|
زوجه اخو زوجي ....!! (حٌلت ولله الحمد )
بدخل في الموضوع على طول
اخوه يشتغل في منطقه ثانيه تبعد عنا 200 كيلو ومره من المرات وفي رمضان طلب منه اخوه يوصل زوجته بيت جدتها وصلها وبعدين جاني يقولي اليوم وصلت فلانه بيت جدتها وانا جن جنوني شلون وليه مامريتني قبل لتروح وكيف عندكم حلال واحنا مستحيل يخلو مراه برجل ابدا وهذا ماتعلمنا عليه هل معي حق والا لا ....؟؟ قال زوجه اخوي كأنها اختي ومن هالكلام واليوم يقول اخوه له والله زوجتي دخلوها المستشفى ليه لان وحده شافتها وقالت لها انتي حامل وبالثامن وما اسمريتي ولا كأنك حامل ... يعني هذا كلام تقوله لأخوك عن زوجتك يعني صابتها عين هذا الموضوع ذكرني يوم يوصلها لا شعوريا رغم ان يوم يوصلها كان في رمضان ... |
الله يهدي زوجك لايجوز انه يخلو بزوجة اخوه(الحمو الموت) المفروض كان مر عليك واخذك عشان ما يختلي فيها..ولايجوز لاخيه ان يحكي هيك حكي عن زوجته..لاحول ولاقوة الابالله.
|
حبيبتى لا تكبرى السالفه هو وضع فى موقف مفاجئ وطلب اخوه يوصل زوجته مكان خلاص صار اللى صار وصلها ورجع حكى لك كل شئ صحيح الخلوة لاتجوز وهذا خطأ لكن اللى صار صار لاتكبرى الموضوع وحاولى تفهميه انك تخافى عليه من العذاب لانه حرام واذا صار شئ مثل دا مره ثانيه خلنى اذهب معك لانه مايجوز
وبالنسبه للى اخوه قاله ماادرى انا شايفه مافيها شئ اخوه يسأله ايش صار قاله بالفرض يعنى زوجتى صابتها عين لان حرمة قالت لها انتى حامل بالثامن ومااسمريتى ايش فيها ماوصف شئ بها ولا قال شئ خارج والاكثر انه قال لك الموضوع كله ماادرى هاد رايى يمكن فيه احد مايوافقنى عليه بغض النظرانى مقتنعه بسبب المرض اولا هونى على نفسك يااختى واذا واثقة فى زوجك لاتخلى الشيطان يلعب بعقلك |
يؤ ..
اول شي زوج اخوك ما فيه غيره يغار على زوجته .. عيييييييييييييب .. وين حنا عايشين فيه .. شكله العايله عادي عندها كذا .. الله يصلحهم ويهديهم .. |
يمكن كان مضطر والمشوار داخل المدينه وفي نفس الوقت يمكن كان معهم طفل اوشي ....حطيلهم الاعذار ولاتكبري الموضوع ...
لكن بالنسبه لسالفة العين احس انها سوالف حريم .... عيب رجال يسولفون بهالمنطق ... وكمانن فشله يوصف زوجته .... عيب والله .... لكن مافكرتي ليه زوجك قالك هالموضوع ؟؟؟؟ ليه ينقلك هالكلام عن لسان اخوه احس بعد ماله داعي ؟؟؟؟ |
يااااااربي من غيرتك اللي بتدمرك ياأم مجد
طيب زوجة أخوه كانت لوحدها ولا معاها أطفالها؟إذا معاها طفل فمالك حق تتضايقي أبداااا وإذا مامعاها طفل كمان مو من حقك تتضايقي بالذات إذا تعرفين أنها إمرأة محترمة ولكن يحق لك تزعلي من باب الغيرة على حدود الله فقط واكتفي بالنصيحة فقط كنهي عن المنكر دون أن يكون سبب زعلك لنفسك بصراحة عن نفسي وبعيد من المثاليات أشوف كلام أخوه عادي ماوصف زوجته ولا قال انها حتى وهي حامل حلوة او جسمها حلو أو شيء من هذا القبيل هو كان يبغى يقول لأخوه اش صار لزوجته من عين وقال السبب وأنا أشوفه عادي أنتِ غيارة زيادة عن اللزوم. بالعكس أنتِ بتدقيقك تفتحي عيون زوجك على اشياء هو يشوفها عادية. هند أقول أحملي أحسن مرة ثانية وانشغلي:22: |
عديها يا هند عديها ولاتدققين وايد
ابل قرين غيري اللون تكفين طلبتج |
حبيبتي هند ....اللي تسوينه غلط .....
احنا نعرف غيرة الحموات .... (زوجات الاخوان )......طبيعي ..... انت اتفتحي عين زوجك عليها .... وهو مسكين يعاملها على اساس اختة.... ادخلي علية من باب الدين ....فقط ...لا تشعرينه باللي ببالك .... قوليلة : حبيبي لا تضيع أجرك ... أو حياتي لا تأخذ اثم وانت قصدك الأجر ....... خلي الأمر عادي وانها مثل اخته ... حتى انت عامليها مثل اختك ... وصادقيها حتى لو هي تغار منك .....اكسبيها حتى تتقي شرها ... اذا كان فيها شر ... ما نبي نظلمها ....... حبيبتى يا تفاحة الخضرة .....غير اللون ..... :17::17::17: |
حبيبتي احنا عدنا في العايلة زوج الاخو كانة اخوي نتعامل معة بهالاساس
طبعا بس بحدود الي حرمها الشرع بس يعني ما نغطي عن بعض وعادي واحد يوصل مرت الثاني حتي لو ما كان في محرم لان نعتبرهم اخوانا لا تكبرين السالفة |
طبعا هو اخطأ شرعا و عرفا
لكن لاتعاتبيه من منبع الغيرة أو بطريقة أنه لماذا حلال عليك حرام علي بل عاتبيه بطريقة أفا ..ماتوقعتها من شخص بالتزامك وخوفك من الله وهكذا وهذا افضل |
[quote=(أم جمانة);2249249]يااااااربي من غيرتك اللي بتدمرك ياأم مجد
طيب زوجة أخوه كانت لوحدها ولا معاها أطفالها؟إذا معاها طفل فمالك حق تتضايقي أبداااا وإذا مامعاها طفل كمان مو من حقك تتضايقي بالذات إذا تعرفين أنها إمرأة محترمة ولكن يحق لك تزعلي من باب الغيرة على حدود الله فقط واكتفي بالنصيحة فقط كنهي عن المنكر دون أن يكون سبب زعلك لنفسك بصراحة عن نفسي وبعيد من المثاليات أشوف كلام أخوه عادي ماوصف زوجته ولا قال انها حتى وهي حامل حلوة او جسمها حلو أو شيء من هذا القبيل هو كان يبغى يقول لأخوه اش صار لزوجته من عين وقال السبب وأنا أشوفه عادي أنتِ غيارة زيادة عن اللزوم. بالعكس أنتِ بتدقيقك تفتحي عيون زوجك على اشياء هو يشوفها عادية. هند أقول أحملي أحسن مرة ثانية وانشغلي:22: جزاكى الله خير |
هلا والله ام مجد كيفك وش اخبارك مشتتتتتتتتاقة لك
وش اخبار مجودة ان شاء الله مشت والامثل بنتي نجي لموضوعك والله انا راي من راي ام جمانة احسني الظن بزوجك وبحماتك خصوصا ان برمضان وحامل لاتفتحين عيونة وانصحية لله وقولي المرة الثانية خذني او وحده من خواتك الله يوفقك ويسخرلك ويرزقك الذرية الصالحة تحياتي لك وبوسي لي مجوده |
اللي سواه زوجك حرام اذا كان لوحدها لانها خلوه والحمو الموت
بس نصحيه ولاتدققين كثثثثير لان الرجال يعاندون وكل ممنوع مرغوب اما وصف حماك لزوجته ما يعتبر وصف خارج عن حده يعني فوتي حتى لاتكبر براسه |
لعيونكم بغير لوني ماطلبتو شي:d:d:d:d
ووينك ام مجد وش اخبارك وانا ارجع واعيد كلام الخوات الموضوع بسيط جدا |
ايه الموضوع بسيط جدا
بس شكلك غيرتك زايدة خلي زوجك دايم يحس ان عقلك كبير وانك ما توقفين عند هذي الامور ترى بكرة لا صار موضوع يستحق تتكلمين فيه بياخذه بلا مبالاة ويقول هي دايم كذا فيه شي والا لا فكري في كلامي وكلام الاخوات وبتلاقينه صح والله يهدينا جميع |
اقتباس:
عجبني هالرد واتوقع يتقبل مني بهالطريقه افضل مشكور .... |
والله والله والله إني فرحت بشكل ما تتصورينه لما شفت أم جمانة تقول لك يا أم مجد >>>هم وين وهي وين
لأني زمان عن أخبارك وكنت أدعي لك دايما بالذرية الصالحة حتى لما أعتمرت تذكرتك ودعيت لك والحمد لله الذي بنعمه تتم الصالحات وبالنسبة لموضوعك :حبيبتي كلمي زوجك من باب الدين فقط لأنك لو تكلمتي من باب الغيرة راح يزيد عشان يحس بحبك له وغيرتك عليه أو يخفي عنك مثل هاذي الأخبار عشان ما يزعلك وترى الموضوع بسيط كلنا نتعرض لهذا الموقف نحتاج أخوان أزواجنا وبالعكس زوجاتهم يحتاجون لأزواجنا بالنسبة لأخو زوجك وكلامه عن زوجته ترى أغلب الرجال عفويين في هاذي الناحية ..............................والله يسعدك ويرزقك أخوان وأخوات لـ مجد وعلى قولة |
هالا
معي في المبدا ومشكوره ياعمري ... تيررا اللي قلتيه هو اللي دار وقتها بالضبط المره الثانيه يمرني قبل وبعدين يوديها معي بس ياخوفي مايقولي ... والامر الثاني ماتغيرت وهي حامل عديتها رغم ان الغيره لعبت دورها شوي لان بصراحه انا سمرت وانا حامل ..ههههههه زهرة الافندر لالالا هم ما عندهم هالسوالف مايتكلمون عن حريمهم شيئ لجل كذا انا استغربت اصلا اخو زوجي هذا بالذات معطي زوجته اشكل في كل شيء ولا يعتبرها الا زوجه مكتوبه في بطاقه العائله الله يهديه .... احيانا زوجته تكسر خاطري ... ابل قرين موجوده ياعمري وماكان معهم طفل هذا اول حمل لها وزوجي يوم يقولي السالفه من باب انه يقولي عن زوجه اخوه في العنايه المركزه يعني للعلم بالشيئ فقط وبعد كذا انا سالته ليه بالعنايه ذكر بعدها سالفه العين والا انا داريه مو قصده شيئ اعجبني مرورك بهالون تغييييير ... اقهرهم جينا لام جمانه غلا بك ياعمري وش فيك طبيتي فيني يعني ما اغير والله تعقدنا تدرين والله وما احلف كذب انا واثقه من زوجي ولله الحمد وبعد واثقه في زوجه اخوه بس الحرام حرام هذا مبدأ العيله عندنا والحمد لله ان تربينا على هالشيئ عموما يمكن تعقدنا ووالله صارت السالفه واعرف شخصريتها وعلى ارض الواقع واحد متعرف على زوجه اخوه ويمكن انا مره نزلته في المنتدى موضوع لهذه القصه الغريبه في زمنا ما في شيئ ممنوع فلازم نخاف ... واذا على الحمل ادعيلي ياعمري على الاقل انشغل في الثاني شكلي بخليكم تحاتون حملي مره ثانيه الدعوه مطوله ماصار حمل بس انا مشغوله هالحين فعلا عندنا ثلاث زواجات وتوني قاصه شعري وطالعه قمر ((( من مدح نفسه ))) ومشغوله فالفساتين والمشاغل ومشكوره ياعمري . |
ان شاء الله الموضوع انتهى على خير
|
والله انا شايفه الموضوع عادى لانه جيه فجاه اخوه قاله وصل زوجتى....يعنى زوجك ماكان عارف انه هيوصلها ....فى المفاجأه الواحد بيكون مش عارف يتصرف ومش بيفكر صح
متكبريش الموضوع وعديها والله شايفه انه عادى خالص ....انا واختى متزوجين من اتنين اخوات واخو زوجى مسافر وساعات زوجى بيوصل أختى لأماكن أطباء عشان الاطفال وبيكون مضطر يعنى هوه اخو زوجها وفى نفس الوقت جوز أختها ( شئ يلخبط) يعنى راه عااااااادى كبرى دماغك ولا تصغريها على هذه الاشياء |
سافر معي مشكوره ياعمري
مرورك اسعدني مروه والله احسها صعبه لان حرام اصلا يعني لو معها اطفال كان مانطقت بكلمه ... تيررا مشكوره ياعمري لمو وبس هلا وغلا والله ماصدقت عيوني يوم شفت الاسم وينك وين ايامك زين كتبنا الموضوع لجل نشوفك بنتي عمرها الحقيقي كمل سنه وعجوز ما بعد تمشي وكأنها ناويه تسنن وش اخبار صغيرونتك يعني كبر بنتي والا ...؟؟ اسيره ذكرياتي الله يجزاك خير كلامك عين العقل عذبه الروح فعلا كلامك صحيح ماصرنا نفرق بين المهم وبين الامر العادي بس بعد الغيره احيانا ما نتحكم فيها عالعموم لو مثلا زوجها مرني انا ابدا ماراح اركب لحالي ام عبدالله هلا وغلا ومشكوره من قلبي ياعمري احس اني كسرت خاطر ناس كثير قبل حملي واشغلتهم والله يجزاك وجزاهم خير وصرت ام يام عبدالله الله يرزق كل محروم من هالنعمه مشكوره ياقلبي اسعدتني الطله ... دلوعه السعوديه انتهى كل شيئ على خير والحمد لله فلونا مشكوره والله يجزاك خير ... |
اقتباس:
^^^^^^^^^^^^^^^^ الحمدالله ربي يخليكم لبعض !!! ارسال نسخة للمشاكل المحلوولة بعد انتهااء الردود !!!! |
اختي طمنينا كيف انحلت
|
[
لمو وبس هلا وغلا والله ماصدقت عيوني يوم شفت الاسم وينك وين ايامك زين كتبنا الموضوع لجل نشوفك بنتي عمرها الحقيقي كمل سنه وعجوز ما بعد تمشي وكأنها ناويه تسنن وش اخبار صغيرونتك يعني كبر بنتي والا ...؟؟ الله يحيك ويسلمك وها انا عدت والعود احمد باذن الله:17: عجوزى مثل عجوزك ماتمشى:22: باقي لها خمسة وعشرين يوم وتكمل سنة الله يصلحهن ويحفظهن والحمدلله اللي انحلت مشكلتك والله يوفقك ويسخر لك |
| الساعة الآن 01:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©