|
اقارن حياتي بكل وحده اقابلها
السلام عليكم ورحمة الله وبركاته
انا مشكلتي من نفسي وياريت القى عندكم الحل او على الاقل التخفيف منها اول شي انا متزوجه لي 3 سنين وفي بداية زواجي كأي فتاه حلمي اتزوج ويصير عندي بيت .... الخ سكنت مع اهل زوجي وماطلبت اي شي في الاثاث غير كذا المهر قلنا لهم اللي تجيبوه وماحددنا وكان في بالي ان هالشي رح يكبرني في عيونهم اكثر واكثر بس بعد الزواج صرت اغار من سلايفي كل وحده كان مهرها الشي الفلاني وبيت كل وحده مفروش من الى اللهم لاحسد وبعدين صرت احس ان اهل زوجي يفضلونهم علي .. واحس اني انا اللي ارخصت نفسي هل هالشي حقيقي ولا انا اللي اتخيل واتوهم خلاص تعبت وصرت اقارن حياتي بكل وحده اقابلها سواء زوجات اخوان زوجي او صديقاتي او قريباتي مع العلم اني معلمه واخرج اجيال من تحت يدي ولكني للاسف عديمة الثقه بنفسي تعبت واتمنى القى عندكم الحل اختكم ام حاتم وحنان |
لا حول ولا قوه الا بالله الله يكون بعونك حاسك فيك لانو البشر هالايام وخصوصا اهل الزوج ما بقدرو الي بحترمهم وبخفف عليهم وما بقعد يطلب كانو مش شايف شي بحياته ...وانت واهلك اعملتو باصلكم واكيييييد بكرا راح يندمو اما بالنسبه لمقارنتك حاولي اعملي شي لبيتك اقنعي زوجك جمعو واعملي مخطط بالشهر كذا راح يكون معي كذا راح اشتري هيك وهيك ماشاء الله عليك معلمه ومخرجه اجيال استعذي من الشيطان وشيلي عنك هالواساويس الي بس تخرب بيوت ...كان الله في عونك واسال الله ان يفرج همك ويزرقك من حيث لا تحسبي ... |
يا بنت الحلال معلش ما تزعلي بس كل واحد بعمل باصله يا حبيبتي انتي من بيت اصل عشان هيك ما طلبتي .. بس حاولي تضلي تلحي على زوجك ان يجمع مبلغ وتستأحرو بيت وتشترو عفش لو بالاقساط عشان ترتاحي نفسيا..
انا حاسة فيكي انا اتزوجت من 5 سنين ولم اشتري غرفة نوم متل اي عروسة ولا طقم صالون ولا اشي والله العظيم لانه وضعه كان سيء.. بس الان عم يتحسن ولكنه يتلمض لما اقوله نجيب غرفة نوم او صالون وللان على نفس العفش القديم اللي من عند اهله و فعلا زي ما قال المثل ( اللي ما بطلع مع العروس ما بلحقها) بس كل واحد بياخد نصيبه الله يفرج همك |
أختي الفاضلة من حقك طلب بيت لك مثل غيرك إذا كان زوجك قادر ، أو على الأقل تسكنوا بجوارهم ، و إن كان زوجك ما يستطيع فحاولي الصبر وقفي معه ، ولاتهتمي بنظرات أهله ، لأنهم ما تكلموا هالكلام ، إلا من غيرتهم منك ، لأني أتوقع كل واحد من رجالهم يشتكي من تكاليف زواجه ، بعكسك أنت ، ولذلك يريدوا إغاظتك بمثل هالكلام عموماً تفاهمي أنت وزوجك برفق ، وراح يساعدك ولن يرضى بأن توصف زوجته بأنها أقل من غيرها إصبري وتفاهمي وطولي بالك ، وبالهدوء والإبتسامة راح تحققي ما تطلبين |
فعلآ كلام الأخ عبدالعزيز صحيح وانتي كنتي على نيتك وكل شخص يرزقه ربي على قد نيته واجرك ماراح يضيع لاتخافي
وطنشي اي كلام ينقال قدامك من راقب الناس مات همآ فرج الله همك |
اختي الغالية فرحة لقانا
اتوقع الشعور اللي تحسين فيه غير مبني على الواقع شوفي حبيبة قلبي انتي ساكنه مع اهل زوجك وبينهم ، والباقين برا البيت وما يشوفونهم إلا بين كل فترة وفترة يعني التعامل معهم مثل التعامل مع الضيف لازم شوية مجاملات وفخفخة والذي منه اما انت .. فمثل بنتهم وما اظن في اغلى منك بقلوبهم لأنك في عيونهم "الأصيله وبنت الاجواد" لا تقارني نفسك بغيرك ، والتضحية التي قدمتيها لازم تكوني مقتنعة فيها في قلبك وإلا ما كان سويتيها وعلى هالاساس خلي تعاملك مع زوجك واهله لا تخسريهم لمجرد مشاعر غيره ومقارنات مادية الله يحفظ لك زوجك ويرزقك الخير باذن الله |
بقولك شي .... موكل الناس يستاهلون ترخصين نفسك عشانهم... اعرف ناس اشتروا رجال وارخصوا كل شي عشان سعاددة بنتهم وفي النهاية ام زوجها تمشي وتقول يبون يفتكون من بنتهم ورموها علينا ....
وفي ناس بالعكس يقدرون هالشي ويحطون مرت ولدهم فوق راسهم .... المهم انتي اهم شي عندك زوجك واللي راح ماينبكي عليه .... يعني ماتقدرين تخلينه يدفع لك مهر جديد فلاتتحسفين على المهر ....لكن بيدك تطلبين بيت وهذا ابسط حقوقك ولاتتنازلي عنها اذا انتي مومرتاحه .... |
الاخت الفاضله بارك الله فيك ..
لي ثلاث نصائح لك .. 1- تعوذي من الشيطان الرجيم ولا تسمح له بأن يبدأ خطواته لتتفاقم المشاكل بينك وبين زوجك وتهدم بيتك .. 2 - لا تقارني بين نفسك و أحد والقناعه نعمه ان رضيتي بها ارتاحت نفسك وهدء روعك ... 3- اسألي نفسك سؤال واحد فقط .. ماهو قدرك عند أبا حاتم - زوجك - فإن كان كبيراً وهو ما اضنه بإذن الله عز وجل ...ولا نزكي على الله احد .. فماذا تريدين !! لأن المهم قدرك عند زوجك ... واحسني الظن بأهل زوجك و بصراحه اشيد برأي الاخت بكر الشايب .. عندما قالت .. يعني التعامل معهم مثل التعامل مع الضيف لازم شوية مجاملات وفخفخة والذي منه اما انت .. فمثل بنتهم وما اظن في اغلى منك بقلوبهم لأنك في عيونهم "الأصيله وبنت الاجواد" يعني انت ساكنه معهم أما اولئك ضيوف والضيف حتى انت تكرمينه وتعاملينه باحسان فمبالك بأهل زوجك .. وبصراحه لا توجد مشكله سواء اذا اصغيتي اذنك للقيل و القال .. فالاحسن ان لا تسمعي مقارنات وان حدث فلتعلمي أنه المهم نظر زوجك عنك .. و الله الموفق |
اسمعي يالغلا
ترى مو كل شي بالدنياء المال ولا المهر يرفع من قدرك او يقلل اهم شي انك مستانسه مع زوجك لاتخلين الشكوك والاوهام تهدم لك بيتك طنشي وانسي سالفة يفضلونهم عليك والا يفضلونك بالطقاق اللي يطقهم اهم شي زوجك اهتمي فيه ولاتفكرين بشي مايسوى والبيت والاثاث مع الوقت بيجي واللي مايجي اليوم يجي بكره الله يسعدك ويهنيك ويبعد عنك الوساوس |
لا ياحبيبتي لاتنقهري ولاتطالعي لانهم احسن منك ترى الغيره تسوي بلاوي هم مقهورين لانك معلمه اذا انهم قاعدين في البيوت وهذي نقطه مهمه جدا جدا
ثانيا بما انك عايشه مع اهل زوجك فاانت كاابنتهم تمام ولن يكون لكي الحفاوة التي لهم لانهم يأتون ضيوف صدقيني انها اوهام ولكن اكيد لك معزه في قلوبهم ووحشه اذا خرجتي حتى لو زيارة عند اهلك هذا طبعا اذا مابينكم مشاكل واسلوبك حلو معاهم حتى بعد الزواج لكن في نفس الوقت لاتقصري على نفسك في اللبس والاهتمام بذاتك وبالاهتمام بقسمك الي تسكنين فيه اوغرفتك اجعلها جنه خلي لك شئ مميز اذا هم متفاهمين ومتقبلين غيري او ضعي تخف ورتبي البيت بشكل مميز يلفت انتباة الحاضرين بحيث لما يجوا سلايفك ويقولوا ماشاء الله حلو او فخم او اش التغيير هذا يقولوا فلانه سوتها اوحتى زوجك يقولها عند اخوانه انا متأكده ان المسأله غيرة اذا كنت لاتستطيعين التحمل والموضوع زاد عن حده تكلمي مع زوجك في الموضوع بلطف وحنان وحاولي تحنني قلبه بدون مشاكل وبدون تنفيير اذا المشكله مؤثرة عليك كلمي زوجك في موضوع الطلعه من البيت واستأجروا وعيشي حياتك لكي لاتتطور المسأله وتزيد المشاكل ونفسيتك تتضايق اكثر ويصعب حل المشكله |
مااقول الا الله ينصرك ويحقق لك اللي يسعدك ويريحك
|
طيب لماذا لم تسكني في بيت لوحدك من الاساس ..
ومارأيك زوجك في السكن لوحدكما ..!! |
اقتباس:
شوفي علاقتك مع زوجك كيف وعلاقتك مع اهل زوجك بدون وجود سلايفك وشويا شويا ان شاءالله يصير لك بيت لحالك وتاخدي حريتك اكتر |
سبحان الله قصتك نفس قصة زوجة أخوي
مهرها كان أقل عن باقي زوجات أخوي وهي الوحيده اللي للحين عايشة معنا في غرفة وباقي زوجات أخواني ما شاء الله كل واحد في فيلا خاصة بيها مع شغالة خالصة بها، وجاتها فترة تحس نفسها أنها أقل عنهن. والأكيد يا أختي أنها الأقرب لنا فهي المشاورة في كل أمر يخص العائلة، وأولادها أكثر دلع لانهم عايشين معنا وترتبط بهم علاقة أكثر كونهم يشاركوننا في غرف النوم، أنا مثلا إذا أردت أن أشري شيء أفكر بها وأشري لها معي كونها تشاركنا في البيت وأكيد راح تشوف اللي أشريه. المهم أنها أقتنعت بأنه ليس هناك فرق بينها وبين الأخريات ولكن ظروف زوجها تختلف عن ظروف باقي أخوانه وأن شاء الله القريب العاجل يبنون لهم منزل خاص بهم. المهم يا أختي القناعة والثقة بالنفس ، وأبتعدي كل البعد عن المقارنه فهي تضيق النفس. راحتك مع زوجك ورضاه عليك أهم من الاثاث ومغريات الدنيا. الله يسعدك ويعطيك ما تتمني. |
يارب يسعدكم ويوفقكم
كلامكم ريحني جدا جدا وبالنسبه للي سالتني ليش ماسكنت من البدايه في بيت مستقل انا اقولك ليش لان زوجي كان احتمال شغله ينتقل لمدينه اخرى وكان عمله غير مستقر دورات وانتدابات وقال لي ايش رايك نسكن مع اهلي الين وضعي يستقر وانا من حبي فيه وافقت ورضيت ولكن بعدين لمن استقرينا هنا حسيت اني اقل من غيري وقلت من الاساس كان طلبت حالي حال غيري ومن هذا الكلام اه ياربي تساعدني وجميع المسلمين الف شكر لكم على المساعده بارك الله فيكم |
حبيبتي والله الي اقراه كانك كاتبتيه عني ...
بس الحمد لله اهم شي نفسي وزوجي وعيالي والباقي ما هموني ... حبيبتي عيشي حياتك ولا تهتمي لااحد والله يسعدك يا رب |
أختي نصيحة ما ترسخي في مخك إنك أقل منهن ... ستخسري نفسك .. وراحة بالك ..
أنا أهل زوجي استرخصوا كل شئ فيني والله ما يجيبوا إلا الرخيص في بيتي ، حتى فستان العرس لم أختاره اختاروا الرخيص والذي اخترته أشترته أخته التي تزوجت بعدي بأشهر قليلة ، وكنت أعتقد أنها ستتزوج بفستاني كما قالوا وكرروا ، وعندما أحضرته لهم ، تصدقوا به !! وشعرت بالإهانة جتى هداياهم من بعد إستخدامهم له ، أو إحضار أسؤا ما في السوق ، تعبت من اسلوبهم وسوء معاملتهم لي ، .. أه يا أختي ... مللت من ذكرياتهم وكل ما يتعلق بهم .. تأثرت بشده من اسلوبهم كنت صغيرة جدا دوبني مخلصة ثانوية وتزوجت ، ما كنت أفهم شئ ... حسبي الله ونعم الوكيل ... ادعو لي براحة البال ، والتركيز في حياتي .. والحمد لله رب العالمين .. |
| الساعة الآن 08:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©