ابي خبرة الاخوان .. والاخوات المتزوجين .. وكل من يشوف موضوعي يقولي وش الحلول بنظره وايش يشوف موضوعي .. يقول رأيه اذا ماكان عنده حلول والله مامدحت نفسي قدامكم بس هذا اللي حاصل معاي وسامحوني ع الاطاله ... |
الله يعينك اخـوي ~ والله اصعب شي ان الواحد ياخذ بنت ماخذه من تصرفات اخوانها الشي الكثير ؟ طيب انت ماقد نبهتها ؟ ماقد لفت نظرها ان حركاتها شووي تبع شباب ماتخص اي انثى ؟ يعني بنعرف هل صارحتها من هالناحيه ؟ ولما تزعل اسبوع وتطنشها وش تكون ردة فعلها ؟؟ الله يسخرها لك ان شاءالله .. |
اقتباس:
الله يسعدك اخوي dant!L ~} صراحه كلمتها اكثر من مره كلمتها وادقق عليها بشكل ما تتخيله بس مسرع ماتنسى وتقولك .. وهـ نسيت فا أتغاضى ما دقق كثير لاني ما احب الهواش اكره الصوت العالي اكره النق وبالنسبة لموضوع الطناش .. تكون في اول الايام عاديه .. وبعد مايعدي يومين .. ثلاثه .. اربعه تبداء ترسلي المسجات القديمه اللي كنت ارسلها لها .. زي ماقدر استغني عنك .. ماقدر ابعد عنك .. ومن هالمسجات .. فـ أحن عليها واقول يكفيها كذا :d بس برضه ما اراضيها الا بشق الانفس .. وتدخل امها بالسالفه وراضيها عشاني .. مايصير كذا .. وانا اقدر عمتي جداً وحاسبها حسبة الوالده الله يحفظها .. شاكر مرورك ياعسل |
اقتباس:
هلا اخـوي اولا انـا بنت اسمي دانتيل .. :d ثانيـا .. والله الطبع يغلب على التطبع ... يعني مستحيل تتغير زوجتك في 11 شهر ؟ وهي عايشه عند اهلها وبين اخوانها اكثر من الي عاشته معاك ؟! تحملها ... ووجها والله يعينك تصبر عليها .. وامدحها قد ماتقدرررر تبي الصراحه .. اذكر وحده تقربلي مره قالها زوجها وهي تمشي بالبيت ..{ يالله وش هالأنـوثه ؟! البنت رسخت ببالها هالكلمه وحبتها كثيرررررر وحبت اطراء زوجها بأنوثتها وصارت تحاول قد ماتقدر تلفت نظره لأي شي يخليها الأنثى الي حبها والي تزوجها ~ يعني برايي انك تبـدا انت تثني عليها وتغدق عليها بالثنااااء بأنوثتها ولو مره وحده بس سوت حركه فيها نعومه لاتقولي ماتسوي ( مهما كان هي بنت ) تغزل فيها وحرك مشاعر الأنثى بداخلها ... خلها تنسى انها عاشت مع اولاد ... وانت وشطارتك ~ ومن ناحية المناقر الله يعينك ياااااارب وكل داء له دوااااااااااااء ~ بس نشـوف راي باقي الأخوان والأخوات بارك الله فيهم ~ |
اشتكيها لابوها واخوانها
والله يعينكم |
والله على قول الوالد لاتحطو زبده عند ابو جوري .. اخاف تسيح انا رومانسي جداً وعندي ابداع في الكلام الحلو وفصيح الحمد لله والله اني احيان اصحيها من نومها وشكلها يفجع واقولها ليتك تكوني كذا طول اليوم وش هالحلى .. مو مقصر من هالناحيه وسامحيني اخت دانتيل .. احسبك رجال :) |
اقتباس:
لا مو حل مشاكلي ماحب الطلعها برى البيت ابداً .. انا وهي ببيتنا نتصايح نتضارب .. نتقاتل .. بوسط بيتنا وابوها انسان لايهش ولا ينش لو ابشتكيه .. ليش اخلي اللي يسوى واللي مايسوى يتكلم علي وعلى مرتي :) شاكر مرورك فديتك .. |
اقتباس:
يا أخي مد يدك يمكن هي هذا اللي تبيه لا لا لا أمزح لا تسويها الله يخليك انت الظاهر مدلعها ومنت صارم معاها هذا هو الحل .. لا تكون بارد وهاديء .. خليك حازم شوي .. وصارحها بتصرفاتها هذا اذا كانت تتقبل المصارحه !! :29: موفق |
اقتباس:
ههههههههههههههههههههه والله اجل مـابيدي حيله .. اذا حتى وهي صاحيه تقولها وش هالزين ؟! الله ميـر يصبرك وانـا اختك .. :29: |
اقتباس:
والله صارم .. وقوي شخصية بس انا ماحب العنف ابداً ومره وحده مديت يدي عليها سحبتها من شعرها لين رقبتها طقت قعدت شهر تذكرني فيها وتقول .. والله والغالي مد يده عليه أثرت فيني الكلمه شوي .. فا اخذت عهد على نفسي اني ما عاد امد يدي عليها وبعدين يا اخي انا لو كل ماعصبت مديت يدي عليها بشوهها والله تخيل انها احيان تتصل فيني وانا بدوامي مخصوص بس عشان تعصبني .. واذا كنت بارد تقول ول ماعصب اليوم الله يسعدك اسعدتني بمرورك |
بدون مقدمات
زوجي زيك بالتماااااااااااااااام واحسن بشوي كمان ......."فديت قلبه" وانا كنت مهمله شوي ...........كان ينبهني ......بس ما كنت اسمع الكلام!! باختصار: " من ام العقاب اساء الادب" وانا شفت زوجي طيب بزيادة جاني كسل ............برغم في بيت اهلي كنت شعلة نشاط!! تغير ت معاملة زوجي......... صارحازم اكثر............مع باقي مواصفاته السابقة!! والله صارت الحياة احلى لها طعم مو زي اول كنت اغلط ولا ما اغلط ,,,,,,,,,,,,,,,,,واحد!! بالعكس الحين اخاف على زعله !! واشتري رضاه!! ...................ولا يتكدر خاطره الخلاصة:خليك زي منت بس كون حازم .......... واضح في طلباتك........".يعني اللي يزعلك قوله بكل وضوح وصراحة" اتمنى اني افتدك!!!!!!!!!!!!!!!!!!! يعني الدنيا اخذ وعطاء |
اقتباس:
اشكرك على مرورك يابخور العود الله يجيب الخير |
اقتباس:
انا مره خطيبي صحاني بوقت متاخر عدنه وجلسنا عــــــــ النت وكنت مطفيه عــــــــــ الاخر نعسااااانه وقالي لي من هل الكلام "شكلك يخبببببببببببببل وانتي كاعده من النوم شنو هل الجمال و و و :25:" يعني طلع كلام بالهواااااااااااااااا :11: هو كذلك جدااااا رومانسي:( بس انه شفت كلامك ومتت ضحك تاكلون بعقولنه من هل الكلام :25: اما بالنسبه لزوجتك فما اعرف والله شنو الحل الانسب لان ما عندي خبره نهائيا بهذ المجال الله يهديكم لبعض ودوم السعاده محد يعرف طعم السعاده اذا ما يذوق المر وان شاء الله حالتكم ما توصل للمر |
اقتباس:
المجامله والكلام الحلو شي لابد منه .. تخيلي تصحي من نومك نعسانه وماتبغي تقومي من الاساس وتسمعي كلام حلو من بداية اليوم والله تقعدي اليوم كله مستانسه .. فالسالفه عاديه .. على قول اهل جده . . اعطيها أمل في الحياه :d ان شاء الله ماتوصل للمر يارب شاكر مروك |
اقتباس:
ابو جوري.. الي يقهرك فيها مو واضح لها... يعني من شخصيتها واسلوبها طيب هي كذا تقدر تخفف منها لكن ماراح تتشكل انسانه ثانيه,,, تفسيرك لأسلوبها غيررررر يعني هي ماتحب تكون نكديه لكن انت شكلك زودتها حبتين ولو عرفت اسلوبك واعطيتها مجال بس شويه راح تفهمك وتخليك على راحتك وزي ماتحب,,, وبعدين هي حره فذهبها هي الي راح تندم لما تجي مناسبه ماتلقى شئ تلبسه يعني خليها تفهم انك عارف مصلحتها ,, وانت مررررررررره مدقق وفاتح عينك عليها بزياده خليها تاخذ راحتها فالبيت عشان اذا ارتاحت نفسيا تتجاوب معاك بلطف . |
المشكله منك انت .. زوجتك عارفه نقظة ضعفك .. |
وابوها انسان لايهش ولا ينش لو ابشتكيه ..
ليش اخلي اللي يسوى واللي مايسوى يتكلم علي وعلى مرتي بصراحة استوقفتني هاي الكلمة يا اخي واسبق كلامي بالاعتذار لك لا يجوز ان تتكلم عن والدها بهذه الطريقة وخاذا تقصد بلي يسوى والي ما يسوى هل تقصد والدها لان النصيحة كانت ان تخبر والدها انتقي كلماتك لان اكثر ما يحرك غيرتي هو الكلا عن الابوين |
اقتباس:
بلا ادنى شك انت انسان طيب..... و لكن ما معنى طيبة الرجل ان كان لا يحسن حزما ؟؟؟؟ احكى لك عن زميله لى كانت بالعمل نعرف عنها شخصيتها المتسلطه ... تصادمت مع زميل لها فى اشياء كثيره ... و حين غلبها ...... أحبتـــــــــــــــــــــــــــــــــــــــ(بجنون) ــــــــــــــــــــــــــه !!! لماذا لأن اى امرأه مهما كانت طيبتها يجب الا تقود السفينه اى امرأه تناوش زوجها فى بداية حياتهما ... حتى تستفز رجولته فإن احتوى الموقف بحزم و فرض شخصيته بلا قسوه ... هنيئا له بأنوثتها .. فالمرأه لا تعطى نفسها الا لرجل تحس بأنه يستحقها و انت يا أخى بيدك ان تغير اسلوبها هذا ... الذى بلا ادنى شك هو رد فعل لطيبتك المفرطه يجب عليك ان تحسسها بأنوثتها و ان لك عليها درجه .. و اليك الافكار التاليه :- - إبدأ بالتنبيه بصوت حازم انك تحترمها و تعلم ان ما تفعله من قلة ذوق ليس طبعها - لا تحسبى ان طيبتى و رومانسيتى ضعف - احترامى لك ينبع من احترامك لحدود انوثتك ( تذكر الا تذكر ابدا انها تقلل من احترامك) -لماذا ؟؟ لأنك فى هذه الحاله تشتكى لها منها ... و هذا لن يردعها عما تفعل بل سيزيدها - لا تقل لها كلاما مثل ( ليس لى سواك - انت ام بنتى ) بل دعها تتخبط قليلا فى تغيرك و اترك لها الخيال بأن تتخيل ما لا يحمد عقباه - أبدا ابدا ابدا من هذه اللحظه لا تفوت شىء يقلل من هيبتك و تمر عليه مرور الكرام ... كن بالمرصاد عن كل ما لا يرضيك .... و لا تنسى العباره ( انا متأكد انك افضل من ذلك ) ..... ( انت لست كذلك و يجب ان تتغيرى للأفضل لأنك تستحقين ذلك ) ..... ( انا معك حتى تتغيرين و اثناء ذلك لن اسمح ان تأخى من قيمتك فى نفسى ) - ان حركت يديها بشكل غير لائق ( احترمى نفسك ) و لا تجادلها فإن جادلت فقل لها ( انتهى الكلام و افعلى ما آمرك به ) - ان علا الصوت - رد بصوت جهورى لا تتوقعه و بكل ثبات و انظر فى عينيها كأنك ستضربها لا قدر الله - قل ( الى متى هذه الطريقه اخفضى صوتك و انت تتكلمى معى ) فإن جادلت فالزم ما قلت و ان زادت اهجرها بكلمة ثابته ( ان كنت تريدين معاملة الملكات فأنا ملك يعاملك بهذه الطريقه منذ ثلاث سنوات ) اما ان كان لا ينفع معك الا معاملة الخادمات فالنبدأ حتى تكونين ملكه تليق بى ) .. و بالتأكيد كل هذا تحت شعار ( اظهر له الملام فى عينى ..... و قلبى على الرضاى ينوى) كن جادا فى محاولاتك فإن أحسنت فاحتضنها الى نفسك و اسألها أرأيت ماذا جعلتنى افعل و انة قرة العين و لكن ليس هذا من اول مره ... و بما انك على كل حال صابر .... فأصبر و انت تحاول ... خيرا لك عند الله من ان تصبر و انت لا تفعل شيئا و السلام عليكم و رحة الله و بركاته |
اقصد اخى قل لها من 11 شهر و انا اعاملك كالملكات اسف جت بالخطأ كلمة 3 سنوات
|
السلام عليكم
الله يكون فعونك ياأخ ابــــــــو جـــــــــــــــــوري اول شي بما انك رومانسي لاتبخل عليها بالكلام الحلو، صدقني الحرمه ماتحس بأنوثتها الا بعد الزواج بسبب كلام وغزل زوجها لها وشوي شوي بتتعود يكفي وجود رجل بالبيت مالا داعي وجود اثنين:d وهي دامها عايشه ومتربيه بين اخوانها الذكور فشي طبيعي نكون تصرفاتها بهالطريقه ومرادها تتسنع بس انت حسسها بأنوثتها وخلها تلبس لك فستان وتحط ميك اب وتسريحه فمناسبه تخصكم وجلسها جنبك وكلمها بكلام حلو وغزل بتشوفها مستحيه وادخل فالموضوع وقولها الكلام الناعم والهدوء مع هالانثونه والجمال عذااااااااااااااب:23: ووزود من كلامك بما انك تعرف تتنمق فالكلام وعندك اسلوب حلو وحاول تقولها انها انثى والانثى تتصف بالهدوء والنعومه فكل شي ومرادها تتغير واصبر عليها والله ينور دربك ويسهل امرك |
اقتباس:
ويكفي انها تروح عند اهلها 3 . 4 مرات في الاسبوع انا مو زعلان على ذهبها .. انا زعلان من اسلوبها .. لاني كتبت تسوي الشي اللي امنعها منه وتحطني في الأمر الواقع شاكر مرورك |
اقتباس:
وين الغلط بكلامي ؟ انا قلت انه لايهش ولا ينش .. يعني حتى وان وصلته مشكله ماراح يتدخل ولا راح يسوي شي وانا ماحب اطلع مشاكلي برى البيت وبعدين انا كاتب فوق اني اقدر اهلها وحاطهم على راسي .. شكلك مافهمتي معنى كلامي شاكر مرورك |
اقتباس:
وعليكم السلام ورحمة الله وبركاته حياك الله اخوي السيكولوجى اشكر على اهتمامك بالموضوع وصدقني انا حازم معاها في اغلب الاحيان بس كنت اقول معليش حامل لاتضايقها .. لاتعصبها .. لاترفع ضغطها وهي نظامها لامبالاه بس ولدة الحين وانا ناوي اغير نظامي يعني الدلع راح يخف الروحات عند اهلها بشكل مستمر راح تخف يعني مره او مرتين في الاسبوع اذا كثرة والشي الثاني .. انا احب اسلوب النصحيه ماحب العدوانيه والصياح صح اني مره عصبي بس اتجنب احط عصبيتي عليها عشان ما ازعلها شاكر مرورك اخوي السيكولوجى .. |
اقتباس:
اللهم آمين يارب والله كلامك حكم ماشاء الله عليك يعطيك ربي العافيه شاكر مرورك |
اقتباس:
انت ما تحب تزعلها لكنها ما تراعي هذا الشئ و لا تقدره و هي اللي تزعلك و عادي عندها .. اذا تحمل يا اخي ما يجيك منها .. نصائح اخي السيكلوجي فيها علاج لزوجتك .. |
اقتباس:
والله انك صادقه بس انشاء الله حيتغير كل شي وهي الان عند اهلها وباقي لها كم يوم عشان ترجع بيتها شاكر مرورك |
أخوي أبو جوري..اسمح لي ان أبين لك نقاط سلبيه كانت السبب في ما يحدث لك..
1 / عدم دخولها للمطبخ إلا في الشهر مرة ومرتين وهنا ممكن تواجهك مشكلة بالمستقبل إن زوجتك تعودت على اكل المطاعم والراحة..وما تبغى تدخل المطبخ 2 / الدلع الزائد لزوجتك..ادري بتقول انا احبها..الله يسعدكم ويهنيكم ويبعد عنكم العين لكن مهما كان لا تجعل محبتك لها ..تجعلها تستغلك..وهذا سبب في رفع صوتها عليك وعنادها..لأنك أنت اصلا ما حرمتها من شيء..المفروض تتبع طريقه وتخليها تأخذ درس .. واما مسألة أن حركاتها تشبه لحركات الشباب وذلك لعدم وجود اخوات..فأنا أخالفك الرأي كثير من البنات نشات في بيت وكله اولاد ومع ذلك ما تغيرت ولا تأثرت وانت تقول انها تبي اللي يصير لازم يصير وأنت ما تحب تجاريها وتنكد عليها هذا أيضا سبب في تماديها عليك بإختصار : احرمها من الطلعات وحدد لكم يوم تطلعون فيه مع بعض لزّم عليها تدخل المطبخ وتطبخ وتتعود على الكرف...لازم تخلي أكبر همها يكون خدمتك وسعادتك ولا تكون انت خادمها وهي الاميرة عليك عوّدها على ان تستأذن منك في جميع امور حياتها..بمعنى لازم زوجتك تعرف ان عندها زوج ولابد من احترامه وتقديره في كل الامور زوجتك تسير على مبدأ..خالف تُعرف فلابد ان تكون حازم معها وإن كلامك يؤخذ بعين الاعتبار إن وجدت من زوجتك أي تصرف مخالف لك فعليك أن تتبع طريقة التجاهل لها وليس لتصرفاتها بمعنى أحرمها من وجودك معها..احرمها من السعادة..قلل من وجودك في البيت..اطلع من البيت بدون ما تقولها وين رايح..وإذا رجعت لاتعلمها وين رحت... خلها تفقدك وتدور عليك وتبحث عن سعادتك وراحتك تفاهم معها عن طريق رسائل الجوال..بمعنى بيّن لها الاخطاء التي تقع فيها وذلك من اجل ان تبتعد عنها .. واطلب منها ان ترد على رسائلك برسائل.. في النهاية الله يصلح احوالكم ويسعدكم دمتم بخير |
اقتباس:
اخوي أنا كذا شاكر مرورك وافكارك الله يقدم اللي فيه الخير يارب الله يديم الصحه والعافيه عليك يارب |
اقتباس:
|
اقتباس:
ماشاء الله عليكي حكيمه اشكر مرورك اختي الكريمه كلامي كان عادي .. يصلح كذا ويصلح كذا .. للذكر والأنثى :d العذر منك :d |
اقتباس:
وانا مؤيده كلام الاخ: لان اكثر شي يقهر المرأه هو التطنييييييييييييييييييييييييييييييييييييييييييييي ييييش |
.
. هههههههههه:d الصراحه ان زوجتك تضحك ، باين انها خفيفة ظل ومزوح ، بس أنا معاك في أن الأنوثه من أهم الصفات اللي يجب أن تتصف فيها أي زوجة .. ايش رأيك لو تقول لها عن قصص خرافيه وتنسبها لأحد اصدقائك أو معارفك وتركز فيها على الصفات اللي تزعجك فيها يعني مثلا : صديقي خالد زوجته خشنه حيل ودايم يشتكي لي يقول احس اني عايش مع واحد من الشباب ويقول كمان أن صوتها اعلى من صوتي ......... وهكذا ترا هذا الأسلوب ينفع والرسالة بتوصل علطول لعقل زوجتك واذا كانت تحبك بتتجنب التصرفات هذه على كل حال اخوي زوجتك مرحه جدا وهذه الصفه بحد ذاتها جيده ، لاتحاول تحطمها ثم تكون كئيبة ونكديه اسعدكما الباري |
زوجتك بنعمه مو حاسه فيها الا اذا فقدتها
خلها تفقدها شوي وراح تشوف الفرق |
والله وجبت راسها يابو جوري ..
:يسعد مساكم وصباحم كلياتكن :d طبعاً اغلبكم قري موضوعي اني تعبت من حرمتي واني واني .. :19: واكثر الاخوان علموني ايش نقاط الضعف على قولهم هذا رابط الموضوع القديم http://www.66n.com/forums/showthread.php?t=193540 عموماً طفشت وش اسوي وش اسوي ؟؟؟ :19: قعدت بس انتظر منها غلطه ويوم غلطة ولعت في ام الدنيا قلبت عاليها واطيها وهي اصلاً عند اهلها .. قعدت اسبوع ما اكلمها وتتصل .. تتصل .. ترسل مسجات بس مسجاتها كلها مو تعتذر :d تدور حرش معاي ولا رديت على مسج واحد فيهم اذا ارسلت تبي طلبات اروح اخذ لها كل شي بالماكسموم .. يعني مثلاً شامبو اطفال هي تبي الشامبو الصغير انا رحت اخذت اكبر شي .. لان بنظرتها انها تبي تخسرني وتقسم ظهري وانا الحمد لله وضعي طيب واتصل على واحد من اخوانها يجيني عند باب البيت ياخذها وامشي على طووول ما اخليها حتى تشوف سيارتي :d ورحت للوالده قلت يا امي انا ابغى اخطب اخت فلان معاي بالعمل ومايبون مهر ولا يبون شي يبون رجال يستر على بنتهم وهي تعرفهم انهم ناس طيبين والماده اخر همهم الوالده تجننت وبنتك ومدري ايش قلت بنتي ماراح تموت من الجوع وماراح يقصر عليها شي بنتي تآمر امر الكلام هذا كان بالظهر . وطلعت من عندها والوالده الله يحفظها اخذت نفسها العصريه وراحت عند حرمتي وقالت لها السالفه اني ابي اخطب وهذي شوي ويطلع لها قرن براسها :d واتصلت واتصلت .. واتصلت لين طفشت من كثر الاتصالات عاد رديت عليها على طول تقول سامحني وانا اسفه ومدري وشهو قلت انا اسامحك بشروط :d وجبت لها شروط تعجيزيه و وافقت على طوول قلت يصير خير وتعرفيني ما انسى قالت ومن جدك خطبت .. قلت اي اليوم كنت رايح اشوف البنت قعدت تبكي ههههههههههه كسرت خاطري وربي هههههههههههههه قلت لها بس شكلي بكنسل الموضوع وسويت بعدها ثقيل عليها كم يوم بعدها ارسلت مسج تبي فلوس رحت وديت لها فلوس ولا عبرتها بس سألتها كيفك وش اخبارك وهذي خلاص وصلت مرحله يرثى لها عاد اتصلت و وحشتني وتعال عندي مشتاقلتلك ورحلت لها وعادت المياه لمجاريها وحسيت بطعم الانتصار قسم بالله :d والحمد لله الحين مستانس .. مبسسسسسسسوط يارب لك الحمد |
مايجبها إلا رجالها
|
تم دمج المواضيع !!!!
مع ارسااال نسخة للمشاكل المحلولة بعد انتهاااء الردود |
ماشاء الله عليك
اول مره اقرأ انه فيه شخص سوى اشاعة الزواج ضبطتها صح .,,,خخخخخخخ بس زوجتك ماتستاهل .. يعني فيه حريم هنا يبي لهم كذا وزود بس رجالهم باردين مايتحركون ..حنا ننصح وهم يتفرجون |
اقتباس:
|
اقتباس:
خليها تحس شوي تسلمي ع المرور |
مدري ما عجبتني طريقة استفزازك لها و جرحك له بنقطة الخطبة
ستكون حاسة بنقص في ذاتها و لن تنسى ذلك و هي لن تشعر أنه ضربة لتأخذ عبرة ..و الله أعلم يعني أسلوب ما أحسه انساني و ملائم للزوجة عموما الحمد لله على رجوعها |
| الساعة الآن 03:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©